📢 Bethesda назвала дату рэлізу Starfield.

Bethesda выпусьціла новы трэйлер Starfield і разам зь ім аб’явіла дату рэлізу — 6 верасьня.
У роліку Тод Говард заяўляе, што распрацоўшчыкі ўклалі ў гульню вельмі шмат сіл і яна атрымалася сапраўды маштабнай! Каманда распрацоўшчыкаў Bethesda, зь яго словаў, практычна ўвесь вольны час гуляе ў свой жа новы праект!

Акрамя таго, 11 чэрвеня распрацоўшчыкі правядуць паўнавартаснае шоў, прысьвечанае выключна Starfield.

📢 Адбыўся рэліз DLC The Last Sarkorians для RPG Pathfinder: Wrath of the Righteous.

«Дзяржава Саркорыс была зьнішчана дэманамі, але апошнія зь яе прадстаўнікоў усё яшчэ гатовыя змагацца. Сустракайце Ульбрыга Алеска, саркарыйскага пярэваратня, здольнага ператварацца ў магутнага грыфона! Ён памятае Саркорыс такім, якім ён быў да таго, як Арылу Варлеш адкрыла Сусьветную Язву.

Вазьміце яго ў свой атрад і паглядзіце на Крыжовы паход вачыма апошняга з племянных правадыроў старога Саркорыса. Дасьледуйце новы рэгіён, ваюйце з новымі ворагамі… і можа быць, нават знайдзіце новае каханьне!»

Акрамя новага пэрсанажа й кляса, у гульні зьявяцца 8 дадатковых загавораў і новыя супернікі.

Кошт DLC — $6.49.

📰 Посьпехі Hogwarts Legacy пераканалі Warner Bros. у патэнцыяле серыі «Wizarding World».

Фінансавы дырэктар кампаніі Гунар Відэнфельс намякнуў аб гэтым журналістам. Паводле яго словаў, станоўчыя паказчыкі сьвежай гульні выступаюць доказам, што ў гэтага сьвету яшчэ ёсьць шмат патэнцыялу для разьвіцьця. І аўтары «толькі пачалі» займацца гэтым пытаньнем.

Канкрэтнай інфармацыі, як плянуюць разьвіваць сьвет Джоан Роўлінг няма, аднак выглядае лягічным, што ў хуткім часе мы можам убачыць новыя гульні ў сусьвеце «Wizarding World», акрамя таго, у інтэрнэце ўжо даўно гуляе чутка аб стварэньні сэрыяла ў сусьвеце.

Раней стала вядома, што Hogwarts Legacy абыйшла па стартавых продажах Call of Duty, Elden Ring і Red Dead Redemtion 2 у Эўропе, стаўшы самым пасьпяховым праектам за апошнія 5 гадоў.
Акрамя таго, адна гульня, здолела перасягнуць па продажах кожны зь фільмаў серыі "Фантастычныя істоты".

📰 Некаторыя гульні серыі Call of Duty сталі даступныя ў Steam.

Гульні Call of Duty: Modern Warfare, Black Ops Cold War і Vanguard зьявіліся ў Steam 8 сакавіка 2023 году, раней іх можна было купіць толькі ў Battle.net.

Кошт усіх гэтых гульняў складае $60 (цяпер дзейнічае зьніжка ў 50%).
❗️Недаступны на тэрыторыі Беларусі.

Акрамя гэтага, стваральнікі Call of Duty апублікавалі тызер, які намякае аб хуткім красоверы серыі зь «Чарапашкамі-ніндзя». Мяркуючы па ўсім, 21 сакавіка гульцы CoD атрымаюць аблічча Шрэдэра.

🎁 Зараз у Epic Games Store, можна бясплатна забраць Call of the Sea.

Call of the Sea — гэта містычная гісторыя пра таямніцы й каханьне, дзеяньне якой адбываецца ў паўднёвай частцы Ціхага акіяна 1930-х гадоў. Дасьледуйце маляўнічы райскі востраў, вырашайце галаваломкі й адкрывайце сакрэты ў пошуках зьніклай экспэдыцыі вашага мужа.

❗️Забраць гульню можна да 16 сакавіка.

📰 Alan Wake 2 працяглы час будзе эцклюзівам Epic Games.

PC Gamer узялі інтэрвію ў кіраўніка Epic Games Ціма Суіні й ґенэральнага мэнэджара Стыва Элісана. У рамках гутаркі, яны распавялі пра стратэгію Epic Games і іх пляны.
Адно з пытаньняў якім могуць задавацца карыстальніці крамы гучыць як: "чаму ў EGS выходзіць мала эцклюзіваў?" Прычына ў тым, што ў цяперашні час кампанія «палюе за найбуйнейшымі рэлізамі». У якасьці прыкладу прывялі Borderlands 3.

Яшчэ адна частка стратэгіі Epic Games — уласнае выдавецтва, так напрыклад кампанія выпусьціць Alan Wake 2, а таксама наступныя праекты студый Playdead і genDesign, са словаў Элісана, гэтыя праекты будуць эксьлюзівамі EGS "на працягу доўгага часу".

Ґенэральны мэнэджэр адзначыў, што некаторыя выдаўцы пачалі выпускаць свае праекты ў Epic Games Store бязь якіх-небудзь угодаў, бо гэта дазваляе зарабіць больш, чым калі выпусьціць сваю гульню адразу ў краме Valve.

📰 TT Games адмяніла некалькі гульняў дзеля праекту пра Гары Потэра.

Выданьне Nintendo Life, спасылаючыся на свае крыніцы паведаміла, што студыя TT Games (якая ў асноўным займаецца LEGO-гульнямі) адмяніла адразу чатыры неанансаваныя тайтлы й спыніла працу яшчэ як мінімум над двума.

Сярод адмененых праектаў значацца:
▫️Project Marley — самы буйны з усіх, у яго зьбіраліся ўключыць сусьветы й пэрсанажаў з розных карцін Disney;
▫️Project Rainbow Road — шутэр, не зьвязаны з LEGO;
▫️Project Cosmic — гульня заснаваная на "Вартавых Галяктыкі";
▫️Project Lego X — мабільны порт LEGO Worlds.
Акрамя гэтага пад пагрозай адмены знаходзіцца вялікае DLC па "Мандалорцу" для LEGO Star Wars: The Skywalker Saga.

Прычынай такіх каласальных пераменаў называюць жаданьне WB засяродзіць сілы на буйным праекце па Гары Потэру (які ствараецца па тыпе Skywalker Saga).

📰 Naughty Dog прадставіла сыстэмныя патрабаваньні PC-вэрсіі The Last of Us Part I.

🔹Мінімальныя (720p, 30 fps)
АС: Windows 10
Працэсар: AMD Ryzen 5 1500X ці Intel Core i7-4770K
Апэратыўная памяць: 16 ГБ
Відэакарта: AMD Radeon 470 (4 ГБ), GeForce GTX 970 (4 ГБ), GeForce 1050 Ti (4 ГБ)
Месца на дыску: 100 ГБ (SSD)

🔹Рэкамендаваныя (1080p, 60 fps)
АС: Windows 10
Працэсар: AMD Ryzen 5 3600X ці Intel Core i7-8700
Апэратыўная памяць: 16 ГБ
Відэакарта: AMD Radeon RX 5800 XT (8 ГБ), AMD Radeon RX 6600 XT (8 ГБ), GeForce RTX 2070 Super (8 ГБ), GeForce RTX 3060 (8 ГБ)
Месца на дыску: 100 ГБ (SSD)

Акрамя сыстэмных патрабаваньняў, Naughty Dog распавялі, што гульня будзе падтрымліваць DLSS і FSR 2.2, ультрашырокія маніторы (21:9, 32:9) і кантролеры DualSense.

Рэліз The Last of Us Part I на ПК адбудзецца 28 сакавіка 2023 году.

📢 Рэмэйк Resident Evil 4 атрымаў дэмавэрсію — Chainsaw Demo.

Выжываньне — гэта толькі пачатак. Згуляйце ў перапрацаваную вэрсію Resident Evil 4, якая выйшла ў 2005 годзе. У дэмавэрсію ўваходзіць спэыяльна скарэктаваны пачатак гульні, у які можна перагульваць зноў і зноў!

Рэмэйк Resident Evil 4 выходзіць у рэліз 24 сакавіка на PC, абодвух пакаленьнях PlayStation і Xbox Series.

📢 У Fortnite стартаваў другі сэзон чацьвёртага разьдзела.

Новы сэзон прапануе гульцам адправіцца ў падарожжа па футурыстычным горадзе ў сеттынгу кібэрпанку. Акрамя гэтага, фанатам варта чакаць крaсовер зь "Атакай Тытанаў", хуткасныя матацыклы, новы баявы пропуск, зброю, касьметычныя прадметы й іншае.

Паводле чутак, у будучыні Fortnite атрымае калябарацыю з Resident Evil і Зорнымі войнамі.

Гэтак жа, з выхадам новага разьдзела, Windows 7 і 8 афіцыйна перасталі падтрымлівацца распрацоўшчыкамі. Верагодна, запусьціць гульню на састарэлых АС будзе магчыма, але за стабільнасьць працы гульні паручыцца аніхто не можа.

📰 Steam Deck адзін год. У гонар дня народзінаў Valve далі невялікае інтэрвію.

Дызайнер Лоўрэнс Янг і інжынер П’ер-Лу Грыффе з Valve далі інтэрвію выданьню Rock Paper Shotgun у гонар дня народзінаў Steam Deck.
Супрацоўнікі кампаніі радыя таму, наколькі людзям спадабаўся Steam Deck. Паводле статыстыкі, 42% карыстачоў выкарыстоўваюць прыладу ў якасьці сваёй асноўнай гульнявой плятформы.
У Valve ўражаныя тым, наколькі Steam Deck апынуўся "гнуткім" (маюцца на ўвазе розныя карыстацкія мадыфікацыі, дэкарацыі й працы з эмулятарамі).

Цяпер кампанія актыўна працуе над паляпшэньнямі для Steam Deck і ўсёй экасыстэмы Steam, асобна стваральнікі дзякуюць карыстальнікам за іх шматлікія водгукі й запыты — усё гэта асноўныя інструмэнты якія дазваляюць SD стаць яшчэ лепш.

Што да паўнавартаснага Steam Deck наступнага пакаленьня, то гэта адбудзецца не раней чым празь некалькі гадоў.

Вітаю спадарства!
Працягваем знаёміць вас з узыходнымі беларускімі зоркамі!
Сёньня на чарзе малады Twitch-канал lepus, на якім можна ўбачыць стрымы такіх гульняў як No Man’s Sky, Genshin Impact, Battlefield 2042 і нават кааператыўную Ready or Not!

Раім падпісацца!

📢 Псыхалягічны трылер Ad Infinitum абзавёўся новым трэйлерам і новай датай рэлізу.

Вы змагаецеся за сваю разважнасьць і выжываньне ў акопах Вялікай вайны й сьценах свайго радавога дома. Гуляйце за нямецкага салдата, якога перасьледуюць жахі Першай сусьветнай вайны. Жудасныя істоты, сьмяротныя пасткі й вар’яцкія таямніцы адзначаюць ваш шлях на поле бою.

Аб стварэньні праекта паведамлялася яшчэ ў 2015 годзе, аднак зь 2018 году, аб праекце не было ніякай інфармацыі. У 2021, распрацоўшчыкі з Hekate і выдавецтва Nacon паўторна анансавалі праект. Рэліз мусіў адбыцца 20 красавіка, але яго перанесьлі на верасень бягучага году (PC, Xbox Series і PS5).

📢 Valve нагадвае, аб хуткім старце вясновага распродажу ў Steam.

Valve нагадвае карыстальнікам Steam, што зь 16 па 23 сакавіка ў ім будзе праходзіць вясновы распродаж (які, дарэчы, зьяўляецца адным з чатырох найбуйнейшых у краме)!

Памеры зьніжак і прадукты якія іх атрымаюць мы даведаемся толькі ў гэты чацьвер, аднак (калі верыць трэйлеру), цікавыя прапановы варта чакаць як мінімум на Mount & Blade II: Bannerlord, Overcooked, Vampire Survivors Spirits, Dying Light 2 Stay Human, Warhammer 40,000: Inquisitor – Martyr.

Нагадаем, што раней Valve абвясьцілі ўвесь плян распродажаў і мерапрыемстваў у сваёй краме на гэты год!

📰 Выйшла першая вэрсія фанацкага мода-рэмайстра Cyberpunk 2077.

Карыстальнік пад нікам Halk Hogan прадставіў першую вэрсію мадыфікацыі для Cyberpunk 2077, якая значна паляпшае тэкстуры гульні, пры гэтым (са словаў стваральніка) практычна не ўплывае на прадукцыйнасьць.

Мод выпускаецца ў двух вэрсіях (у залежнасьці ад сыстэмы карыстача), першая для 2К дысплеяў (павялічвае спажываньне памяці на 400 Мб), другая для 4К (спажываньне памяці павялічваецца 800 Мб).

Дарэчы гэты ж карыстач, раней стварыў падобны мод для The Witcher 3 HD Reworked Project, палепшыўшы палепшаную вэрсію гульні.

📰 Цёплы прыём Dead Cells: Return to Castlevania не застаўся незаўважаным для Konami.

Нядаўна адбыўся рэліз дапаўненьня Return to Castlevania для двухмернага рагаліка Dead Cells (DLC-красовера Castlevania і Dead Cells), якое было сустрэчана гульцамі й крытыкамі мноствам станоўчых водгукаў (некаторыя нават назвалі яго "лепшым існуючым DLC для Dead Cells").

Рэакцыя гульцоў не засталася незаўважанай Konami (стваральнікам Castlevania). Прадусар Цутому Танігуці прызнаўся, што прапанова аб красоверы вельмі парадавала Konami, бо Dead Cells гэта «адна з найвялікшых індзі-гульняў апошніх дзесяці гадоў» і яна была натхнёная Castlevania.
Вынік аказаўся ўражлівым!

Сама Konami ня раз спрабавала адрадзіць Catstlevania, але няўдала (дарэчы, паводле чутак, найблізкая спроба вярнуць да жыцьця серыю можа адбыцца на будучым Е3).