ዜና: የ #ኢትዮጲያ ቀይ መስቀል ማህበር ባለፉት ሁለት ሳምንታት ብቻ በ #ቦረና እና በ #ሞያሌ አካባቢዎች 28 ሚሊዮን ብር የሚያወጣ ድጋፍ ማድረጉን አስታወቀ

*በድርቅ ለተጎዱ አካባቢዎች የሚደረጉ ድጋፎችም ቀጣይነት እንዲኖራቸው ስልታዊ እና የተቀናጁ መሆን እነዳለባቸው ማህበሩ አሳስቧል፡፡

የማህበሩ ፕሬዝዳንት አቶ አበራ ቶላ በቦረና ዞን በድርቅ ከፍተኛ ጉዳት በደረሰባቸው አባባቢዎች በሁሉም አቅጣጫ ማለትም በውሀ አቅርቦት፣ የተረፉትን ከብቶች በማከምም ሆነ ህብረተሰቡ ወደ ተለመደ ያኗኗር ዘይቤው እንዲመለስ እና ቀጣይ ህይወቱን እንዲመራ ዘር በማቅረብም ሆነ በሌሎች ማህበራዊ እና ጤናን መሰረት ባደረጉ ድጋፎች በቅንጅት መስራት እነዳለባቸውም ጠቁመዋል፡፡

በተጨማሪም ህብረተሰቡ በማህበራዊ፣በስነልቦናም ሆነ በኢኮኖሚ በመጎዳቱ ከምግብ እና ከገንዘብ ድጋፍ በተጨማሪ የስነ-ልቦና፣ የጤና እና ወደተለመደ ሕይወቱም በቀላሉ እንዲመለስ ጥብቅ የሆነ ክትትል እንደሚያስፈልገው የኢትዮጲያ ቀይ መስቀል ማህበር የወጣት በጎፈቃደኞች ተወካይ የቦርድ አባል ዶ/ር አዲስአለም ሙላት አሳስባለች፡፡

https://amharic.addisstandard.com/ዜና-የትዮጲያ-ቀይ-መስቀል-ማህበር-ባለፉት/?fbclid=IwAR1GqaOjHgImIstr-jBzEr_iL9miF7L4RJPAtbJCTGNISKJO0kqHaCcTZ0k

ዜና: #የአዲስ አበባ ከተማ አስተዳደር ባለሦስት እና አራት እግር (ባጃጅ) ተሽከርካሪዎች ላይ የጣለውን እግድ እንዲያነሳ #ኢሰመኮ ጠየቀ

አዲስ አበባ፣ መጋቢት 7/2015 ዓ.ም - አዲስ አበባ የከተማ አስተዳደሩ ባለሦስት እና አራት እግር (ባጃጅ) አነስተኛ የሕዝብ ትራንስፖርት አገልግሎት ተሽከርካሪዎች ላይ ያስቀመጠውን ሙሉ እገዳ በማንሳት ለችግሮች ዘላቂ መፍትሔ ሊያመቻች ይገባል ሲል የኢትዮጵያ ሰብዓዊ መብቶች ኮሚሽን ጠይቋል። በሁሉም የከተማዋ ክፍሎች ላልተወሰነ ጊዜ ገደብ መጣሉ ሕገ-መንግሥታዊ ጥበቃ የተደረገላቸው መብቶች አደጋ ላይ የጣለ እርምጃ ነው ሲል ዛሬ ባወጣው መግለጫ አሳስቧል።

ኮሚሽኑ ባደረገው ክትትል እገዳው በከተማዋ ሙሉ በሙሉ ተፈጻሚ በመሆኑ የባጃጅ ትራንስፖርት አሽከርካሪዎቹንና ቤተሰባቸውን ብቻ ሳይሆን፣ እጅግ በርካታ ተጠቃሚዎችንም ችግር ላይ እንደጣለ መረዳቱን ያመላከተው የኮሚሽኑ መግለጫ መንግሥት ሰዎች ሥራቸውን እና የመረጡትን መተዳደሪያ ያለአግባብ እንዳያጡ ማድረግን ጨምሮ የመረጡትን እና የተቀበሉትን ሥራ እንዲሠሩ የማስቻል ኃላፊነት አለበት ሲል አሳስቧል።

ኮሚሽኑ እገዳውን ተከትሎ የደረሱትን አቤቱታዎች መሠረት በማድረግ የአዲስ አበባ የትራንስፖርት ቢሮ ኃላፊዎችን ማነጋገሩን በመግለጫው አስታውቆ ኃላፊዎቹ በከተማዋ ወደ #10 ሺህ የሚገመቱ “የባጃጅ ተሽከርካሪዎች በከተማ አስተዳደሩ የሥራ ፈቃድ ያልተሰጣቸው መሆኑን፣ እንደ አንድ አገልግሎት ሰጪ በከተማዋ አሠራር ሥርዓት ያልተዘረጋላቸው መሆኑን፣ እንዲሁም ሌሎችም ተዛማጅ ችግሮች” መኖራቸውን እንደገለጹለት አመላክቷል።

https://amharic.addisstandard.com/ዜና-የአዲስ-አበባ-ከተማ-አስተዳደር-ባለሦ/?fbclid=IwAR0KaHrFqm5WXn_43hYyN7rNH_d4SEV6M2gmEqnxzfT1HxaafMQoyDSqSqs

ዜና: #በኢትዮጵያ ጦርነቱ ያደረሰውን ጉዳት እና የሰብአዊ መብት ጥሰት በተመለከተ #ብሊንከን በጥንቃቄ ሲመልሱ በሰላም ስምምነቱ ላይ ያላቸውን ተስፋ ገልጸዋል

አዲስ አበባ፣ መጋቢት 7/ 2015 ዓ.ም - ትላንት ረቡዕ መጋቢት 6 ቀን 2015 ዓ.ም ጋዜጣዊ መግለጫ የሰጡት #የአሜሪካ የውጭ ጉዳይ ሚኒስትር አንቶኒ ብሊንከን ጥንቃቄ በተሞላበት፣ ላለማስቀየም ጥረት በታከለበት መንገድ በኢትዮጵያ ባለፉት ሁለት አመታት በተካሄደው ጦርነት የተፈጸመውን ግፍ እና ጥፋት አስመልክተው ምላሽ ሰጥተዋል። ትኩረት ማስቀየሻ በሚመስል መልኩ አጽንኦት ሰጥተው #ከፕሪቶርያው የሰላም ስምምነት በኋላ ግፉ እና ጥፋቱ መቀነሱ ላይ አተኩረዋል። በተጨማሪም የሰላም ስምምነቱን የፈረሙት ሁለቱም አካላት፣ #ፌደራል መንግስቱ እና #የህወሓት ሀይሎች የተፈጸመውን ሰብዓዊ መብት ጥሰት እና ያስከተለውን ጉዳት አምነዋል፣ ተቀብለዋል ሲሉ ተደምጠዋል።

የአሜሪካ የውጭ ጉዳይ መስሪያ ቤት #በትግራይ የተፈጸመውን ከጦርነት ጋር የተያያዘ ሰብአዊ መብት ጥሰት የዘር ፍጅት ወይንም ጀኖሳይድ መሆኑን የሚያትተውን በ2021 የተደረሰውን ሪፖርት መደርደሪያው ላይ እንዲቀመጥ እና እንዳይቀርብ አድርጎታል ሲል ብሊንከን ወደ አዲስ አበባ ከመምጣታቸው ጥቂት ቀደም ብሎ #ፎሬን ፖሊሲ መጽሔት ይፋ አድርጓል። ይህንንም ለጉዳዩ ቅርበት ካላቸው ሶስት ዲፕሎማት መስማቱን መጽሔቱ በዘገባው አስታውቋል።

#አዲስ ስታንዳርድ ብሊንከን በአዲስ አበባ #ዩኒቨርስቲ ስድስት ኪሎ ካምፓስ በነበራቸው ጋዜጣዊ መግለጫ ተገኝቶ ይህንኑ ጉዳይ ጠይቋቸው ነበር፤ ለምን ሪፖርቱ ይፋ አልተደረገም? ሲል። ጥያቄውን በቀጥታ ከመመለስ ይልቅ በጦርነቱ ወቅት በንጹሃን ላይ የተፈጸሙ ሰብአዊ መብት ጥሰቶች ሀገራችው በተደጋጋሚ በግልጽ ስትኮንን እንደነበር እና በሁሉም ጎራ ያሉ ጥቃቱን የፈጸሙ ተጠያቂ እንዲሆኑ ማቅረቧን አውስተው ይህንን ጉዳይ ከአንድ አመት በፊት እኔ እራሴ ገልጨው ነበር ብለዋል።

https://amharic.addisstandard.com/ዜና-በኢትዮጵያ-ጦርነቱ-ያደረሰውን-ጉዳት/?fbclid=IwAR2Xx9qTDDo7cYc5PX9R8uigJDUUIXSycdPpqNgWVzVOP6Q7U-7JEOd_Eu4

የ #አማራ ባንክ #መርሀባ ከወለድ ነፃ የባንክ አገልግሎቱን መጋቢት 9 በይፋ የሚመረቅ መኾኑን ገለጸ

የአማራ ባንክ መርሀባ ከወለድ ነፃ የባንክ አገልግሎቱን መጋቢት 9 በይፋ የሚመረቅ መኾኑን ገልጿል።

ባንኩ የደንበኞቹን ፍላጎት ለማርካት በተለያዩ የአገልግሎት አማራጮች ለደንበኞቹ ቅርብ በመኾን ላይ መኾኑን ተገልጿል። በአፍሪካ መሪ እና ጨዋታ ቀያሪ እንዲሁም ተወዳዳሪ የመኾን አላማን አንግቦ መነሳቱን ባንኩ ገልጿል።

እስካሁን በተጓዘባቸው መንገዶች ከፍተኛ የካፒታል አቅምን በማጎልበት ተወዳዳሪ ለመኾን የሚያስችል ቁመና በመገንባት ላይ ሲሆን ተወዳዳሪ ለመኾንና አላማውን ለማሳካት ቀልጣፋ፣ በሁሉም ተደራሽ ፣ ጊዜውን ያማከለ አገልግሎት በመስጠት ላይ ይገኛል ተብሏል።

በአሁኑ ጊዜ በሀገራችን በባንክ ወለድ ምክንያት ከባንክ የራቁ ደንበኞችን ፍላጎት ለማርካት በወለድ ከሚሰጡት መደበኛ የባንክ አገልግሎት በኅብረተሰቡ ዘንድ ተቀባይነት በማግኘቱ በከፍተኛ ኹኔታ በማስፋት እና በማደግ ላይ እንደሚግርኝ ባንኩ ገልጿል ።

ባንኩ በአሁኑ ጊዜ በሁሉም የመደበኛ የባንክ አገልግሎት በሚሰጡ ከ230 ቅርንጫፎች በላይ በመስኮት በኩል የተሟላ የመርሀባ ከወለድ ነፃ የባንክ አገለግሎት በመስጠት ላይ መገኘቱን ባንኩ አመላክቷል።

እስከ በጀት ዓመቱ መጨረሻ ድረስ 30 ሙሉ ለሙሉ ከወለድ ነፃ አገልግሎት የሚሰጡ ቅርንጫፎችን ለመክፈት በዝግጅት ላይ መኾኑን ባንኩ ገልጿል።

https://www.facebook.com/AddisstandardAmh/posts/pfbid02HWzstL2BYijczMBUPFrpka5ovx8PBo9ATYzJhtbvoYqdmZKt5mJdbbmSdp5rGYF1l

በ #አዲስአበባ የኃይል መቆራረጥ በውሃ ምርት እና ስርጭት ላይ ችግር እንደፈጠረበት የከተማዋ ውኃና ፍሳሽ ባለስልጣን ገለጸ

ከመጋቢት 1 ቀን 2015ዓ.ም. ጀምሮ ለተከታታይ ስምንት ቀናት በባለሥልጣኑ የውሃ ጉድጓዶች እና የግፊት ጣቢያዎች ላይ በተደጋጋሚ የኤሌክትሪክ ኃይል መቆራረጥ ማጋጠሙን በባለስልጣኑ የኮሙኒኬሽን ዳይሬክተር ሠርካለም ጌታቸው ተናግረዋል፡፡

ይህም በባለስልጣኑ የውሃ ምርት እና ስርጭት ላይ ከፍተኛ ጫና መፍጠሩን ነው ዳይሬክተሯ ለፋና ብሮድካስቲንግ ኮርፖሬት የገለጹት፡፡

በኃይል መቆራረጡ ምክንያት በአዲስ ከተማ ክፍለ ከተማ ወረዳ 1፣ 2፣3፣ 5፣ 12፣ 13 እና 14፤ በጉለሌ ክፍለ ከተማ ወረዳ 1፣2፣3፣4፣5፣6 እና 10 እንዲሁም በለሚኩራ ክፍለ ከተማ ወረዳ 2፣3፣4፣5፣6፣9፣10፣11፣12፣13 እና 14 የውሃ አቅርቦቱ ተቋርጧል ነው ያሉት፡፡

እንዲሁም በየካ ክፍለ ከተማ ወረዳ 1፣9 እና 10፤ በአቃቂ ቃሊቲ ክፍለ ከተማ ከወረዳ 1 እስከ 13፤ በቂርቆስ ክፍለ ከተማ ከወረዳ 1 እስከ 6 እና ከወረዳ 9 እስከ 11 የውሃ አቅርቦቱ መቋረጡን ገልጸዋል።

በተጨማሪም በንፋስ ስልክ ላፍቶ ክፍለ ከተማ ከወረዳ 1 እስከ 15፤ በቦሌ ክፍለ ከተማ ወረዳ 1፣ 2፣ 11 እና 12፤ በልደታ ክፍለ ከተማ ወረዳ 3 እና 5 በከፊል እና ወረዳ 9 በሙሉ እንዲሁም በአራዳ ክፍለ ከተማ ወረዳ 4 እና 5 በኤሌክትሪክ ኃይል መቆራረጥ ምክንያት የውሃ አገልግሎቱ መቋረጡን ባለስልጣኑ አስታውቋል፡፡

https://www.facebook.com/AddisstandardAmh/posts/pfbid02Zzv31WrbQaDLESbRttmrHHyK3uRjY9WyDcLcGCto85vcAnmfVN5ZM6oWwnT7oKUul

ዜና፡ #በሱማሌ ክልል የተከሰተው ድርቅ የበርካቶችን ህይወት ቀጥፏል፤ የወረዳው አመራር “ከአቅማቸው በላይ” መሆኑን ቢያምኑም የሟቾችን ብዛት ግን ውድቅ አድርጓል

በመድኃኔ እቁባሚካኤል እና በብሩክ አለሙ

በሶማሌ ክልል በተከሰተው ድርቅ ከፍተኛ ጉዳት ከደረሰባቸው ዞኖች አንዱ በሆነው በዳዋ ዞን፣ ከተለያዩ ወረዳዎች ተፈናቅለው በሞያሌ ወረዳ በሚገኙ ሁለት የተፈናቃይ መጠለያ ጣቢያዎች የተጠለሉ ከ18 በላይ ሰዎች መሞታቸውን ተፈናቃዮች ለአዲስ ስታንዳርድ ተናገሩ። ተፈናቃዮቹ ያልተለመዱ ነገሮችን ለመመገብ እየተገደዱ ነው። የወረዳው ኃላፊዎች የችግሩን አሳሳቢነት በማመን “ከአቅማችን በላይ ሆኗል” ብለዋል።

አዲስ ስታንዳርድ በሞያሌ አቅራቢያ መለብ ቀበሌ በሚገኘው ሃርቦር ተፈናቃይ መጠለያ ባደረገው ጉብኝት በመጠለያ ጣቢያ ውስጥ ያገኛቸው አንድ ተፈናቃይ አፋጣኝ እርዳታ እንደሚያስፈልጋቸው ገልፀው በማዕከሉ አካባቢ እሳቸው የሚያውቁት ከስምንት በላይ ሰዎች መሞታቸውን ተናግሯል።

ቤተሰቦቹን ለመርዳት የ12ኛ ክፍል ትምህርቱን አቋርጦ ከሞያሌ ከተማ ወደ ኤል ጎፋ መጠለያ ጣቢያ የገባው ወጣት አሊ እንደሚናገረው በስፍራው እርዳታ እየደረሰ አይደለም፡፡

https://amharic.addisstandard.com/ዜና፡-በሱማሌ-ክልል-የተከሰተው-ድርቅ-የበ/?fbclid=IwAR0mJCEkrfpl97RPj5SnUkxhhn6hPKNFnD4kimjQHnjJJGZCPexqu2x53qI

በ #አዲስአበባ ከተማ ተቋርጦ የቆየው የባጃጅ ትራንስፖርት አገልግሎት ከነገ ጀመሮ ይጀመራል

በመዲናዋ ተቋርጦ የቆየው የባጃጅ ትራንስፖርት አገልግሎት ከነገ ጀመሮ በ138 የስምሪት መሥመሮች እንደሚጀምር የአዲስ አበባ ከተማ አስተዳደር ትራንስፖርት ቢሮ አሰታወቀ።

የአዲስ አበባ ከተማ አስተዳደር ትራንስፖርት ቢሮ የባጃጅ ትራንስፖርት አገልግሎትን አሰመልክቶ ዛሬ ለሀገር ውስጥ ሚዲያ መግለጫ ሰጥቷል።

በመግለጫው ወቅት የአዲስ አበባ ከተማ አስተዳደር ትራንስፖርት ቢሮ ቢሮ ሀላፊ አቶ ምትኩ አስማረ እንደተናገሩት፤ በከተማ ውስጥ እየሰሩ ያሉት ሁሉም የባጃጅ አሽከርካሪዎች የትራንስፖርት ቢሮው በሚያወጣቸው መመሪያ መሠረት በ123 ማህበራት ሥር አገልግሎት ይሠጣሉ።

በከተማዋ መደበኛ ትራንስፖርት በማይገኝበት አካባቢዎች ውስጥ ከ 0.9 እስከ 2.45 ኪሎ ሜትሪ ራዲየስ ብቻ በ5 ብር ታሪፍ አገልግሎት እንዲሰጡም ተወስኗል ብለዋል።

ከዚህ በተጨማሪም በስምንት ክፍለ ከተሞች ስር በሚገኙ 123 ማህበራት ስር የሚገኙ 9ሺህ 550 ባጃጅ አሽከርካሪዎች ጊዜያዊ ታፔላ ተሰጥቷቸዋል በማለትም አብራርተዋል።

አቶ ምትኩ እንደሚሉት ከ2001 ጀምሮ አገልግሎት እየሰጡ የሚገኙት የባጃጅ ትራንስፖርት አገልግሎት ታርጋቸውን በከተማዋ ያላወጡ ናቸው።

ቢሮው ባለፈው ሳምንት የባጃጅ ትራንስፖርት አገልግሎቶቹን ያቋረጠው በተደጋጋሚ የሚከሰቱ አደጋዎችንና ወንጀሎችን ለመከላከል አሠራርና ሕግ በማስፈለጉ መሆኑን ሀላፊው ጨምረው ገልጸዋል።

ፎቶ: አዲስ ፎርቹን

ዜና፡ የህወሓት ማእከላዊ ኮሚቴ አቶ ጌታቸው ረዳ የትግራይ ጊዜያዊ አስተዳዳርን እንዲመሩ መረጠ

የህዝባዊ ወያነ ሓርነት ትግራይ (ህወሓት) ማዕከላዊ ኮምቴ ትላንት ማምሻውን የፓርቲው ስራ አስፈጻሚ ኮምቴ አባል የሆኑት አቶ ጌታቸው ረዳን የክልሉ ግዜያዊ አስተዳደር እንዲመሩ መምረጣቸውን ሶስት ለጉዳዩ ቅርበት ያላቸው ምንጮች ለአዲስ ስታንዳርድ ገለጹ።

አቶ ጌታቸው ረዳ ከ41 የማዕከላዊ ኮምቴ አባላት 18 የድምጽ ብልጫ አግኝተው መመረጣቸውን ምንጮቹ አክለው ገልጸዋል።

ነገር ግን የፌደራል መንግስት ይሁኝታ ይሰጠው እንደሆነ ገና የሚታይ ነው።

የተቋቋመው ግዜያዊ አስተዳደር ጥቅምት 23 ቀን 2013 ዓ/ም የተመረጠውን የትግራይ ክልላዊ መንግስትን የሚተካ ሲሆን በደቡብ አፍሪካ ፕሪቶሪያ ጥቅምት 23 ቀን 2015ዓ/ም ከፌደራል መንግስት ጋር በተደረገው ዘላቂ የተኩስ አቁም ስምምነት ላይ ዋና ከሆኑ ክፍሎች አንዱ ነው፡፡ የሰላም ስምምነቱ ሰነድ አንቀጽ 10 አካታች ግዜያዊ አስተዳደር መመስረት አንዳለበት ይደነግጋል።

https://amharic.addisstandard.com/%E1%8B%9C%E1%8A%93%E1%8D%A1-%E1%8B%A8%E1%88%85%E1%8B%88%E1%88%93%E1%89%B5-%E1%88%9B%E1%8A%A5%E1%8A%A8%E1%88%8B%E1%8B%8A-%E1%8A%AE%E1%88%9A%E1%89%B4-%E1%8A%A0%E1%89%B6-%E1%8C%8C%E1%89%B3%E1%89%B8/

ሰሞኑን የጣለው ከባድ ዝናብ #አዲስአበባ ካሏት 137 መጋቢ መስመሮች ውስጥ በ50ዎቹ ላይ ከባድ ጉዳት ማድረሱን የመዲናዋ ኤሌክትሪክ አገልግሎት አስታወቀ

ሰሞኑን የጣለው ከባድ ዝናብ በ50 ከፍተኛ የሃይል መስመሮች ላይ ከባድ ጉዳት ማድረሱን የአዲስ አበባ ኤሌክትሪክ አገልግሎት አስታውቋል፡፡

ሰሞኑን በመዲናዋ የተከሰተው የኤሌክትሪክ ሃይል መቆራረጥ ንፋስ ቀላቅሎ የጣለው ዝናብ በማከፋፈያ ጣቢያዎች ላይ ከፍተኛ ጉዳት በማድረሱ ምክንያት የተፈጠረ መሆኑን የአዲስ አበባ ኤሌክትሪክ አገልግሎት ዋና ስራ አስፈፃሚ ዶ/ር ገበየው ልካሳ ተናግረዋል።

በመዲናዋ የተከሰተውን የኤሌክትሪክ ሃይል መቆራረጥ አስመልክቶ ለጋዜጠኞች ማብራሪያ የሰጡት ዋና ስራ አስፈፃሚው መጋቢት 1 ቀን 2015 ዓ.ም በጣለው ከባድ ዝናብ ብቻ መዲናዋ ካሏት 137 መጋቢ መስመሮች ውስጥ በ50ዎቹ ላይ ከባድ ጉዳት መድረሱን ተናግረዋል።

ችግሩን ለመፍታትም የሃይል አቅርቦት በተከሰተባቸው አካባቢዎች ላይ ትራንስፎርመሮችን የመቀየርና አስቸኳይ ጥገና እየተደረገ መሆኑን ጠቁመዋል።

በተጨማሪም በፕሮጀክቶች ምክንያት በእቅድ ይቋረጥ የነበረው ሃይል እንዲቆም ተደርጓልም ብለዋል።

ከዝናቡ በተጨማሪ የመሰረተ ልማት ስራዎች ግንባታና በኤሌክትሪክ መስመሮች ላይ የሚፈፀም ስርቆትና መሰል ድርጊቶች ለሃይል መቆራረጡ ምክንያት መሆናቸውን ያስታወቁት ዋና ስራ አስፈጻሚው ለተፈጠረው የሃይል አቅርቦት መቆራረጥ የከተማዋን ነዋሪዎች ይቅርታ ጠይቀዋል፡፡

አ. ኤም ኤን

ዜና፡ #አሜሪካ #የኢትዮጵያ፣ #የኤርትራ እና #የአማራ ሃይሎች በትግራዩ ጦርነት “በሰብዓዊነት ላይ ወንጀል” መፈፀማቸውን ገለፀች፤ ሁሉም ሀይሎች ደግሞ “የጦር ወንጀል” ፈፅመዋል ብላለች

አዲስ አበባ፣ መጋቢት 12/ 2015 ዓ.ም፡– አሜሪካ የ2022 አመት በአለም ላይ የታዩ የሰብአዊ መብት ጉዳዮቹን በተመለከተ በትላንትናው ዕለት ይፋ በተደረገችበት ሪፖርት የኢትዮጵያ፣ የኤርትራ እና የአማራ ሃይሎች #በትግራዩ ጦርነት “በሰብዓዊነት ላይ የሚፈጸም ወንጀል” መፈፀማቸውን አስታወቀች፡፡ ከዚህ በተጨማሪም በትግራይ ተጀምሮ ለሁለት አመት በዘለቀው እና ወደ አማራ እና #አፋር በተስፋፋው ጦርነት የትግራይ ሀይሎችን ጨምሮ ሁሉም ሀይሎች “የጦር ወንጀል” ፈጽመዋል ስትል ገልፃለች።

የአሜሪካ የውጭ ጉዳይ ሚኒስትሩ አንቶኒ ብሊንከን ሪፖርቱን ይፋ ሲያደርጉ “ከነዚህ ወነጀሎች ውስጥ አብዛኛዎቹ ድንገት ወይም በጦርነት የተከሰቱ ብቻ ሳይሆኑ ታስቦ እና ሆን ተብሎ የተፈፀሙ ናቸው” ብለዋል፡፡

መስራቤታቸው ህጎችን እና እውነታውን በጥንቃቄ ካስተዋለ በኋላ የኢትዮጵያ የመከላከያ ሃይሎች፣ የኤርትራ መከላከያ ሃይሎች፣ የህዝባዊ ወያኔ ሓርነት ትግራይ ሃይሎች እና የአማራ ሃይሎች በሰሜኑ የሀገሪቱ ክፍል በነበረው ጦርነት የጦር ወንጀሎችን መፈጸሙን በተመለከተ ድምዳሜ ላይ ደርሰናል ሲሉ አስታውቀዋል።

https://amharic.addisstandard.com/ዜና፡-አሜሪካ-የኢትዮጵያ፣-የኤርትራ-እና/?fbclid=IwAR1LwZhGPHPe2HytwPwS-W6xEzn5A4gykwUmejQEAmZd_OpndLWC-xgSHJ0

ዜና፡ ኢትዮጵያ የአሜሪካ መንግስት ውጭ ጉዳይ መስሪያ ቤት ያወጣውን መግለጫ እንደማትቀበለው አስታወቀች፤ ግዜውን ያልጠበቀ፣ አባባሽ እና አግላይ ሲል ኮንኗል

የአሜሪካ ውጭ ጉዳይ መስሪያ ቤት በሰሜን የሀገሪቱ ክፍል በትግራይ ተጀምሮ ወደ አማራ እና አፋር ክልል የተዛመተውን ጦርነት አስመልክቶ ያወጣውን መግለጫ የኢትዮጵያ መንግስት እንደማይቀበለው አስታወቀ።

የአሜሪካ ውጭ ጉዳይ መስሪያ ቤት በጦርነቱ ከፍተኛ ወንጀል ተፈጽሟል ማለቱን እንደማይቀበለው ያስታወቀው የኢትዮጵያ ውጭ ጉዳይ ሚኒስቴር መግለጫ ግዜውን ያልጠበቀ፣ አባባሽ እና አግላይ ሲል ኮንኗል። ሪፖርቱ አንድን ወገን ላይ በማነጣጠር አላግባብ የወነጀለ ነው ሲል ተችቷል።

አስገድዶ መድፈር፣ ጾታዊ ጥቃት መሰል ወንጀሎች ተፈጽመው እያለ ግልጽነት በሌለው ምክንያት የአሜሪካን መንግስት መግለጫ አንድን ወገን በተለዩ ወንጀሎች ላይ ተጠያቂ ላለማድረግ ያለመ ነው ሲል ገልጿል።

በሌላ በኩል ኢትዮጵያ የሽግግር ፍትሕ ፖሊሲ አማራጮችን ለመለየት ብሔራዊ ምክክር ለመጀመር በተዘጋጀችበት ወቅት ላይ የወጣ በመሆኑም መግለጫው ወቅቱን ያልጠበቀ ነው ሲል ኮንኗል።

https://amharic.addisstandard.com/ዜና፡-ኢትዮጵያ-የአሜሪካ-መንግስት-ውጭ-ጉ/?fbclid=IwAR0oy1OuggeRt4uUS3NbPTpcYPAm5yHUozPt09sV5-zlojred3ktEaaOXRs

ዜና፡ #የኢትዮጵያ #ኦርቶዶክስ ተዋህዶ ቤተክርስቲያን የፓትርያርኩ ልዩ ጽ/ቤት እና የውጪ ግንኙነት መምሪያ የበላይ ኃላፊ ብፁዕ አቡነ #አረጋዊ (ዶ/ር) ከዚህ ዓለም ድካም አረፉ

አዲስ አበባ፣ መጋቢት 13/ 2015 ዓ.ም - የኢትዮጵያ ኦርቶዶክስ ተዋህዶ ቤተክርስቲያን የብፁዕ ወቅዱስ #ፓትርያርክ ልዩ ጽ/ቤት እና የውጪ ግንኙነት መምሪያ የበላይ ኃላፊ የድሬዳዋ እና የጅቡቲ አህጉረ ስብከት ሊቀ ጳጳስ የሆኑት ብፁዕ አቡነ አረጋዊ (ዶ/ር) ከዚህ ዓለም ድካም ማረፋቸው ተገለጸ። ብፁዕ አቡነ አረጋዊ (ዶ/ር) ሐምሌ 9 ቀን 2009 ዓ.ም በብፁዕ ወቅዱስ አቡነ ማትያስ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት አንብሮተ ዕድ ከሾሙት ጳጳሳት 14 ኤጲስ ቆጶሳት መካከል አንዱ እንደነበሩ ተጠቁሟል።

ብፁዕነታቸው ለረጅም ጊዜ ከሀገር ውጪና በሀገር ውስጥ በህክምና ሲረዱ ቢቆዩም ሊሻላቸው ሳይችል ቀርቶ ከዚህ ዓለም በሞተ ሥጋ ተለይተዋል ሲሉ #የቤተክርስቲያኗ መገናኛ ብዙሃን አስታውቀዋል።