Праграма «EU4Belarus – SALT (Support for Advanced Learning and Training)» абвяшчае конкурс на атрыманне акадэмічных стыпендый для беларускіх даследчы(ц)каў, выкладчы(ц)каў і дактарантаў(к), якія пацярпелі ад рэпрэсій або якім пагражаюць рэпрэсіі ў сувязі з іх актыўнай грамадзянскай пазіцыяй. 

Праграма фінансуецца Еўрапейскім саюзам. Стыпендыя прызначана для праходжання навуковай стажыроўкі або правядзення дысертацыйнага даследавання ў еўрапейскіх акадэмічных інстытуцыях.

Калі: Ад трох да шасці месяцаў у перыяд з 1 кастрычніка 2023 года да 1 жніўня 2024 года. 
Дзе: Універсітэты і даследчыя інстытуты ЕС. 
Для чаго: Стыпендыя пакрывае выдаткі на арганізацыю навуковай стажыроўкі або правядзенне даследавання ва Ўніверсітэтах або даследчых цэнтрах краін Еўрапейскага саюза, у тым ліку збор неабходнай інфармацыі для даследаванняў, чытанне гасцявых лекцый, супрацоўніцтва для падрыхтоўкі прац, якія рэцэнзуюцца, удзел у семінарах або іншыя актыўнасці, накіраваныя на павышэнне кваліфікацыі. 
Дэдлайн: 30 чэрвеня 2023 года. 

Больш інфармацыі пра магчымасці і ўмовы стажыроўкі

У выдавецтве Hurst Publishers выйшла новая кніга пра Беларусь, "Belarus in Crisis", тэмы актуальныя - палітычныя пратэсты 2020 года і ўключэнне ў расійска-украінскую вайну. Аўтар - брытанскі аналітык Пол Хэнсберы. Ня ўпэўненыя, што для беларусаў там будзе нейкая новая веда, але паказальна як прыкмета ўзрастання зацікаўленасці Беларуссю.

Прапануем вашаей увазе некалькі беларускамоўных каналаў з цікавым кантэнтам.
@poshtabel — Беларусь на вінтажных паштоўках. Старыя здымкі нашых гарадоў ды мястэчак у рэтраспектыве, этнаграфія, цікавінкі з філакартыі.

@techleadby — новае мэдыя, якое публікуе навіны папулярнай навукі і тэхналёгій. Матэрыял падаецца простымі словамі на вельмі якаснай беларускай мове, бо аўтары — прафэсійныя журналісты.

@allabouttexnologys — навіны тэхналогій і гульнявога сьвету, цікавыя факты пра тэхніку на якаснай беларускай мове вы знойдзеце менавіта тут. Аўтар робіць новыя допісы кожны дзень!

@belarusium — старыя беларускія фота, мапы і іншыя цікавосткі, звязаныя з нашай Радзімай – Беларуссю.

@chadanovic — ваш персанальны гід па творах беларускай і сусветнай літаратуры ад Андрэя Хадановіча.

#пашыраймасваё

Алег Дзярновіч абяцае раскрыць таямніцы гісторыі і адказаць ці быў у часы ВКЛ канібалізм.

У гэтым годзе Інстытут “Палітычная сфера” мае гонар быць суарганізатарамі вялікага кангрэса гісторыкаў у Вільне “Перасэнсаванне Украіны і Еўропы: новыя выклікі для гісторыкаў”, які пройдзе 14-17 верасня 2023 года.
Акрамя іншага, у межах Кангрэса адбудзецца панэль “Распад СССР, расійскі экспансіянізм і прарасійскі сепаратызм ва Усходняй Еўропе, 1988-2022 гадах”.

Распад кожнай імперыі мае асаблівасці. У нашым рэгіёне ён суправаджаўся (і суправаджаецца) спробамі былой метраполіі захаваць (вернуць) палітычны ўплыў праз падтрымку прарасійскага сепаратызму і палітычнай фрагментацыі былых заходніх рэспублік СССР.

На пачатку 1990-х паўстала працяглая дуга “рэспублік” і “аўтаномій”, якая праходзіла праз увесь рэгіён: Усход Эстоніі, Латгалія, Віленскі край, Заходняе Палессе, Прыднястроўе, Гагаузія, Данбас, Крым, Абхазія, Паўднёвая Асетыя ...

Частка такіх ініцыятыў ніколі і не выйшла за межы газетных заяў і дэкларацый. Іншыя сталі заўважнымі праблемамі ў 1990-я, а некаторыя працягваюць існаваць як канфліктныя зоны да гэтага часу.

Мэта панэлі абагульніць досвед вывучэння прарасійскага сепаратызму ў былых заходніх рэспубліках СССР (Эстонія, Латвія, Літва, Беларусь, Украіны, Малдова, Грузія). Вызначыць лакальныя і “імперскія” чыннікі яго ўзнікнення і развіцця, асаблівасці палітычнай арганізацыі, параўнаць сацыяльныя і эканамічныя мадэлі, зразумець іх ролю ў расійскай палітыцы экспансіянізму і “вяртання” імперыі.
Заяўкі прымаюцца да 15 мая.

4 мая 2023 г. у Цэнтры даследаванняў беларускай культуры, мовы і літаратуры НАН Беларусі адбудзецца прэзентацыя дзесяці нумароў перыядычнага зборніка навуковых артыкулаў “Беларускі фальклор: матэрыялы і даследаванні”. Сёлета выданне было ўключана ў прэстыжную навукаметрычную рэфератыўную базу дадзеных Scopus, што сведчыць пра яго міжнароднае прызнанне і высокі ўзровень якасці навуковых публікацый.
Прэзентацыя адбудзецца 4 мая 2023 г. у 11.00 па адрасе вул. Сурганава д.1, корп. 2, каб. 302.