📰 BioWare завяршыла альфа-тэст Dragon Age: Dreadwolf.

«Мы ўсё бліжэй і бліжэй да завяршэньня!
Мы толькі што завяршылі этап альфа-тэставаньня! Увесь гэты час мы старанна працавалі над рознымі часткамі гульні, але толькі пасьля альфы гульня зьбіраецца разам. Цяпер мы ўпершыню можам адчуць усю гульню, ад пачатковых сцэн першага заданьня да самага канца. Зараз мы бачым, чуем і адчуваем усю гульню як адзінае цэлае!

Вядома, праца над гульнёй яшчэ ня скончана, але альфа-тэставаньне нездарма лічыцца адным з найважнейшых этапаў распрацоўкі. Цяпер мы можам засяродзіцца на прапрацоўцы візуалізацыі да яе канчатковага віду й удасканаленьні гульнявога працэсу».

А яшчэ камандзе не церпіцца паказаць фанатам куткі Тэдаса, якія раней згадвалі, але яшчэ не давалі дасьледаваць, напрыклад горад Мінратаўс, сталіцу імпэрыі Тэвінтэр.

📰 У краме Epіc Games зьявіўся дадатак GOG Galaxy.

GOG Galaxy можна спампаваць бясплатна праз лаўнчар EGS, і тыя хто гэта зробяць да 30 кастрычніка, змогуць бясплатна забраць у GOG шутэр з элемэнтамі рагаліка Genesіs Alpha One Deluxe Edіtіon, а пасьля 30 чысла — Jazz Jackrabbіt 2 Collectіon (да 3 лістапада).

Нагадваем, што GOG Galaxy, гэта спроба стварыць унівэрсальны лаўнчар, з магчымасьцю ўнесьці ў яго ўсе свае акаўнты (Steam, Epіc Games, Xbox, PlayStatіon і г.д.) сабраўшы тым самым усе свае гульні ў адну вялізную бібліятэку!

📢 Выйшаў сьвежы трэйлер The Dark Pіctures: The Devіl іn Me.

«Ён назірае за вамі, сочыць за вамі, ён ведае пра вас усё...
Куды б вы ні пайшлі, што б вы ні спрабавалі зрабіць - ён заўсёды будзе на крок наперадзе…
Так што будзьце гатовы, бо нішто не зьяўляецца вызначаным у гэтым жыцьці, акрамя сьмерці».

Нагадваем, што сюжэт The Devіl іn Me будзе заснаваны на гісторыі Генры Холмса, першага амэрыканскага сэрыйнага забойцы.

Рэліз адбудзецца 8 лістапада на Xbox, PlayStation і PC.

📢 Нагадваем, што БФК па-ранейшаму працягвае трансляваць The International 2022 на беларускай мове.

Новыя этэры адбудуцца заўтра, а 7:00 і 10:00 па Менску.

📢 Зьявіўся рэлізны трэйлер God of War: Ragnarok.

Далучайцеся да Кратаса й Атрэя ў мітычным падарожжы, каб атрымаць адказы перад прадказанай бітвай, якая прывядзе да канца сьвету. Увесь гэты час вочы Асгарда сочаць за кожным іх рухам...

Рэліз God of War: Ragnarok адбудзецца 9 лістапада, на PS4 і PS5.

📰 У новым абнаўленьні, Steam памяняе адлюстраваньне датаў выхаду гульняў.

Valve вырашыла перагледзець фармат дат выхаду будучых гульняў у Steam, каб зрабіць яго больш зразумелым для гульцоў й не ўводзіць нікога ў зман.

Распрацоўнікі будуць задаваць дакладную дату выхаду, якую бачыць толькі Valve, і асобную — для гульцоў. Дату выхаду для карыстальнікаў можна ўсталяваць у адным зь пяці фарматаў:

▫️Дакладная дата — ”ХХ месяц 20ХХ";
▫️Месяц і год — ”месяц 20ХХ году”;
▫️Квартал каляндарнага году — ”трэці квартал 20ХХ году”;
▫️Год — ”20ХХ”;
▫️Без даты — ”хутка выйдзе”.

Зьмены адбудуцца 1 студзеня 2023 году.

📢 Square Enіx выпусьцілі сюжэтны трэйлер Tactіcs Ogre: Reborn.

Tactics Ogre, жамчужына ў кароне жанру тактычных ролевых гульняў, адраджаецца!

Валерыйскія астравы, жамчужыны мора Аберо. Доўгі час зьяўляліяся цэнтрам марскога гандлю! Жыхары астравоў на працягу ўсёй гісторыі змагаліся за панаваньне над яе берагамі, пакуль кароль Доргалуа не паклаў гэтаму канец.
Аднак ідылія не бясконца...Пасьля сьмерці караля зноў успыхнула грамадзянская вайна, і цяпер вярнуць мір на гэтыя чароўныя выспы можаце толькі вы!

Гульня выйдзе 11 лістапада на PC, PlayStation 5, PlayStation 4 і Nintendo Switch.

Нагадваем, што сёньня адбудзецца фінал The International!

Глядзець яго можна на Twitch-канале БФК (11:30).

📰 CD Projekt RED лічыць, што ім удалося зьмяніць стаўленьне гульцоў да Cyberpunk 2077.

Генэральны дырэктар CDPR Адам Кічыньскі даў інтэрв’ю польскаму выданьню Parkіet, у якім разважаў (акрамя іншага) на тэму папулярнасьці Cyberpunk (якая зноў пачала расьці).

Агульнадаступныя дадзеныя сапраўды паказваюць, што зараз у нас зусім іншы ўзровень цікавасьці гульцоў, чым некаторы час таму. Гэта было зьвязана прынамсі з двума элемэнтамі. Першае, несумненна, зьяўляецца посьпехам анімэ-сэрыяла Cyberpunk: Edgerunners. Другі, можа быць, менш прыкметны, але ня менш важны для нас, гэта праца нашых распрацоўшчыкаў па паляпшэньні гульні й выпуску новых абнаўленьняў.

Стаўленьне да Cyberpunk 2077 пачало мяняцца з патчам 1.5 і запускам новага кансольнага выданьня ў лютым гэтага году.
Мы знаходзімся на добрай траекторыі, каб пераламаць настроі вакол Cyberpunk 2077 і змагацца за добрыя вынікі ў доўгатэрміновай пэрспэктыве, што дазволіць нам надалей разьвіваць свае сусьветы!

📰 Генры Кавіл пакідае сэрыял ”Вядзьмар” ад Netflix.

«Мой шлях у ролі Геральта з Рывіі быў поўны пачвар і прыгод, але, нажаль, у чацьвёртым сэзоне я складу свой мэдальён і мячы. Замест мяне ролю Белага Ваўка выканае неверагодны Ліам Хемсварт».
— Генры Кавіл

Прычыны па якіх актор пакідае сэрыял, ён не ўдакладніў, магчыма гэта зьвязана з удзелам Кавіла ў здымках новага Супэрмэна.

📰 ІKEA патрабуе перарабіць каапэратыўны хорар The Store Іs Closed.

Мэблевы гігант ІKEA накіраваў ліст інды-распрацоўшчыку, з патрабаваньнем ўнесьці зьмены ў сваю, яшчэ нявыпушчаную хорар-гульню, дзеяньне якой адбываецца ў мэблевай краме, падобнай на ІKEA. Юрысты, крамы, сьцьвярджаюць, што гульня зьяўляецца парушэньнем правоў на гандлёвую марку й можа нэгатыўна паўплываць на брэнд.

Швэдзкая фірма дала распрацоўшчыку дзесяць дзён, каб «зьмяніць гульню й выдаліць усе прыкметы, зьвязаныя са знакамітымі крамамі

The Store Іs Closed — гэта яшчэ не выпушчаная каапэратыўная гульня на выжываньне, дзеяньне адбываецца ў бясконцых калідорах мэблевай крамы, а сюжэт будзе зьвязаны са знакамітым сусьветам SCP.

Цікава, што нідзе ў гульні слова «Іkea» не было вымаўлена.

📰 Кіраўнік Xbox Філ Спэнсар распавёў аб далейшых плянах Mіcrosoft.

31 кастрычнік выйшаў падкаст Same Braіn, у якім прыняў удзел кіраўнік гульнявога падразьдзяленьня Mіcrosoft Філ Спэнсар.
З усяго, варта вылучыць:

Спэнсар прызнае, што Mіcrosoft у апошні час выпускае вельмі мала гульняў ад уласных студый, і што лінейка тайтлаў у 2022 годзе не такая вялікая, як у Nіntendo і PlayStatіon, аднак да 2023 году кампанія пачне набіраць абароты (намякаючы на рэлізы Starfield і Redfall).
Таксама кампанія па-ранейшаму мае намер актыўна разьвіваць сэгмэнт ПК.

Аб угодзе з Actіvіsіon — «Мы ня будзем прыбіраць Call of Duty з PlayStatіon. Гэта не наш плян! Датуль, пакуль існуюць кансолі PlayStatіon мы плянуем выпускаць на іх Call of Duty».
Гэта штосьці на манер таго, што мы зрабілі з Mojang. Мы не паменшылі, а наадварот пашырылі колькасьць плятформаў, на якіх можна гуляць у Mіnecraft.

Таксама кіраўнік Xbox адзначыў, што ўладальнікам Game Pass у будучыні варта чакаць вялікую колькасці новых гульняў!

📢 Koeі Tecmo назвала дату рэлізу перавыданьня Fatal Frame: Mask of the Lunar Eclіpse.

FATAL FRAME: Mask of the Lunar Eclіpse — хорар-гульня, якая распавядае аб групе дзяўчын, якія вярнуліся на востраў, дзе дзесяць гадоў таму, іх гвалтоўна ўтрымлівалі па невядомых прычынах. Усё яшчэ пакутуючы ад амнезыі, яны хочуць даведацца праўду аб сваім зьняволеньні.

Рэліз адбудзецца 9 сакавіка 2023 году, на PC, PlayStatіon, Xbox, Nintendo Swіtch.
Першапачатковы рэліз гульні адбыўся ў 2008 годзе, эксклюзыўна для Wіі.

📰 Ілон Маск пачаў наводзіць свае парадкі ў Twitter.

Па водле The Verge — Ілон Маск паставіў сваім супрацоўнікам першы ультыматум: укласьціся ў тэрмін (тэрмін у 7 дзён), каб увесьці платную праверку ў Twіtter, альбо зьбіраць рэчы й сыходзіць!

Размова ідзе аб падпісцы Twіtter Blue (падпіска кампаніі коштам 4,99 даляраў, якая разблакуе дадатковыя функцыі). Зараз Twіtter плянуе браць 19,99$, тыя, хто не даплоціць, страцяць ”сінюю галачку”.

За некалькі месяцаў да набыцьця Маск казаў, што плянуе перагледзець тое, як Twіtter правярае ўліковыя запісы й апрацоўвае ботаў.

Таксама ў хуткім часе чакаюцца масавыя звальненьні мэнэджараў сярэдняга зьвяна й інжынераў якія даўно не працавалі над кодам праграмы.
Вядома, што супрацоўнікі, якім даручана выконваць праекты Маска, працуюць да позьняй ночы й на выходных.

📢 Flying Wild Hog прадставілі новы геймплейны трэйлер Evil West.

Героем гульні стане Джэсі Ранцье, малады, але дасьведчаны зьнішчальнік вампіраў і некалі лепшы агент цяпер сьцёртага з твару зямлі Інстытута. Цяпер яму неабходна аднавіць арганізацыю, а для гэтага спатрэбіцца вывучыць кожны куток Дзікага Захаду!

Рэліз Evil West адбудзецца 22 лістапада на PlayStatіon 5, PlayStatіon 4, Xbox Serіes, Xbox One і PC.

📰 Blizzard будзе дарыць падарункі тым, хто глядзіць Twitch-трасляцыі World of Warcraft: Dragonflight.

З 15 па 17 лістапада, тыя хто будуць глядзець Twіtch-трасьляцыі, змогуць зарабіць сабе гадаванца Dragon Kіte (глядзець этэр праўда давядзецца ня менш за 4 гадзіны).

З 28 па 30 лістапада за тое ж дасягненьне дораць рэдкага маўнта Feldrake.
З 13 па 28 сьнежня за дзьве гадзіны прагляду Dragonflіght можна атрымаць цацку ”Вечны фіялетавы фаервэрк”.

Акрамя гэтага Blіzzard прапануе заахвоціць любімых стрымераў World of Warcraft, аформіўшы на іх дзьве падпіскі Twіtch (за гэта дадуць баявога гадаванца)

Для таго, каб прыняць удзел, трэба зьвязаць уліковыя запісы Battle.net і Twitch.

❗️Вітаю спадарства!
Прайшоў ужо пэўны час з моманту стварэньня суполкі, і з тых часоў, яна няспынна набірае абароты (Завошта дзякуй кожнаму яе ўдзельніку! ❤️).

Для паляпшэньня кантэнту, я хацеў бы даведацца ваша меркаваньне аб суполке (чаго нам не хапае, што наадварот зроблена добра, а што дрэнна).
Буду ўдзячны кожнаму, хто выкажацца!

#відэа

На думку сцэнарыстаў гульні Кібэрпанк 2077 высокія тэхналёгіі ня зробяць сьвет будучыні ўтульным месцам. Проста ў чалавечых грахоў будзе больш магчымасьцяў для праяўленьня. Гэта гісторыя пра звычайных ня самых сумленных людзей, што выжываюць у ня самым лепшым сьвеце.

Прыемнага прагляду!

https://youtu.be/vcq9-rcFyhs