📌የታገል ሰይፉ "የእኔ ደማቅ ሠዎች" ለንባብ በቃ

ገጣሚና ደራሲ ታገል ሰይፉ "የእኔ ደማቅ ሠዎች" ሲል የሰየመውን አዲስ መጽሐፍ በዚህ ሳምንት ለንባብ እንዳቀረበ ኤቨንት አዲስ ሚዲያ ከጃፋር መጽሐፍ መደብር ያገኘው መረጃ ያመለክታል።

መጽሐፉ ስለ ከያኒያኑ ሙሉጌታ ተስፋዬ፣ሐዲስ አለማየሁ፣ስብሐት ገ/እግዚአብሔር፣ደበበ ሰይፉ እና ስለ ሌሎችም ሰዎች ያልተሰሙ መረጃዎችን የያዘ እንደሆነ ተነግሯል።

ታገል ሰይፉ ''የእኔ ደማቅ ሰዎች'' በሚል ርዕስ አስቀድሞ ተከታታይ ቪዲዮዎችን በዩቱብ ቻነሉ ሲለቅ እንደቆየ ይታወሳል።

"የእኔ ደማቅ ሰዎች" መጽሐፍ በተለያዩ መጻሕፍት መደብሮች ይገኛል ተብሏል።

ለተጨማሪው:https://news.1rj.ru/str/EventAddis1

📌ስብሐቲዝም ስለመንግሥቱ ኃይለማርያም

ደራሲና ገጣሚ ይታገሡ ጌትነት የክብር እንግዳ የሆነበት ስብሐቲዝም 93ተኛ መድረክ "መንግሥቱ ኃይለማርያም 'ከፖለቲካ ባሻገር" በሚል የሀሳብ ውይይት ይካሄዳል።

የስብሐቲዝም አዘጋጆች ተከታዩን ብለዋል" ይታገሡ ጌትነት ነው የ93ኛ መድረክ እንግዳ። ስለ ሊቀ መንበር መንግስቱ ከፖለቲካ ገጽታቸው እስከ ግለሰባዊ ማንነታቸው የሚያወጋን እርሳቸውን አግኝቶ በበቃ ብዕር የተከተበልን ይታገሡ ነው።

ደራሲው ስለጻፈ ብቻ ሳይሆን ከልጅነት ጀምሮ እርሳቸውን ያውቃል። ስለሆነም ከሌላው በተለየ የሚነግረንን ሙሉ ያደርገዋል" ።

ውይይቱ ነገ ሐምሌ 20 ቀን 2017 ዓ.ም  ከቀኑ 8:00 ጀምሮ በብሔራዊ ቤተመዛግብት እና ቤተመጻሕፍት አገልግሎት (ወመዘክር) አዳራሽ ውስጥ ይከናወናል።

ለተጨማሪው: https://news.1rj.ru/str/EventAddis1

📌በአዲስ አበባ ከተማ የተገነባው ባለ 11 ወለል ግዙፍ የሲኒማና ቴአትር አዳራሽ እየተጠናቀቀ ይገኛል ተባለ

የአዲስ አበባ ከተማ አስተዳደር ቦሌ መንገድ ፍላሚንጎ አካባቢ እያስገነባው ያለው ባለ 11ወለል የህጻናት ቴአትርና ሲኒማ አዳራሽ ህንጻ ግንባታ ወደ መጠናቀቁ ተቃርቧል ።

ዋንኛው የቴአትር አዳራሹ 1300 ሰዎች መያዝ የሚችል ሲሆን ፣ ሌሎች ሁለት መካከለኛ የሲኒማ አዳራሾችም በህንጻው ግንባታ ውስጥ ተካትተዋል።  የዋንኛው ቲያትር አዳራሽ መድረክ በሀይድሬሊክ ሲስተም 360 ዲግሪ መሽከርከር እንዲችል ተደርጎ የተሰራ ነው።

©️Samson michailovich

ለተጨማሪው: https://news.1rj.ru/str/EventAddis1

📌የደራሲ ኃይለመለኮት መዋዕል "የወዲያነሽ" የልቦለድ መጽሐፍ ዳግም ሊታተም ነው።

የተወዳጁ ደራሲ፣ አርታኢ እና መምህር ኃ/መለኮት መዋዕል "የወዲያነሽ" መጽሐፍ ከአስር ዓመታት በኋላ ዳግም በቅድም ክፍያ ሽያጭ ለሕትመት ይበቃል ተብሏል።

መፅሐፉ ከ39 ዓመታት በፊት በ1978 ዓ.ም ለመጀመሪያ ጊዜ ታትሞ ለአንባቢያን ሲደርስ በ5.50 ዋጋ እንደነበር ደራሲ ኃ/መለኮት መዋዕል ከእዚያ በኋላ በተለያዩ አጋጣሚዎች መታተሙን አስታውሷል።

ከአስር ዓመታት በፊት በ2007 ዓ.ም ለመጨረሻ ጊዜ መታተሙን በመጥቀስ የመፅሀፉ ፈላጊዎች ቁጥር መበራከት ለዳግም ሕትመቱ ምክንያት እንደሆነ ጠቅሷል።

"የወዲያነሽ" መጽሐፍ ድጋሚ ሲታተም የጀርባ ዋጋው 400 ብር ሲሆን በኢትዮጵያ ንግድ ባንክ 1000571154319(ኃይለመለኮት መዋዕል ) ብር በማስገባት መጽሐፉን ቀድማችሁ መግዛት ትችላላችሁ ተብላችኋል።

የቀድመ ሽያጭ አስተባባሪዎች "መጽሐፍ ስትገዙ የከፈላችሁበትን ደረሰኝ  በውስጥ ላኩልን https://shorturl.at/F7POF መጽሐፏ ከህትመት ሲወጣ በምረቃዋ ዕለት ወይም በሌላም መንገዶች ሁሉ ይደርሷችኋል" ሲሉ ተናግረዋል።

"የወዲያነሽ"ን ተከትሎ ሌላኛው የደራሲው ተወዳጅ ስራ "ጉንጉን" ዳግም እንደሚታተም በመግለፅ "የአዕምሮ ማህፀን ጤና ካለ አይመክንም፣ ከሰራህበት ሁል ጊዜ እየፋፋ እያደገ ነው የሚሄደው" ያለው ደራሲ ኃ/መለኮት መዋዕል ከእዚህ በኋላ ባለው ጊዜ አዳዲስ ሥራዎችን ለማበርከት እንደጥር ጠቁሟል።

ደራሲ ኃይለመለኮት መዋዕል "የአርትኦት ሥራዎችን አቁሜያለሁ" ያለ ሲሆን "ከፈጣሪ  ፍቃድ ጋር"በቀጣዩ ዓመት አዲስ ስራ ሊኖር እንደሚችል ተናግሯል።

©️FM Addis 97.1

ለተጨማሪው: https://news.1rj.ru/str/EventAddis1

📌 DStv ሙሉ በሙሉ ለካናል ፕላስ ተሸጠ

የፈረንሳዩ ተቋም ካናል ፕላስ  የደቡብ አፍሪካውን መልቲቾይዝ ግሩፕ (DStv) በ3 ቢሊየን ዶላር ገዝቶታል።

ካናል ፕላስ መጀመሪያውንም ቢሆን የመልቲቾይዝ 45 በመቶ ባለድርሻ የነበረ ሲሆን አሁን ሙሉ ለሙሉ ድርሻውን ገዝቶታል።

መልቲቾይዝ ለ40 አመታት የቆየ ስም የገነባ መሆኑ ሲገለፅ በአፍሪካ ከ50 ሚሊየን በላይ ደንበኞች እንዳሉት ይገለፃል።

መልቲቾይዝ በክፍያ ከሚሰሩ የቴሌቪዥን ገበያዎች ውስጥ አንዱ ሲሆን በዲ ኤስ ቲቪ እና ጎቲቪ በኩል የተለያዩ የስፖርት እና የመዝናኛ ፕሮግራሞችን በክፍያ ሲያስተላልፍ ቆይቷል።

ግዢው ሙሉ ለሙሉ በመጪው ጥቅምት ይጠናቀቃል ተብሎ ሲጠበቅ ካናል+ የደቡብ አፍሪካን ፕሮዳክሽን በአዲስ ገበያዎች የማስተዋወቅ ኃላፊነት ተጥሎበታል።

ደቡብ አፍሪካ በህጓ የደቡብ አፍሪካን የስርጭት መብት የያዘ ድርጅት ባለቤትነቱ ከ20 በመቶ በላይ በውጪ ዜጋ መያዝን ስለምትከለክል መልቲቾይዝ የስርጭት መብቱን ላይሰንስኮ በተሰኘ ድርጅት ማድረጉ ተሰምቷል።

መልቲቾይዝ ሃገራችን ኢትዮጵያን ጨምሮ ብዙ ተጠቃሚዎች ያሉት ሲሆን በዲ ኤስ ቲቪ በኩል የእግር ኳስ እና የመዝናኛ ፕሮግራሞችንም ሲያሰራጭ ቆይቷል።

ካናል+ በበኩሉ ወደ ኢትዮጵያ ገበያ ከገባ በኋላ የክፍያ ቴሌቪዥኑን በመዝጋት ወደ ሌላ አማራጮች ማዞሩን ከወራት በፊት መግለፁ ይታወሳል።

©️TikvahethMagazine

ለተጨማሪው: https://news.1rj.ru/str/EventAddis1

📌ጋዜጠኛ ታደሰ ሚዛን ከህልፈቱ 17 ቀናት በኃላ ዛሬ ስርዓተ ቀብሩ በቅድስት ሥላሴ ካቴደራል ተፈፀመ

ጋዜጠኛ ታደሰ ሚዛን ሀምሌ 2 ቀን 2017 ዓ/ም በአሜሪካ ሲያትል ከተማ ከዚህ ዓለም በሞት እንደተለየ ይታወሳል።ዛሬ ሀምሌ 19 ቀን 2017 ከህልፈቱ 17 ቀናት በኃላ ስርዓተ ቀብር በቅድስት ሥላሴ ካቴደራል ተፈጽሟል።

ጋዜጠኛው በኢትዮጵያ ቴሌቪዥን ከጋዜጠኝነት እስከ የዜናና ወቅታዊ መረጃ ዳይሬክተር በመሆን አገልግሏል።

በኢትዮጵያ ቴሌቪዥን "የሚዲያ_ዳሰሳ " በሚል ርዕስ ሲያቀርበው በነበረው ትንታኔ በአድማጭ ተመልካቾች ዘንድ ይታወሳል።

ወደ አሜሪካ በመሄድም በPhD ተመርቋል።ከትምህርቱ ጎን ለጎንም እስከ ህልፈቱ ድረስ TBS በተባለው የትግርኛ ቴሌቪዥን በአማርኛና በትግርኛ ቋንቋዎች ወቅታዊና የመዝናኛ ፕሮግራሞች ሲያቀርብ ነበር። 

በ1963 ዓ/ም በትግራይ ውቕሮ ከተማ የተወለደው ጋዜጠኛ ታደሰ ሚዛን ከአዲስ አበባ ዩንቨርስቲ  የጋዜጠኝነትን ኮሙዩኒኬሽንን ክፍል በዲግሪ ተመርቋል። በጋዜጠኝነት ሙያ ለረጅም አመታት ሰርቷል።

ለተጨማሪው: https://news.1rj.ru/str/EventAddis1

📌በቻይና ኢትዮጵያዊቷ ጋዜጠኛ ተሸለመች

ጋዜጠኛ ሰላም ተሾመ ከሰሞኑ በቻይና በተካሄደው የ"Road and Belt journalist forum" ላይ ኢትዮጵያን ወክላ ተገኝታ ነበር።

በፎረሙ ከ30 በላይ ሃገራት ከተወከሉ የሚዲያ ባለሙያዎች መካከል ጋዜጠኛ ሰላም ተሾመ ባቀረበችው ስራ ከፍ ያለ ዕውቅና ተሰጥቷት።

በዚህም ስራዋ ተሸላሚ ሆና የሀገራችንን ስም አስጠርታለች።

©️ጋዜጠኛ ያልፋል አሻግር

ለተጨማሪው: https://news.1rj.ru/str/EventAddis1

📌ድምጻዊ ብስራት ጋረደው "ከእንግዲህ በኃላ በመዝሙር ጠብቁኝ" ሲል ተናገረ

ድምጻዊ የግጥምና ዜማ ደራሲው ብስራት ጋረደው በአርትስ ቴሌቪዥን በኩል በሚተላለፈው 'ዘጠናዎቹ' የቴሌቪዥን ዝግጅት ላይ እንግዳ ሆኖ ቀርቦ ነበር በዚህም ዝግጅት ላይ "ከእንግዲህ በኃላ በመዝሙር ጠብቁኝ" ሲል ተናግሯል።

ብስራት ጋረደው በተጨማሪም "ከሞትኩበት ያነሳኝን አምላኬን ዘፍኜ አላሳዝነውም" ብሏል።

ድምጻዊ ብስራት ጋረደው በዘጠናዎቹ በለቀቀው "ሳላምንበት" በተሰኘው ተወዳጅ የሙዚቃ አልበሙ ከበርካታ የሙዚቃ አድማጮች ጋር ተዋውቋል።

በተጨማሪም ለበርካታ ድምጻዊያን የግጥምና ዜማ ስራዎችን አበርክቷል።

ለተጨማሪው: https://news.1rj.ru/str/EventAddis1

📌የጋዜጠኛው የስለት ጥቃት ሀሰት ሆኖ ተገኘ

የስፖርት ጋዜጠኛው አሉላ ፍሬው "በጩቤ ተወጋሁ" ያለው ጉዳይ በመረጃና ማስረጃ ሀሰት ሆኖ ተገኘ

የCD ስፖርትና የNBC ኢትዮጵያ የስፖርት ጋዜጠኛው አሉላ ፍሬው በስለት የመወጋት አደጋ እንደደረሰበት ከ51 ቀናት በፊት በራሱ የፌስቡክ ገፅ አስታውቆ ነበር።ይህም አስነዋሪ ድርጊት በወቅቱ መነጋገሪያ እንደነበረ ይታወሳል።

በዚህ ጉዳይ ላይ አንጋፋው የስፖርት ጋዜጠኛ ታምሩ አለሙ እና ባልደረቦቹ ጥልቅ ምርመራ አድርገው ፣መረጃዎችን አጣርተው ነበር።

ይህ "ጋዜጠኛው ላይ ጉዳት ያደረሰው ማነው?" በሚል ርዕስ የቀረበው ሰፋ ያለ ዘገባ "የፖሊስ፣ የክሊኒክ፣ የማህበሩና የፌዴሬሽኑን ምላሽ" ያካተተ እንደሆነ ተገልጿል።

በምርመራቸውም የስፖርት ጋዜጠኛው የሰጣቸው መረጃና በምርመራ ያገኙት መረጃ ፍፁም የማይገናኝ በመረጃና ማስረጃ ሀሰት እንደሆነ ኤቨንት አዲስ ሚዲያ ከዘገባቸው ላይ ተመልክቷል።

የምርምር ቡድኑ "የዚህ ዘገባ አላማ የሙያ ባልደረባችን ያጋጠመውን ጉዳት መነሻ በማድረግ በሙያተኞች ላይ የሚደርሰውን በደልና ጥቃት ማውገዝ ብሎም ማጋለጥ ነበር፤ ሆኖም መረጃውን ስናጣራ ውጤቱ ይህ ሆኗል" ሲል አስታውቋል።

ሙሉ መረጃውን ከጋዜጠኛ ታምሩ አለሙ የፌስቡክ ገፅ ያንብቡ: https://www.facebook.com/1812918430/posts/pfbid02E2uAome5LTwaR9YZbYBQsLwiQX93kyqysRYPSpC5SpC9U3FiekbqriQpGjDAQxVpl/

ለተጨማሪው: https://news.1rj.ru/str/EventAddis1

📌የኢትዮጵያ ብሔራዊ ቴአትር ቤት ይቅርታ ጠየቀ

የኢትዮጵያ ብሔራዊ ቴአትር ቤት ከ" ንጉሥ አርማህ" ተውኔት የመክፈቻ ሥነሥርዓት ጋር በተያያዘ ለተፈጠረው የታዳሚያን መጉላላት በይፋ ይቅርታ ጠይቋል።

ቴአትር ቤቱ በማህበራዊ ትስስር ገፁ"በትናንትናው ዕለት ማለትም ሐምሌ  20 ቀን 2017 ዓ.ም  ‹‹ንጉሥ አርማህ›› ቴአትር በይፋ መከፈቱ ይታወቃል፡፡ በዕለቱ የተመልካቹ ብዛት ከቴአትር ቤቱ አዳራሽ አቅም በላይ በመሆኑ በቦታ ጥበት ምክንያት የተመለሳችሁ ክቡራን ተመልካቾቻችንን ከፍተኛ ይቅርታ በቴአትር ቤቱ ሥም እንጠይቃለን" ስለማለቱ ኤቨንት አዲስ ሚዲያ ተመልክቷል።

በሌላ በኩል "ዘወትር እሁድ ከቀኑ 8፡30 ይቀርብ የነበረው ‹‹12ቱ እንግዶች›› ቴአትር  ወደ ቅዳሜ 8፡30 የተዘዋወር ሲሆን  ‹‹ንጉሥ አርማህ›› ቴአትር ዘወትር እሁድ በ8፡30 ለክቡራን ተመልካቾች እንደሚቀርብ በአክብሮት እንገልጻለን" ሲል የመርሐግብር ለወጥ እንዳደረገም ቴአትር ቤቱ አስታውቋል።

ለተጨማሪው: https://news.1rj.ru/str/EventAddis1

📌"ሣማ ፊልም" ተመረቀ

በደራሲና አዘጋጅ ሞገስ አስራት ተዘጋጅቶ በአድዋ ፊልምስ የቀረበው "ሳማ" ፊልም ትላንት ሰኞ ሐምሌ 21 ቀን 2017 ዓ.ም በዓለም ሲኒማ ተመርቋል።

በፊልሙ ላይም በመሪ ተዋናይነት ሽዋፈራሁ ደሳለኝ ፣ ሙላለም ጌታቸው ፣ ቤዛነሽ አያሌው እንዲሁም ሌሎች አዳዲስ ተዋንያን ተሳትፈውበታል ።

ከዚህ ቀደም በተመልካች ተወዳጅነትንና አድናቆትን እንዲሁም በተለያዩ አዋርዶች ላይ በበርካታ ዘርፎች በመታጨትና በመሸለም የሚታወቀውን "ክሱት" የተሰኘ ፊልም በመስራት ለዕይታ ያበቃው አድዋ ፊልምስ ፕሮዳክሽን አሁን ደሞ ሙሉ ቀረፃውን በጉራጌ ዞን ያደረገ "ሣማ" የተሰኘ ፊልምን ለእይታ አብቅቷል።

ፊልሙ በቅርቡ በተለያዩ ሲኒማ ቤቶች ለእይታ ይቀርባል ተብሏል።

ለተጨማሪው: https://news.1rj.ru/str/EventAddis1

📌"ንባብ ለሕይወት" ግዙፉ አውደርዕይ ሊካሄድ ነው

የአዲስ አበባ ከተማ ግዙፉ የመጽሐፍ አውደርዕይ "ንባብ ለሕይወት " የመጽሐፍና ንባብ አውደርዕይ ከቀናት በኃላ ሊካሄድ እንደሆነ ኤቨንት አዲስ ከአዘጋጆቹ ያገኘው መረጃ ያመለክታል።

"ንባብ ለሕይወት" የመጻሕፍት አውደርዕይ ዘንድሮ ከሐምሌ 24 እስከ ሐምሌ 27 2017 ዓ.ም ድረስ ለቀናት መስቀል አደባባይ አካባቢ በሚገኘው በአዲስ አበባ ኤግዚቢሽን ማዕከል ውስጥ በታላቅ ድምቀት ይካሄዳል።

የንባብ ከሕይወት ፕሮጀክት ከኢትዮጵያ ቤተ-መዛግብትና ቤተ-መጻሕፍት አገልግሎት (ወመዘክር) በመተባባር ባዘጋጀው በዚህ አውደርዕይ ላይ በርካታ ደራሲያን በመገኘት መጻሕፋቸውን ያስተዋውቃሉ ተብሏል።

የመጻሕፍት አሳታሚዎችና አከፋፋዮች መጻሕፍትን በቅናሽ ዋጋ ያቀርባሉ።

በአውደርዕዩ ላይ የመጽሐፍ ምርቃትና ሀሳብ ማንሸራሸሪያ ልዩ ልዩ መድረኮች ተዘጋጅቷል።

የአውደርዕዩ መግቢያ በነፃ ሲሆን ሐሙስ ሐምሌ 24 2017 ዓ.ም ከቀኑ 8:30 ጀምሮ ይከፈታል ተብሏል።

ለተጨማሪው: https://news.1rj.ru/str/EventAddis1

📌የሠርቅ ዳንኤል መጽሐፍ ድጋሚ ሊታተም ነው

የደራሲ ሠርቅ ዳንኤል (ገበና ዳንኤል) ተወዳጅ ድርሰት የሆነውና ከገበያ ጠፍቶ የቆየው "ቆንጆዎቹ" የተሰኘ መጽሐፍ በቅርብ ቀን ድጋሚ ታትሞ ለአንባቢያን እንደሚያቀርብ ኤቨንት ሚዲያ ከአሳታሚው ዋልያ መጻሕፍት መደብር ያገኘው መረጃ ያመለክታል።

ለተጨማሪው: https://news.1rj.ru/str/EventAddis1

ጆኒ ራጋ፣ ሚካኤል በላይነህና ዳዊት መለሠ ተጣምሩ

ድምጻዊያኑ ጆኒ ራጋ፣ ሚካኤል በላይነህ እና ዳዊት መለሠ የተጣምሩበት "ሸክ" የተሰኘ ርዕስ የተሰጠው የሙዚቃ ኮንስርት በዚህ ሳምንት የፊታችን ቅዳሜ ሐምሌ 26 ቀን 2017 ዓ/ም አመሻሽ ላይ በሚሊኒየም አዳራሽ ይካሄዳል።

ከሙዚቃ ኮንሰርት ራቅ ብሎ የቆየው ጆኒ ራጋ በ"ሸክ" ኮንሰርት በአስዮ ባንድ ታጅቦ የሙዚቃ ስራዎቹን ያቀርባል ተብሏል።

ይህ ኮንሰርት ሚካኤል በላይነህ እና ዳዊት መለሠ በዚህ ዓመት ብቻ ለሶስተኛ ጊዜ የተጣምሩበት ኮንሰርት ነው።ሚኪ እና ዴቭ አስቀድመው በዚህ ዓመት በሀገር ውስጥ እና ከሀገር ውጪ ሁለት ተከታታይ ኮንሰርቶችን በጥምረት ማቅረባቸው ይታወሳል።

ለተጨማሪው: https://news.1rj.ru/str/EventAddis1

📌አራት ዝነኛ ጋዜጠኞች በጥምረት ሚዲያ መሰረቱ

በፋና ኤፍ ኤም 98.1 ምስረታ እና እድገት የጎላ ድርሻ የነበራቸው 4 የሚድያ ሰዎች ላይፍ ሚድያ በሚል ዩቲዩብ አዳዲስ ይዘትና ሀሣቦችን ሊያቀርቡ እንደሆነ ታወቀ፡፡

ከመጋቢት 1999 ዓ.ም ጀምሮ የፋና 98.1መሥራች ጋዜጠኞች የነበሩት ዘካርያስ ብርሀኑ፣ እፀገነት ለዐቀ ፣ ነቢል መሐመድና ትዕግስት በጋሻው በመጣመር ለዓመታት ያካበቱትን ልምድ በላይፍ ሚድያ እንደሚያካፍሉ ይጠበቃል።

የሚድያ ባለሙያዎቹ ለተወዳጅ ሚድያ እንዳሉት ላይፍ ሚዲያ በተለያዩ የኑሮ ጉዳዮቻችን ግንዛቤ  ለመጨመር የሚተጋ መሰናዶ ነው፡፡

ሀሣቦች በነጻነት ልክ እንደቤተሠብ ለማቅረብ እቅድ መንደፋቸውን ባለሙያዎቹ ይናገራሉ፡፡ውጥናቸውንም ሲያብራሩ"ዘና ብለን በቁምነገር በብዙ መልኩ እውነታን ፣ ልምድን፣ የአቀራረብ ስብጥርንና ስነምግባርን ተላብሰን በማህበረሰብ ትስስር ገፅ የበኩላችንን በጎ አስተዋፅዖና ድርሻ  ለማሳየት የፈጠርነው መድረክ ነው" በማለት ተናግረዋል።

አቅራቢዎቹ በኢትዮጵያ ሚድያ ላይ በአመራርነት፣ በመዝናኛ አዘጋጅነት  በማስታወቂያና በይዘት ፈጠራ ክህሎታቸው ፕሮፌሽናል በሆነ መልኩ ትልቅ አሻራ ያኖሩ ናቸው፡፡

የላይፍ ሚድያ አዘጋጆች  ህይወት ሰፊ ውቅያኖስ መሆኗንበትንሹ በሚጠቅም መልኩ እየጨለፍን ህይወታችንን ለማሻሻል እንተጋለን ሲሉም በጥሩ ይዘት ተመልካችን ለማዝናናት እንደተዘጋጁ ተናግረዋል።

https://youtube.com/channel/UC9gOKO-9ZBdSubvbwZ3e6uw?si=aKKaTdnSRJT-itOs

©️ተወዳጅ ሚዲያ

ለተጨማሪው: https://news.1rj.ru/str/EventAddis1

📌ዓለም ሲኒማ ሁለተኛ ሲኒማ ቤት ሊከፈት ነው

ለዓመታት የፊልምና ቴአትር ስራዎችን ለታዳሚያን እያቀረበ የቆየው ዓለም ሲኒማ ሁለተኛ ቅርንጫፉን ወደ አገልግሎት ሊያስገባ እንደሆነ ኤቨንት አዲስ ሚዲያ ያገኘው መረጃ ያመለክታል።

ቦሌው ከሚገኘው ሲኒማ ቤቱ ባሻገር  “ዓለም ሲኒማ በመገናኛ " ተብሎ መገናኛ አካባቢ በሚገኘው ማራቶን ህንፃ ሁለተኛ ፎቅ ላይ አገልግሎት እንደሚሰጥም ሰምተናል።

የመገናኛው ሲኒማ ቤቱም የፊታችን ቅዳሜ ሐምሌ 26 2017 ዓ.ም ከጠዋቱ 4:00 ሰዓት ጀምሮ በድምቀት ይመረቃል ተብሏል።

ዓለም ሲኒማ ሁለተኛ ቅርጫፉን ሲከፈት በአዲስ አበባ ከተማ አገልግሎት ላይ ካሉ ሲኒማ ቤቶች ሁለት ቅርንጫፎች ያለሁት ብቸኛው ሲኒማ ቤት ያደርገዋል።

ለተጨማሪው: https://news.1rj.ru/str/EventAddis1

📌የዶ/ር ያሬድ ኢሳያስ ሁለት አዳዲስ መጻሕፍት በሦስት ቋንቋዎች ዛሬ ይመረቃሉ፡፡

📖  ኒዩሮ ሳይንስ ለሥራ ፈጠራ (ቅጽ ፩)
Neuro Entrepreneur (Vo.1)

📖  የኒዩሮ አመራር ሳይንስ (ቅጽ ፪)
Neuro Leadership Science (Vo.2)

📖  SAAYINSIFII NIWUROO FII HOJII UUMUU

በአማርኛ፣ በኦሮምኛና በእንግሊዘኛ ቋንቋዎች ተዘጋጅተዋል፡፡

እነዚህ መጻሕፍት በተለይም በወጣቶች ዘንድ የሥራ ፈጠራ መንፈስን በማነሳሳትና የአመራር ብቃትን በማጎልበት ረገድ ትልቅ ሚና ይጫወታሉ።

📆  አርብ፣ ሐምሌ 25 ቀን 2017 ዓ.ም.
⌚️ ከቀኑ 10:00 ሰዓት (በኢትዮጵያ ሰዓት)
📍በአዲስ አበባ ዩኒቨርሲቲ፣ ራስ መኮንን አዳራሽ (ገነተ ልዑል ቤተ መንግሥት)፣ 6ኪሎ ይመረቃል።

በእለቱ
የመጽሐፉ ገምጋሚዎች

👉 ደራሲ ኃይለመለኮት መዋዕል
👉 ረዳት ፕሮፌሰር መኩሪያ መካሻ
👉 ዶ/ር እንዳለጌታ ከበደ
👉 ዶ/ር በድሉ ዋቅጅራ
👉 ጋዜጠኛ ሡልጣን መሐመድ ኑር

ወግ አቅራቢ
👉 በኃይሉ ገብረመድህን

የነጻ ሐሳብ ቅምሻ
📌 ደራሲ ዓለማየሁ ገላጋይ
📌 ዶ/ር ኤርሲዶ ሌንዶቦ
📌 ኢንጂነር ጌታሁን ሄራሞ
📌 ረዳት ፕሮፌሰር ሙሉጌታ ጃዋሬ

በስራ አመራር እና በስራ ፈጠራ
📌 ኢ/ር ቤጃይ ናይርሽ ናይከር
📌 ዶ/ር ዮናስ ባህረጥበብ

ቅምሻ

👉 አበበ ባልቻ
👉 ሀረገወይን አሰፋ
👉 ተፈሪ አለሙ
👉 ሙሉዓለም ታደሰ
👉 አንዱዓለም ተስፋዬ

መድረክ አጋፋሪ

📌 ደራሲና ጋዜጠኛ  አዜብ ወርቁ

ለተጨማሪው: https://news.1rj.ru/str/EventAddis1

📌የገጣሚ ጋሻው የኋላሸት /ዘቢደር/ ''ሕይወት እንደ መንገድ'' የተሰኘው አዲስ የግጥም መድብል ተመረቀ

መጽሐፉ በ120 ገፅ የቀረበ ሲሆን  60 ያህል ግጥሞችን ያካተተ ነው።

ግጥሞቹ ለውበት ያደሉ :በቅርጽ እና በቃላት አጠቃቀማቸውም መንፈስን የሚያረኩ ናቸው።

ገጣሚ ጋሻው የኋላሸት ከዚህ ቀደም በአለላ መጽሔት በምክትል አዘጋጅነትና በአምደኝነት ሰርቷል። እንዲሁም በዓባይ ቴሌቪዥንም በፕሮዲዩሰርነት አገልግሏል።

ጋሻው/ዘቢደር/ ከልጅነት ዕድሜው ጀምሮ በስነ-ጹሑፍ ዘርፍ ሰፊ ጊዜውን ያሳለፈ ነው።

በራያ አለማጣ አርብ ምሽት የስነ-ጹሑፍ ክበብ እንዲሁም በራያ ዋጃ-ጥሙጋ ሀይስኩል የኪነ-ጥበብ ተሳትፎው የጎላ ነበር።

ከዚህ ቀደም "የነፍስ እኩያሞች" በተሰኘ የ11 ደራሲያን ስብስብ ልብ-ወለድ መጽሐፍ ላይ ሁለት አጫጭር የልብ ወለድ ስራዎቹ የተካተቱለት ደራሲ ነው።

ወደ ፊትም የህትመት ጊዚያቸውን የሚጠብቁ የረዥም እና የአጫጭር ልብ ወለድ መጽሐፍትም አጠናቋል።

''ሕይወት እንደ መንገድ'' የተሰኘው  የግጥም መድብል ዛሬ ሐምሌ 25 በዋልያ መፅሐፍ ገጣሚያን : ደራሲያንና የኪነ-ጥበብ አፍቃሪዎች በተገኙበት ተመርቋል።

መጽሐፉን ለገሀር አካባቢ በሚገኙ በጃዕፋርና በሌሎች የመፃሕፍቶ መደብሮች እንዲሁም 6ኪሎ በሚገኘው ኦሮማይ የመጽሐፍ መደብር ያገኙታል።

ለተጨማሪው: https://news.1rj.ru/str/EventAddis1

📌ድምጻዊ ይሁኔ በላይ እውቅና ሊሰጠው ነው

ባሕርዳር ዩኒቨርሲቲ ለታዋቂው የባሕል ሙዚቃ አቀንቃኝ አርቲስት ይሁኔ በላይ "ለኢትዮጵያ የባሕል ሙዚቃ ጥበብ እድገት ላበረከተው አስተዋጽኦ" የእውቅና ሽልማት (Recognition Certification Award ) ይሰጣል።

ይሁኔ በላይ በነገው ዕለት በግለታሪኩ ዙሪያ ጽፎ ለንባብ ያበቃውን መጽሐፍ ለማስመረቅና የእውቅና ሽልማቱን ለመቀበል ዛሬ ረፋድ ውቢቷ ባሕር ዳር ገብቷል።

ለተጨማሪው: https://news.1rj.ru/str/EventAddis1

📌መዓዛ ወርቁ እንግዳ የሆነችበት ልዩ ዝግጅት የፊታችን ሰኞ በአሜሪካ ኤምባሲ ሊካሄድ ነው

(መግቢያው በነፃ ነው)

የCreator lab ዝግጅት አዘጋጆች የቴያትር  እና የፊልም ደራሲ እና አዘጋጅ  የሆነችው  መዓዛ ወርቁን በእንግድነት ጋብዘዋል።

በዚህ ዝግጅት ላይ ስለድርሰት እና ዝግጅት እንዲሁም የራሷን የሕይወት ተሞክሮ ለእናንተ ታካፍላለች። ስለሆነም በዚህ መድረክ ላይ እንዲታደሙ በአክብሮት ተጋብዘዋል።

ደራሲ እና አዘጋጅ  የመሆን ፍላጎት ያላችሁ፤ እንዲሁም በሙያው ላይ ልምድ ያላችሁ ባለሙያዎች በሙሉ ይህ የመገናኛና ዕድል ለእናንተ ነው።


📍አድራሻ ፡ አሜሪካን ኤምባሲ ቅጥር ግቢ (ከስድስት ኪሎ ወደ ሽሮሜዳ መሄጃ )

📅 ቀን: ሰኞ ሀምሌ 28 ፣ 2017 ዓ.ም

🕗 ሰዓት: ከቀኑ - 8:00 

🎟 መግቢያ: በነፃ

አቅራቢ፦ፕሪስቴጅ አዲስ ከአሜሪካ ኤምባሲ ጋር በመተባበር

በፕሮግራሙ ላይ ለመሳተፍ ኢንስታግራም ገፃችንን ፎሎ ማድረግ እንዳይረሱ

📎 በዝግጅቱ ላይ ለመታደም ከታች ያለውን ሊንክ በመንካት ይመዝገቡ ፡፡👇🖱
https://jazzio.land/register
የፕሪስቴጅ ዐባል ለመሆን ከታች ያለውን ሊንክ በመንካት ይመዝገቡ ፡፡👇🖱
https://forms.gle/ekHY5ez8AWm3uwvUA


ለተጨማሪው: https://news.1rj.ru/str/EventAddis1

📌"ኪሳራም ሥራ ነው" የተሰኘ መጽሐፍ ተመረቀ

የፋይናንስ እና ኢንቨስትመንት ባለሙያው ከፈለኝ ሐይሉ ያሳተሙት "የቢዝነስ ሀሁ በኢትዮጵያ "ኪሳራም ሥራ ነው" የተሰኘ መጽሐፍ በዛሬው ዕለት በብሔራዊ ቤተ መጻሕፍትና ቤተ መዛግብት አገልግሎት (ወመዘክር) በይፋ ተመርቋል።

በኢትዮጵያ ያለው የንግድ ስርዓት በዘርፉ ለተሰማሩ የንግድ አካላት በአሳሪ ቢሮክራሲና በሌሎች ምክንያቶች መታሰሩ፤ ንግድ በኢትዮጵያ እድገቱ በታሰበው ልክ እንዳይሆን አድርጎታል።

የኢትዮጵያ የንግድ ስርዓት ንግድ በማያውቁ የመንግስት ሃላፊዎች መመራቱ ዘርፉ በሚገባው ልክ እንዳያድግ ስለማድረጉ በመጽሐፉ ዙሪያ ውይይት በተደረገበት በዚሁ መድረክ ላይ ተነግሯል።

በውይይቱ የተለያዩ የፋይናንስ እና ቢዝነስ ባለሙያዎች፣ ኢንተርፕርነሮች እና በርካታ ታዳሚዎች የተገኙ ሲሆን፤ መፀሐፉ ውስጥ በተመረጡ ሃሳቦች ዙሪያ ሙያዊ እይታቸውን አጋርተዋል።

የንግድ ስርዓት፣ የፋይናንስ ፍሰት እና የግብር ስርዓት በኢትዮጵያ ያለው መልክ ከሳይንሱ እና አጠቃላይ የዘፈቀደ  አካሄዶች ያላቸው መልክ ምን ይመስላል የሚለው ተዳሶበታል።

@አሐዱ ሬድዮ

ለተጨማሪው: https://news.1rj.ru/str/EventAddis1