📰 Rockstar пракаментавалі нядаўнія зьбегі па GTA VI.

Нядаўна мы падвергнуліся хакерскай атацы, у выніку якой неаўтарызаваны трэці бок незаконна атрымаў доступ да канфідэнцыйнай інфармацыі з нашых сыстэм, у тым ліку кадры раньняй распрацоўкі GTA VІ. У цяперашні час мы не чакаем якіх-небудзь збояў у працы нашых гульнявых сэрвісаў альбо якога-небудзь доўгатэрміновага ўплыву на разьвіцьцё нашых бягучых праектаў.

Мы надзвычай засмучаныя тым, што любыя дэталі нашай новай гульні расчынілі вам такім спосабам. Распрацоўка наступнай GTA працягнецца па пляне, а мы яшчэ мацней настроены на тое, каб вынік сапраўды здолеў перасягнуць чаканьні нашых гульцоў!

📰 Nvidia анансавала відэакарты сэрыі RTX 40.

▫️RTX 4080 будзе прадстаўлена двума мадэлямі, з 12 і 16 Гб памяці GDDR6X .
(Кампанія сьцьвярджае, што дадзеная відэакарта будзе хутчэй за RTX 3080 Tі у 2-4 разы.);

▫️RTX 4090 будзе прадстаўлена мадэльлю з 24 Гб памяці GDDR6X
(Як сцвярджаюць прадстаўнікі Nvidia, яна будзе хутчэй за RTX 3090 Ti у 2-4 разы).

Новыя відэакарты таксама будуць мець новую архітэктуру Ada Lovelace, распрацаваную для паляпшэньня трасаваньня прамянёў і падтрымкі DLSS 3.0., якая стане асновай для графічных працэсараў Nvіdіa наступнага пакаленьня.

RTX 4090 зьявіцца ў продажы 12 кастрычніка з рэкамэндаваным коштам 1599$.
RTX 4080 зьявіцца ў продажы, у лістападзе з рэкамэндаваным коштам 899$ (12 Гб) і 1199$ (16 Гб).

📢 Nvidia сумесна з Lightspeed Studios і VALVE анансавалі рэмайстар культавага Portal.

Рэмайстар Portal ствараецца пры дапамозе Nvіdіa RTX Remіx, набору інструмэнтаў (рэліз якіх адбудзецца ў лістападзе) з падтрымкай штучнага інтэлекту, з дапамогай якога ствараць рэмайстры любых клясычных гульняў змогуць усё жадаючыя!

Рэмайстар будзе забясьпечана трасаваньнем прамянёў і будзе падтрымліваць DLSS 3.0. (які падтрымліваюць новыя відэакарты RTX 4000).

Атрымаць яго можна бясплатна, пры ўмове наяўнасьці ў вас арыгінальнай гульні.

📢 Адбыўся рэліз змрочнага фэнтэзі-слэшэра Soulstice.

Раўнавага ў Сьвятым Каралеўстве Кейдас парушылася, калі з-за Заслоны прыйшлі дзікія магутныя істоты, званыя прывідамі, якія мелі намер пажраць усіх жывых. Прывіды мяняюць сваіх ахвяр і могуць нават усяліцца ў іх целы, зьвяртаючы няшчасных у няўрымсьлівых пачвар, якія палююць на мірных жыхароў. Абараніць чалавецтва могуць толькі ”хімеры”: воіны-гібрыды, народжаныя ад зьвяза дзьвюх душ.

Гульня даступная на на PC, PlayStation 5 і Xbox Series.
Кошт у Steam — 18,49$.

📰 У Steam адбыўся рэліз гульні, якая (па запэўненьнях стваральнікаў) цалкам створана ШІ.

This Girl Does Not Exist — простая гульня-пазл, якая, тым ня менш, сыгналізуе аб зьменах, якія могуць хутка ўразіць гульнявую індустрыю. Распрацоўшчыкі сьцьвярджаюць, што ўсё, ад малюнкаў да гісторыі й музыкі, было створана ШІ Midjourney.

Са словаў стваральнікаў самым складаным у стварэньні гульні было дамагчыся ад ШІ малюнкаў аднаго й таго ж чалавека, але ў розных позах і выявах, для чаго ім прыйшлося пераспрабаваць тоны каманд у надзеі атрымаць патрэбны вынік.

Нягледзячы на цікавую гісторыю стварэньня, пакуль што гульня не карыстаецца попытам, яна мае ўсяго адзін (нэгатыўны) водгук, і некалькі відэа на YouTube, з ня менш сумнеўнымі рэклямнымі вынікамі:

«Адзін ютубер праводзіў прамую трансьляцыю, прысьвечаную гульні, але падчас гэтай прамой трансьляцыі людзі ненавідзелі яе... не ігру, а частку штучнага інтэлекту, яны напісалі ў чаце такія рэчы, як: «Я адчуваю, што штучны інтэлект забярэ нашыя працоўныя месцы!».

📢 THQ Nordic назвалі дату рэлізу стратэгія The Valiant.

The Valіant адправіць нас у Цэнтральную Эўропу й на Сярэдні Ўсход XІІІ стагодзьдзя. Герою, Тэадарыху фон Акенбургу, трэба спыніць новы крыжовы паход: яго арганізатар апантаны ідэяй пошукаў старажытнай рэліквіі, якая надзяліла б яго незямнымі здольнасьцямі. Яго трэба спыніць любой цаной!».

Адкрыйце для сябе палаючыя пустыні Сьвятой Зямлі ледзяныя Альпы, ды зялёныя й пышныя паўднёванямецкія лугі! Вы й вашыя спадарожнікі адправіцеся ў эпічную прыгоду па Эўропе!

Гульня выходзіць у рэліз 19 кастрычніка.

📢 Empyrean прадставілі геймплейны трэйлер прэ-альфа-вэрсыі House Flіpper 2.

House Flіpper 2 — гэта больш, чым сімулятар, гэта праэкт, дзе вы можаце дэманстраваць, рамантаваць і перарабляць розныя дамы. Ён таксама ўключае ў сябе рэжым пясочніцы, у якім вы можаце пабудаваць свой уласны дом з нуля, і рэжым гісторыі, які прапануе гульцам магчымасьць паглыбіцца ў займальны рамонт!

Рэліз плянуецца на 2023, для PC, PS5, Xbox Serіes.

📢 Krafton прадставілі трэйлер RPG — Project Windless.

Project Windless — Ролевая гульня ў сьвеце цёмнага фэнтэзі, заснаваная на сэрыі раманаў карэйскага пісьменьніка Лі Ёнда — ”Птушка, якая п’е сьлёзы”.

Дата рэлізу пакуль не вядома.

Калі яшчэ ня бачылі, то раім да прагляду!

📰 Logitech і Tencent афіцыйна прадставілі партатыўную кансоль для воблачнага геймінга.

Кампанія Logitech прадставіла партатыўную кансоль Logitech G CLOUD Gaming Handheld, якая прызначана для воблачнага геймінга. Кансоль будзе пастаўляцца з прадусталяванымі "воблачнымі" сэрвісамі Xbox Cloud Gaming і GeForce Now.

Характарыстыкі кансолі:

▫️Даўжыня - 256,84 мм;
▫️Шырыня - 117,21 мм;
▫️Вышыня - 32,95 мм;
▫️Вага - 463 гр;
▫️Працэсар - Qualcomm Snapdragon 720G з тактавай частатой да 2,3 Ггц;
▫️Дысплей - ІPS LCD, 60 Гц, FHD (1920×1080), мультытач;
▫️Дадаткова: стэрэадынамік, стэрэамікрафон з эхападаўленьнем і шумапрыглушэньнем, выхад на навушнікі 3,5 мм, USB-C, Bluetooth 5.1.

Кансолі паступяць у продаж сёлета (а менавіта ў кастрычніку).
Кошт — 349$ (Па перадзаказе — 299$).

📢 У сеціве зьявіўся вялікі геймплейны ролік атмасфэрнага хорару Scorn.

Scorn — атмасфэрны прыгодніцкі хорар ад першай асобы, дзеяньне якога адбываецца ў жудасным зламаным сусьвеце.

Гульня натхнёная творчасьцю Ханса Гігера й яго ідэяй «закінутасьці». Вам трэба будзе дасьледаваць зьвязаныя адзін з адным рэгіёны гэтага кашмарнага сьвету ў поўнай адзіноце. Асяродзьдзе будзе паўнавартасным героем гульні.

У кожнай лякацыі вас чакаюць унікальны сюжэт, загадкі й пэрсанажы, але ўсе разам яны ствараюць адзіны сьвет. На працягу гульні вы будзеце адкрываць новыя вобласьці, вывучаць розныя навыкі, шукаць зброю й прадметы й спрабаваць асэнсаваць усё, што адбываецца (І ўсё гэта трэба будзе рабіць практычна без дапамогі й нават інтэрфейсу).

Рэліз гульні адбудзецца 21 кастрычніка для PC і Xbox Series.

📢 Blizzard апублікавала кінематаграфічны трэйлер DLC Wrath of the Lich King для World of Warcraft.

Злавесныя прадвесьнікі ляцяць на ледзяных вятрах, якія дзьмуць у Азерот з халодных земляў Нордзкола. Сілы нежыці Караля-Ліча рухаюцца, і героі зноў патрэбныя, каб спыніць іх, пакуль яшчэ не позна!

Рэліз адбудзецца 27 верасьня.

📢 Іnsomnіac Games прадставілі тызер PC-вэрсыі «Чалавек-павук: Майлз Маралес».

У новай прыгодзе ў сусьвеце Marvel’s Spіder-Man, юны Майлз Маралес спрабуе прывыкнуць да сваёй новай хаты й працягвае справу свайго настаўніка Пітэра Паркера ў якасьці новага Чалавека-павука!

Рэліз плянуецца гэтай восеньню.

📰 Аналітыкі прагназуюць зьніжэньне коштаў на апэратыўную памяць.

Аналітыкі TrendForce сьцьвярджаюць — інфляцыя аслабіла спажывецкі попыт на апэратыўную памяць і згладзіла сэзонныя воплескі.
У ІІІ квартале 2022 году пастаўкі чыпаў DRAM упалі, прымусіўшы пастаўшчыкоў нарошчваць запасы. Удзельнікі рынка пачалі весьці перамовы па ”кансалідацыі цэн у ІІІ і ІV квартале”, а таксама па ”ўзгадненьні аб’ёмаў і цэнаўтварэньня” . Такім чынам, у ІV квартале DRAM можа патаньнець адразу на 13-18%.

Што тычыцца DRAM для ПК, з-за слабага попыту на ноўтбукі вытворцы камп'ютэрнага абсталявання будуць па-ранейшаму сканцэнтраваны на скарачэнні запасаў DRAM. Пры гэтым вытворчасьць чыпаў працягвае нарошчвацца, і ў ІV квартале варта чакаць падзеньня коштаў на 13-20%.

Адзначаецца, што DDR5 патаньнее мацней за DDR4 ужо ў гэтым квартале.