❕Разам з Jotun: Valhalla Edition, зараз у краме можна атрымаць Redout: Enhanced Edition.

Redout - гэта даніна павагі класічным гоначным монстрам. Гульня распрацавана, каб быць бескампрамісным, хуткім, жорсткім і задавальняючым вопытам кіравання, прасякнутым галавакружэннем, якое ляжыць у аснове жанру аркадных гонак.

❗️Забраць гульню можна таксама да 19 траўня.

📢 Bohemia Interactive правядзе відэатрансляцыю, у якой распавядзе пра будучыню серыі Arma.

Трансляцыю можна будзе глядзець на Тwitch 17 траўня, у 20:00 па Менску.

📢 Стваральнікі Dead by Daylight апублікавалі цізер з подпісам "Гэта ідэальнае месца, каб пусціць свае карані".

Не зусім зразумела, што разпрацоўшчыкі маюць на ўвазе, але верагодна пра гэта, мы зможам даведацца ўжо 17 траўня на стрыме, у гонар 6-ці годдзя гульні.

📢 Гульні Ubisoft стануць часткай PS Plus.

Ubisoft анансавала падпіску Ubisoft+Classics, якая стане часткай абноўленага PS Plus у версіях "PS Plus Экстра" і "PS Plus Люкс". На дадзены момант у падпіску уваходзіць 27 гульняў (Плянуецца, што да канца года іх колькасць павялічыцца да 50-ці).

Спіс гульняў:

🔹Assassin’s Creed Valhalla
🔹For Honor
🔹The Crew 2
🔹Child of Light
🔹Eagle Flight
🔹Far Cry 3: Blood Dragon
🔹Рэмайстар Far Cry 3
🔹Far Cry 4
🔹Legendary Fishing
🔹Risk: Urban Assault
🔹South Park: The Fractured but Whole
🔹South Park: The Stick of Truth
🔹Space Junkies
🔹Star Trek: Bridge Crew
🔹Starlink: Battle for Atlas
🔹STEEP
🔹The Crew
🔹The Division
🔹Trackmania Turbo
🔹Transference
🔹Trials Fusion
🔹Trials of the Blood Dragon Game
🔹Trials Rising
🔹Valiant Hearts: The Great War
🔹Watch Dogs
🔹Werewolves Within
🔹ZOMBI

❗️Падпіска стане даступнай ужо 24 траўня.

📢 Fall Guys пераходзіць на ўмоўна-дармоўную мадэль, а 21-га чэрвеня выходзіць на Xbox, Nintendo Switch і ў Epic Games Store.

📢 Выйшаў новы трэйлер дапаўнення High Isle для The Elder Scrolls Online.

Новы трэйлер расказвае перадгісторыю падзей, які адбыліся на архіпелагу Сістерс (дзе і будуць разгортвацца сюжэтныя падзеі).

DLC выходзіць на РС і Google Stadia – 6 чэрвеня, а на кансолях Xbox і PlayStation – 21 чэрвеня.

📢 THQ Nordic анансавала новы праект — стратэгію ў рэальным часе The Valiant.

The Valiant адправіць нас у Цэнтральную Эўропу і на Сярэдні Усход XIII стагоддзя. Герою, Тэадарыху фон Акенбургу, трэба спыніць новы крыжовы паход: яго арганізатар апантаны ідэяй пошукаў старажытнай рэліквіі

У ходзе кампаніі гульцы змогуць сабраць шэсць геройскіх і дапаможных атрадаў, кожны з якіх мае тры галіны актыўных і пасіўных уменняў.
Акрамя сюжэту, у гульне будзе рэжым PvP і кааператыўныя выпрабаванні.

🔹Трэйлер гульні
🔹Геймплэйны трэйлер

Дата рэлізу пакуль не абвешчана.

#1 Гікаўскі: Далучайцеся да каналу, дзе знойдзеце апошнія навіны фільмаў, серыялаў, тэхналогій ды гульняў па-беларуску.

https://news.1rj.ru/str/piershy_hikauski

Выдавецтва 505 Games анансавала свой новы праект. Гэта прыгодніцкі баявік ад першай асобы з элементамі выжывання Among the Trolls.

Гульцоў чакае фантастычнае падарожжа па цудоўных і небяспечных лясах. Вам давядзецца выжываць у глыбінцы, будаваць хованкі, сустракацца з міфічнымі стварэннямі і знаёміцца з фінскім фальклорам.

Among the Trolls выходзіць у ранні доступ у гэтым годзе, дакладная дата пакуль не вядома.

📢 Behaviour Interactive прадставіла для Dead by Daylight новы раздзел пад назвай «Карані жаху», рэліз якога запланаваны на 7 чэрвеня.

📢 Студыя Spiders анансавала GreedFall 2: The Dying World.

GreedFall 2 стане прыквелам, дзеянне якога разгорнецца за 3 гады да арыгінальнай гульні. Іншых падрабязнасцей распрацоўшчыкі пакуль не паведамляюць.

Гульню плануюць выпусціць у 2024 годзе на PC і кансолях.

📰 Google забараняе беларусам загружаць і абнаўляць платныя праграмы ў Play Store.

10 сакавіка Google заблакавала магчымасць аплаты падпісак, куплі праграм і лічбавых тавараў унутры іх карыстальнікам Android з Расеі ў сувязі з санкцыямі. З 5 траўня кампанія перастала размяшчаць у фірмовай краме новыя платныя праграмы, створаныя расійскімі распрацоўшчыкамі, і абнаўленні да ўжо існуючых. Як паведамляе Android police цяпер аналагічныя меры распаўсюджваюцца на распрацоўшчыкаў і карыстальнікаў з Беларусі.

Беларускія карыстальнікі платных праграм цяпер не будуць мець абнаўленняў бяспекі і новыя функцыі. Але ў адрозненне ад расеян яны могуць здзяйсняць унутраныя пакупкі і афармляць падпіскі ў бясплатных праграмах.

📢 Epic Games аб'явіла, што 19 траўня (сёння) ў 18:00 па Менску, пачнецца Мегараспродаж, які скончыцца 16 чэрвеня.

У распродажы будзе ўдзельнічаць больш за 1600 гульняў і дапаўненняў, абяцаюцца зніжкі да 75%.

Зніжка на некаторыя гульні ўжо вядома:
🔹Far Cry 6 - зніжка 50% (самая вялікая зніжка на сённяшні дзень!)
🔹Sifu - зніжка 20%
🔹FINAL FANTASY VII REMAKE INTERGRADE - зніжка 29%
🔹Ghostwire: Токіо - зніжка 34%
🔹Tiny Tina’s Wonderlands - зніжка 20%

❗️Майце на ўвазе, што на дадзены момант некаторыя гульні нельга набыць на тэрыторыі Беларусі.

📢 PC Gaming Show 2022 пройдзе 12 чэрвеня, у 22:30 па Менску.

На прэзентацыі прадставяць больш за 45 гульняў. Свае новыя праекты анансуюць Klei Entertainment і 11 Bit Studios. Bohemia Interactive збіраецца расказаць пра Arma 4, а Paradox абяцае уявіць геймплэй Victoria 3.

Глядзець PC Gaming Show можна будзе на:

🔴 YouTube;
🟣 Twitch.

❗️Нагадваем, што ў гэты ж самы дзень, у 20:00 па Менску, адбудзецца прэзентацыя Xbox і Bethesda, пра якую мы паведамлялі раней.

📰 Акцёр Норман Рыдус пацвердзіў, што працуе над сіквелам Death Stranding.

Па словах Рыдуса, вытворчасць працягу стартавала зусім нядаўна, але дадатковых дэталяў аб праекце ён не расказаў.
Афіцыйна другую частку праекту Хідэа Кадзімы яшчэ не анансавалі.
Пра тое, што арыгінал можа атрымаць сіквел, згадвалася яшчэ летась - тады Рыдус заявіў, што Кадзіма вядзе перамовы адносна новай гульні.

📢 Выходныя выдаўца Paradox Interactive.

У Steam идзе распродаж гульняў Paradox, самая вялікая зніжка дасягае 80%.

Таксама часова-дармовай стала гульня Stellaris, у якую можна гуляць да канца спродажу!

Сярод цікавага можна адзначыць:
🔹Crusader Kings III – 18.39$ (-20%);
🔹Surviving the Aftermath – 10.14$ (-30%);
🔹TYRANNY - GOLD EDITION – 11.04$ (-73%);
🔹PILLARS OF ETERNITY - DEFINITIVE EDITION – 4.99$ (-75%);
і інш.

❗️Спродаж скончыцца 23 траўня.

📰 Вядомы інсайдэр Oops Leaks апублікаваў у сваім твітары пералік гульняў, якія будуць прадстаўлены ў гэтым годзе. Ён не хавае, што частка спісу грунтуецца выключна на ягоных здагадках. Але ёсць у ім і праекты, у якіх ён практычна ўпэўнены.

🔴 — Не ўпэўнены 🟡 — Вельмі верагодна 🟢 — Амаль упэўнены

🟡 Awoved
🟢 Bioshock
🔴 Contraband
🟡 Guerrilla’s Multiplayer Game
🟢 Kojima’s New Game
🟢 The Last of Us Online
🟢 The Last of Us Remake
🟡 Metro 4
🟢 Mortal Kombat 12
🔴 PAYDAY 3
🟢 PRAGMATA
🟡 Project 007
🔴 Project Propaganda
🔴 Resident Evil 4 Remake
🟢 Skate 4

📰 Take-Two і Zynga завяршылі працэдуру зліцця.

Кошт здзелкі ацэньваецца ў 12,7 млрд. долараў (што на дадзены момант з'яўляецца найбуйнейшай здзелкай у гісторыі відэагульняў).

Zynga Inc — амерыканскі распрацоўшчык, які стварае відэагульні для сацыяльных сетак. Кампанія была заснавана ў красавіку 2007 года са штаб-кватэрай у Сан-Францыска.
Самай вядомай гульнёй з'яўляецца FarmVille, якая была запушчана на Facebook у чэрвені 2009 года, і якая на працягу шасці тыдняў мела каля дзесяці мільёнаў штодзённых актыўных карыстальнікаў.

📢 GSC Game World паведамляе, што распрацоўка S.T.A.L.K.E.R. 2 была адноўлена.

Дата рэлізу застаецца ранейшай (8 снежня 2022).

📢 Стваральнікі The Lord of the Rings: Gollum абвясцілі дату рэлізу — 1 верасня 2022г.

Daedalic Entertainment апісвае сваю гульню як прыгодніцкі стэлс-экшэн з цікавай механікай раздвойвання асоб і шырокімі ўзроўнямі ў эстэтыцы самога Толкіна (візуальная частка гульні ствараецца на базе малюнкаў пісьменніка).
Сюжэт пачынаецца ў крэпасці Барад-дур, але са слоў распрацоўшчыкаў, адным Мордорам справа не абмяжуецца.

📢 Стала вядома дата рэлізу новай Call of Duty: Modern Warfare II, гульня выйдзе — 28 кастрычніка 2022.

Хутчэй за ўсё, гэта апошняя штогадовая гульня серыі, наступны праект плануюць выпусціць не раней за 2024 год.