📢 GSC Game World назвалі новую дату рэлізу S.T.A.L.K.E.R. 2.

Цяпер датай выхада гульні значыцца снежань 2023 года.

📢 Джо Шэлі (дырэктар Diablo 4) даў вялікае інтэрв'ю датычна праекта.

Праходжанне толькі сюжэту зойме каля 35 гадзін, і да моманту заканчэння яны атрымаюць прыкладна 45 узровень. Але гэтая лічба можа вар'іравацца, паколькі кампанію распрацоўшчыкі робяць нелінейнай, і гульцы змогуць самі вырашыць, як выбудоўваць сваю гісторыю.

Дзеянне Diablo 4 разгортваецца ў адчыненым міры, і замест выканання сюжэтных місій гульцы змогуць адправіцца ў падарожжа па ім.

Абяцаюць вялікую рэіграбельнасць гульні.

Нагадваем,что гульня выходзіць у 2023 годзе на PC і кансолях абодвух пакаленняў.

📢 Valve аб'явіла даты правядзення штогадовага летняга распродажу Steam.

У гэтым годзе летні распродаж пачнецца 23 чэрвеня і скончыцца 7 ліпеня.

Навіну суправаджалі невялікім ролікам з дэманстрацыяй звыш трыццаці гульняў якія будуць удзельнічаць у акцыі (сярод якіх былі Cyberpunk 2077, Red Dead Redemption 2, God of War і інш.).

Таксама Valve анансавала нейкі квэст, які будзе праводзіцца ў рамках распродажу, але падрабязнасьцяў пакуль няма.

📰 У Telegram з'явілася прэміум-падпіска.

Telegram Premium уключае ў сябе наступныя магчымасці:

🔹Усе ліміты ў дадатку павялічваюцца ўдвая;
🔹Падпісчыкі могуць спампоўваць фота, відэа і дакументы на максімальнай хуткасці без абмежаванняў;
🔹У раздзеле «Пра сябе» можна пакінуць даўжэйшае апісанне, а таксама выкарыстоўваць любыя спасылкі;
🔹Больш за 10 новых рэакцый;
🔹Новыя інструменты для падтрымання парадку ў спісе чатаў;
🔹Утойванне рэкламных паведамленняў, якія рэкламадаўцы размяшчаюць праз афіцыйную платформу Telegram, і інш.

Распрацоўнікі падкрэслілі, што ўсе існыя функцыі, на якія карыстачы абвыклі спадзявацца за амаль дзесяць гадоў, застаюцца бясплатнымі для ўсіх. Больш за тое, нават тыя, у каго няма Telegram Premium, змогуць атрымаць некаторыя перавагі, даступныя ўладальнікам падпіскі. Напрыклад, усе карыстальнікі могуць спампоўваць вельмі вялікія файлы і праглядаць стыкеры, адпраўленыя падпісчыкамі, а таксама далучацца да раней дададзеных эксклюзіўных рэакцый на паведамленне.

Кошт — 5$ у месяц.

📢 TaleWorlds Entertainment аб'явіла дату выхаду Mount & Blade 2: Bannerlord на кансолях.

На кансолях (Xbox Series, Xbox One, PlayStation 5 і PlayStation 4) гульня з'явіцца 25 кастрычніка.
Паведамляецца, што ўладальнікі прэміяльнай падпіскі PS Plus атрымаюць Mount & Blade: Warband.

Таксама з'явіліся чуткі, што верагодна ў гэты ж дзень гульня можа пакінуць ранні доступ на PC.

📢 Funcom прадставіла буйное абнаўленне для Conan Exiles — Age of Sorcery.

Age of Sorcery абяцае быць самым буйным бясплатным абнаўленнем з моманту выхаду Conan Exiles.
Галоўныя асаблівасці абнаўлення — магія ды сезоны (эпохі) кожная са сваёй унікальнай тэмай.

Дзяленне на эпохі зробіць выхад новага кантэнту больш рэгулярным. Прасоўвацца па эпохах і зарабляць узнагароды дапамогуць выпрабаванні, новыя якія чаргуюцца заданні. А новыя гульнявыя падзеі зробяць свет яшчэ больш небяспечным.

Больш пра будучыя змены можна даведацца з трэйлера і жывога стрыму з распрацоўшчыкамі.

📢 Nintendo анансавала прэзентацыю па Xenoblade Chronicles 3.

Трансляцыя пачнецца 22 чэрвеня ў 17:00 па Менску на афіцыйным YouTube-канале Nintendo і будзе доўжыцца каля 20 хвілін.

Пра Xenoblade Chronicles 3:

Далучайцеся да Ноя і Міо, членаў дзвюх супрацьлеглых народаў Кевеса і Агнуса, у задушэўным вандраванні па багатым адкрытым свеце, каб спыніць цыкл гвалту. Група з шасці персанажаў з гэтых нацый аб'ядноўваюцца, каб абудзіць калоніі Айёніос і выкрыць сапраўдную пагрозу, з якой сутыкаюцца абодва народы. Прайдзіце цераз фантастычныя пейзажы, даведаўшыся, пра новую гисторыю света Xenoblade Chronicles.

📰 Шэрагі Gamescom 2022 радзеюць.

Неназваны прадстаўнік Sony Interactive Entertainment (PlayStation) заявіў выданню Games Wirtschaft, што прапусцяць штогадовую гульнявую выставу Gamescom 2022. Як сцвярджае VGC, такое ж рашэнне прынялі Activision Blizzard і Take-Two.

Раней ад удзелу ў мерарыемстве адмовілась Nintendo.

Арганізатары Gamescom сцвярджаюць, што ў сёлетнім мерапрыемстве прымуць удзел больш за 250 кампаній, але на дадзены момант толькі некалькі буйных выдаўцоў, уключаючы Bandai Namco, THQ Nordic і Koch Media, публічна пацвердзілі гэта.

Мерапрыемства павінна адбыцца з 24 па 28 жніўня.

Вітаю спадарства!

Цяпер у нас ёсць свой сервер у Discord! Калі вы хочаце завесці новых сяброў, разам гуляць у розныя гульні ды практыкаваць беларускую мову, далучайцеся!

📢 Сёння мінуў Nintendo Direct, прысвечаны Xenoblade Chronicles 3.

На мерапрыемстве паказалі новы трэйлер гульні, сцісла прадставілі асноўных герояў і прадэманстравалі разнастайныя лакацыі праекта.

Таксама стала вядома, што гульня атрымае сезонны пропуск з трыма DLC. Першае выйдзе 31 снежня 2022 года, а другое і трэцяе з'явяцца ў 2023 годзе.

Сама гульня выходзіць 29 ліпеня на Nintendo Switch.
Запіс усяго мерапрыемства можна паглядзець тут.

Нагадваем, што сёння, а 20-й гадзіне па Менску пачынаецца штогадовы летні распродаж у Steam.

Набыць розныя гульні са зніжкай можна будзе да 7 ліпеня (акцыя скончыцца ў 20:00)!

Распродаж будзе суправаджацца нейкім квэстам, падчас якога, верагодна, можна будзе зарабіць новы значок.

📢 Creative Assembly і SEGA анансавалі новую гульню — шутэр HYENAS.

Зямлі няма, багатыя каланізавалі Марс, а астатняе чалавецтва жыве найгоршым жыццём у гіганцкіх трушчобах, якія круцяцца на арбіце. У той час як чалавецтва спрабуе выжыць, мільярдэры больш хвалююцца за ажыццяўленне сваіх настальгічных мараў, скупая за вялізныя грошы артэфакты выратаваныя з Зямлі.

Героі гульні — зграя таленавітых рабаўнікоў, што супрацьстаяць багатырам і вяртаючы сабе тое, што як яны лічаць, іх па праве, завошта персанажаў завуць «Гіенамі».

Рэліз плануецца ў 2023 годзе на PC, а таксама абодвух пакаленнях PlayStation і Xbox.

📢 Focus Entertainment абвясцілі дату рэлізу A Plague Tale: Requiem.

Цяпер датай выхаду гульні значыцца — 18 кастрычніка.

Як было вядома раней, дзеянне працягу разгортваецца праз паўгода пасля арыгінала, калі Аміцыя са сваім малодшым братам адпраўляецца ў новыя землі - аднак зло і чумныя пацукі наганяюць іх і там.
Апроч іншага, на мерапрыемстве прадэманстравалі новы пашыраны геймплейны трэйлер гульні.

Ужо даступны папярэдні заказ гульні, кошт — 60$ для кансоляў і 50$ для PC.

📢 Moon Punch Studio і Toplitz Productions выпусцілі новы трэйлер Wild West Dynasty.

Каўбоі, пасяленцы і стралкі! Пабудуйце сваё ўласнае ранча, ператварыце яго ў паселішча, і неўзабаве больш пасяленцаў далучацца да вас у пошуках шчасця ды дабрабыту. Ці ўдасца вам пабудаваць «Дынастыю Дзікага Захаду», альбо вы апынецеся на шыбеніцы?

Дата рэлізу пакуль не вядома.

📢 Студыя Plot Twist (стваральнікі Women of Xal) прадставілі свой новы праект натхнёны працамі Г.Ф. Лаўкрафта — The Last Case of Benedict Fox.

Вазьміце на сябе апошнюю справу Бенедыкта Фокса і акуніцеся ў закручаны свет таемных арганізацый, забароненых рытуалаў і халодных забойстваў. Даследуйце ўспаміны памерлых ахвяр, шукаючы падказкі і змагайцеся з дэманамі ў гэтай фантастычнай лаўкрафтавай Metroidvania.

Рэліз адбудзецца ў 2023 году на РС і Xbox Series.

📰 Карыстальнік Reddit знайшоў згадванне патэнцыйных бонусаў за папярэдні заказ Hogwarts Legacy.

На дадзены момант спіс бонусаў за папярэдні заказ наступны:

🔹Яздовы фестрал (тая жывёла, якую бачаць толькі тыя, хто бачыў смерць);
🔹Набор касметычных прадметаў "Цёмныя мастацтва";
🔹Баявая арэна "Цёмных мастацтваў";
🔹Капялюш «Цёмных мастацтваў»;
🔹Накідка келпі;
🔹Стылбук;
🔹Рэпліка старажытнай "левітавальнай" чароўнай палачкі з кнігай.

*Верагодна апошнія два пункты адносяцца да фізічнага выдання гульні.

Гэтак жа ўсе, хто аформіць папярэдні заказ, зможа пачаць гуляць за 72 гадзіны да афіцыйнага рэлізу!

Рэліз Hogwarts Legacy намечаны на канец гэтага года.

📰 Для фэсту Fallout For Hope распрацоўнікі мода Fallout London падрыхтавалі трэйлер з выглядамі горада.

Fallout: London - гэта амбіцыйны мод памерам з DLC для Fallout 4, постапакаліптычнай RPG ад Bethesda. Лондан адрозніваецца ад сваіх сучаснікаў і прапануе цалкам новы вопыт: стварэнне гульні Fallout за межамі Злучаных Штатаў — Вас чакае туманны Альбіён! Ад душных парламенцкіх арыстакратаў да ўваскрашэння рыцараў Круглага стала, бескампраміснага культу рэвалюцыянераў і не толькі! Fallout: London ўвасабляе гісторыю і эстэтыку Лондана і наносіць беспамылковае ядзернае дзеянне на любімы горад.

Мод Fallout London выйдзе ў 2023 годзе.

📰 Наступная гульня FromSoftware знаходзіцца на фінальнай стадыі распрацоўкі.

У інтэрв'ю японскаму гульнявому выданню 4Gamer дырэктар FromSoftware Хідэтака Міядзакі расказаў, што наступная гульня студыі ўжо знаходзіцца на завяршальнай стадыі распрацоўкі.

Згодна з інтэрв'ю, выданне пыталася ў Міядзакі яшчэ ў 2018 годзе пра неабвешчаныя праекты, іх на той момант было два, першым аказаўся Elden Ring, а пра другую гульню мы да гэтага часу нічога не ведаем. Ніводнага слова пра тое, што можа быць за праект Міядзакі не сказаў, адзінае, што вядома, гэта чуткі нібыта гэта будзе новая частка Armored Core.

📢 Сёння ў 16:00 па Менску пройдзе Nintendo Direct Mini.

Мерапрыемства будзе прысвечана гульням іншых распрацоўшчыкаў, і працягнецца прыкладна 25 хвілін.

Па чутках нам прадэманструюць Mario + Rabbids Sparks of Hope і магчыма порт Read Dead Redemption 2.