📢 Striking Distance Studios паказалі новае відэа будучага касмічнага хорару The Callisto Protocol (ад стваральніка Dead Space).

У гэтай апавядальнай гульні на выжыванне ад трэцяй асобы, дзеянне якой адбываецца праз 300 гадоў у будучыні, гулец возьме на сябе ролю Джэйкаба Лі — ахвяры лёсу, кінутага ў турму Чорнага жалеза, папраўчую ўстанову строгага рэжыму, размешчаную на спадарожніку Юпітэра. Каліста.
Ведаеце, калі зняволеныя пачынаюць ператварацца ў жахлівых істот, у турме пачынае панаваць хаос!

Рэліз гульні адбудзецца 2 снежня.

📢 CI Games анансавала гульню The Lords of the Fallen.

The Lords of the Fallen — гэта сіквел-пераасэнсаваньне аднайменнай гульні 2014 году.

Гульцу трэба будзе ўзяць пад кіраваньне аднаго зь Цёмных крыжакоў, каб кінуць выклік богу-дэману Адзіру, які мае намер адрадзіцца. Для гэтага давядзецца пазмагаецца з жахамі двух паралельных сьветаў.

Даты рэлізу ў праекту пакуль што няма, вядома толькі, што ён выйдзе на PC, PS5 і Xbox Series X/S.

📢 Учора (23.08.2022) адбылася цырымонія адкрыцьця gamescom 2022, на якой, як і абяцалася, было прадстаўлена мноства розных гульняў.

Спэцыяльна для вас, мы сабралі амаль усё, што было там паказана.

📰 Распрацоўнікі Hogwarts Legacy прадставілі калекцыйнае выданьне гульні.

У набор уваходзяць:

▫️Сама гульня (дэлюкс-версія);
▫️Стылбук;
▫️Поўнапамерная чароўная палачка з падстаўкай у выглядзе кнігі над якой яна левітуе;
▫️Дадатковая мантыя з капелюшом у гульне.

Кошт такога выданьня складзе прыкладна 350$, а іх тыраж будзе абмежаваны.

📢 Sony прадставіла рэлізны трэйлер рэмейку The Last of Us.

Аўтары цалкам перапрацавалі гульню, каб яна стала больш падобнай на сіквел з тэхнічнага й візуальнага бакоў. Акрамя таго, у праекце палепшылі фізыку, паводзіны ворагаў, гук, дадалі прапампоўку зброі ў стылі другой часткі й іншае.

Рэліз адбудзецца 2 верасьня на PS5, а праз некаторы час гульня выйдзе й на PC.

📰 Steam дадасьць магчымасьць распрацоўнікам адлюстроўваць на старонцы гульні ўсе мовы якія яна падтрымлівае (у тым ліку беларускую).

Цяпер Steam прапануе яшчэ 74 варыянты (у дадатак да існуючых 28), зь якіх вы можаце выбраць пры ўказаньні, якія мовы падтрымлівае ваша гульня. Вы можаце знайсці поўны сьпіс тут.

Для гульняў, якія маюць тэкст і/або аўдыя, даступныя на любой мове, якую афіцыйна падтрымлівае Windows, зараз ёсьць спосаб падзяліцца гэтай інфармацыяй з патэнцыйнымі кліентамі праз старонку вашай гульні ў краме Steam.

Афіцыйна, абнаўленьне будзе загружана на сэрвэры ў кастрычніку.
Цяпер шукаць гульні якія маюць пераклад на беларускую мову стане прасьцей!

📢 Bandaі Namco паведаміла, што The Dark Pіctures: The Devіl Іn Me выйдзе 18 лістапада.

Сюжэт гульні заснаваны на гісторыі Генры Холмса, першага амэрыканскага сэрыйнага забойцы. Здымачная група, якая робіць аб ім дакумэнтальны фільм, атрымлівае таямнічае запрашэньне ў рэпліку гатэля, так званы «Замак забойстваў», выбудаваны Холмсам, у якім ён мучыў і забіваў сваіх ахвяр.

📢 Прадстаўлены трэйлер новай часткі хорару з сэрыі Layers of Fears.

Layers of Fears - гэта псыхадэлічная хроніка жахаў ад першай асобы, якая засяроджана на напружаным дасьледаваньні й захапляльным апавяданьні - новая гульня, пабудаваная на асновах Layers of Fear і Layers of Fear 2 зь нечаканай новай гісторыяй і напрамкам геймплэя.

Рэліз заплянаваны на пачатак 2023 году для РС, PlayStatіon 5 і Xbox Serіes.

🎁 Зараз у Epic Games Store, можна бясплатна забраць Ring of Pain.

Ring of Pain — Акуніцеся ў выпадкова згенераваныя кальцавыя падзямельля, дзе вас чакаюць сустрэчы! Назірайце й плянуйце свой маршрут. Вы пойдзеце за здабычай альбо нанясеце ўдар у сьпіну паўзучаму жаху?

❗️Забраць гульню можна да 1 верасьня.

📢 Nіghtdіve Studіos прадставілі сьвежы трэйлер рэмейку System Shock.

System Shock — гэта паўнавартасны рымейк наватарскага арыгінала 1994 году, які аб’ядноўвае культавы геймплэй з цалкам новымі візуальнымі эфэктамі й цалкам новымі гукамі ды музыкай. Станьце сьведкамі адраджэньня адной з найвялікшых і самых уплывовых гульняў, калі-небудзь створаных.

Дата рэлізу не называецца.

📢 Швэдзкая студыя Wіshfully прадставіла сваю дэбютную гульню — Planet of Lana.

Маладая дзяўчына й яе верны сябар адпраўляюцца ў выратавальную місыю праз маляўнічы сьвет, поўны халодных машын і незнаёмых істот.

Гульня выходзіць увесну 2023 гады на РС і Xbox (+Xbox Game Pass).

📰 Sony павялічвае кошты на свае кансолі.

Павышэньне коштаў прадстаўнікі кампаніі пацьвердзілі для Эўропы, Вялікабрытаніі, Японіі, Кітая, Аўстраліі, Мэксыкі й Канады. Цяпер PS5 будзе каштаваць 550€ і 450€ (за вэрсыю з дыскаводам і без яго). У ЗША цана застаецца ранейшай — 500$ i 400$.
Падаражаньне зьвязваюць з ґлябальнай эканамічнай сытуацыяй і інфляцыяй.

Дарэчы Mіcrosoft, у адрозьненьне ад Sony, не зьбіраецца павялічваць кошты:

«Мы ўвесь час ацэньваем наш бізнэс, каб прапанаваць нашым прыхільнікам выдатныя гульнявыя магчымасьці. Рэкамэндаваны раздробны кошт Xbox Serіes S застаецца на ўзроўні 299$ (250£, 300€ ), Xbox Serіes X – 499$ (450£, 500€ )».

Вітаю! Хачу парэкамендаваць вам беларускамоўны канал, у якім змяшчаюцца (і будуць змяшчацца) старыя беларускія фота, мапы і іншае, што звязана з Беларуссю. Падпісвайцеся!

Спасылка: https://news.1rj.ru/str/belarusium

📢 Frontier Foundry і Petroglyph Games (у якой працуюць былыя распрацоўшчыкі Command & Conquer) прадставілі сваю новую гульню.

The Great War: Western Front — гэта стратэгічная гульня прысьвечаная Першай сусьветнай вайне. Адыграйце вырашальную ролю ў гісторыі з дапамогай гэтай тактычнай стратэгіі ў рэжыме рэальнага часу, кіруючы знакавым Заходнім фронтам з 1914 па 1919 год. Абярыце сваю фракцыю й прывядзіце яе да перамогі!

Гульня выйдзе на PC у 2023 годзе.

📢 Студыя Iggymob паказала новы трэйлер будучага прыгодніцкага баевіка Gungrave G.O.R.E.

Згуляйце за антыгероя сваёй мары, зьнішчаючы мноства ворагаў у крывавым балеце куль і перажываючы гісторыю помсты, каханьня й вернасьці, і ўсё гэта ў прыгожым шутэры ад трэцяй асобы, спалучаючы лепшае, што можа прапанаваць усходні й заходні геймдызайн.

Рэліз адбудзецца 22 лістапада на PlayStation 5, Xbox Series, PlayStation 4, Xbox One і PC.

📢 Team Ninjіa паказалі першы геймплейны трэйлер свайго новага соулслайка Wo Long: Fallen Dynasty.

Wo Long: Fallen Dynasty — гэта драматычная, насычаная падзеямі гісторыя безназоўнага салдата апалчэньня, які змагаецца за выжываньне ў змрочнай фэнтэзійнай вэрсыі позьняй дынастыі Хань, у эпоху калі дэманы ірвуць краіну на часткі, эпоху Траецарства.

Рэліз гульні заплянаваны на 2023 год.

📢 Paradox Іnteractіve раскрыла падрабязнасьці дапаўненьня Lіons of the North для Europa Unіversalіs ІV.

У Lіons of the North гульцы знойдуць мноства новых місыяў для кожнай дзяржавы й унікальны кантэнт, адаптаваны для вялікіх дзяржаваў Балтыйскага мора!

Сярод асаблівасьцяў дапаўненьня адзначаюць:

▫️Польшча, ВКЛ і Рэч Паспалітая: аб’яднайце каралеўствы й разьвівайце свае землі, захоўваючы згуртаванасьць супраць непакорлівай шляхты;
▫️Данія: лідэр Кальмарскага зьвяза жадае адзінства ў каралеўстве й палітычнага дамінаваньня ў рэгіёне;
▫️Швэцыя й Нарвэгія: супрацьстаяць уплыву магутных партнэраў і жадаюць перайсці кожная на свой, асобны шлях;
▫️Тэўтонскі ордэн: калісьці вялікая дзяржава крыжакоў, цяпер змагаецца за выжываньне супраць польскага й літоўскага ціску.

(Гэтак жа новаўвядзеньні закрануць Фінляндыю, Лівонскі ордэн, Рыгу, Данцыг, Готлянд, аб’яднаную Скандынавію і шмат чаго іншага).

Рэлиз DLC прызначаны на 13 верасьня.

📰 Чуткі: У хуткім часе Dіscord можа зьявіцца на кансолях Sony.

У траўні 2021 году Sony і Dіscord абвясьцілі аб партнэрстве, вынікам якога павінна стаць падлучэньне Dіscord да PlayStatіon Network, і, паводле шэрагу крыніц, вынік мы ўбачым зусім хутка, а менавіта ў абнаўленьні 7.00 (абнаўленьне 6.00 павінна выйсьці ў сярэдзіне верасьня).

Са словаў інсайдэра Тома Хендэрсана зараз Dіscord праходзіць стадыю кантролю якасьці на PlayStatіon, і праца, як паведамляюць, рухаецца вельмі добра.

Дакладная дата выхаду абнаўленьня па-ранейшаму невядома.

📢 Журналісты падзяліліся двума геймплейнымі ролікамі нядаўна анансаванага соўлслайку Lies of P.

▫️Ролік №1
▫️Ролік №2

Lies of P (Якая дарэчы стала самай узнагароджванай гульнёй на gamescom 2022) гэта гульня, падобная на экшн, дзеяньне якой адбываецца ў змрочнай Францыі 19-га стагодьдзя. Кіруйце Пінокія ў яго няўмольным шляху да таго, каб стаць чалавекам!

Рэліз заплянаваны на 2023 год, для PlayStation, Xbox (+ Xbox Game Pass), PC і Google Stadia.

📢 Студыя Covenant (заснаваная былым супрацоўнікам CD Projekt Red) прадставіла геймплэйны ролік свайго дэбютнага праекту Gord.

Кіруйце народам Зары, у час калі яны адважваюцца пайсьці ўглыб забароненых земляў. Выконвайце квэсты, якія фармуюць іх асобы, уплываюць на іх дабрабыт і вырашаюць лёс іх супольнасьці. Забясьпечце выжываньне свайго насельніцтва ў змрочным фантастычным сьвеце, натхнёным славянскім фальклорам!

Гульня павінна выйсьці на PC, але дату рэлізу распрацоўшчыкі не называюць.