ጠቅላይ ሚኒስትር ዐቢይ አህመድ ከግብፅ ፕሬዝደንት አብዱልፈታህ አልሲሲ ጋር መከሩ
************
ጠቅላይ ሚኒስትር ዐቢይ አህመድ በማህበራዊ ትስስር ገፃቸው እንዳስታወቁት ከግቡፁ ፕሬዝደንት አብዱልፈታህ አልሲሲ ጋር በግብፅ ካይሮ መክረዋል።
ጠቅላይ ሚኒስትሩ "በግብጽ ካይሮ ከፕሬዚዳንት አብዱልፈታሕ ኤልሲሲ ጋር በሁለትዮሽ እና ቀጣናዊ ጉዳዮች ላይ ትብብር በሰፈነበት መንፈስ ውይይቶች አካሂደናል።" ሲሉም ነው የገለጹት።
በውይይታቸውም የሁለትዮሽ ትብብር ጉዳዮች እንዲሁም ወቅታዊ የቀጠናው ሁኔታዎች መነሳታቸውን ጠቅላይ ሚኒስትሩ አስታውቀዋል።
https://www.facebook.com/EBCzena/posts/pfbid0w8YCBmBKyTyWfkAfgRb59bDJCSQYLuuEkThPmN2AdYzqR2hZDrHLaVRTLzDYVCf7l

በሩሲያ የዋግነር ኃይሎችን ትጥቅ የማስፈታት ዘመቻ ተጠናክሮ መቀጠሉ ተሰማ
****************

የሩሲያ መከላከያ ሚኒስቴር የዋግነር ግሩፕ የጦር መሣሪያዎችን ከቡድኑ ተዋጊዎች እየተረከበ መሆኑን በቃል አቀባዩ በኩል አስታውቋል።

የግል ወታደራዊ ቡድን የሆነው ዋግነር ግሩፕ መፍረሱን ቀጥሏል ሲል የሩሲያ መንግሥት ገልጿል።

እንደ ሩሲያ መከላከያ ሚኒስቴር ገለጻ፣ በመቶዎች የሚቆጠሩ ታንኮች፣ እንደ 'ግራድ' እና 'ኡራጋን’ ዓይነት የዘመኑ የሮኬት ማስወንጨፊያ ሥርዓቶችን እንዲሁም ‘ፓንሲር’ የተሰኙትን ዘመናዊ አየር መቃወሚያ ሚሳኤል ሥርዓቶችን ጨምሮ ከ2 ሺህ በላይ ከባድ እና ቀላል የጦር መሣሪያዎች በመንግሥት ጦር ሥር እንዲውሉ ተደርገዋል።

በቁጥጥር ሥር ከዋሉት 20 ሺህ የነፍስ ወከፍ ጦር መሣሪያዎች እንዲሁም 2 ሺህ 500 ቶን ተተኳሾችን ያካተተው የጦር ትጥቅ ወደ ጥገና ክፍል ተወስዶ ለጥገና ወይም ለጦር ግንባር እንዲውል እንደሚደረግ የሩሲያ መከላከያ ሚኒስቴር መግለጹን የዘገበው አር.ቲ ኒውስ ነው።