📰 Кітайская карпарацыя NetEase купіла Quantіc Dream.

Кітайская кампанія NetEase набыла 100% акцый Quantic Dream (стваральніка Heavy Rain, Beyond: Two Souls, Detroit: Become Human і інш.).

Сума здзелкі не вядома, са словаў прадстаўнікоў Quantic Dream, кампанія застанецца незалежнай і працягне выпускаць як свае адзіночныя гульні, так і выдаваць гульні іншых студый.

📢 Paradox анансавала новы дадатак для Crusader Kings III — Friends and Foes.

Сьцеражыся, уладар — асьцярожна паступай з тымі, каго называеш сябрам альбо ворагам; гэта два бакі аднаго мэдаля. Вашы адносіны важныя больш, чым калі-небудзь, і з Crusader Kіngs ІІІ: Frіends & Foes станеце сьведкамі таго, як самыя блізкія вам людзі ажываюць у самых інтымных дэталях!

Рэліз адбудзецца 8 верасьня!

📢 Ubіsoft запусьціць музычны сэрвіс Rocksmіth+ на PC.

Rocksmith+ гэта навучальны сімулятар гульні на акустычнай, электрычнай і бас-гітары. Доступ да яго будзе адкрыты 6 верасьня, аднак для таго, каб пачаць навучаньне, неабходна будзе аплаціць падпіску.

Гульцам абяцаюць музычную бібліятэку афіцыйных кампазыцый розных выканаўцаў, якая будзе пастаянна пашырацца (на момант запуску ў ёй будзе больш за 5000 песьняў у самых розных жанрах).

Таксама на дадзены момант Rocksmith+ праходзіць тэставанне перад запускам на Android і iOS.

🎁 Зараз у Epic Games Store, можна бясплатна забраць Submerged: Hidden Depths.

Submerged: Hidden Depths — гэта небаявая прыгода, ”адпачынак” ад трэцяй асобы, дзеяньне якой адбываецца сярод патанулых руін цудоўнага сьвету. Вазьміце на сябе ролю Міку й Таку — адна праклятая таямнічай сілай, якую яна хоча выкарыстаць на карысьць, другі жа поўны рашучасьці не дазволіць ёй зрабіць гэта!

❗️Забраць гульню можна да 8 верасьня.

🎁 Зараз у Steam, можна бясплатна забраць Mafia: The City of Lost Heaven.

Mafia: The City of Lost Heaven — 1930 год. Пасьля ненаўмыснага сутыкненьня з мафіяй, таксіст Томі Анджэла неахвотна трапляе ў сьвет арганізаванай злачыннасьці. Першапачаткова яму было непрыемна ўступаць у сям’ю Сальеры, але неўзабаве ўзнагароды становяцца занадта вялікімі, каб ігнараваць іх.

❗️Забраць гульню можна да 5 верасьня.

📢 Ubisoft анансавала Assassin's Creed Mirage.

Ubіsoft Store, па памылцы, раней часу адлюстраваў назву новай часткі Assassіn’s Creed, разам з (верагодна) назвай будучага DLC для яе — The Forty Thіeves, праз некаторы час Ubіsoft афіцыйна пацьвердзіла ўцечку.

Паўнавартасны анонс гульні адбудзецца 10 верасьня, у рамках Ubіsoft Forward, усё, што вядома на дадзены момант, гэта тое, што новая частка легендарнай франшызы стане гульнёй-сэрвісам і будзе прысьвечана Басіму з Assassіn’s Creed Valhalla.

📢 Headware Games анансавала хорар Hollowbody.

Hollowbody — кароткая гісторыя жахаў на выжываньне ў стылі тэхн-нуар, дзеяньне якой адбываецца ў заняпадзе даўно закінутага брытанскага горада.

Гуляйце за Міку, грузаадпраўшчыцу без ліцэнзыі, якая працуе на сумна вядомую групу фрылянсэраў чорнага рынку.

📢 Paradox анансавала новы кантэнт-пак для ґлябальнай касьмічнай стратэгіі Stellarіs.

Паўстанце ад першапачатковай пазнакі да зорак! Набор Toxoіds Specіes Pack дае гульцам магчымасьць засяляць таксычныя міры, рызыкаваць будучыняй сваіх плянэт дзеля неадкладнага прыбытку й ісьці на цяжкія ахвяры, неабходныя для выжываньня ў варожай галяктыцы!

Любы жадаючы можа ўжо зараз перадзамовіць дадзены кантэнт-пак (кошт у Steam – 6.99$).
Датай рэлізу значыцца 20 верасьня.

📢 A44 Games (стваральнікі Ashen) прадставілі геймплэйны трэйлер свайго новага праекту — Flintlock: The Siege of Dawn.

Далучайцеся да апошняй барацьбы чалавецтва, калі Багі й зброя сутыкаюцца ў цалкам новай ролевай экшн-гульні з адкрытым сьветам. Ваша бітва пачынаецца зараз!

Дзьверы ў замагільнае жыцьцё былі адчыненыя, дазваляючы арміі нежыці старога Бога вырвацца знутры. Жывыя знаходзяцца на мяжы зьнікненьня. Прыйшоў час арміі кааліцыі вярнуць свой сьвет.

Рэліз гульні заплянаваны на пачатак 2023 году, для PlayStation, Xbox (+Xbox Game Pass) і PC.

📢 Адбыўся рэліз Gerda: A Flame in Winter.

Прайдзіцеся шляхам Герды, калі яе ціхае жыцьцё перавярнулася з ног на галаву падчас акупацыі яе маленькай дацкай вёскі, у годы другой сусьветнай вайны. Выбірайце, куды ісьці, як дзейнічаць і каму давяраць у гэтай ролевай гульне, натхнёнай падзеямі з рэальнага жыцьця!

Зараз гульню можна набыць са зьніжкай ў 10% за 9.44$.

📢 Game Informer прадставіў новае геймплейнае відэа God of War: Ragnarok.

У роліку коратка расказалі й паказалі магчымасьці зброі Кратаса й варыянты ўзаемадзеяньня з Атрэем.

Нагадваем, што рэліз God of War: Ragnarok намечаны на 9 лістапада для PS4 і PS5.

📢 Студыя Ocean Drive анансавала свой новы праект — Blackout Protocol, каапэратыўны шутэр з элемэнтамі рагаліка.

Вазьміце на сябе ролю супрацоўніка S2P Corporatіon, якая займалася дасьледаваньнямі паранармальных істот.
У нейкі момант, усё пайшло ня так, адключылася электрычнасьць і самыя небясьпечныя з гэтых істот аказаліся на волі! Цяпер група супрацоўнікаў павінна спусьціцца на самыя ніжнія ярусы дасьледчай базы й злавіць іх усіх.

Гульня выйдзе ў раньні доступ на РС у 2023 годзе.

📰 Інсайдэр сьцьвярджае, што ў гэтым месяцы гульцам могуць прадставіць новы Sіlent Hіll.

Рэдактар парталя VGC Эндзі Робінсан, спасылаючыся на свае крыніцы сьцьвярджае, што нам варта чакаць хуткі анонс новай Sіlent Hіll, яго словы таксама пацьвярджае вядомы гульнявы інсайдэр Джэф Грабб, намякаючы, што гэта можа адбыцца ўжо ў верасьні.

Усё гэта цалкам можа апынуцца праўдай, бо чуткі аб новай Sіlent Hіll гуляюць у інтэрнэце ўжо даўно, а менавіта ў верасьні праходзіць штогадовая выстава Tokyo Game Show, і Konamі прымае ў ёй удзел.

Так гэта ці не, мы даведаемся ўжо 16 верасьня.

📢 Free Lives прадставілі новы ролік свайго горадабудаўнічага сімулятара Terra Nil.

Terra Nіl — гэта зваротны горадабудаўнічы сімулятар пра рэканструкцыю экасыстэмы. Ператварыце бясплодную пустку ў экалягічны рай з рознай флорай і фаўнай.

Рэліз заплянаваны на 2023 год.

📢 Blackbird Interactive прадставілі геймплейны трэйлер Homeworld 3.

Тактычная, прыгожая й цалкам унікальная навукова-фантастычная RTS, вяртаецца з Homeworld 3. Вазьміце на сябе кантролю й змагайцеся з флётам у асьляпляльнай, 3D-прасторы, у той час як узнагароджаная гісторыя разгортваецца ў галяктычным маштабе!

Рэліз заплянаваны на першую палову 2023 году.