📢 Стваральнікі новага Call of Duty: Modern Warfare II назвалі даты бэта-тэставання мультыплэера.

▫️16-17 верасня — ранні доступ толькі для PlayStation;
▫️18-20 верасня — адкрытая бэта толькі для PlayStation;
▫️22-23 верасня — ранні доступ для Xbox і PC, адкрытая бэта для PlayStation;
▫️24-26 верасня — адкрытая бэта на ўсіх плятформах.

Атрымаць ранні доступ змогуць толькі тыя, хто аформіў папярэдні заказ гульні.
Паўнавартасны рэліз Call of Duty: Modern Warfare II запланаваны на 28 кастрычніка.

📰 У бэта-версію кліента Steam дадалі падтрымку кантролераў Joy-Con ад Nintendo Switch.

Абноўлены кліент можа працаваць з Joy-Con па асобнасці, і ў пары — як адзіны кантролер.

Жадаючым паспрабаваць новую магчымасць гульнявой плятформы давядзецца запісацца ў праграму бэта-тэставання Steam (для гэтага неабходна актываваць адпаведную опцыю ў наладах кліента). Пры гэтым важна памятаць, што кантролеры Nintendo Joy-Con падключаюцца толькі па Bluetooth.

📢 Шутэр ARC Raiders (ад былых супрацоўнікаў DICE) перанеслі на 2023 год.

Праект разгортваецца ў свеце, дзе адбыўся апакаліпсіс, а людзі вымушаны змагацца з вялікімі машынамі,прышэльцаў, якія ўварваліся на планету. У мінулым аўтары адзначалі, што ў бітвах давядзецца ўлічваць элементы асяроддзя і фізіку.

Распрацоўнікам спатрэбіўся дадатковы час, каб цалкам рэалізаваць патэнцыял гульні, якую яны назвалі "вельмі амбіцыйнай".

📢 Распрацоўнікі з Firaxis Games ізноў вырашылі адкласці рэліз Marvel's Midnight Suns.

*"*У нас ёсць важная інфармацыя, якой мы хочам падзяліцца адносна даты запуску нашай гульні.
Пасля абмеркавання з камандай мы прынялі
рашэнне перанесці тэрміны запуску Marvel's Midnight Suns, каб забяспечыць нашым фанатам найлепшыя ўражанні.

Мы ведаем, што фанаты з нецярпеннем чакаюць гульню, але праект вельмі вялікі, і нам патрабуецца больш часу, каб у канчатковым выніку ўсё працавала як трэба!"

Цяпер датай рэлізу гульні значыцца 31 сакавіка 2023 года.

📰 Gamescom 2022 абяцаюць адкрыць паказам больш за 30 гульняў.

Па словах Джэфа Кілі, цырымонія адкрыцця Gamescom 2022 працягнецца 2 гадзіны і будзе ўключаць у сябе дэманстрацыю больш за 30 гульняў.

Вядома, што на цырымоніі адкрыцця прэзентуюць новую гульню ад стваральнікаў Subnautica — пакрокавую стратэгію ў навукова-фантастычным сеттынгу.

Мерапрыемства пачнецца 23 жніўня, а 21:00 па Менску.
Спіс удзельнікаў можна паглядзець тут.

📰 Амбіцыйны мод перанослы Half-Life 2 у VR, хутка выходзіць у адчыненую бэту.

«Вітаем усіх! Чаканне амаль скончылася - публічная бэта-версія Half-Life 2: VR стартуе ў верасні. І так, мы маем на ўвазе гэты год :)».

Мод зараз праходзіць закрытае тэставанне. Ён працуе на SteamVR, таму любую гарнітуру, якая скарыстоўвае плятформу Steam, можна выкарыстоўваць для гульні ў Half-Life 2: VR. Мод быў пратэставаны на гарнітурах Index, Quest, Vive і Pimax.

Half-Life 2 VR можна будзе спампаваць бясплатна, але для гульні патрабуецца копія Half-Life 2. На дадзены момант незразумела, ці будзе мод запушчаны ў самім Steam:

«Мы ўсё яшчэ чакаем адабрэння ад Valve, і мы не ведаем, колькі яшчэ гэта зойме».

Сачыць за навінамі можна на афіцыйным сайце мадыфікацыі.

📢 Аўтары перазапуску Saints Row прадставілі новы геймплейны трэйлер гульні.

У роліку прадэманстравалі асноўныя механікі гульні, а менавіта: вайну банд, кіраванне ўласнай групоўкай, кастамізацыю базы і персанажа.

Рэліз адбудзецца 23 жніўня, на PS5, PS4, Xbox Series, Xbox One і PC.

📢 Стваральнікі Warhammer 40,000: Darktide абвясцілі аб старце закрытага тэставання гульні.

Закрытае тэставанне адбудзецца 12 жніўня з 19:00 да 23:00 і 13 жніўня з 0:00 да 04:00 па Менску.
Для таго, каб прыняць удзел, трэба пазначыць сваю электронную пошту на сайце распрацоўшчыкаў. Пасля гэтага на ваш адрас прыйдзе ліст, у якім неабходна будзе распавесці інфармацыю аб плятформе, на якой вы гуляеце (калі гэта PC, трэба будзе азначыць яго характарыстыкі).

Варта памятаць, што рэгістрацыя не гарантуе месца ў тэставанні!

Паўнавартасны рэліз Warhammer 40,000: Darktide прызначаны на 30 лістапада.

📰 На сайце PlayStation з'явіўся раздзел з гульнямі для ПК.

У спісе будучых рэлізаў значацца:

▫️Marvel's Spider-Man Remastered (Рэліз адбудзецца 12 жніўня);
▫️ Marvel's Spider-Man: Miles Morales (Рэліз плануецца на восень 2022 года);
▫️ UNCHARTED: Legacy of Thieves Collection (Рэліз запланаваны на 2022 год).

Рэліз на PC ужо адбыўся:

▫️God of War;
▫️Horizon Zero Dawn;
▫️Days Gone;
▫️Predator Hunting Grounds;
▫️HELLDIVERS.

Кампанія просіць сачыць за навінамі (што відавочна кажа аб намеры і далей партаваць свае гульняў на PC).
Акрамя таго, на старонцы азначана, што на дадзены момант для гульні на PC не патрабуецца ўліковы запіс PlayStation Network.

🎁 Зараз у Epic Games Store, можна бясплатна забраць Cook, Serve, Delicious! 3?!.

Cook, Serve, Delicious! 3?! — Рыхтуйце, абслугоўвайце і кіруйце сваім грузавіком з ежай, калі дастаўляючы сотні розных страў па ўсёй разбуранай вайной Амерыцы ў гэтым маштабным сіквеле мільённай серыі!

❗️Забраць гульню можна да 18 жніўня.

📢 Адбыўся рэліз Cult of the Lamb — гульні пра апантанае ягня і ягоны культ.

Стварыце свой уласны культ у краіне ілжэпрарокаў, адпраўляючыся ў разнастайныя і таямнічыя рэгіёны, ствараючы лаяльную супольнасць лясных паслядоўнікаў і распаўсюджваючы сваё Слова, каб стаць адзіным сапраўдным культам!

Крытыкі хваляць гульню за стыль, выдатнае спалучэнне жанраў і надзвычайную захапляльнасць.

Кошт гульні ў Steam складае 17.99$.

🗓 Сёння пятніца, а значыць прыйшоў час аднайменнай рубрыкі пра інды-гульні!

This Is the Police - гэта стратэгія/прыгодніцкая гульня, дзеянне якой адбываецца ў горадзе, які круціцца па спіралі. Узяўшы на сябе ролю жорсткага начальніка паліцыі Джэка Бойда, вы пагрузіцеся ў глыбокую гісторыю злачынстваў і інтрыг.

#Інды_пятніца

📢 Стваральнікі Total War: Warhammer III прадставілі трэйлер новага рэжыму — Immortal Empires.

Immortal Empires — рэжым які аб'яднае карты і фракцыі з усёй трылогіі Total War: Warhammer, ён будзе налічваць 86 легендарных лордаў, 23 расы, 533 рэгіёны і 278 стартавых фракцыі.

Сьвежы 13-хвілінны ролік паказвае разнастайныя рэгіёны і фракціі аб'яднанага свету.

📢 Стала вядома дата рэлізу Hogwarts Legacy — гульня выйдзе крыху пазней чым планавалася.

Стваральнікі Hogwarts Legacy абвясцілі, што гульня выйдзе не ў канцы гэтага года, як гаварылася раней, а толькі 10 лютага 2023 года на PlayStation, Xbox і PC.

Распрацоўнікі адзначылі асобна, што інфармацыя аб рэлізе на Nintendo Switch з'явіцца крыху пазней.

📢 Распрацоўнікі з Alkimia Interactive у рамках шоў THQ Nordic Digital Showcase 2022 прадставілі новы трэйлер рэмейку першай «Готыкі».

Ролік адпраўляе гледачоў у старую шахту, дзе рабочыя з усіх сіл імкнуцца не стаць абедам для паўзуноў — велізарных і лютых стварэнняў, якія насяляюць цемру!

Распрацоўшчыкі рэмейку Gothic абяцаюць пераасэнсаваць дух першакрыніцы, асучасніць мір і палепшыць баявую сістэму з захаваннем асноў арыгінальнай гульні.

Дакладна даты выхаду гульні стваральнікі не называюць.

📢 Адбыўся рэліз Marvel’s Spider-Man Remastered ад Sony.

У Marvel's Spider-Man Remastered Чалавек-павук апынаецца ў арыгінальнай насычанай экшн гісторыі. Гуляйце за Пітэра Паркера, змагаючыся з буйнымі злачынцамі і знакавымі зладзеямі ў Нью-Ёрку Marvel.

Кошт гульні ў Steam 59.99$.

📢 Pieces Interactive сумесна з THQ Nordic анансавала пераасэнсаванне Alone in the Dark — хорару 1992 года.

"Сьвежая гульня - гэта пераасэнсаванне арыгінальнай трылогіі, якое напалохае вас да глыбіні душы, вярнуўшы ў сумна вядомыя лакацыі з новай гісторыяй і дзіўнымі месцамі для вывучэння".

Дзядзька Эмілі Хартвуд прапаў без вестак. Разам з прыватным следчым Эдвардам Карнбі яна адпраўляецца ў падарожжа ў сядзібу Дэрсета, дом для псіхічна хворых, дзе адбываецца нешта не звычайнае. Вы сутыкнецеся з дзіўнымі жыхарамі, кашмарнымі царствамі, небяспечнымі монстрамі і, у рэшце рэшт, раскрыеце змову сіл зла!

Дата рэлізу не называецца.

📢 KITE Games прадставілі новы трэлер стратэгіі The Valiant.

The Valiant адправіць нас у Цэнтральную Эўропу і на Сярэдні Усход XIII стагоддзя. Герою, Тэадарыху фон Акенбургу, трэба спыніць новы крыжовы паход: яго арганізатар апантаны ідэяй пошукаў старажытнай рэліквіі, якая надзяліла б яго незямнымі здольнасцямі. Яго трэба спыніць любой цаной»!

У ходзе кампаніі гульцы змогуць сабраць шэсць геройскіх і дапаможных атрадаў, кожны з якіх мае тры галіны актыўных і пасіўных уменняў.
Акрамя сюжэту, у гульне будзе рэжым PvP і кааператыўныя выпрабаванні.

Дату рэлізу распрацоўшчыкі пакуль не называюць.

📢 Mirage Game Studios анасавала фантастычны сімулятар Space for Sale.

Space for Sale распавядае пра цудоўнае падарожжа міжгалактычнага забудоўшчыка, які выконвае місію па будаўніцтве утульнага жылля і раскошных маёнткаў. Ваш спіс іншапланетных кліентаў пастаянна пашыраецца, як і іх патрабаванні!

Дата рэлізу пакуль не абвешчана.