የሰላም ጥሪውን የተቀበሉ የቀድሞ ታጣቂዎች የልማት ተሳታፊ እንዲሆኑ እየተሠራ ነው።

የኢፌዴሪ መከላከያ ሠራዊት ታህሳስ 13 ቀን 2018 ዓ.ም

በአማራ ከልል ሰሜን ሽዋ ዞን በአንፆኪያ ገምዛ ወረዳ በመኮይ ከተማ የሰላም ውይይት ተካሂዷል።

በውይይቱ ላይ የተገኙት በምክትል ርእሰ መስተዳድር ማዕረግ የገጠር ክላስተር አስተባባሪ ዶክተር ድረስ ሳህለና የክልሉ ሰላምና ፀጥታ ቢሮ ምክትል ሀላፊ አቶ ወዳጀ ልመንህ የመንግስትን የሰላም ጥሪ ተቀብለው ወደ ሰላም የተመለሱ ታጣቂዎችን ወደ ልማት በማሰማራት የበደሉትን ህዝብ መካስ እንዲችሉ ስራዎች እየተሰሩ መሆኑን ገልፀዋል።

በተሳሳተ ፕሮፖጋንዳ ተታለው በጫካ የቀሩ የቡድኑ አባላትንም ወደ ሰላማዊ መንገድ ለመመለስ እየተሰራ መሆኑን አስገንዝበዋል፡፡

በአማራ ክልል የኦሮሞ ብሄረሰብ ልዩ ዞን አስተዳዳሪ አቶ አህመድ አሌ አባ አፍሮ እና የሰሜን ሽዋ ዞን አስተዳዳሪ አቶ መካሽ አለማየሁ የሁለቱ ዞን አዋሳኝ ወረዳዎች እና ቀበሌዎች ተሳስረው ለዘመናት የኖሩና የሚኖሩ ህዝቦች መሆናቸውን ገልፀዋል።

ፅንፈኛው ሀይል እና አሸባሪው ሸኔ በብሔር እና በሀይማኖት ህዝቡን በማጋጨት የዘረፋ እድሜያቸውን ለማራዘም ቢሞክሩም የጥፋት ሀይሎችን ሴራ የተረዳው የአካባቢው መስተዳደርና ህዝብ ከመከላከያ ሰራዊት ጋር በመሆን ማክሸፍ መቻላቸውን ገልፀዋል፡፡

በአካባቢው የተሰማራው የኮማንዶ ክፍለ ጦር ምክትል አዛዥ ለኦፕሬሽናል ኮሎኔል አበባው ሞላ ሰራዊቱ በአካባቢው የሚንቀሳቀሱ የጥፋት ሀይሎችን እየመነጠረ እንደሚገኝ ገልፀዋል ፡፡ የዘገበው ስመኘው እንየው ነው።

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://news.1rj.ru/str/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

ለሰላም አስከባሪ አሰልጣኞች ሲሰጥ የቆየው የሰልጥኖ ማሰልጠን ስልጠና ተጠናቀቀ ።

የኢፌዴሪ መከላከያ ሠራዊት ታህሳስ 13 ቀን 2018 ዓ.ም

ሥልጠናው በእንግሊዝ መንግስት የገንዘብ ድጋፍ እና በመከላከያ ሠላም ማስከበር ማዕከል የአለም አቀፍ ሠላም ማስከበር ማሰልጠኛ ኢንስቲትዩት በጋራ የተዘጋጀ ነው።

በመከላከያ ሠላም ማስከበር ማዕከል የአለም አቀፍ ሠላም ማስከበር ማሰልጠኛ ኢንስቲትዩት አዛዥ ኮሎኔል ጌቱ ታዬ ስልጠናው በተባበሩት መንግስታት የአለም አቀፍ ሠላም ማስከበር ግዳጆች ተልዕኮ ሰልጣኞች የሚኖራቸው ችሎታ እና እውቀት በተመጣጠነ መልኩ የሚፈትሽ የሚመዝን በመሆኑ የተሟላ ዝግጁነት እንዲኖራቸው ያግዛል ብለዋል ።

በኢትዮጵያ የእንግሊዝ ወታደራዊ አታሼ ኦፊሰር ኮሎኔል ማረክ ባቨን በበኩላቸው ሰልጠናውን ለመደገፍ የተፈለገው የኢትዮጵያ እና የእንግሊዝ ወታደራዊ ታሪክ ውስጥ ያለውን ትስስር በበለጠ መልካም ወዳጅነትና ግንኙነት ለማጠናከር ነው ብለዋል።

ዘገቢ ተስፋዬ ያረጋል
ፎቶግራፍ ወልደሰንበት ተስፋዬ

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://news.1rj.ru/str/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

የመከላከያ ዋር ኮሌጅ ሠልጣኝ ከፍተኛ መኮንኖች የአፍሪካ አመራር ልህቀት አካዳሚን ጎበኙ።

የኢፌዴሪ መከላከያ ሠራዊት ታህሳስ 14 ቀን 2018 ዓ.ም

የመከላከያ ዋር ኮሌጅ 4ኛ ባች መደበኛ ተማሪዎች እና 5ኛ ዙር አጭር ኮርስ ተማሪዎች የመማር ማስተማር አንዱ አካል የሆነውን በንድፈ ሃሳብ የተማሩትን  በተግባር ለማየት የተለያዩ ትምህርታዊ ጉብኝቶችን አድርገዋል።
 
የአፍሪካ አመራር ልህቀት አካዳሚ ምክትል ኘሬዝዳንት ወይዘሮ መሠረት ደስታ የመከላከያ ሰራዊታችን ሀገር ነው እኛ ደግሞ ሀገርን የሚመሩ አመራሮችን በማሰልጠንና በማስተማር ላይ እንገኛለን ለዚህም የመከላከያ ዋር ኮሌጅ የስትራቴጂክ አመራር ተማሪዎች ወደ ተቋማችን ስለመጣችሁ ደስታ ይሰማናል ብለዋል።

ትራንስፎርሜሽናል ሊደር ሺፕ የስትራቴጂክ አስተሳሰብ በሁሉም ደረጃዎች የለውጥ ኃይል እንዲሆንና አመራሩ በእውቀትና በክህሎት ዘመናዊ አመራር በመፍጠር ሂደት የትምህርት ተቋማት ከፍተኛ ድርሻ እንዳላቸው ወይዘሮ መሠረት ለከፍተኛ መኮንኖቹ ገልፀውላቸዋል።
  
የመከላከያ ዋር ኮሌጅ አዛዥ ሜጄር ጄኔራል ቡልቲ ታደሰ ሀገር የሚገነባው የትምህርት ተቋማትን በመገንባትና በጋራና በትብብር የመስራት በህል ሲደብር መሆኑን ተናግረዋል።

አካባቢያዊና ቀጠናዊ የደህንነት ሁኔታ በመረዳትና ቀጣይ የሀገርና የተቋማት እጣ ፈንታን በመረዳት የመሪነት ሚናውን የተገነዘበ በስትራቴጂክ አመራርነት ለውጥ የሚያመጣና የሚያስቀጥል መሆን እንዳለበትም ገልፀዋል።

የመከላከያ ዋር ኮሌጅ የሠራዊቱን አመራሮች በአጭርና በመደበኛ ኮርስ በማሥተማር እያበቃ የሚገኝ ኮሌጅ ነው።

ዘጋቢ አሰፉ ግርማይ
ፎቶግራፍ ኢፍቱ ቢራቱ

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://news.1rj.ru/str/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official