📢 У гэтую сераду CD Projekt Red правядзе першы стрым, у гонар свайго 20-годдзя.

6 ліпеня а 17:00 па Менску нас чакае падарожжа ў Вызіму разам з сузаснавальнікам CD Projekt Red Марцінам Івіньскім які раскажа пра тое як пачыналася дваццацігадовая гісторыя студыі і гісторыя іх першай гульні.

Глядзець стрым можна будзе на афіцыйным Twitch канале студыі.

Нагадваем, што раней CD Projekt Red абвясціла аб пачатку святкавання свайго дваццацігоддзя, адкрыўшы спецыяльную старонку, дзе гульцоў чакаюць розныя конкурсы, раздачы і іншае.

📢 Анансаваны рэмейк Lollipop Chainsaw.

Lollipop Chainsaw атрымае паўнавартасны рэмейк у 2023 годзе. Афіцыйная назва гульні і платформы пакуль не абвешчаныя.
Паведамляецца, што над праектам працуе каманда, якая складаецца з распрацоўшчыкаў арыгінальнай гульні і супрацоўнікаў Dragami Games, сярод якіх значыцца і былы прадзюсер гульні Ёсімі Ясуда.

Гульня будзе накіравана на ўзнаўленне арыгінала, але Ясуда растлумачыў, што ў рымейку будзе некалькі ключавых адрозненняў. Дзякуючы магутнасці апаратнага забеспячэння новага пакалення, новая гульня будзе адрознівацца «больш рэалістычным падыходам да графікі». Менш прыемнай для фанатаў будзе навіна аб тым, што праблемы з ліцэнзаваннем музыкі азначаюць, што, у адрозненне ад арыгіналу (дзе было 16 ліцэнзійных трэкаў), у рымейку, «акрамя некалькіх ліцэнзійных трэкаў, саўндтрэк будзе складацца з новай музыкі».

📢 Nacon Connect адбудзецца ў гэты чацвер.

Французскі выдавец Nacon абвясціў, што на сваім шоў Nacon Connect (якое пачнецца 7 ліпеня а 20:00 па Менску) пакажа 17 сваіх гульняў.

Сярод іх:

🔹Ad Infinitum;
🔹Blood Bowl;
🔹Chef Life;
🔹Clash: Artifacts of Chaos;
🔹Hell is Us;
🔹The Lord of the Rings: Gollum;
🔹RoboCop: Rogue City;
🔹Session;
🔹Steelrising;
🔹Test Drive Unlimited: Solar Crown;
🔹War Hospital;
🔹WRC Generations.

Глядзець трансляцыю можна будзе на афіцыйных YouTube і Twitch каналах выдаўца.

📢 Ubisoft правядзе шоў Skull & Bones з дэманстрацыяй геймплэя гульні, а таксама сваю ўласную прэзентацыю — Ubisoft Forward.

Ubisoft Forward вяртаецца, на гэты раз з двума падзеямі.
Самае першае мерапрыемства Ubisoft Forward Spotlight on Skull and Bones, якое адбудзецца 7 ліпеня а 20:40 па Менску, прадэманструе ніколі раней не бачаныя навіны даўгачаканай гульні (Skull and Bones), геймплэй, сюжэт і іншае.

Затым, 10 верасня а 22:00 Ubisoft Forward вяртаецца ў поўным складзе, гатовае паказаць абнаўленні і навіны аб шматлікіх гульнях і праектах ад каманд Ubisoft па ўсім свеце!

📢 Square Enix і студыя Soleil прадставілі трэйлер новага ролевага экшэна Valkyrie Elysium.

Valkyrie Elysium — гэта новая частка серыі Valkyrie з унікальным мастацкім стылем, незабыўным саўндтрэкам і хуткімі бітвамі. Свет рыхтуецца сустрэць Рагнарок, і Одзін з апошніх сіл стварае пасланніцу адкуплення — Валькірыю. Яе адзіная задача — выратаваць асуджаны свет ад немінучай гібелі.

Рэліз на PS5 і PS4 — 29 верасня;
на PC — 11 лістапада.

📢 God of War: Ragnarok атрымала новы трэйлер і дату рэлізу.

Sony выпусціла кінематаграфічны трэйлер God of War: Ragnarok пад назвай "Бацька і сын" і абвясціла, што гульня выйдзе 9 лістапада на PS4 і PS5.

Таксама распрацоўшчыкі прадставілі ўзнагароды за папярэдні заказ гульні і правялі анбоксінг калекцыйнай версіі.

📢 Студыя CD Projekt RED анансавала першае самастойнае аднакарыстальніцкае DLC для картачнай гульні "Ґвінт".

DLC носіць назву «Ґвінт: Чараўнік-Адступнік» і выходзіць у рэліз ужо сёння!

«Ґвінт: Чараўнік-Адступнік» уяўляе сабой адзіночны картачны роґлайк ("рагалік"). Гульня будзе прадавацца асобна ад свайго мультыплэернага сабрата, але захавае яго асноўныя механікі.

Роґлайк-элементы зводзяцца да структуры прыгоды: гулец прасоўваецца па выбраным маршруце на мапе да таго часу, пакуль не пераможа фінальнага боса або не будзе пераможаны па шляху. На збор усяго і ўся спатрэбіцца больш за 30 гадзін.

Падзеі Gwent: Rogue Mage разгорнуцца за сотні гадоў да нараджэння Ґеральта. Карыстачам дастанецца роля чараўніка Альзура, які спрабуе стварыць першага вядзямара.

📢 Valve назвала даты фестывалю дэмаверсій «Гульням быць».

Valve абвясціла, што наступны фестываль «Гульням быць», у рамках якога карыстачы Steam змогуць паспрабаваць сотні дэмаверсій розных гульняў, адбудзецца з 3 па 10 кастрычніка.

Акрамя дэмаверсій, гульцы змогуць глядзець трансляцыі распрацоўшчыкаў, у рамках якіх можна задаць пытанні і выказаць свае думкі.

📢 Апублікаваны сюжэтны трэйлер хорару The Devil In Me анталогіі The Dark Pictures.

Нагадаем, што сюжэт The Devil in Me заснаваны на гісторыі Генры Холмса, першага амерыканскага серыйнага забойцы.

Дата рэлізу хорару пакуль невядома.

📢 THQ Nordic прадставіла новы трэйлер стратэгіі The Valiant.

The Valiant адправіць нас у Цэнтральную Эўропу і на Сярэдні Усход XIII стагоддзя. Герою, Тэадарыху фон Акенбургу, трэба спыніць новы крыжовы паход: яго арганізатар апантаны ідэяй пошукаў старажытнай рэліквіі.

Дата рэлізу яшчэ не вядома.

📢 Nacon прадставіла сюжэтны шутэр ад першай асобы RoboCop: Rogue City.

Станьце культавым чалавекам, часткова машынай, але цалкам паліцэйскім-героем, спрабуючы вярнуць справядлівасць на небяспечныя, ахопленыя крыміналам вуліцы Старога Дэтройта!

Рэліз запланаваны на ліпень 2023 г.

📢 Ubisoft назвала дату рэлізу Skull and Bones.

На ўчорашняй прэзентацыі прысвечанай Skull and Bones Ubisoft паказала свежыя геймплэйныя (адзін прысвечаны сюжэтнай місіі, іншы марскім бітвам і кастамізацыі) і сюжэтны трэйлеры гульні.

У сюжэтным трэйлеры нам паказалі лёс нашага героя: у рэгіёне Індыйскага акіяна ізгой адмаўляецца падпарадкоўвацца правілам грамадства і бярэ лёс у свае рукі. Карыстаючыся надыходам Залатога стагоддзя пірацтва, нам трэба прайсці шлях ад выгнанніка да сусветна вядомага пірата.

Гульня выходзіць 8 лістапада на PlayStation 5, Xbox Series, Google Stadia і РС.

📰 Rockstar скарачае падтрымку Red Dead Online і перастане выпускаць для гульні буйныя абнаўленні.

Гэтя рэсурсы вырашана перакінуць на распрацоўку шостай часткі Grand Theft Auto. Такім чынам цыкл падтрымкі мультыплэера Red Dead Redemption 2 склаў усяго 3 гады.

Пры гэтым GTA Online (якая выйшла 9 гадоў таму) будуць падтрымваць і далей.

📢 IO Interactive прадставіла трэйлер новай бясплатнай лакацыі для Hitman III.

Лакацыя носіць назву Востраў Амброўз — гэта трапічная выспа і зачыненая бухта, хата небяспечнага пірацкага сындыката, арудуючага ў Андаманскім моры, і месца, дзе захоўваецца мноства розных сакрэтаў!

Рэліз адбудзецца 26 ліпеня.

‼️ У Spotify можа з’явіцца беларуская мова.

У беларусаў з’явілася магчымасць прагаласаваць за даданне беларускай мовы ў якасці мовы інтэрфейсу на музычнай плятформе Spotify.

Дзеля гэтага на сайце Spotify Community створана адпаведная галіна на якой можна галасаваць за гэтую ідэю.

На дадзены момант свой голас аддалі ужо больш 700 чалавек і ідэя мае статус "Добрай", але для таго каб яе разгледзілі распрацоўшчыкі яна павінна атрымаць статус "Жывая ідэя".

Калі вы жадаеце прыняць удзел у галасаванні, то пераходзьце па спасылцы і увойдучы ў свой акаўнт (павінен быць дададзены username) цісніце падабайку.

📢 Выйшаў геймплэйны трэйлер The Lord of the Rings: Gollum.

Гульцам трэба будзе ўзяць на сябе ролю культавага героя свету "Уладара пярсцёнкаў" і дапамагчы Ґолуму прабрацца ў самыя небяспечныя месцы, каб здабыць страчаны скарб. Ґолум слабы, але неверагодна спрытны, а яго малюсенькі рост дазваляе паспяхова хавацца ад чужых позіркаў.

The Lord of the Rings: Gollum выходзіць 1 верасня на РС, PlayStation 5, PlayStation 4, Xbox Series і Xbox One, а праз некаторы час на Nintendo Switch.

📢 Сталі вядомыя ўсе ўдзельнікі Gamescom 2022.

Арганізатары Gamescom 2022 абвясцілі поўны спіс удзельнікаў гульнявой выставы (якая адбудзецца 23-28 жніўня):

🔹2K Games; 🔹Xsolla.
🔹505 Games; 🔹Xbox;
🔹Aerosoft; 🔹Western Digital;
🔹Amazon Web Services; 🔹Team17;
🔹AMD; 🔹Ubisoft;
🔹Assemble Entertainment; 🔹TaleWorlds;
🔹Astragon Entertainment; 🔹SteelSeries;
🔹Bandai Namco; 🔹Razer;
🔹BenQ; 🔹Samsung;
🔹Daedalic Entertainment; 🔹Raw Fury;
🔹ESL Gaming; 🔹THQ Nordic;
🔹Giants Software; 🔹Neowiz;
🔹HandyGames; 🔹HyperX;
🔹HoYoverse; 🔹Krafton;
🔹Humble Games; 🔹Medion;
🔹Kalypso Media Group; 🔹Sega Europe;
🔹Koch Media; 🔹Thunderful.
🔹Level Infinite (Tencent);
🔹NetEase Games;
🔹Pico Interactive;
🔹Warner Bros Games;

📢 Nexon афіцыйна прадставіла свой анлайн-шутэр The First Descendant.

The First Descendant — гэта кааператыўны RPG-шутэр ад трэцяй асобы, у якім вы можаце гуляць за людзей, атрымаўшых ў спадчыну невядомыя здольнасці, якія зараз дапамагаюць ім у барацьбе з захопнікамі!

Любы жадаючы ўжо зараз можа запісацца на бэта-тэставанне, запытаўшы доступ на старонцы гульні ў Steam.

Дата выхаду пакуль невядомая.

📢 Студыя Silvernode аб'явіла дату рэлізу камедыйна-нуарнай гульні Nine Noir Lives.

Выцягніце ногі, пачысціце вусы і акуніцеся ў Nine Noir Lives. Атрымлівайце асалоду ад прыгодніцкай нуарнай камедыі, поўнай гумару, шалёных персанажаў, інтрыгуючых месцаў і складаных галаваломак!

Гульня выходзіць у Steam і GOG 7 верасня 2022 года.