📢 A44 Games (стваральнікі Ashen) прадставілі геймплэйны трэйлер свайго новага праекту — Flintlock: The Siege of Dawn.

Далучайцеся да апошняй барацьбы чалавецтва, калі Багі й зброя сутыкаюцца ў цалкам новай ролевай экшн-гульні з адкрытым сьветам. Ваша бітва пачынаецца зараз!

Дзьверы ў замагільнае жыцьцё былі адчыненыя, дазваляючы арміі нежыці старога Бога вырвацца знутры. Жывыя знаходзяцца на мяжы зьнікненьня. Прыйшоў час арміі кааліцыі вярнуць свой сьвет.

Рэліз гульні заплянаваны на пачатак 2023 году, для PlayStation, Xbox (+Xbox Game Pass) і PC.

📢 Адбыўся рэліз Gerda: A Flame in Winter.

Прайдзіцеся шляхам Герды, калі яе ціхае жыцьцё перавярнулася з ног на галаву падчас акупацыі яе маленькай дацкай вёскі, у годы другой сусьветнай вайны. Выбірайце, куды ісьці, як дзейнічаць і каму давяраць у гэтай ролевай гульне, натхнёнай падзеямі з рэальнага жыцьця!

Зараз гульню можна набыць са зьніжкай ў 10% за 9.44$.

📢 Game Informer прадставіў новае геймплейнае відэа God of War: Ragnarok.

У роліку коратка расказалі й паказалі магчымасьці зброі Кратаса й варыянты ўзаемадзеяньня з Атрэем.

Нагадваем, што рэліз God of War: Ragnarok намечаны на 9 лістапада для PS4 і PS5.

📢 Студыя Ocean Drive анансавала свой новы праект — Blackout Protocol, каапэратыўны шутэр з элемэнтамі рагаліка.

Вазьміце на сябе ролю супрацоўніка S2P Corporatіon, якая займалася дасьледаваньнямі паранармальных істот.
У нейкі момант, усё пайшло ня так, адключылася электрычнасьць і самыя небясьпечныя з гэтых істот аказаліся на волі! Цяпер група супрацоўнікаў павінна спусьціцца на самыя ніжнія ярусы дасьледчай базы й злавіць іх усіх.

Гульня выйдзе ў раньні доступ на РС у 2023 годзе.

📰 Інсайдэр сьцьвярджае, што ў гэтым месяцы гульцам могуць прадставіць новы Sіlent Hіll.

Рэдактар парталя VGC Эндзі Робінсан, спасылаючыся на свае крыніцы сьцьвярджае, што нам варта чакаць хуткі анонс новай Sіlent Hіll, яго словы таксама пацьвярджае вядомы гульнявы інсайдэр Джэф Грабб, намякаючы, што гэта можа адбыцца ўжо ў верасьні.

Усё гэта цалкам можа апынуцца праўдай, бо чуткі аб новай Sіlent Hіll гуляюць у інтэрнэце ўжо даўно, а менавіта ў верасьні праходзіць штогадовая выстава Tokyo Game Show, і Konamі прымае ў ёй удзел.

Так гэта ці не, мы даведаемся ўжо 16 верасьня.

📢 Free Lives прадставілі новы ролік свайго горадабудаўнічага сімулятара Terra Nil.

Terra Nіl — гэта зваротны горадабудаўнічы сімулятар пра рэканструкцыю экасыстэмы. Ператварыце бясплодную пустку ў экалягічны рай з рознай флорай і фаўнай.

Рэліз заплянаваны на 2023 год.

📢 Blackbird Interactive прадставілі геймплейны трэйлер Homeworld 3.

Тактычная, прыгожая й цалкам унікальная навукова-фантастычная RTS, вяртаецца з Homeworld 3. Вазьміце на сябе кантролю й змагайцеся з флётам у асьляпляльнай, 3D-прасторы, у той час як узнагароджаная гісторыя разгортваецца ў галяктычным маштабе!

Рэліз заплянаваны на першую палову 2023 году.

Вітаю ўсіх, дзялюся з вамі тэлеграм-каналам, у якім збіраюцца цікавыя факты па-беларуску. Тут вы знойдзеце шмат цікавостак на розныя тэмы

Спасылка: t.me/cikavyjafacts

📰 Стваральнікі «Рыка й Морці» выпусьцілі рэклямны ролік, прысьвечаны God of War: Ragnarok.

У невялікім роліку героі выкарыстоўваюць партальную гармату й трапляюць у сьвет Кратаса.

Нагадваем, што рэліз God of War: Ragnarok намечаны на 9 лістапада для PS4 і PS5.

📢 Ocean Drive абвясцілі дату рэлізу свайго дэбютнага праекта — Lost Eіdolons.

Lost Eіdolons — гэта пакрокавая тактычная RPG з захапляльным кінематаграфічным апавяданьнем, дзеяньне якога адбываецца ў заняпадаючай імпэрыі, разьяднанай грамадзянскай вайной. Вазьміце на сябе ролю Ідэна, капітана-наймітаў, які вымушана стаў камандзірам паўстанцаў.

Рэліз заплянаваны на 13 кастрычніка.

📰 Ubіsoft раскрыла падрабязнасьці свайё будучай імпрэзы Ubіsoft Forward.

З большага шоу будзе прысьвечана Marіo + Rabbіds Sparks of Hope і Skull and Bones. Гэтак жа заяўлена спэцыяльная дэманстрацыя Assassіn’s Creed, якая ”раскрые будучыню франшызы”.
Таксама абяцаюць надаць увагу Brawlhalla, For Honor, The Crew 2, Anno 1880 і інш.

Глядзець Ubisoft Forward можна на YouTube, Twitch і афіцыйным сайце мерапрыемства.

Дарэчы за прагляды на Twitch можна атрымаць узнагароды:

▫️15 хвілін прагляду - эмблема для Skull and Bones;
▫️30 хвілін прагляду - зьвязак ключоў для Tom Clancy’s Raіnbow Sіx: Sіege;
▫️45 хвілін прагляду - касмэтыка RC22 для Roller Champіons;
▫️60 хвілін прагляду - набор татуаваньняў ”Сьфінкс” для Assassіn’s Creed Valhalla.

Імпрэза адбудзецца 10 верасьня, а 22:00 па Менску.

📢 Адбыўся рэліз Train Sim World 3.

Пакарайце горы Амэрыкі на цяжкавагавых цягніках пад кіраваньнем магутных цеплавозаў, дастаўляйце брытанскіх пасажыраў да працы й зваротна за рэкордна кароткі час, кіруйце сапраўднымі нямецкімі высакахуткаснымі цягнікамі. Рэалізуйце ўласныя задумкі пры дапамозе творчых рэдактараў. Авалодайце мастацтвам кіраваньня цягнікамі з Traіn Sіm World 3.

Кошт стандартнага выдання гульні ў Steam — 22.99$.
Гульня даступная на PC, PlayStation і Xbox (+Xbox Game Pass).

📢 CD Projekt RED прадставілі тызер DLC Phantom Lіberty для Cyberpunk 2077.

Рыхтуйцеся да Phantom Lіberty — шпіёнскага трылера для Cyberpunk 2077, дзеяньне якога адбываецца ў зусім новым раёне Найт-Сіці!

Рэліз DLC плянуецца ў 2023 годзе.

Гэтак жа гульня атрымае абнаўленьне 1.6. у гонар анімэ Cyberpunk: Edgerunners, рэліз якога намечаны на 13 верасьня, на Netflіx.

📢 Game Іnformer апублікавала яшчэ адно эксклюзыўнае відэа аб God of War: Ragnarok.

Выданьне Game Іnformer прадставіла відэа, якое апавядае пра Свартальфахейм, радзіму дзьвергаў (гномаў).

Відэа суправаджаецца апавяданьнямі вядучага дызайнера ўзроўняў Джэймса Райдынга й дызайнера ўзроўняў Джона Хікенботтама, якія абяцаюць нам мноства цікавых лякацый у межах аднаго мітычнага сьвету.

Рэліз God of War: Ragnarok адбудзецца 9 лістапада на PlayStation 4 і PlayStation 5.

📢 Kinetic Games прадставіла дарожную мапу папулярнага кааператыўнага хорару Phasmophobia.

▫️У верасьні зьявіцца наладжвальны ўзровень складанасьці, а гэтак жа новая мапа;
▫️Напрыканцы году ў гульню дададуць аб’ёмнае асьвятленьне, перапрацоўку пагодных эфэктаў, паляпшэньне аптымізацыі й т. п.;
▫️На 2023 год заплянавана ”найбуйнейшае тэхнічнае й мастацкае абнаўленьне ў гісторыі Phasmophobіa”. Многія сыстэмы, мадэлі й анімацыі будуць поўнасьцю перапрацаваны альбо створаны з нуля;
▫️Будзе аптымізавана й палепшана магчымасьць выкарыстоўваць VR у гульні.

Таксама ў гульні зьявяцца новыя прывіды, эфэкты, падзеі, гукі, абсталяваньне, кастамізацыя, новыя лякацыі й шмат чаго яшчэ!

📰 Phantom Liberty, верагодна, стане адзіным буйным DLC для Cyberpunk 2077.

Адказваючы на пытаньні фанатаў, на YouTube, прадстаўнік CD Projeckt RED пацьвердзіў інфармацыю, якая раней гуляла ў інтэрнэце — Phantom Lіberty уяўляе сабой адзінае заплянаванае, буйное DLC для Cyberpunk 2077.

Адной з прычын адмовы ад новых, вялікіх DLC для гульні можа служыць ня так даўно агучаная Адамам Качыньскім інфармацыя аб адмове кампаніі ад свайго рухавічка — Red Engіne.

Верагодна для гульні ўсё ж будуць выходзіць дапаўненьні, але ня больш за касмэтычныя.

📢 Стваральнікі Humankind анансавалі новае DLC — Together We Rule.

Зьбірайце інфармацыю з дапамогай наступальнага пранікненьня й сакрэтных агентаў, будуйце пасольствы для паглыбленьня міжнародных сувязяў і кіруйце ґлябальнымі адносінамі паміж усімі імпэрыямі праз Кангрэс чалавецтва.

Акрамя пашырэньня дыпляматыі ў гульню дададуць 6 новых культур, 7 незалежных народаў, 15 сюжэтных падзеяў, 6 цудаў сьвету, новыя атрады й кварталы.

Рэліз адбудзецца сёлета.

📢 Зьявіўся рэлізны трэйлер соўлслайка Steelrіsіng.

Парыж, 1789 год. Рэвалюцыя задушана кровапраліцьцем, якое зладзілі Людовік XVІ і ягонае бязьлітаснае мэханічнае войска. Супрацьстаяць каралю й аднавіць гістарычную справядлівасьць у гэтым ролевым экшэне прыйдзецца незвычайнаму аўтаматону — Эгідзе.

Гульня ўжо даступная на кансолях (Xbox Serіes і PS5), на PC гульня выйдзе сёньня, а 19:00, па Менскім часе.

📰 Bethesda зноў запусьціла сэрвэры Wolfensteіn: Enemy Terrіtory — гульні 2003 году выпуску.

Па словах прадстаўнікоў Bethesda, кампанія пайшла на дадзены крок дзеля тых карыстальнікаў, якія хочуць атрымаць "больш настальгічны" вопыт гульні.

Wolfensteіn: Enemy Terrіtory — гэта бясплатны анляйн-баявік ад першай асобы з акцэнтам на выкананьне заданьняў у дэкарацыях Другой сусьветнай вайны. У бітвах да 32 гульцоў адначасова, абраўшы свой бок, вы можаце ўступіць у барацьбу на шасьці картах, якія адпавядаюць месцам, рэальных баёў!