СИҢА МӘҢГЕ 24 ЯШЬ

Бүген, 19 ноябрь кадерле дустыбыз, көрәштәшебез Татар милли хәрәкәте һәм «Азатлык» Татар яшьләре берлеге активисты Батырхан Әгъзамовның ТУГАН КӨНЕ! Бүген дустыбызга 25 яшь булыр иде... Әмма ачы язмыш...
29 октябрь көнне Тыва Җөмһүриятендә юл казасында Батырхан вафат булды.

Батырхан бик кыю һәм милли җанлы егет иде. Ул татар халкын үлеп яратты һәм милләтебезгә бөтен көчен бирде. Батырхан татар халкының хокукларын яклап барлык митинг, пикет һәм җыеннарда катнашты, үзе дә оештырды. Батырхан – милләтебезгә тугрылык, халкыбызга сөю һәм кыюлык үрнәге булып калачак.

Милләтебезгә хезмәт итү – аның өчен бик мөһим иде. Батырханда Кол Шәриф һәм Япанча, Батырша һәм Исхакый рухы бар иде.

Батырханны югалту бик авыр. Милләтебез батыр, чын каһарман бер улын югалтты. Батырхан “Азатлык” оешмасын, милли хәрәкәтне бик яратты һәм милли хәрәкәткә бөтен энергиясен, көчен тулысы белән бирергә тырышты.
Бу авыр югалтуга чыдый алмый, йөрәкләребез бертуктаусыз елый!

Батырхан мәңге безнең йөрәкләребездә яшәячәк!

Рухы шат, урыны җәннәттә булсын!
Сагынабыз! Юксынабыз!

БАТЫРХАНУ НАВСЕГДА 24 ГОДА

Сегодня, 19 ноября день рождения нашего друга и соратника, активного участника Татарского национального движения, члена Союза татарской молодежи «Азатлык» Батырхана Агзамова.
Сегодня ему исполнилось бы 25 лет.
Но судьба... Батырхан трагически погиб в результате автомобильной аварии.

Батырхан был очень искренним и смелым, настоящим патриотом татарского народа. Он активно участвовал практически во всех акциях, пикетах и митингах в защиту прав татарского народа. Батырхан – пример мужества, отваги и безмерной любви к своему народу. Для него служение татарскому народу было делом всей жизни. Батырхан был очень сильный духом человек, в его характере проявились лучшие черты нашего народа. Он воплощал в себе дух Кул-Шарифа и Япанчи, Батырши и Исхаки. Наша нация потеряла одного из лучших и верных сынов. Мы все еще не можем поверить и осознать, что Батырхан погиб. Батырхан искренне любил «Азатлык» и отдавал деятельности в национальном движении всю свою энергию.

Боль от потери Батырхана настолько сильна, что слезы
не остановить.

Батырхану навсегда 24 года и он навсегда останется в наших сердцах!

Нам тебя не хватает!

Көрәш дәвам итәчәк!
Борьба будет продолжаться!

ЮГАЛТУ

"Азатлык" татар берлегенең элекке Казан бүлеге җитәкчесе, 1992-93 елларда ТИҮ рәисе урынбасары булган Илмир Габидуллин вафат булган. Тумышы белән Оренбург өлкәсенең Биккол авылыннан. Йөрәге авыруы сәбәпле якты дөньядан, безнең арабыздан китеп барды.
Ул туган авылында җирләнәчәк.

Туганнары, якыннары, дусларының авыр кайгыларын уртаклашабыз!

Рухы шат, урыны җәннәттә булсын!

(хәбәрне җиткерүче Рамай Юлдашевка олы рәхмәтләребезне белдерәбез)

Милли хәрәкәт активисты булган Илмир Габидуллин вафат

1992-1993 елларда «Азатлык» татар яшьләре берлегененең Казан бүлеген җитәкләгән Илмир Габидуллин вафат булган. Бу хакта аның дусты, фикердәше Алмаз Галәветдинов хәбәр итте.

Аның сүзләренчә, мәрхүмгә 53 яшь булган. Тумышы белән ул Оренбург өлкәсенең Биккол авылыннан. Ул Казанда тарих факультетында укыган. Укыган вакытта «Азатлык»ка килгән. «1992нче елларда ул җитәкче булып торды. Без үз көчебез белән Татар яшьләре көннәрен уздырган идек. Ул бик яхшы оештыручы, бик яхшы кеше иде. Һәрвакыт кеше, халык өчен, дип яшәде. Казанда туктар урын булмаса, бөтен кеше аларга бара иде. Бик ярдәмчел иде. Кызганыч», – дип сөйләде ул.

Аның әйтүенчә, соңгы елларда Илмир Габидуллин сәүдә өлкәсендә эшләгән. Мәрхүмнең хатыны тол калган, әнисе дә исән. Дусты сүзләренчә, мәрхүмдә йөрәк авыруы булган.

Марий Элдагы татар милли хәрәкәте активисты Рамай Юлдашев Илмир Габидуллиннан соң берлекның Казан бүлеген җитәкләгән булган. «Ул бик укымышлы, милли җанлы татар егете иде, кызганыч. Тарихны яхшы белде. Һәрвакыт мөлаем булды. Ул җитәкче булганда, студентлар өчен «Ягымлы яз» фестивале уза башлады. Татар дискотекалары оештыра идек», – дип искә алды ул.

Мәрхүмне иртәгә туган авылында җирлиләр.

Тулырак: https://tatar-inform.tatar/news/milli-xarakat-aktivisty-bulgan-ilmir-gabidullin-vafat-5879322