📰 Абноўленай Telltale удалося прыцягнуць 8 мільёнаў даляраў на распрацоўку сваіх праектаў.

Студыя Telltale абвясьціла аб пасьпяховым завяршэньні раунда фінансаваньня Series A. Распрацоўнікам атрымалася прыцягнуць 8 мільёнаў даляраў дзякуючы падтрымцы фонду Hiro Capital і кампаніі Skybound Entertainment.
Раней Telltale ужо супрацоўнічала са Skybound, пры падтрымцы апошняй, сьвятло ўбачыла сэрыя гульняў Walking Dead.

Атрыманыя сродкі накіраваны на падрыхтоўку рэлізу The Expanse: A Telltale Series і распрацоўку The Wolf Among Us 2, а таксама аднаго не анансаванага праекта.

📰 Распрацоўнікі Star Wars Jedi: Survivor распавялі пра стылі бою ў гульні.

Як ужо паведамлялася раней, у гульні будзе пяць баявых стоек, самымі новымі й цікавымі зь іх распрацоўшчыкі вылучаюць апошнія дзьве (зь мячом у стылі Кайла Рэна й стойка меч+бластэр). Астатнія тры ўжо ня такія й новыя — адзін сьветлавы меч; двухклінкавы сьветлавы меч; два сьветлавыя мяча.

Кожны стыль мае свае асаблівасьці, плюсы й мінусы. Так да прыкладу меч у стылі Кайла Рэна мае самы вялікі ўрон, аднак пры гэтым, ён жа й самы павольны, двухклінкавы меч ідэальны ў сутычцы са мноствам супернікаў, два мяча дазваляюць зьдзяйсьняць хуткія атакі, але ёсьць шанец атрымаць больш страт, адзіночны клінок — залатая сярэдзіна.

Адначасова можна будзе выбіраць паміж двума стылямі бою, а цалкам зьмяніць набор дазваляюць толькі ў кропках мэдытацыі.

Рэліз Star Wars Jedi: Survivor адбудзецца 28 красавіка для PS5, Xbox Series і PC.

📢 Sony паказала рэлізны трэйлер Horizon Call of the Mountain.

Адпраўляйцеся ў прыгоды й дасьледуйце велічныя й зманліва мірныя нетры, дзе сьмяротныя машыны могуць хавацца за любым вуглом, выпрабуйце тонкія адчуваньні, калі вы нацягваеце цеціву лука! Дапамажыце Рыасу заслужыць свабоду й адкупленьне, дасьледуючы новую таямнічую пагрозу!

Рэліз гульні адбудзецца 22 лютага эцклюзіўна для PlayStation VR2.

📰 Avalanche Software яшчэ не думала аб DLC для Hogwarts Legacy.

Ґеймдырэктар Hogwarts Legacy Алан Цью, распавёў аб плянах распрацоўшчыкаў і заявіў, што пакуль яны не думаюць аб дапаўненьнях.
У дадзены момант, распрацоўнікі цалкам пагружаныя ў пост-рэлізную руціну (паляпшэньне прадукцыйнасьці, выпраўленьнем багаў і іншым). Акрамя гэтага, каманда актыўна рыхтуецца да рэлізу сваёй гульні на Nintendo Switch (25 ліпеня), PlayStation 4 і Xbox One (4 красавіка).

Верагодна толькі пасьля апошняга рэлізу Hogwarts Legacy мы даведаемся нешта аб плянах Avalanche на будучыню.

📢 Студыя Telltale прадэманстравала ґеймплэйны трэйлер The Expanse: A Telltale Series.

Каміна Драмер чалавек, які не нарадзіўся ні на адной са знаёмых чалавеку плянэтаў, яна зьяўляецца старэйшым афіцэрам касьмічнага карабля, на ўскраіне пояса «Артэміда». На караблі пачынаецца крывавы мяцеж, Каміне давядзецца рабіць няпросты выбар, за якім будзе стаяць лёс карабля й экіпажа ў цэлым!
Гульня заснавана на папулярнай навукова-фантастычнай серыі «The Expanse».

Рэліз заплянаваны на 2023 год.

📢 Студыя Archangel назвала дату рэлізу прыгодніцкага баевіка Bleak Faith: Forsaken.

Дасьледуйце апошнія рэшткі цывілізацыі ў гэтым велізарным, няўмольным і ўзаемазьвязаным сьвеце. Даведайцеся, што засталося ад яго гісторыі. Згубіцеся ў падарожжы, непадобным да іншых!
Атмасфэрны сьвет Омніструктуры чакае вас!

Рэліз гульні адбудзецца 10 сакавіка

📰 Blizzard назвала даты старту бэта-тэставаньне Diablo 4.

Blizzard сумесна з IGN, апублікавалі новы ролікам з пачатку Diablo IV, а таксама абвясьцілі даты правядзеньня бэта-тэсту гульні (абодва пакаленьня PlayStation і Xbox, а таксама PC):

Паглядзіце ўступны відэаролік, які вы ўбачыце, калі атрымаеце доступ да адчыненага бэта-тэставаньні Diablo 4.
Гэты відэаролік — адзін з многіх, што будуць суправаджаць вас на працягу ўсёй бэта-вэрсіі, і фінальнай гульні. У роліку будзе прадстаўлены ваш уласнаручна створаны пэрсанаж, незалежна ад таго, наколькі з густам ці па-дурному вы вырашыце яго апрануць.

▫️17-19 сакавіка — (для тых, хто зрабіў папярэдні заказ);
▫️24-26 сакавіка — адкрытая бэта.
Для гульні будзе даступны пралёг і першы акт. Разьвіцьцё ґероя абмяжуюць 25 узроўнем.

Рэліз гульні заплянаваны на 6 чэрвеня, аднак (калі верыць паступаючай інфармацыі), у гэта не вераць ні распрацоўшчыкі, ні інсайдэры.

📢 Bloober Team апублікавалі новы ролік Layers of Fear і паведамілі прыкладную дату выхаду.

Гэта вянчаючая праца серыі Layers, у якую ўвайшлі Layers of Fear 2016 году, нараўне зь яго пашырэньнем «Спадчына» і пазьнейшым працягам Layers of Fear 2. Выпрабуйце новую гульнявую мэханіку, новыя страхі й новы разьдзел пад назвай «Апошняя нататка», у якой гісторыя арыґінальнага Layers of Fear раскрываецца з пункту гледжаньня антаганіста, жонкі Мастака. Страх і вар’яцтва чакаюць вас — сачыце за навінамі!

Рэліз плянуюць на чэрвень, для PS5, Xbox Series і PC.

📢 Ролевы экшэн Lies of P атрымаў новы трэйлер і прыкладную дату выхаду.

Натхнёная знаёмай гісторыяй Пінокіа, Lies of P — гэта гульня, падобная на экшн, дзеяньне якой адбываецца ў змрочным сьвеце Belle Époque (заўв. Францыя 1871-1914 гадоў). Кіруй Пінокіа ў яго няўмольным шляху, каб стаць чалавекам!

Рэліз варта чакаць у жніўні, для PC і абодвух пакаленьняў PlayStation і Xbox (Game Pass).

📰 Інсайдэр раскрыў сьпіс гульняў, якія Ubisoft зьбіраецца паказаць на Е3 2023.

Інсайдэр Том Хендэрсан, спасылаючыся на свае крыніцы й уласныя разважаньні, прадставіў сьпіс гульняў, якія Ubisoft прывязе на Е3 2023:

🔸Just Dance 2024;
🔸Assassin’s Creed Mirage;
🔸Assassin’s Creed Nexus;
🔸The Division Heartland;
🔸XDefiant;
🔸Avatar: Frontiers of Pandora;
🔸Skull and Bones;
🔸The Crew: Motorfest;
🔸Новае DLC для Mario + Rabbids Sparks of Hope.

Хендэрсан упэўнены, што паказваць кампанія зьбіраецца выключна рэлізы гэтага году (рэмэйк Splinter Cell, Far Cry 7, Beyond Good and Evil 2, чакаць не варта, у лепшым выпадкі пакажуць трэйлер). Акрамя вышэй названых гульняў, Ubisoft пакажа нейкую новую гульню зь "закінутай" франшызы (вядома толькі, што гэта не Rayman).

Нагадаем, E3 2023 адбудзецца зь 13 па 16 чэрвеня.

Вітаю спадарства!
Вырашылі паўдзельнічаць у падборцы беларускіх тг-каналаў. Спадзяемся знойдзеце нешта цікавае для сябе!

@piershy_hikauski - #1 Гікаўскі: Далучайцеся да каналу, дзе знойдзеце апошнія навіны фільмаў, серыялаў, тэхналогій ды гульняў па-беларуску.

@tropinki - падарожжы на Беларусі, старыя фотаздымкі, экатурызм і архітэктура Беларусі, а таксама навіны рэстаўрацыі і аднаўлення архітэктурнай спадчыны.

@lohkaja_mova - Старонка для тых, хто хоча палепшыць свой слоўнікавы запас беларускае мовы. Тэрыторыя клясычнага правапісу.

@belarus_sacral - аўтар канала блукае па Беларусі ў пошуках старой архітэктуры, закінутага і разбуранага, атмасферных могілак, бровараў, млыноў і цудоўных гісторый.

@bel_audiobooks - тэлеграм-канал навігатара па беларускіх аўдыякнігах. Тут вы можаце знайсці анонсы новых рэлізаў, падборкі кніг на любы чытацкі густ і апошнія навіны беларускай аўдыякніжнай прасторы. Падпісвайцеся і слухайце сваё!

@belarusian_monsters — беларуская аўтэнтычная і кабінетная міфалогія, персанажы фальклора, легенд і казак у інтэрпрытацыі ілюстратара з Гародні.

@poshtabel — Беларусь на старых паштоўках. Нашыя гарады і мястэчкі, а таксама іх жыхары на вінтажных картках і здымках.

#беларускіпанядзелак

​​📰 У інтэрнэце аказаліся пляны Activision на Call of Duty.

У сетцы зьявілася інфармацыя (дакладнасьць якой пацьвердзіў інсайдэр Том Хендэрсан) аб уцечцы дадзеных Activision, у якіх можна выявіць пляны на Call of Duty (у тым ліку, новую гульню серыі).

Расклад сэзонаў:
▫️Сэзон 3 — зь 15 сакавіка па 15 траўня;
▫️Сэзон 4 — зь 15 траўня па 16 ліпеня;
▫️Сэзон 5 — невядома;
▫️Сэзон 6 — зь 15 верасьня па 8 лістапада.
Нутрагульнявы кантэнт:
▫️Сэзонныя падзеі (Дзень усіх Сьвятых і г.д.);
▫️Новы апэратыўнік на кожны новы сэзон;
▫️Мінімум яшчэ 240 бандлаў (па 70 на сэзон);
▫️Сем "асноўных мап" (верагодна маюцца на ўвазе перапрацаваныя вэрсіі старых мап);
▫️Новая невялікая мапа для чацьвёртага сэзона.

Акрамя гэтага, выяўлены пляны на разьвіцьцё праекта з назвай «Юпітэр» (па інфармацыі Хендэрсана) хаваецца за гэтай назвай новая частка серыі, рэліз якой намечаны на 2023 год (распрацоўкай займаецца Sledgehammer Games).
▫️зь 7 па 28 красавіка — «Юпітэр GL4»;
▫️зь 26 мая па 2 чэрвеня — «Юпітэр Альфа»;
▫️зь 9 па 30 чэрвеня — «Юпітэр GL5».

📢 У Steam пачаўся «Фэстываль загадак».

Зь 20 па 27 лютага, у рамках распродажу, у Steam зьявіліся зьніжкі на мноства гульняў, так ці інакш зьвязаных з жанрамі дэтэктыва або трылера.

Зь цікавага можна адзначыць:

🔹Heavy Rain — $5.99 (-50%);
🔹Impostor Factory — $3.64 (-42%);
🔹Hello Neighbor 2 — $14.79 (-20%);
🔹Syberia: The World Before — $9.99 (-60%);
🔹Blacksad: Under the Skin — $2.77 (-85%);
🔹Return of the Obra Dinn — $5.24 (-50%);
🔹Pentiment (!) — $14.99 (-25%);
🔹The Wolf Among Us — $7.49 (-50%);
🔹The Painscreek Killings — $2.26 (-75%);

(!) Гульня недаступная на тэрыторыі Беларусі.

📢 Arkane Studios прадставіла сьвежы трэйлер вампірскага шутэра Redfall.

Arkane Studios уяўляе пашыраны погляд на мапу адкрытага сьвету Рэдфол — горада ў штаце Масачусэтс, захопленага вампірамі!
Горад Рэдфол напоўнены закінутымі будынкамі, пакоямі й здабычай, якую можна падабраць, а гэтак жа нязьведанымі тэрыторыямі, на якія ў гульцоў будзе магчымасьць пракрасьціся, каб паспрабаваць адваяваць іх у натоўпу вампіраў. Мы таксама даведаемся, як гульнявы працэс будзе працаваць са спэыяльнай зброяй і звышнатуральнымі здольнасьцямі для забойства вампіраў.

Рэліз гульні адбудзецца 2 траўня на Xbox Series (+Game Pass) і PC.

📢 ZeniMax Online апублікавалі трэйлер The Elder Scrolls Online: Necrom, прысьвяціўшы яго новаму клясу — Арканіст.

Necrom, сьвежае дапаўненьне да The Elder Scrolls Online, прадстаўляе новы кляс Арканіст, які дазваляе вам асвоіць тры новыя лініі навыкаў, узятых наўпрост з Аблівіёна, каб дапамагчы вам наносіць шкоду й падтрымліваць сваіх хаўрусьнікаў!

The Elder Scrolls Online: Necrom выходзіць 5 чэрвеня на PC, і 20 чэрвеня – на PS5, PS4, і Xbox Series і Xbox One.

📰 Арыґінальную Angry Birds прыбяруць з Google Play.

Студыя Rovio паведаміла, што 23 лютага арыґінальная Angry Birds 2009-га году будзе выдаленая з крамы Google Play (усе, хто пасьпее спампаваць яе да таго, як яна пакіне краму, змогуць працягнуць гуляць), а ў App Store яна будзе перайменавана ў Red’s First Flight.

Прычынай такога рашэньня стала тое, што гульня нэґатыўна ўплывае на партфоліё кампаніі і продаж навейшых (і больш манэтызаваных) гульняў серыі:

«Мы перагледзелі эканамічнае абґрунтаваньне Rovio Classics: Angry Birds, і, улічваючы яе ўплыў на наша шырокае гульнявое партфоліо, мы вырашылі выдаліць яе з крамы Google Play у чацьвер, 23 лютага».

📢 Bethesda паўторна анансавала мабільны шутэр Mighty DOOM.

Mighty DOOM — гэта чароўны шутэр з выглядам зьверху, які прадстаўляе зусім новы, мініятурны і анімаваны Doom! Уцякайце й страляйце праз полчышчы цудоўна-жорсткіх дэманаў і складаных босаў, падвышаючы ўзровень, адкрываючы магутныя навыкі й паляпшаючы рыштунак!

Першы анонс гульні адбыўся 12 красавіка 2021 году, тады яна выйшла ў выглядзе альфа-вэрсіі для карыстальнікаў з Канады й Новай Зэляндыі. Новая вэрсія (відаць) будзе дапрацаваным і палепшаным варыянтам арыґінала.

📢 Paradox Interactive назвала дату выхаду сюжэтнага дапаўненьня First Contact для Stellaris.

Вы не самотныя! Галяктыка велізарная й поўная цудаў — а таксама іншаплянэтных імпэрыяў, і ўсё роўна, гатовыя вы зь імі сустрэцца ці не. First Contact — гэта новыя варыянты паходжаньня й асаблівыя мэханікі, зьвязаныя зь першым прыбыцьцём гасьцей з космасу.
Ня ўсе яны прыходзяць зь мірам!

Новае DLC уключае ў сябе набор новых паходжаньняў, «Разарваныя кайданы», «Адплата» і «Страх цемры», якія дазволяць вам распавесьці ўнікальныя гісторыі аб раньніх сустрэчах вашых цывілізацыяў з прышэльцамі. Акрамя гэтага гульцоў чакае новая мэханіка узаемадзеяньняў зь не разьвітымі цывілізацыямі й тэхналёгія маскіроўкі караблёў.

Рэліз DLC адбудзецца 14 сакавіка.
Кошт дапаўнення — $14,99.

📰 Озі Осбарн крычыць ад захапленьня й мацюкаецца ў новай рэкляме Horizon Call of the Mountain.

У новым рэклямным роліку PlayStation, легендарны рок-музыкант Озі Осбарн замест таго, каб зьбіраць рэчы для пераезду, гуляе на PS VR2 у Horizon Call of the Mountain, пераадычна крычучы ад захапленьня (часам выказваючы эмоцыі моцным мацюком).

Нагадваем, рэліз гульні адбудзецца 22 лютага, эцклюзіўна для PlayStation VR2.

📰 Blizzard выпусьціла новы відэадзёньнік Diablo IV, прысьвяціўшы яго Санктуарыю.

Зазірніце ўнутар стварэньня сьвету Санктуарыя, пакуль мы апускаемся ў яго дызайн, разнастайныя рэгіёны, жахлівых жыхароў і дзіўныя адкрыцьці, якія чакаюць вас у шырокім адкрытым сьвеце Diablo IV!

Нагадаем, рэліз гульні заплянаваны на 6 чэрвеня, а ўжо ў сакавіку, стартуе бэта-тэставаньне гульні.

📰 Doki Doki Literature Club Plus разышлася тыражом у мільён копіяў.

Распрацоўнікі са студыі Team Salvato падзяліліся навіной, што Doki Doki Literature Club, па стане на 21 лютага 2023 году, разышлася тыражом у мільён копіяў! Гэтай адзнакі ўдалося дасягнуць за паўтара году з моманту рэлізу.
Аўтары заявілі, што прыбытак ад гульні будзе накіраваны некамэрцыйным арґанізацыям, якія дапамагаюць людзям з псыхічнымі захворваньнямі.

Doki Doki Literature Club распавядае гісторыю пра маладога чалавека, які па просьбе сяброўкі дзяцінства ўступае ў літаратурны клюб, што прыводзіць да нечаканых наступстваў... .

Таксама нагадаем, што каманда AniBel у канцы мінуляга году, стварылі беларускі пераклад дадзенай гульні!