📢 Студыя Fatshark абвясціла аб адтэрміноўцы рэлізу кааператыўнага баевіка Warhammer 40,000: Darktide.

Раней рэліз планаваўся на 13 верасня, зараз датай выхаду значыцца 30 лістапада для PC, на Xbox яна з'явіцца яшчэ пазней, але пакуль што дакладную дату распрацоўшчыкі не назвалі.

Па словах прадстаўнікоў студыі, нікому не падабаецца тое, што прыйшлося адкласці рэліз, асабліва пасля выдатных водгукаў, атрыманых па выніках тэстаў. Аднак распрацоўшчыкі павінны палепшыць стабільнасць і прадукцыйнасць, а таксама пераканацца ў нармальнай працы ключавых сістэм. Усё гэта неабходна, каб гульня апраўдала ўсе чаканні.

📩 Вітаю вас у першым выпуску новай рубрыкі Інды-пятніца , у якой я буду распавядаць вам пра розныя цікавыя, новыя і не вельмі інды-гульні!

Сёння мы пагаворым пра сапраўды выдатную і цікавую гульню — Yes, Your Grace.

P.S. Рубрыка толькі распачынаецца, таму з радасцю выслухаю ўсе заўвагі і прапановы!

#Інды_пятніца

📢 Студыя Third Shift, знайшла выдаўца ў асобе Annapurna Interactive для свайго дэбютнага праекта Forever Ago.

Выдавецтва Annapurna Interactive абвясціла аб новым супрацоўніцтве: кампанія ўзялася за выданне дэбютнай гульні германскай студыі Third Shift, заснаванай двума сябрамі.
Прыгодніцкая гульня Forever Ago ствараецца ў жанры дарожнай прыгоды пакуль што толькі для PC.

Пасля трагічнага інцыдэнту Альфрэд, разам са сваім сабакам, адпраўляецца ў падарожжа на поўнач у пошуках паратунку.
У гэтай прыгодзе для аднаго гульца вы будзеце падарожнічаць па прыгожых месцах, здымаць успаміны на камеру, сустракацца з цікавымі людзьмі і нават заводзіць новых сяброў.

Паспрабуйце тонкую і шчырую гісторыю пра разбітыя мары, страту і шкадаванне, але таксама пра мужнасць, надзею і сапраўднае сяброўства.
Даследуйце прыгожыя наваколлі, пачынаючы ад ціхамірных лясных азёр і заканчваючы пыльнымі пустынямі.

Дата рэлізу пакуль не называецца.

📢 Раней згаданае выдавецтва Annapurna Interactive ўзяло пад сваё крыло прыгодніцкую хорар-выжывалку The Lost Wild.

The Lost Wild — гэта захапляльная і кінематаграфічная гульня пра дыназаўраў, якая адлюстроўвае ўсю моц самых цудоўных звяроў прыроды.
Сутыкніцеся тварам да твару з дыназаўрамі, якія паводзяць сябе як дзікія жывёлы, а не як монстры.

Даследуйце дагістарычную пустыню, дзе вы знаходзіцеся ў самым цэнтры харчовага ланцуга. Трымайце галаву ўніз, будзьце пільныя і ўхіляйцеся. Калі нічога не атрымліваецца, бяжыце або паспрабуйце запалохаць жывёлаў з дапамогай несмяротнай зброі, што прывядзе да напружанага гульнявога працэсу ў стылі ката-мышкі.

Рэліз гульні запланаваны на 2024 год.

📰 З 1 верасня Steam забароніць засмечваць гульнявыя банеры лішняй інфармацыяй.

Цяпер усім, хто прадае ў Steam свае гульні, забароняць размяшчаць на банэрах:

▫️Рэйтынгі гульні;
▫️Назвы і лагатыпы узнагарод;
▫️Маркетынгавыя копіі без зніжкі(напрыклад, без тэксту "Цяпер у продажы" або "Зніжка да 90%");
▫️Тэкст або малюнкі, якія рэкламуюць іншы прадукт. (Гэта не ўключае маркетынг сіквелаў або іншых назваў той жа франшызы);
▫️Нейкі іншы тэкст.

Выключэннем з'яўляецца інфармацыя аб новым кантэнце або сезонных падзеях, але толькі на тэрмін не больш за месяц.

Усе гэтыя патрабаванні накіраваны на тое, каб гульцы маглі бачыць ясныя карцінкі і лёгка прачытваць лагатыпы гульняў.

📰 У гонар свайго дваццацігоддзя, стваральнікі знакамітага сайта ModDB запусцілі галасаванне за званне лепшага мода дзесяцігоддзя.

У галасаванні ўдзельнічаюць мадыфікацыі, якія сталі лепшымі па выніках апошніх дзесяці гадоў, з 2012 па 2021 — сцвярджаецца, што менавіта яны, так альбо інакш, паўплывалі на ўсе тыя моды якія выйшлі пасля іх.

На дадзены момант у галасаванні лідзіруе The Chronicles of Myrtana да Gothic II (75% галасоў), на другім месцы апынуўся Mental Omega да Command & Conquer: Yuri's Revenge (12% галасў).

З дадзенымі мадыфікацыямі гэтак жа спаборнічаюць:
▫️Black Mesa: Blue Shift,
▫️DayZ,
▫️Fallout: New California,
▫️S.T.A.L.K.E.R.: Call of Chernobyl
▫️Enderal ды ішныя.

📢 Кітайская студыя Changyou (вядомая па MMORPG Dragon Oath) выпусціла трэйлер свайго новага праекту, Sea Of Dawn.

Трэйлер апынуўся не простым, а з неспадзеўкай — у ім аднаго з герояў згуляў Джоні Дэп.

Яго герой - былы шукальнік прыгод на імяі Піліп, які аслеп і цяпер амаль не выходзіць з хаты, заваленай сувенірамі з яго вандраванняў. Ён праводзіць экскурсію па сваіх скарбах для даўгавога калектара, расказваючы пра свае фантастычныя прыгоды, якія могуць чакаць і гульцоў будучай гульні.

Сам Дэп заявіў, што заўсёды згаджаецца на ролі, якія весела гуляць. У выяве Піліпа ён убачыў нахабства, якое дазваляе яму дзеяць тое, на што сам ён зроду б не адважыўся.

Шалом! Табе падабаюцца мемы на беларускай мове, але не ведаеш, дзе іх паглядзець?
Табе ў "Беларускую Мемарню"!

Спасылка: https://news.1rj.ru/str/belmemar

📢 Студыя kuklam паказала гульнявы працэс свайго новага праекту, ролевага хорар-выжывання — Cryospace.

Вы не салдат. Не баец. Проста звычайны абслугоўваючы хлопец. Усё ж трэба змагацца. І вы вымушаныя бегчы. Але галоўнае: вы павінны дапамагчы замарожанаму экіпажу выжыць на касмічным караблі. Вы адзіны, хто можа выратаваць іх ад смерці або вечнага крыя-сну.

Запланаваная дата выпуску — 2023 год.

📰 Былы кіраўнік Xbox Пітэр Мур прызнаўся, што Microsoft у пачатку 00-х заахвочвала "кансольныя войны".

Былы кіраўнік Xbox Пітэр Мур пагутарыў з вядучым падкасту Front Office Sports. Ён падзяліўся сваім меркаваннем на тэму так званых "кансольных войн".

Па словах Мура, Microsoft у пачатку нулявых была зусім не супраць падобных баталій, бо такім чынам яны кідалі выклік сваім канкурэнтам. Ён асобна адзначыў, што пра нейкі падзел супольнасці на дзве часткі гаворкі тады не ішло.

"Мы заахвочвалі кансольныя войны, але не для таго, каб ствараць рознагалоссі, а каб кінуць выклік адзін аднаму.
Калі б Xbox не працягнула свой курс развіцця пасля правалаў, накшталт масавых паломак Xbox 360 на старце, то гульнявая індустрыя была б куды больш бедным месцам. Не было б той канкурэнцыі, якая ёсць зараз".

Мур заявіў, што яму вельмі падабаецца цяперашняя канкурэнцыя на рынку:

"Sony і Microsoft распрадаюць свае кансолі як гарачыя піражкі, выкарыстоўваючы розныя падыходы да бізнэсу".

📰 Blizzard пацікавілася ў гульцоў Overwatch, ці гатовыя яны плаціць па 45$ за скіны.

Blizzard правяла чарговае апытанне, звязанае з Overwatch, у якім пацікавілася ў аўдыторыі аб тым, ці гатовыя яны заплаціць:

45$ за міфічны скін;
25$ за легендарны скін;
30$ за легендарны камплект;
10$ за кудмень для зброі;
5$ за тры графіці.

Можна выказаць здагадку, што прыблізна такія кошты і будуць у Overwatch 2 на вышэйзгаданыя прадметы (ва ўсякім разе калі Blizzard не прыслухаецца да меркавання гульцоў, большасць якіх мяккага кажучы не вельмі задаволены такім раскладам спраў).

Нагадваем, што рэліз Overwatch 2 намечаны на 4 кастрычніка.

🗓 У Steam пачаўся "Фестываль выжывання".

Займайце тэрыторыі, здабывайце ежу і змагайцеся з самымі рознымі цяжкасцямі, на фестывалі выжывання ў Steam ужо сёння! Зніжкі, дэмаверсіі і будучыя навінкі гульняў на выжыванне ўсіх масцяў!

Фестываль скончыцца 8 жніўня, а 20:00 па Менску.

📢 IGN апублікавалі свежы геймплэйны трэйлер Gotham Knights.

16-і хвілінны трэйлер дэманструе геймплэй за аднаго з чатырох персанажаў экшэна — Бэтгерл.
У пачатку гульні нас навучаюць базавым механікам экшэна: ад перасоўвання і скачкоў, да вядзення расследаванняў і бітваў з рознымі персанажамі.

Gotham Knights - гэта будучая ролевая экшн-гульня , якая разгортваецца ў адкрытым свеце Ґотэм-Сіці. Дзеянне гульні адбываецца пасля смерці Бруса Уэйна і камісара паліцыі Джэймса Ґордана, што прывяло да росту злачыннасці і беззаконня. Гульцы бяруць на сябе ролю былых стаўленікаў Бэтмена: Найтвінга, Бэтгёрл, Робіна ды Чырвонага Капялюша, якія спрабуюць працягваць справы свайго настаўніка.

Рэліз гульні запланаваны на 25 кастрычніка для PS5, Xbox Series і PC.