📰 Valve выпусьціла абнаўленьне для мабільнага дадатку Steam.

«Мы цалкам перарабілі мабільнае прыкладаньне Steam, якое зараз можа пахваліцца новым фрэймворкам, новым дызайнам і новымі функцыямі. Вы па-ранейшаму зможаце праглядаць краму, атрымліваць коды Steam Guard і пацьвярджаць абмены. Акрамя таго, зараз прыкладаньне дае ўваход у рахунак з дапамогай QR-кода, больш прадуманыя апавяшчэньня й новы від бібліятэкі».

Сярод усяго, варта адзначыць:

▫️Новы, зручны й інфарматыўны дызайн;
▫️Новая магчымасьць уваходу, у акаўнт з дапамогай QR-коду;
▫️Выдаленая загрузка гульняў і абнаўленьняў на ваш кампутар, якая кіруецца вамі прама з тэлефона;
▫️Магчымасьць падключыць да дадатку некалькі акаўнтаў Steam;
▫️Наладжвальныя апавяшчэньня Steam: сьпіс жаданага, зьніжкі, камэнтары, абмены, абмеркаваньня, запрашэньня ў сябры й іншае.

Абнаўленьне ўжо даступна ў App Store і Google Play, а таксама як самастойны APK-файл.

📰 Bethesda прадставіла першае відэа з новай сэрыі ролікаў, якія раскрываюць падрабязнасьці Starfіeld.

Starfіeld мае шмат крыніц натхненьня. У відэа, Тод Говард пералічыў такія гульні як: SunDog: Frozen Legacy (1984г.), Traveller (настольная гульня 1977г.)

Каманда Bethesda лічыць Starfіeld «цьвёрдай навуковай фантастыкай», пры стварэньні гульні распрацоўшчыкам нават прыйшлося чытаць падручнік па квантавай фізіцы, каб прымяніць атрыманыя веды ў гульнявой прасторы. Але ў выніку некаторыя элемэнты аказаліся занадта хардкорнымі, напрыклад, трата паліва, таму прыйшлося іх спрасьціць.

Гульню абяцаюць зрабіць значна больш ”глыбокай”, чым папярэднія гульні студыі. Па словах Говарда гульня перасягнула адзнаку ў 250 тысячаў радкоў дыялёгаў (для параўнаньня: Fallout 4 — 110 тыс; Skyrіm — 60 тыс.)

Свае асаблівасьці таксама ёсьць у рэдактара пэрсанажаў — выбіраючы асаблівасьць перадгісторыі трэба памятаць, што яны могуць мець нэгатыўныя эфэкты. Напрыклад, гулец атрымае дом, але павінен будзе выплачваць за яго грошы, ці ў гульца можа зьявіцца надакучлівы фанат, які будзе дарыць падарункі й г.д.

Рэліз Starfіeld заплянаваны для PC і Xbox на 29 сьнежня 2023 году.

📰 Астролагі аб'яўляюць новы этап кансольных войн (магчыма).

Mіcrosoft, у размове з Упраўленьнем па канкурэнцыі й рынках Вялікабрытаніі заяўляе, што Sony вырашыла заблякаваць Xbox Game Pass на PlayStatіon.

Пасьля завяршэньня зьдзелкі аб куплі Actіvіsіon Blіzzard, Mіcrosoft плянуе ўключыць кантэнт выдаўца ў Xbox Game Pass, такім чынам павысіўшы каштоўнасьць падпіскі й зрабіўшы яе яшчэ больш прывабнай для геймераў, што аднак вельмі не падабаецца Sony, якая дзеля абароны сваіх прыбыткаў вырашыў не ўключаць сьвежыя праекты Actіvіsіon у PlayStatіon Plus, пазбавіўшы тым самым сваіх гульцоў доступу да іх.

Раней Sony назвала гэтую зьдзелку ”нэгатыўнай для індустрыі", аднак падкрэсліўшы, што не мае нічога супраць яе.

📢 Аўтары рэмейку Dead Space прадставілі новы, пашыраны геймплейны ролік гульні.

Прадзюсер Піліп Дзюшарм, у межах відэа, дае вам больш глыбокі агляд пераасэнсаванага Dead Space дэманструючы ключавыя паляпшэньні, уключаючы абноўлены візуальны стыль, геймплэй і многае іншае!

Рэліз гульні прызначаны на 27 студзеня 2023 году, для Xbox Series, PS5 і PC.

❗️Нагадваем, што сёньня стартуе The Іnternatіonal 2022, які ўпершыню загучыць на беларускай мове!

Камэнтатарамі выступяць:

▫️Мікіта Шастакоў;
▫️Ян Асьлюк;
▫️Пётар Ігнаценка;
▫️Андрэй Кашкурэвіч.

Вядома, што да пачатку імпрэзы, камэнтатары прайшлі падрыхтоўку ў беларускага драматурга й пастаноўніка Васіля Дранько-Майсюка (які да таго ж, пераклаў частку гульнявых тэрмінаў).

Глядзець The Іnternatіonal 2022 па беларуску можна будзе 20 кастрычніка на Twitch-канале БФК.

Мы разумеем, што магчыма камусьці гэтае мерапрыемства зусім не цікава, але чым больш людзей будзе на ім прысутнічаць, тым больш падобнага, сапраўды беларускага кантэнту будзе зьяўляцца ў будучыні!

📰 Група энтузіястаў распачала аматарскі пераклад Free Heroes of Might and Magic II на беларускую мову.

fheroes2 (скарачэньне ад Free Heroes of Mіght and Magіc ІІ) — гэта бясплатная, з адкрытым зыходным кодам, мультыплятформенная інтэрпрэтацыя клясычнай HoMM2. Гэта дакладная копія арыгінала была напісана з нуля, зь некаторымі паляпшэньнямі, якія дазваляюць гуляць на сучасных кампутарах.

Далучыцца да перакладу могуць усе жадаючыя, для гэтага дастаткова ўступіць у суполку перакладу, перайсьці па спасылцы ў апісаньні, абраць цікавы для вас фрагмэнт, перавесьці яго й прадставіць астатнім энтузіястам, ва ўсё той жа суполцы!

📢 Стваральнікі Minecraft Legends прадставілі геймплэйны ролік гульні.

Адкрыйце для сябе таямніцы Mіnecraft Legends, новай экшн-стратэгіі. Кіруйце сваімі хаўруснікамі ў гераічных бітвах, каб абараніць Надземны сьвет ад разбуральных сьвіней!

Рэліз Minecraft Legends адбудзецца ў 2023 годзе на РС і кансолях.

📰 Obsidian гатова зноў узяцца за Fallout, калі ім гэта прапануюць.

Выданьне DualShockers, у гонар юбілею Fallout, узяло інтэрв’ю ў стваральніка першых двух гульняў сэрыі й заснавальніка Obsіdіan Entertaіnment (стваральнікаў Fallout: New Vegas) Фэргюса Ўркхарта.

«Вядома, калі б у нас калі-небудзь зьявілася магчымасьць зрабіць яшчэ адну гульню Fallout, мы б гэта зрабілі. Тут нават не ўзьнікае пытаньня, зробім мы гэта ці не, пытаньне ў тым, ці зьявіцца магчымасьць?
Я казаў яшчэ год, таму што хацеў б працаваць над Fallout. Я люблю Fallout».

Fallout: New Vegas атрымала добрыя водгукі пасьля свайго рэлізу ў 2010 годзе (сумна вядома, што Bethesda "прапусьціла" парог «85% на Metacrіtіc» і Obsіdіan не атрымалі бонусных выплат на адзін адсотак). За гэтыя гады гульня перажыла штосьці накшталт рэнэсансу, яе квэсты часта называюць аднымі зь лепшых у сэрыі.

📰 Microsoft правядзе рэбрэндынг брэнда Office.

«Прайшло больш за 30 гадоў з таго часу, як мы выпусьцілі першую вэрсыю Mіcrosoft Offіce. Стары набор праграм, які дапамагаў карыстальнікам ствараць незьлічоныя эсэ, электронныя табліцы й прэзэнтацыі, зьяўляецца, магчыма, самым вядомым брэндам праграмнага забесьпячэньня кампаніі па-за межамі Wіndows. Неўзабаве гэта застанецца далёкім успамінам, бо Mіcrosoft ідзе наперад з рэбрэндынгам Offіce».

Цяпер брэнд увойдзе ў склад — Microsoft 365.

Mіcrosoft заявіла, што пераход на брэндынг Mіcrosoft 365 не паўплывае на існуючыя ўліковыя запісы, профілі, падпіскі альбо файлы. зьмены адбудуцца аўтаматычна. Варта ўдакладніць, што такія асноўныя праграмы, як Word, Excel, PowerPoіnt і Outlook, не зьнікнуць цалкам. Яны проста ўключаюцца ў Mіcrosoft 365, захаваўшы свае назвы.

Mіcrosoft 365 дазволіць лепш групаваць і арганізоўваць працоўную прастору, а таксама дадасьць новыя шаблёны стварэньня кантэнту.

📢 15 кастрычніка адбылася штогадовая імпрэза — Mіnecraft Lіve.

Сабралі для вас усё самае цікавае, што было прадстаўлена на шоў!

📰 CD Projekt Red прадставілі новую радыёстанцыю, створаную для DLC Phantom Liberty.

Growl FM — гэта новая радыёстанцыя, на якую змогуць патрапіць пераможцы музычнага конкурсу ад CD Projekt Red.

Любы жадаючы можа стварыць свой музычны трэк і адправіць яго распрацоўшчыкам да 30 лістапада. Пераможцы ня толькі змогуць пачуць сваю працу ў гульні, але й атрымаць розныя ўзнагароды, галоўная зь іх — 3000$.

Так жа CD PR прадставілі вядучага новай радыёстанцыі, ім стала Эш, агучаная Сашай Грэй.

Рэліз Cyberpunk 2077: Phantom Lіberty заплянаваны на 2023 год.

📰 Актрыса агучкі Баянеты заклікае байкатаваць гульню.

Хелена Тэйлар, якая агучвала Баянэту ў першых двух гульнях сэрыі, патлумачыла прычыну сваёй адмовы ад працы над трэцяй часткай.

Па словах Тэйлар, сэрыя Bayonetta прынесла Nіntendo каля 450 мільёнаў даляраў, і гэта без уліку продажаў мерча, пры гэтым кампанія прапанавала акторцы за агучваньне трэцяй часткі 4000 даляраў, і яна ўспрыняла гэта як абразу свайго таленту й усяго часу, якое яна прысьвяціла працы над сэрыяй.

Хелена тлумачыць, што не прасіла шмат, але хацела атрымаць годную плату за сваю працу. Усіх прыхільнікаў сэрыі яна заклікае байкатаваць гульню, патраціўшы грошы на дабрачыннасьць.

Рэліз Bayonetta 3 адбудзецца на Nintendo Switch, 28 кастрычніка.

📰 Konami раскажа нешта новае аб Silent Hill у гэтую сераду.

«У сваіх неспакойных снах ты бачыш той горад?

Сьвежыя абнаўленьні для сэрыі SІLENT HІLL будуць прадстаўлены падчас перадачы #SІLENTHІLL, у сераду, 19 кастрычніка, а 14:00 па Ціхаакіянскім летнім часе (апоўначы зь серады на чацьвер)».

Вядома, што ў распрацоўцы знаходзяцца адразу некалькі новых гульняў сэрыі, адна зь якіх — рэмэйк Sіlent Hіll 2.
Са словаў Крыштафа Гана (рэжысэр экранізацыі Sіlent Hіll), адраджэньню сэрыі паслужыў посьпех рэмэйкаў Resіdent Evіl.

📰 Razer прадставілі ўласную кансоль для ”воблачных” гульняў.

Razer Edge — першая ў сьвеце прылада на базе Snapdragon G3x Gen 1 — гульнявога чыпсэта з актыўным астуджэньнем і працэсарам Kryo. Гуляйце як ніколі раней!

Партатыўная кансоль працуе на базе Androіd, падтрымлівае да 144 Гц, а дазвол экрана складае 2400 на 1080. Чып Snapdragon G3x, працэсар Kryo з тактавай частатой 3 Ггц і васьмю ядрамі, а таксама графічны працэсар Adreno.

У Edge прадусталяваныя Epіc Games Store, Xbox Cloud Gamіng і Nvіdіa GeForce Now, невядома ці будзе кансоль падтрымліваць Steam.

Раней падобную, ”воблачную” кансоль прадставілі Logіtech.

Продажы стартуюць у студзені 2023 году, рэкамендаваны кошт — 400$.

📰 Sony можа адмяніць выставу PlayStation Showcase з-за Microsoft.

Па словах вядомага інсайдэра Мілі Аманд, прэзэнтацыю PlayStatіon Showcase (якую плянавалі на 11 кастрычніка) маглі адкласьці з-за набыцьці Mіcrosoft Actіvіsіon Blіzzard.

Sony нібы лічыць, што паказ умацаваў б пазыцыі іх канкурэнта ў дамове аб куплі Actіvіsіon Blіzzard, якое зараз актыўна правяраюць рэгулятары Вялікабрытаніі. Сярод патэнцыйных нэгатыўных прычын зьдзелкі згадваліся ўплыў на рынкавую канкурэнцыю сярод продажаў кансоляў, падпісак і стрымінгу. Mіcrosoft жа адмаўляе падобныя рызыкі.

Верагодна, акрамя страты сэрыі Call of Duty (якую дарэчы Mіcrosoft абяцаюць не рабіць эксклюзівам Xbox) Sony баіцца канкурэнцыі з Game Pass.

Скасаваньне (або перанос) прэзэнтацыі, ясна сьведчыць, аб нежаданьні кампаніі прыцягваць да сябе ўвагу, пакуль ідзе разгляд справы Mіcrosoft.

📢 Адбыўся рэліз A Plague Tale: Requiem.

Адпраўляйцеся ў атмасфэрнае падарожжа, у жорсткі, захапляльны сьвет, і даведайцеся пра кошт выратаваньня тых, каго вы любіце, у адчайнай барацьбе за выжываньне. Наносьце ўдары зь ценю альбо разьвязвайце пекла разнастайнай зброяй, інструмэнтамі й незямнымі сіламі!

Кошт гульні ў Steam — 39.99$.
Гульня даступная на PS5, Xbox Series (+ Game Pass) і PC.