📌"ዳናሽ” ፊልም ለእይታ ሊበቃ ነው

በአብርሃም ታደሰ ተደርሶ ዳይሬክት የተደረገው "ዳናሽ" ፊልም ጥቅምት 19 ቀን 2017 ዓ.ም  በዓለም ሲኒማ ተመርቆ ለእይታ እንደሚበቃ ኤቨንት አዲስ ድረገፅ ሰምቷል።

በ"ዳናሽ" ፊልም ሔኖክ በሪሁን፣ ኤደን አይሹሽም፣ጌታቸው ስለሺ፣ ምስክር ተስፋዬ እና ሌሎችም በትወና ተሳትፈዋል።

በኢነርጂ ፊልም ፕሮዳክሽን እና በቆንጆ ፒክቸርስ ተዘጋጅቶ በየሚ ፒክቸርስ አማካኝነት ለሕዝብ እንዲቀርብ የተሰናዳው ፊልም በዓይነቱ ለየት ያለ እና ጠንካራ ሃሳብ ይዞ የመጣ መሆኑን የፊልሙ አዘጋጅ አብርሃል ታደሰ ገልጸዋል፡፡

አጠቃላይ 3 ሚሊየን ብር ወጪ የተደረገበት እና 1 ሰዓት ከ46 ደቂቃ የሚፈጅ ርዝማኔ ያለው ፊልሙ ለኢትዮጵያ ፊልም ተመልካቾች የሚመጥን ሃሳብ በማንሳት የሚሞግት፣ ብሎም ለመልካም እሴቶቻችን ዘብ እንድንቆም የሚያበረታታ ስለመሆኑ አዘጋጁ አብርሃል ታደሰ አስታውቀዋል፡፡

ለተጨማሪው: https://news.1rj.ru/str/EventAddis1

📌ዌብሳይት የመስራት ችሎት ላላቸው ዳጎስ ያለ ብር የሚያሸልም ውድድር ሊካሄድ ነው።

የቴክኖሎጂ ፈጠራዎችን በማቅረብ በአጭር ጊዜ በኢንፎርሜሽን ቴክኖሎጂ ዘርፍ በኢትዮጵያ ግንባር ቀደም ተጠቃሽ እየሆነ የመጣው አሸዋ ቴክኖሎጂ ሶሉሽን አ.ማ ከብልህ ማርኬቲንግ ጋር በመሆን ለረጅም ጊዜ ሲሰራበት የቆየውን የቴክኖሎጂ ውጤት ከ500 በላይ አበልፃጊዎችን በማሳተፍ ዘርፉን ለማበርታታት ፕሮጀክት ቀርጾ መንቀሳቀስ መጀመሩን ዛሬ ጥቅምት 12 ቀን 2017 ዓ.ም ቦሌ በሚገኘዉ ዋና መስሪያቤቱ ይፋ አደርጓል።

በዚህ የመክፈቻ ሥነሥርዓት ላይ ዌብሳይት የመስራት ችሎት ላላቸው ዳጎስ ያለ ብር የሚያሸልም ውድድር ማዘጋጀቱንም ተቋሙ አስታውቋል።

የአሸዋ ቴክኖሎጂ ሶሉሽን አ.ማ ዋና ስራ አስፈፃሚ አቶ ዳንኤል በቀለ "ይህንን የፈጠራ ውድድር በዘጠና ቀን ዘመቻ ወደስራ ስናስገባ የኢትዮጵያን ብሎም የአፍሪካን የቴክሎጂ እድገት ካለበት ደረጃ በአጭር ጊዜ የከፍታ ማማ ላይ ለማድረስ አልመን ነው የምንሰራው " ሲሉም ተናግረዋል፡፡

በተጨማሪም የዌብ ዘርፎች ኢኮሜርስ፣ ቱሪዝም፣ ሆስፒታሊቲ፣ የሄልዝ ኬር፣ የተማሪዎች ሰርቪስ፣የማህበረሰባዊ ትስስር ላይ ትኩረት አድርጎ እንደሚሰራ ማወቅ ተችሏል።

ይህም ፕሮጀክት ለዜጎች የስራ እድል ከመፍጠር አንፃር፤ ለአገር ዉስጥ የምጣኔ ሀብት እድገትና ማህበራዊ ጉዳዮች ላይ ከፍተኛ ተፅዕኖ መፍጠር እንደሚችል እና አዳዲስ የኢኖቬሽን ስራዎች በማካተት ለዌብ ዲዛይኑ ዓለም አቀፋዊ ይዘት ያላቸዉ ተብሌኖችና ዲዛይኖች እንዲፈጠሩ ለማየት እንደሚያስችል ተገልጿል።

ፎቶ: ተክሌ ማርኮን

ለተጨማሪው: https://news.1rj.ru/str/EventAddis1