Безнең иң олы максатларыбызның берсе - татар җанлы, тарихи хәтере һәм милли горурлыгы булган, халкыбыз киләчәге өчен изге көрәшне дәвам итә алырлык, белемле, мәгрифәтле вә рухи яктан көчле буын тәрбияләү!

Татар таңы

Күкрәгемдә горур йөрәк тибә
Мәдһиямне җырлап халкыма.
Нинди киртәләргә юлыксак та
Юл тапканбыз яшәү хакына.

Сөргеннәрне, сугышларны кичкән,
Шахта базларына төшкәнбез.
Атлы яугир булып тарихларга
Шигъри дастаннарга күчкәнбез.

Һичберкемнән ким-хур түгел лә без
Һәм түгелдер, бәлки, артык та.
Без ханлыклар, каһанлыклар тоткан,
Дәүләтләре булган халыктан.

Без китаплы, мәгърифәтле, моңлы
Һәм иманлы милләт дәвамы.
Сабантуйлы, димәк, көрәшчеләр,
Алдынгыларыбыз бар әле!

Атка менеп дөнья иярләгән,
Атлар җигеп иген иккән без.
Алтайлардан алып диңгезләргә –
Җир читенә барып җиткәнбез.

Сибелгәнбез иген бөртегедәй,
Дүнгәләктәй очып җилләрдә...
Яңа дәүләтләргә бүлгәләнеп,
Таралганбыз төрле илләргә...

Казанлы да, Кырымлы да халкым,
Бар Себере – кара урманы,
Сарайлары, нугай далалары,
Киң Иделе, тирән Чулманы!

Тирмәләрдән, чатырлардан чыгып
Корганбыз ла бөек шәһәрләр.
Җиң сызганып иҗат иткәнбез һәм
Тудырганбыз гүзәл әсәрләр!

Тарихыбыз атлы, данлы, шанлы!
Тамырларда ургый татар каны.
Мин ышанам – безнең урамнарда
Бәйрәм булыр, атар татар таңы!

Фәнил Гыйләҗев

Ну вот и аресты журналистов начались.

⚡️ Элекке Дәүләт Шурасы депутаты, язучы, шагыйрь Рәзил Вәлиев вафат булган.

Скончался поэт и писатель, экс-депутат Государственного Совета Татарстана Разиль Валеев.

Җомга көннәребез котлы булсын, Татарлар!
Бирешмәскә, көрәшергә һәм җиңәргә Аллаһы безгә көч бирсен иде!
Әмин!

АНТАЛИЯДӘ ГАЯЗ ИСХАКЫЙ ИСТӘЛЕГЕНӘ БАГЫШЛАП ТАТАР ДИКТАНТЫ ҮТКӘРЕЛДЕ

https://isxaki.com/2023/10/23/antalyada_tatar_diktant/

В АНТАЛИИ СОСТОЯЛСЯ ТАТАРСКИЙ ДИКТАНТ, ПОСВЯЩЕННЫЙ ПАМЯТИ ГАЯЗА ИСХАКИ

https://isxaki.com/ru/2023/10/23/tatar_diktant_antalya/

Бөек мәнлелек

Үткәннәрне онытырлык түгел,
Җөйләнмәгән яра-үпкәләр...
Каһарманнар хөр киләчәк өчен
Җанын биргән, канын түккәннәр!

Сөрген киткән Сөембикә башы
Үтәмеш хан белән берочтан.
Кан коймаска, җан кыймаска, Диван,
Хөрлек хакын түләп "тырышкан".

Хәләл канын түккән Япанчылар,
Колшәрифләр йолган хатасын...
Заман һаман яңа корбан сорый,
Буып тотып милләт якасын...

"Солых хакы", диеп, чигенүне,
Җиңелүне тиңләп уңышка.
"Зирәклек" дип, һәрбер хыянәтне
Юмаларга кемдер тырыша...

Мин хәтерлим. Хәтер телә җанны.
Кан хәтере - сүнмәс мәңгелек.
Без ирекле идек... Без хөр идек!
Хәтер җуймау - бөек мәнлелек!

©Фәнил Гыйләҗев

#Хәтер көне 2023
#1552_хәтер

Чит илләрдә яшәүче милли җанлы милләттәшләребез!

Хәбәрләшик, фикерләшик, танышыйк, бәлки милләт өчен файдалы булган уртак проектлар, эшләр башкара алырбыз.
Монда комментарийларда язмагыз, турыдан-туры миңа яза аласыз.
@nailtatar