20 лістапада 1948 нарадзілася адна з самых таленавітых і неадназначных беларускіх паэтак 20 ст. - Яўгенія Янішчыц.
Прапануем вам паслухаць яе верш у выкананьні Марыі - сяброўкі борда АБА з Сан Дыега.

Ад імя Асацыяцыі беларусаў у Амэрыцы сардэчна віншуем вас з Днём падзякі!

Як прадстаўнікі беларускай дыяспары ў ЗША, мы ўдзячныя за беларускую культуру, спадчыну і традыцыі, якія мы нясем з сабой.
Нягледзячы на тое, што мы фізічна знаходзімся далёка ад Беларусі, нас яднае любоў да нашай Радзімы.

Няхай гэты Дзень падзякі будзе напоўнены цяплом і шчасьцем, і блізкія людзі будуць побач.

З Днём падзякі!

Асацыяцыя беларусаў у Амэрыцы

Сябры АБА ізноў у гасьцях Euroradio.

Амаль месяц правёў рэдактар Эўрарадыё Зміцер Лукашук, вандруючы па гарадах ЗША і Канады. У выніку гэтага сумеснага праекта Belarusian Canadian Alliance / Згуртаваньне Беларусаў Канады і Association of Belarusians in America пад агульнай назвай «Беларуская нацыянальная ідэя паміж двума акіянамі» такія дыскусіі-абмеркаваньні адбыліся ў 13 гарадах гэтых дзьвюх краін Паўночнай Амэрыкі.
Спасылка на эфір 👉 https://www.youtube.com/live/S_QY1TAUZzQ?si=gDVIVZrOd-CSilOo

‼️З 43 хвіліны спадар Зьміцер Лукашук распавядае пра параненага добраахвотніка, з якім ён сустрэўся ў Філядэльфіі. Далей больш падрабязна пра збор на мэдычнае лячэньне расказвае экс-прэзідэнтка АБА і лідарка беларускай суполкі ў Сан-Францыска Nadzeya Norton

Падтрымаць збор на лячэньне добраахвотніка Зьміцера можна тут https://www.paypal.com/donate/?campaign_id=B2TZK9LQSXHE2

Загадзя дзякуем за вашу падтрымку і вашу цікаўнасьць.

26 лістапада 1930 г. Нарадзіўся адзін з самых выбітных клясыкаў беларускай літаратуры - Уладзімер Караткевіч.
Мы прапануем вам падборку цікавых фактаў пра яго жыцьцё і творчасьць.

1) У дзень сьмерці Сталіна Караткевіч наладзіў дэманстратыўнае застольле.

2) У шэсьць гадоў быў захоплены казкамі і напісаў ліст Карнею Чукоўскаму.

3) Свае першыя паэтычныя вопыты даслаў Кандрату Крапіве, аднак акадэмік адказаў, што з такім талентам аўтару не паэзіяй займацца, а толькі каменьне на бруку біць.

4) Калі Караткевіч і Барадулін адпачывалі ў доме творчасьці, тут жа стала жыў сабака Дазор. Неўзабаве прыехаў кінаапэратар Забалоцкі. Раніцай Барадулін выходзіць на двор і бачыць, як Дазор разграбае сьнег. Ен угледзеўся, а там рукапіс і знаёмы почырк. Высьветлілася, што Караткевіч аддаў рукапіс рамана “ Хрыстос прызямліўся ў Гародні” Забалоцкаму, каб той завёз на перадрукоўку твор, але Забалоцкі так «нагрузіўся», што згубіў рукапіс. І каб не сабака Дазор, то, мабыць, у бібліяграфіі Караткевіча не было б такога рамана.

5) Караткевіч ніколі не кранаў у рэстаранах накрухмаленыя сурвэткі, тлумачыў:
- Не начальства ж іх мые, а бабулі за капейкі. Абыдземся.

6) Напісаўшы «Ладзьдзю Pоспачы», яе рукапіс Караткевіч падараваў Барадуліну, якому і прысьвяціў аповесьць. Калі зьявілася магчымасьць яе надрукаваць, высьветлілася, што рукапіс згубіўся. Барадулін, добра пашукаўшы і знайшоўшы рукапіс, прыехаў у Менск. З радасьці адзначылі тую падзею з аўтарам. Назаўтра схапіліся: а дзе ж рукапіс?! Зноў доўга шукалі, пакуль не знайшлі на кухні… за газавай плітой - так “надзейна” схавалі ўначы, каб не згубіць другім разам.

7) Калі 15- гадовы Ўладзімер Караткевіч напісаў трагедыю пра крыжацкія часы, яму трэба было даць імя аднаму з герояў. І раптам па радыё пачуў імя, якое падалося яму прыдатным - Янка Брыль. Караткевіч пасьля кляўся, што не прачытаў у той час першай кнігі Івана Антонавіча. Тым больш што ягоны герой быў зусім не падобны да сапраўднага Брыля.

8) У рамане Уладзімера Някляева “Аўтамат з газіроўкай з сіропам ці без” ёсьць вобраз, які носіць не толькі прозьвішча Ўладзімера Сямёнавіча - ён нават сьпісаны быў з Караткевіча.

Факты ўзяты з кнігі Сяргея Шапрана “Беларускі гістарычны анекдот”.

"Яны пайшлі паміраць, каб жыла Бацькаўшчына"

27 лістапада адзначаецца гадавіна пачатку Слуцкага збройнага чыну - спробы абароны незалежнасьці БНР і ўзброенага выступленьня супраць савецкай улады.

Да гадавіны гэтай падзеі мы прапануем вам паглядзець мастацкі фільм, які трапіў пад негалосную забарону Лукашэнкам, "На Чорных лядах" (1995) па матывах аднаіменнай аповесьці Васіля Быкава, прысьвечанай падзеям Слуцкага паўстаньня.

https://youtu.be/nQacni-quxc?si=QVyHf1P4HV1khdxh

Шаноўныя сябры, прапануем вам паглядзець запіс онлайн сустрэчы беларусаў Амэрыкі з выбітным беларускім пісьменьнікам, паэтам і грамадзкім дзеячом Уладзімерам Някляевым, якая адбылася ў рамках праекта АБА "Літаратура і кАВА".

Спасылка на відэа 👉 https://youtu.be/_MpWrAC_BNY?si=mUbX1UQneW6GRK4y

3-га сьнежня - Дзень Памяці Вітаўта Кіпеля - выбітнага дзеяча беларускай дыяспары ў ЗША, гісторыка, беларусіста, сапраўднага волата беларушчыны.
Сябрам АБА пашчасціла ўзяць у спадара Вітаўта інтэрв’ю і распытаць пра яго жыцьцё і грамадзкую справу. Мала хто ведае, што дзякуючы спадару Вітаўту і яго паплечнікам, сёньня мы маем магчымасьць у сваіх амэрыканскіх пашпартах пазначыць, што наша нацыянальнасць “беларусы”, што дзякуючы яму прэзыдэнт Рычард Ніксан прыязджаў у Беларусь, ды шмат чаго іншага. Калі ласка, глядзіце відэа, і дзяліцеся ім з іншымі.
Спасылка https://youtu.be/TcYdXroUQx4?si=aXHIS1v4UHlcGesN

5 сьнежня Алесю Разанаву споўнілася б 76 гадоў

КЛАДКI

Мы iдзём па дрыгве.
Абапал тояцца прорвы,
буяе жоўтая лотаць,
тоўпяцца на куп’i пукi сiтнягу.

— Нашто шукаць сваёй згубы? —
нам кажуць старыя людзi.—
Прыйдзе час,
i яна сама, каго трэба, знойдзе.

Ня згубы, аднак, мы шукаем, а выйсьця —
з жыцьця, што, не маючы мэты,
тулiцца ўскрай дрыгвянога бязьмежжа,
i хiба мы прычынай таму, што выйсьце
ў iм гэтак шчыльна зьяднанае са згубай,
а тое, што ёсьць, з тым, чаго няма?

Некалi па дрыгве былi пакладзеныя кладкi,
i людзi тады разумелi, к у д ы жывуць,
але даўно ўжо кладкi ўбiлiся ўглыб,
засмакталiся прагнай дрыгвою,
i трэба цяпер iсьцi наўздагад.

Мы гразьнем, мы сумняваемся, мы вывяраем крокi,
i калi раптам правальваемся ў згубную глыбiню,
знаходзiм, гэтак жа раптам, апiрышча —
страчанае, старое, аднятае,
але ўсё роўна заўсёды прысутнае патаемна
ў нашых адчайных памкненьнях, — кладкі.

Вiншуем з Днём Валантэра!
Дзякуй усім, хто самаадана працуе на ніве беларушчыны па ўсяму сьвету.
Сяброўка АБА, Надзея Нортан распавяла Радыё Свабода пра валанцёрскую дзейнасць беларусаў  ЗША.

Стоадсоткавае валянтэрства. Чаго каштуе займацца беларускімі справамі ў ЗША

Беларуска Надзея Нортан расказала Свабодзе, як беларусы ЗША захоўваюць беларускасьць за мяжой, дапамагаюць беларусам, у тым ліку палітвязьням і каліноўцам, чаго гэта каштуе. І не заўсёды ідзецца пра грошы:

https://smarturl.click/pV0G