አሜሪካ ለጋዛ ሰብአዊ እርዳታ የሚውሉ ሶስት ወታደራዊ አውሮፕላኖችን ወደ ግብፅ ልትልክ ነው
***********

በእስራኤል እና በሃማስ መካከል በተደረገው ጊዜያዊ የተኩስ አቁም ስምምነት ተከትሎ አሜሪካ በጋዛ ድጋፍ ለሚሹ ወገኖች የሚሆን ሰብአዊ እርዳታ የጫኑ ሶስት ወታደራዊ አውሮፕላኖችን ከማክሰኞ ጀምሮ ወደ ግብፅ እንደምትልክ የሀገሪቱ ባለስልጣናት አስታውቀዋል።

እርዳታ የጫኑት አውሮፕላኖች ምግብ፣ የህክምና ቁሳቁሶችን እና ሌሎች ለሰብዓዊ አገልጋሎት የሚያግዙ መሳሪያዎችን የሚይዙ ናቸው ተብሏል፡፡

በፈረንጆቹ ጥቅምት 7 በሃማስ እና በእስራኤል መካከል ከተቀሰቀሰው ጦርነት ወዲህ አሜሪካ እርዳታ የጫኑ አውሮፕላኖችን ወደ ጋዛ ስትልክ ይህ የመጀመሪያው መሆኑም ተጠቅሷል።

በረራዎቹ የጀመሩት የአሜሪካው ፕሬዝዳንት ጆ ባይደን ወደ ጋዛ ተጨማሪ ርዳታ ለመላክ የተኩስ አቁም ስምምነት መራዘሙን እጠቀማለሁ ካሉ ከአንድ ቀን በኋላ ሲሆን፤ የተኩስ አቁም ስምምነት ጊዜውን የበለጠ ለማራዘም ዓለም አቀፍ ጥረቶች ይቀጥላሉ ተብሏል።

በዛሬው ዕለት የጋዛው የተኩስ አቀም መራዘሙን ተከትሎ እስራኤል ተጨማሪ 33 እስረኞችን ሀማስ ደግሞ 11 ታጋቾችን መልቀቃቸው ተጠቅሷል።

በድርድሩ በርካታ አካላት የተሳተፉ ሲሆን፤ በዚህም እስካሁን 58 ታጋቾች ነጻ የወጡ ሲሆን ከአርብ ዕለት ጀምሮ 117 ፍልስጥኤማውያን እስረኞች መለቀቃቸውም ተዘግቧል።

በእስራኤል እና በሐማስ መካከል ለአራት ቀናት የተደረሰው ጦርነት ጋብ የማድረግ ስምምነት ዘላቂ እንዲሆን ዓለም አቀፉ ማኅበረሰብ ግፊት እያደረገ መሆኑን ቢቢሲ ዘግቧል።

ኢትዮ ቴሌኮም 5ጂ የሞባይል ኔትዎርክ አገልግሎትን በጅግጅጋ ከተማ አስጀመረ
*********************
ኢትዮ ቴሌኮም የአምስተኛው ትውልድ 5ጂ የሞባይል ኔትዎርክ አገልግሎትን በምስራቅ ምስራቅ ሪጅ ጅግጅጋ ከተማ አስጀምሯል።
የ5ጂ የሞባይል ኔትዎርክ አገልግሎት እስከ 10 ጊ.ባ በሰከንድ የሚደርስ ከፍተኛ ፍጥነት ያለው ገመድ አልባ የኔትዎርክ ቴክኖሎጂ ነው።
የኢትዮ ቴሌኮም ዋና ስራ አስፈፃሚ ወ/ት ፍሬህይወት ታምሩ የአምስተኛው ትውልድ 5ጂ የሞባይል ኔትዎርክ አገልግሎት ዘመኑ የደረሰበት ከፍተኛው ቴክኖሎጂ መሆኑን አንስተዋል።
አገልግሎቱ ምርታማነትን ለማሳደግ እና ቀልጣፋ አገልግሎትን ተደራሽ ለማድረግ ያግዛል።
በተለይ የግብርና፣ የማዕድን፣ የትምህርት ፣ የጤና እና የመረጃ ልውውጥን በማሳደግ ዲጂታል ኢኮኖሚን ለማዳበር ያለው ፋይዳ የጎላ ነው ብለዋል።
የሶማሌ ክልል ምክትል ርዕሰ መስተዳድር ኢብራሂም ኡስማን በክልሉ የ5ጂ ኔትዎርክ አገልግሎት በጅግጅጋ መጀመሩ የአካባቢውን ኢኮኖሚያዊ እንቅስቃሴ ለማሳደግ ያግዛል።
የጅግጅጋ ከተማ ከአዲስ አበባ እና አዳማ በመቀጠል የአምስተኛው ትውልድ 5G የሞባይል ኔትዎርክ አገልግሎት ተጠቃሚ የሆነች ሶስተኛዋ ከተማ ናት።
በማስጀመሪያ መርሀ ግብሩ ላይ የሶማሌ ክልል ምክትል ርዕሰ መስተዳድር ኢብራሂም ኡስማን፣ የጅግጅጋ ከተማ ከንቲባ ኢኒጂነር ዚያድ አብዲ፣ የመንግስት ከፍተኛ የስራ ሀላፊዎች እና የአካባቢው ነዋሪዎች ተገኝተዋል።
በቴድሮስ ታደሰ

አሜሪካ ሰሜን ኮሪያ በአዲሱ ሳተላይቷ አማካይነት አገኘሁት ያለችውን ምስል ማረጋገጥ አይቻልም አለች
**********************

ሰሜን ኮሪያ ሰሞኑን ባመጠቀችው የስለላ ሳተላይት አማካይነት የአሜሪካ ቤተመንግሥት፣ የመከላከያ ቢሮን ጨምሮ ቁልፍ የመከላከያ ህንጻዎችን ምስል ማገኘቷን ይፋ አድርጋለች።

ይሁን እንጂ የአሜሪካው ፔንታጎን፤ የሰሜን ኮሪያ ሳተላይት የአሜሪካ አስተዳደር ሕንፃዎችን ፎቶ እንዳገኘች ማረጋገጥ እንደማይቻል ተናግሯል።

አንድ የአሜሪካ መከላከያ ክፍል ቃል አቀባይ ለስፑትኒክ አንደገለጹት፤ የሰሜን ኮሪያ የስለላ ሳተላይት የኋይት ሃውስ፣ የፔንታጎን እና የአሜሪካ አውሮፕላን ተሸካሚዎችን ፎቶ ስለማግኘታቸው ማረጋገጥ አልተቻለም።

ይህ በአንዲህ እንዳለ፤ የሰሜን ኮሪያ የስለላ ሳተላይት ፒዮንግያንግ የሕዋ ቡድን እንድትቀላቀል ስለማድረጉ ተገልጿል።

የሰሜን ኮሪያ አዲሱ የስለላ ሳተላይት ራሳቸውን ችለው የጠፈር አቅም ካላቸው የተመረጡ አገራት መካከል አስቀምጧታል።

ይህም ብቻ ሳይሆን፤ ሀገሪቱ የኑክሌር ባላስቲክ ሚሳኤሎችን የመከለል ኃይል በማሳደግ ስትራቲጂክ ተጽዕኖ እንዳለው ነው የተገለጸው።

የዋጋ ግሽበት

https://ebc.et/newsdetails.aspx?newsid=4415
የዓለማችን 7ቱ ምርጥ ስማርት ከተሞች

የአማራ ክልል ከፍተኛ አመራሮች በክልሉ ወቅታዊ ጉዳዮች ላይ እየተወያዩ ነው
****************

የአማራ ክልል ከፍተኛ አመራሮች በክልሉ ወቅታዊ ሁኔታ ላይ ውይይት እያካሄዱ ይገኛሉ።

በመድረኩ ላይ ርዕሰ መስተዳድር አቶ አረጋ ከበደ ባደረጉት ንግግር "በክልሉ በተፈጠረው ግጭት እና አለመረጋጋት የተነሳ ከወትሮው በተለየ ሁኔታ ማከናወን ያለብንን የልማት ስራ ለማከናወን እንቅፋት ሆኗል" ብለዋል።

መከላከያ ሠራዊት ፣ የክልሉ የፀጥታ ኃይል፣ አጠቃላይ አመራሩ እና ሰላም ወዳዱ ህዝብ በቅንጅት በሰሩት ስራ አብዛኛው የክልሉ አካባቢዎች አንፃራዊ ሰላም እንዲገኝ ማድረጋቸውን ገልፀዋል።

የክልሉን ሰላም ለማረጋገጥ እና ወደ ልማት ስራዎች ለመመለስ ባለው ፍላጎት በተከታታይ ግንዛቤ የማሳደግ ስራዎች በመሰራታቸው አሁን ለተገኘው አንጻራዊ ሰላም ከፍተኛ አስተዋፅዖ ማበርከቱን ርዕሰ መስተዳድሩ ገልጸዋል።https://www.facebook.com/EBCzena/posts/pfbid02wTwp6mnThyTaQecvcMd6E9HpuSvy2K5A3iaPVuD7j52tTi4BQp5McDBefVSVt7rvl

https://ebc.et/newsdetails.aspx?newsid=4432
ውክልና በሕግ ዓይን