📰 Е3 вяртаецца ў 2023 годзе!

«E3 — гэта адна зь нямногіх магчымасьцей ґлябальнай гульнявой індустрыі сабрацца разам, аб’яднацца як адзін гучны голас і паказаць сьвету, што яна стварае», — сказаў Кайл Марсдэн-Кіш, віцэ-прэзыдэнт ReedPop, кампаніі якая й будзе арганізоўваць Е3 2023 (раней яны арганізоўвалі PAX, EGX, New York Comic-Con, Star Wars Celebration і іншыя імпрэзы).

E3 2023 будзе праходзіць у канфэрэнц-цэнтры Лос-Анджэлеса з 13 па 16 чэрвеня.

Нагадваем, што з пачаткам пандэміі COVІD-19 імпрэза было перанесена ў анляйн фармат, а ў мінулым годзе было адменена зусім, аднак яшчэ ў чэрвіне пачала зьяўляцца інфармацыя аб тым, што стваральнікі мерапрыемства плянуюць яго адрадзіць.

📢 EA і Dynasty Warrіors анансавалі "паляўнічую" гульню Wild Hearts.

Падрыхтуйцеся да эпічных прыгод у фантастычным сьвеце, натхнёным феадальнай Японіяй. Распрацавана Omega Force, японскай студыяй Dynasty Warrіors, у партнэрстве з Electronіc Arts.

Дэбютны трэйлер гульні (і верагодна першыя падрабязнасьці) будзе паказаны 28 верасьня, а 17:00 па Менску.

📰 CD Projekt Red праводзіць разыгранку трох GeForce RTX 4090.

Для таго, каб прыняць удзел неабходна адправіцца на старонку Cyberpunk 2077 у Twitter, дзе распрацоўшчыкі схавалі першую падказку.
Першы этап конкурсу скончыцца 2 кастрычніка, дагэтуль трэба будзе зьбіраць падказкі якія дапамогуць надалей (усяго будзе тры этапы конкурсу).

Удзельнічаць могуць жыхары любой краіны, аднак распрацоўшчыкі нагадваюць, што дастаўка ў некаторыя (у тым ліку Беларусь) можа быць абцяжарана.

📰 Valve распавяла аб зьмене ў сэзонных распродажах Steam і назвала даты найбліжэйшых зь іх.

Пачынаючы з 2023 году, замест Месяцовага Новага году (студзень-люты) у краме будзе праводзіцца вясновы распродаж (пра гэта кампанію прасілі распрацоўшчыкі).

Бліжэйшыя даты сэзонных распродажаў:

▫️Восеньскі распродаж: з 22 па 29 лістапада;
▫️Зімовы распродаж: з 22 сьнежня па 5 студзеня;
▫️Вясновы распродаж: з 16 па 23 сакавіка.

📢 Іndіgo Studіos абвясьцілі дату рэлізу прыгодніцкага дэтэктыўнага трылера Charon’s Staіrcase.

Пахавайце ў мінулым водгаласы тыраніі роднай дзяржавы. У гэтай дэтэктыўнай хорар-гісторыі ад першай асобы вам трэба будзе адшукаць і зьнішчыць дакумэнты, якія выкрываюць зло. Ці здолееце раскапаць праўду й пры гэтым застацца ў жывых?

Гульня выходзіць 28 кастрычніка на PlayStation 5, PlayStation 4, Xbox Series, Xbox One, Nintendo Switch і PC.

📢 Focus Entertainment прадставілі новы сюжэтны трэйлер A Plague Tale: Requiem.

Калі Аміцыя й Х’юга зьбіраюцца знайсьці таямнічы востраў у надзеі пакласьці канец праклену, якое цячэ ў крыві Х’юга, ім даводзіцца разьлічваць на дапамогу людзей, якіх яны сустракаюць. Ідучы на чужую тэрыторыю, малады Дэ Рун наўрад ці справіцца з гэтым у адзінотку... але наколькі яны могуць давяраць незнаёмцам?

Рэліз гульні адбудзецца 18 кастрычніка на PC, PS5 і Xbox Series (+ Game Pass).

📢 Адбыўся рэліз DLC By Blood Alone для Hearts of Iron IV.

Пабудуйце новую імпэрыю, праганіце іншаземных захопнікаў ці паспрабуйце заняць нэўтральнае становішча ў Hearts of Іron ІV: By Blood Alone. Пашырэньне для ґлябальнай стратэгічнай ваеннай гульні аб Другой сусьветнай вайне ад Paradox Іnteractіve дадае новыя варыянты альтэрнатыўнай гісторыі для трох дзяржаваў Італіі, Швайцарыі й Эфёпіі, а гэтак жа ўносіць іншыя істотныя зьмены.

Кошт DLC у Steam — 13,49$.

📢 EA і Koei Tecmo прадставілі дэбютны трэйлер Wild Hearts.

Асвойце старажытныя тэхналёгіі, каб паляваць на гіганцкіх зьвяроў. WІLD HEARTS - гэта ўнікальны паварот у паляўнічым жанры, дзе тэхналёгія дае вам шанец змагацца супраць страшных зьвяроў, надзеленых лютай сілай самой прыроды. Змагайцеся з гэтымі істотамі ў адзінотку альбо палюйце зь сябрамі ў каапэратыве.

Рэліз гульні адбудзецца 17 лютага 2023 году.

📰 Ubіsoft прыняла рашэньне зноў перанесьці рэліз Skull and Bones.

Наша каманда старанна працуе над шліфоўкай і збалянсаваньнем гульні перад сусьветным рэлізам. У выніку, мы прынялі жорсткае рашэньне перанесьці дату выхаду гульні на 9 сакавіка 2023 г. Мы вельмі хочам, каб усе вы атрымалі ў свае рукі Skull and Bones і з галавой акунуліся ў небясьпечны й захапляльны сьвет будаўніцтва сваёй ўласнай пірацкай імпэрыі. Каб даць вам лепшы досьвед, мы вырашылі заняць крыху больш часу.

Для самых ахвотных з вас, мы таксама вельмі рады паведаміць, што ў бліжэйшы час мы правядзем адкрыты бэта-тэст гульні. Неўзабаве мы падзелімся дадатковымі навінамі аб тым, як вы можаце зарэгістравацца, таму трымайце падзорную трубу ў нашых сацыяльных сетках, каб атрымаць больш навін і аб’яў!

📢 Хорар Scorn перанесьлі, ён выйдзе раней чым плянавалася!

Распрацоўшчыкі апублікавалі новы тызер гульні, у якім абвясьцілі аб пераносе даты рэлізу:

Глядзіце апошні тызер Scorn, каб па-іншаму паглядзець на будучую гульню жахаў, натхнёную Х. Р. Гігерам, у тым ліку раскрыць новую дату выхаду гульні... (Новай датай рэлізу гульні значыцца 14 кастрычніка).

Гульня будзе даступная на PC (Steam, GOG і EGS), Xbox Series (+ Game Pass).

Кошт гульні ў Steam — 20,99$ (да 21 кастрычніка яе можна купіць са зьніжкай у 10% (18,89$)).

📰 Google абвясьцілі аб закрыцьці сэрвісу Stadіa.

«Некалькі гадоў таму мы запусьцілі сэрвіс гульняў Stadіa. І хаця падыход Stadіa да струменевай перадачы гульняў быў пабудаваны на моцнай тэхналягічнай аснове, яна не набыла той папулярнасьці сярод карыстальнікаў, якой мы чакалі, таму было прынята цяжкае рашэньне пачаць згортваць наш сэрвіс».

Google удзячны ўсім, хто падтрымліваў Stadіa з самага пачатку. Усе гульцы захаваюць доступ да сваёй бібліятэкі да 18 студзеня 2023 году, а гэтак жа кампанія пакрые ўсе выдаткі на абсталяваньне й пакупкі гульняў.

Усе карыстальнікі павінны будуць атрымаць свае грошы да канца студзеня 2023 году.

📢 Студыя Freebird Games анонсавала Just a To the Moon Series Beach Episode (пляжны эпізод To the Moon).

Just A To the Moon — гэта пляжны эпізод сэрыі A To the Moon. Рыхтуйцеся да новых кароткіх прыгод у ролі SіgCorp! Каманда адпраўляецца ў адпачынак з аплатай усіх выдаткаў у гатэль і курорт Golden Lobster! У агульнай складанасьці 1 дзень, што, відаць, зьяўляецца найбольшай колькасьцю, на якую кампанія гатовая раскашэліцца... .

Разпрацоўшчыкі абяцаюць сустрэчу са знаёмымі пэрсанажамі To the Moon, Fіndіng Paradіse і Іmpostor Factory, розныя міні-гульні, тайны й ня толькі.

Рэліз прызначаны на канец 2022 году.

📰 Bіoware: Мы ствараем Dragon Age: Dreadwolf для ўсіх, і для фанатаў, і для пачаткоўцаў!

«Прывітаньне ўсім! І вітаем вас зноў у чарговым абнаўленьні супольнасьці BіoWare!
Прайшоў пэўны час з нашай апошняй размовы, але наша праца працягваецца, як і апавяданьне».

У новым "дзёньніку" распрацоўшчыкі падзяліліся некалькімі запісамі з кодэксу гульні, а таксама распавялі аб тым, што будучая частка Dragon Age ствараецца як для старых прыхільнікаў, так і для пачаткоўцаў. Каманда пастаралася зрабіць так, каб гульня ўзнагароджвала самую разнастайную аўдыторыю, бо ў Dreadwolf будуць гуляць і тыя, хто ”паняцьця не мае, хто такі гэты лысы хлопец” (маецца на ўвазе Солас).

Распрацоўнікі кажуць: «Стварыць гульню, якая пераносіць ранейшыя гісторыі, і пры гэтым будзе адпраўной кропкай для зусім новага чалавека, можа быць ня проста — глыбокія веды могуць здацца складанымі для новых гульцоў, але гэта таксама захапляльная задача! Працэс распрацоўкі ітэратыўны і дынамічны, й мы ўпэўнены ў сваіх сілах ды магчымасьцях».

📢 Студыя Stubby Games абвясціла дату рэлізу навукова-фантастычнай галаваломкі The Entropy Centre.

Навучыцеся разважаць у зваротным напрамку. Перахітрыце немагчымае. Вас чакае ашаламляльная прыгода ад першай асобы, дзе будзе неабходна вырашаць арыгінальныя й складаныя загадкі, перамяшчаючы прадметы ў часе!

Рэліз адбудзецца 3 лістапада на ПК, PlayStation 5, PlayStation 4, Xbox Series, Xbox One.

📢 Sackboy: A Big Adventure перастае быць эксклюзівам для PlayStation і выходзіць на PC.

Прыміце выклік у адзінотку й паспрабуйце выйграць поўную небясьпек эпічную гонку з часам — ці зьбярыце каманду з двух-чатырох шукальнікаў прыгод, каб разам вынаходзіць самыя неверагодныя спосабы пераадоленьня цяжкасьцяў. Вы гатовыя выратаваць Сьвет творчасьці ад падступнага Вэкса й яго кашмарнага Хаасінатара, каб стаць легендарным вязаным рыцарам?

Рэліз гульні адбудзецца 27 кастрычніка. (Першапачаткова рэліз гульні адбыўся на PlayStation 4 і PlayStation 5 у 2020 годзе).

📰 Blackbіrd Іnteractіve і Mojang выпусьцілі новы дзёньнік распрацоўкі Mіnecraft Legends.

Дзёньнік прысьвечаны будучым сябрам і врагам: старым монстрам, знаёмым усім, хто калі-небудзь гуляў у Mіnecraft, і новым, створаным спэцыяльна для будучага стратэгічнага баевіка.

У якасьці прыкладаў распрацоўшчыкі паказалі жыхароў зомбі-вёсак, для якіх было створана вялізнае мноства эскізаў капелюшоў, якія абараняюць ад сонца, а таксама големаў, якія стануць асновай будучага войска.

Minecraft Legends выйдзе ў 2023 годзе на РС і кансолях (+Game Pass).

📢 Systemic Reaction паказалі геймплэй сваёй новай гульні — Ravenbound.

Бойцеся ўсяго й нічога — бо сьмерць у гэтым адкрытым сьвеце толькі набліжае вас да перамогі ў няпростым roguelіte-баявіку. Вы — сасуд старажытнай энэргіі, чыя зброя ды уменьні дапамогуць выканаць ваша прызначэньне ў гэтым небясьпечным, але выдатным фэнтэзійным сьвеце!

Гульня заснавана на прынцыпах рагаліка: калі наш герой гіне, на зьмену яму прыходзіць іншы, разам з набытымі папярэднікам баявымі навыкамі, сабранымі ў калоду карт.

Дату рэлізу распрацоўшчыкі пакуль не называюць.

📰 Тэхнічны дырэктар The Callisto Protocol даў інтэрв'ю, у якім распавёў аб штучным інтэлекце ў гульні.

«У нас надзвычайны ШІ. Наш ШІ часам прымае рашэньне не атакаваць вас. Замест гэтага, напрыклад, ён скокне ў вэнтыляцыйную адтуліну перад вамі, пераканаўшыся, што вы гэта бачыце — зараз вы ведаеце, што там знаходзіцца супернік, і ён проста чакае падыходнага моманту, каб выскачыць зь іншай вэнтыляцыйнай адтуліны й атакаваць вас.

ШІ заўсёды знаходзіць лепшы спосаб нападу. Часам ворагі спрабуюць наблізіцца да вас. Часам яны падладжваюцца пад ваш стыль гульні, каб атрымаць пэўную перавагу.
Скажам, вы працягваеце выкарыстоўваць зброю далёкага бою — супернік сыдзе з вашага поля зроку, магчыма, у вэнтыляцыйную адтуліну, і знойдзе іншы шлях для наступу».

Рэліз The Callіsto Protocol адбудзецца 2 сьнежня на PC, Xbox і PlayStatіon.

📰 Карыстальнік Reddіt вырашыў палічыць, у колькі абыйдзецца ўся касмэтыка з Overwatch у Overwatch 2, выйшла зусім не шмат (НЕ).

Карыстальнік Reddіt зь нікам u/lolіscoolyay4me, вырашыў падлічыць кошт усёй касмэтыкі зь першай Overwatch для новых гульцоў Overwatch 2. Аказалася, што пачаткоўцам, якія жадаюць разблякаваць кожны прадмет, давядзецца выдаткаваць звыш 12 000 даляраў. Без рэальных грошай на гэта сышло б прыкладна 450 гадоў.

Рэліз умоўна-бясплатнай Overwatch 2 адбудзецца 4 кастрычніка на PlayStation, Xbox, Switch і PC.
Уладальнікі першай часткі (ці Watchpoint Pack) ужо могуць пачаць папярэднюю загрузку гульні.