❤️ Справаздача за «Дзіцячы збор» і падзяка ад дзяцей палітвязняў

Сябры, каманда службы «Хуткай гуманітарнай дапамогі» падводзіць канчатковыя вынікі дабрачыннага летняга збору для дзяцей палітвязняў.

Традыцыйная дзіцячая акцыя была арганізаваная сёлета праектам служба «Хуткай гуманітарнай дапамогі». У яго ўваходзяць Фонды BYSOL і «Краіна для Жыцця», грамадская кампанія ByHelp, ініцыятыва Dissidentby. Да акцыі таксама прыядналіся «Асацыяцыя беларускага бізнесу за мяжой» і «Асацыяцыя Беларусаў у Амэрыцы»

Дзякуючы неабыякавым беларусам удалося сабраць амаль 32 тысячы еўра! На платформе BYSOL мы зафіксавалі ахвяраванні ад 246 чалавек. Дзякуй вам вялікі – ад службы «Хуткай гуманітарнай дапамогі» і ад імя дзяцей палітвязняў!

Мы таксама ўдзячны за значны ўдзел музыке Папе Бо, які на сваім канцэрце ў Варшаве сабраў на карысць дзяцей амаль 1700 еўра, а таксама Асацыяцыі беларусаў у Даніі «Талака». Іх унёсак склаў больш за тысячу еўра!

Усяго дапамогу атрымалі 250 дзяцей палітвязняў.

Сабраныя для іх грошы пайшлі на:
• экскурсіі, паездкі, падарожжы, летнія дзіцячыя лагеры;
• адукацыйныя гурткі па шахматах, маляванні і інш.;
• спартовыя секцыі: басейн, тэніс, футбол;
• экіпіроўку для гульняў: мячы, красоўкі, самакаты, веласіпеды, ролікі, пэндзлі, ватманы.

Усё, каб зрабіць лета для дзяцей незабыўным.

Пасля збору і пералічэння сродкаў дзецям палітвязняў (кожнае з 250 дзяцей атрымала па 100 еўра), у распараджэнні службы «Хуткай гуманітарнай дапамогі» засталося 6842 еўра. Гэтыя грошы пойдуць на наступны «Дзіцячы збор», з дапамогай якога мы дапаможам сабраць у школу дзяцей палітвязняў.

Запрашаем далучыцца да гэтай акцыі, ужо хутка служба «Хуткай гуманітарнай дапамогі» апублікуе падрабязнасці яе правядзення.

📢 Запрашаем на Купальле ў Беларускі сямейны летнік ❗️
🗓4 ліпеня
Дзе: Charltan, MA

Калі вы не трапілі ў гэтым годзе на Купальле – у вас ёсьць яшчэ адна магчымасьць – Купальле ў Беларускім летніку пад Бостанам! 🔥

Купальле будзе праводзіць Алена Рыжая, якая ладзіць Купальле ў НюЁрку больш за 20 год

❗️У праграме:
*Аповед пра Купальле і розьніцу паміж Іванам Купалай і Купальлем, пра сымбалі Купальля
*Пляценьне вянкоў
*Спальваньне марэны
*Гульні, Спевы, Карагод
*Старажытны крупнік з 27 зёлкаў
*Скокі праз вогнішча

Кошт прыезду на дзень - $95
Ёсьць некалькі месцаў застацца на ноч- $110
У кошт уваходзіць 3х разовае харчаваньне

ЗАПОЎНІЦЬ ФОРМУ-ЗАЯЎКУ

Шаноўныя сябры!

Ад імя нашай Асацыяцыі шчыра віншуем вас з Днём незалежнасьці Злучаных Штатаў Амэрыкі!

Для ўсіх нас гэты дзень зьяўляецца сымбалем свабоды, надзеі і неабмежаваных магчымасьцяў. Як беларуска-амэрыканская супольнасьць, мы глыбока цэнім і падзяляем прынцыпы свабоды і дэмакратыі, якія аб'ядноўваюць ЗША.

Злучаныя Штаты сталі для нас прытулкам і новым домам. Мы шчыра ўдзячныя амэрыканскай уладзе за падтрымку дэмакратычных сіл Беларусі і за дапамогу ў нашым імкненьні да свабоды і незалежнасьці нашай Радзімы.

Няхай гэтае сьвята прынясе радасьць у вашы дамы, абʼяднае семʼі і сяброў, і дасьць нам усім новыя сілы для дасягненьня нашых мараў і мэтаў.

Жадаем вам міру, дабрабыту і моцнага здароўя! Няхай Злучаныя Штаты і надалей застаюцца прыкладам свабоды і справядлівасьці для ўсяго сьвету.

Што мы ведаем пра Статую Свабоды? Глядзіце ў новым кроку.

https://youtu.be/28hSWnSEnbg?si=EOsZUdK9kHzTAr_h

🪄Беларусы стварылі петыцыю, каб праваўладальнікі Гары Потара дазволілі выдаваць кнігі пра хлопчыка-які-выжыў па-беларуску

А што здарылася? Выдавецтва «Янушкевіч», якое зараз працуе ў Польшчы, паспела выпусціць па-беларуску тры кнігі — «Гары Потэр і філасофскі камень», «Гары Потэр і патаемная зала», «Гары Потэр і вязень Азкабана». Але дамовіцца з праваўладальнікамі на працяг серыі не атрымалася.

«Яны не хочуць звязвацца ні з чым беларускім, пакуль Рэспубліка Беларусь пад санкцыямі. Усе нашы тлумачэнні, што мы зараз пад польскай юрысдыкцыяй, не далі выніку, мы зрабілі што маглі. Мы ацэньваем тое, што адбылося, як акт дыскрымінацыі нацыянальнай культуры. І гэта адбываецца ў Еўропе…» — распавёў выдавец Андрэй Янушкевіч.

Але беларусы з такім раскладам не пагадзіліся — і стварылі петыцыю (пад якой ужо 553 подпісы). Аўтары падкрэсліваюць, што выдавецтва «Янушкевіч» было створана ў Польшчы пасля пераследу з боку беларускіх уладаў і што праз палітычны пераслед за тры з паловай гады пакінулі краіну каля 500 тысячаў беларусаў. Акрамя таго, беларуская мова зараз знаходзіцца ў небяспецы, ЮНЕСКА прызнала яе «патэнцыйна ўразлівай», а выданне такіх папулярных кніг на беларускай мове спрыяла б пашырэнню яе выкарыстання.

Падтрымаць Гары Потара па-беларуску — вось тут.

Да 142й гадавіны са Дня Нараджэньня Янкі Купалы беларусы ЗША зачыталі верш "Брату ў чужыне"

📢 Глядзіце відэа-інтэрвію з беларусамі ЗША на нашым ютуб-канале.

Пакуль рубрыка "З намі цікАВА" на паўзе. Але новыя выпускі рыхтуюцца і восеньню будуць ізноўку выходзіць.

Таму раім паглядзець выпускі, якія ўжо выйшлі
https://youtube.com/playlist?list=PLer1IOcHxEYFQ9Dj-jaDT-P9DaXv7rGdK&feature=shared

❗ Ютуб-канал АБА прызнаны экстрэмісцкім матэрыялам❗

📢 Кніжны клюб ЗША запрашае на онлайн вечарыну чытаньня вершаў.
Калі: 10 ліпеня 9 pm EST/ 6 pm PST
Дзе: Zoom
https://us02web.zoom.us/j/83916551564?pwd=gPvxwbi1N7e6GwK3Fb7wh3FNOlbsTf.1
7 ліпеня беларусы адзначалі 142ю гадавіну са Дня Нараджэньня Янкі Купалы, а 9 ліпеня яшчэ аднаму выбітнаму беларускаму паэту Уладзімеру Някляеву споўнілася 78 гадоў.
Запрашаем усіх жадаючых сабрацца ў зум і ў сяброўскай атмасферы пад гарбатку пачытаць вершы гэтых геніяльных паэтаў ці любыя вашыя ўлюбёныя беларускія вершы.

Сёньня, 11 ліпеня, свой 36 дзень народзінаў адзначае беларускі журналіст, блогер і пісьменнік Аляксандр Чарнуха. Вы можаце ведаць яго па юцюб канале "Міністэрства Сепультуры" з самымі свежымі аглядамі міравой і беларускай музыкі.
https://youtube.com/@minsepultury?si=0gEQYFlWu0RVD3Uo

Павіншаваць Аляксандра з днём народзінаў і падтрымаць "Міністэрства Сепультуры" можна па спасылцы
https://buymeacoffee.com/charnukha , а таксама праз замову рамана Аляксандра Чарнухі "Свінні" https://litarka.com/Svinni-p679696720

Сатырычны бэстсэлер «Свінні» — гэта гісторыя аднаго выдуманага райцэнтра ў неіснуючай дзяржаве. Вядома, чытач хутка разбярэцца ў сістэме каардынат і прыдумае прыдатную назву для гэтай краіны. Раман прачыталі ў больш чым 30 краінах, а п’есу па рамане купалаўцы паставілі ў тэатры Rampe у Штутгарце.

Таксама прапануем вам паглядзець запіс сустрэчы беларусаў Амэрыкі з Аляксандрам Чарнухам на YouTube канале АБА
https://youtu.be/4iFV83mgaMU?si=J1LR85PMgoi0hGuz

15 ліпеня 1901 г у в. Агароднікі (Віцебская вобласьць) нарадзіўся беларускі паэт, празаік, перакладнік, мовазнаўца Уладзімер Дубоўка.

Цікавыя факты з яго біяграфіі:

🔻Увёў у беларускую мову такія словы як: дабрабыт, водар, апантаны, талака, дойлід, зьнічка, мілагучны і іншыя.

🔻Зьяўляўся адным з заснавальнікаў першага беларускага элітарнага літаратурнага аб’яднаньня «Ўзвышша».

🔻Назваў сына Альгердам. У савецкі час гэта была вельмі рэдкая зьява , каб беларускі дзеяч назваў сына у гонар літоўскага князя.

🔻Адкрыта крытыкаваў палітыку Масквы і Сталіна

🔻У 1930 быў арыштаваны ГПУ, але адмовіўся сьведчыць супраць таварышаў

🔻Правёў у лагерах 27 гадоў

🔻Пасля вызваленьня займаўся ў асноўным перакладчыцкай дзейнасьцю. Вядомы, як перакладчык твораў Шэкспіра на беларускую мову.

🔻Больш фактаў з жыцьця Уладзімера Дубоўкі можна пачытаць у артыкулах на сайце Будзьма беларусамі 👇
https://budzma.org/news/uladzimer-dubo-ka.html

І Радыё Свабода 👇
https://www.svaboda.org/a/30728547.html

15 ліпеня 1410 адбылася адна з самых важных бітв у гісторыі Беларусі - Грунвальдская бітва.

Грунвальдская бітва была вырашаючай у вайне паміж ВКЛ і Польшчай з аднаго боку і Тэўтонскім ордэнам - з другога (Вялікая вайна 1409-1411)

Аб'яднанае войска Ягайлы і Вітаўта разбіла крыжакоў каля вёскі Грунвальд на поўначы Польшчы.

Дзякуючы гэтай перамозе была спынена нямецкая экспансія на прыбалтыйскія і ўсходнеславянскія землі і пакладзены пачатак палітычнаму заняпаду Тэўтонскага ордэна. Эканоміка ВКЛ атрымала выхад на балтыйскія гандлёвыя шляхі.

Беларусы дасюль шануюць памяць аб слаўнай перамозе над крыжакамі. Таксама існуе шмат твораў прысьвечаных Грунвальдскай бітве.

Адзін з самых вядомых - карціна польскага мастака Яна Матэйкі "Грунвальдская бітва" (на малюнку) , напісаная ў 1878 г.
З карцінай зьвязана адна цікавая гісторыя. Падчас 2й сусьветнай вайны і нямецкай бамбардыроўкі Варшавы карціну схавалі. І сам Геббельс паабяцаў 2 млн марак таму, хто знойдзе і зьнішчыць карціну, прысьвечаную перамозе над нямецкім ордэнам.
Карціну так і не знайшлі, і зараз яна знаходзіцца ў Нацыянальным музэі Варшавы

Яшчэ адзін твор, прысьвечаны Грунвальдскай бітве - гэта кніга беларускага пісьменьніка Кастуся Тарасава "Пагоня на Грунвальд"
https://knihi.com/Kastus_Tarasau/Pahonia_na_Hrunvald.html

І канешне ж не можам не ўзгадаць песьню гурта Стары Ольса, якая так і называецца "Грунвальдская бітва"
https://youtu.be/a96MeIuuWGE?si=Rui8luJaEIekosk6

Таксама раім, хто цікавіцца менавіта ваеннай гісторыяй, ютуб канал беларускага гісторыка Віталя Чырвінскага, у якога ёсьць шмат відэа, прысьвечаных гэтай падзее.
https://youtube.com/@vital_chyrvinski

Віншуем каманду праекта Audiobooks.by 🎉
Дзякуем вам за вашу плённую працу і зычым росту і посьпеху праекту.

Мы неймаверна ганарымся, што заснавальнік праекта Мікіта Белаглазаў зьяўляецца сябрам АБА.

Прапануем паглядзець інтэрвію з Мікітай на YouTube канале АБА, дзе ён распавёў інсайды пра заснаваньне праекта, сваю матывацыю і пляны на будучыню.
https://youtu.be/-WuF5rv0BEs?si=OJi0LcbkdSccdqe2

📆 Тыдзень паняволеных народаў (Captive Nations Week)

📌Тыдзень паняволеных народаў – гэта штогадовы комплекс масавых мерапрыемстваў, першапачаткова накіраваны на прыцягненьне ўвагі грамадзкасьці да праблемы «паняволеных народаў, якія знаходзяцца пад кантролем камуністычных рэжымаў», а цяпер посткамуністычнымі ды кожнымі іншымі тыраніямі й дыктатурамі.
📄Згодна з законам, прынятым у 1959 годзе, прэзыдэнт ЗША ўпаўнаважаны абвяшчаць Тыдзень паняволеных народаў штогод – да таго часу, пакуль усе яны не здабудуць свабоду і незалежнасьць.
👉У гэтым годзе трэці тыдзень ліпеня аб’яўлены Тыднем паняволеных народаў.

📌Марш Паняволеных Народаў
Марш Паняволеных Народаў распачынае мерапрыемствы Тыдню Паняволеных Народаў, каб прыцягваць увагу амэрыканскага грамадзтва да становішча народаў, што сталі паняволеныя камуністычнымі, посткамуністычнымі ды іншымі тыраніямі і дыктатурамі. У гэтым маршы традыцыйна бяруць удзел прадстаўнікі Беларуска-Амэрыканскае Згуртаваньне ПАГОНЯ і беларускай грамады Амэрыкі, якія апошнім часам складаюць большасьць удзельнікаў.

📌Чаму Тыдзень Паняволеных Народаў важны?

1️⃣падкрэсьлівае цяжкасьці прыгнечаных народаў
2️⃣паказвае неабходнасьць дзеяньняў
3️⃣прасоўвае глябальнае адзінства

❗️11 ліпеня адбыўся Саміт Паняволеных Нацый 2024, дзе давала эксклюзіўнае інтэрвію Сьвятлана Ціханоўская па тэме дыктатуры ў Беларусі 👉 🔗 https://victimsofcommunism.org/event/captive-nations-summit-2024/

📢 Сябры, запрашаем на онлайн сустрэчу ў Zoom з Уладзіславам Гарбацкім

🗓 21 ліпеня
⏰ 20.00 па Менску
1 pm па Нью-Ёрку
10 am па Сан Францыска.

📍Уладзіслаў Гарбацкі - беларускі пісьменьнік, перакладнік, пілітоляг і адзін з рэдактараў выдавецтва "Скарына".
Адзін зь першых у Беларусі дасьледнікаў і публіцыстаў на тэмы, зьвязаныя з жыцьцём і гісторыяй ЛГБТК-супольнасьці. Адмысловец у галіне гендэрных і ЛГБТК+ дасьледваньняў, гендэрнай сацыялінгвістыкі, палітычнага фэмінізму і гісторыі культуры стараверства Беларусі.

📍Набыць кнігі Уладзіслава Гарбацкага ў ЗША вы можаце ў онлайн кнігарні "Літарка"
🔻Mercks Graz
🔻Песьні тралейбусных рагуляў
🔻Пераклад на беларускую мову "Бэйруцкіх апавяданьняў " Агатангела Крымскага

📍Таксама паслухаць на Audiobooks.by

📍Калі вам бясьпечна, ПАДТРЫМАЙЦЕ праект "Літаратура і кАВА". Усе ахвяраваньні пойдуць на падзяку пісьменьнікам за сустрэчы.

Стаўце "пайду" ці "цікава" ў Facebook event