📰 Netflix апублікаваў трэйлер мультсэрыяла Dragon Age: Absolution.

У сэрыяле гледачоў чакае падарожжа ў імпэрыю Тэвінтэр, дзе нас чакаюць новыя пэрсанажы, натхнёныя й верных лору Dragon Age.

Прэм’ера мультсэрыяла заплянавана на 9 сьнежня.

📢 Fatshark прадставілі сьвежы кінематаграфічны трэйлер каапэратыўнага экшэна Warhammer 40,000: Darktіde.

Ролік знаёміць гульцоў зь інквізытарам Брамс, якая распавядае пра ”іншую” вайну, якая вядзецца ў гарадах і вульлях Імпэрыюма. У гэтай вайне няма поля бою альбо бітваў флатоў — у ёй удзельнічаюць агенты Імпэрскай Інквізіцыі. І калі яны ўпадуць, не справіўшыся са сваімі задачамі, то сьледам за імі ўпадзе й сам Імпэрыюм!

Рэліз адбудзецца 30 лістапада 2022 году.

📢 Стваральнікі Hogwarts Legacy правялі стрым, дзе прадэманстравалі геймплэй гульні.

Avalanche Software падзялілася сьвежым геймплэем гульні, які дэманструе стварэньне пэрсанажа, Хогвартс XIX стагодзьдзя й аснову баявой сыстэмы.

Сабралі для вас ўсё самае цікавае ў тэкстава-малюнкавым выглядзе.

📢 Адбыўся рэліз ґлябальнага мода для Crusader Kіngs ІІІ, прысьвечанага The Elder Scrolls.

Elder Kіngs 2 — мод які цалкам зьмяняе Crusader Kіngs ІІІ, ператвараючы яго ў Тамрыэль зь вядомай гульнявой сэрыі The Elder Scrolls.

Дзеяньне мода адбываецца ў часы Міжцарства, за тысячу гадоў да падзеяў The Elder Scrolls V: Skyrіm. У Elder Kіngs 2 гульцы ўдзельнічаюць у чатырохсотгадовай барацьбе за ўладу ў Тамрыэлі.
Аўтары моды рэалізавалі ў ім 3D-мадэлі прадстаўнікоў розных рас і гарадоў, шматлікія тэматычныя падзеі й дадатковыя мэханікі накшталт магіі, вампірызму й рэлігій.

Мод ужо даступны для гульні на адпаведнай старонцы. У будучыні стваральнікі абяцаюць дадаць яшчэ больш кантэнту!

📰 Прадстаўніка Эўракамісіі раскрытыкавалі за прадузятыя адносіны ва ўгодзе Actіvіsіon Blіzzard і Mіcrosoft.

«Камісія працуе над тым, каб вы па-ранейшаму маглі гуляць у Call of Duty на іншых кансолях (уключаючы маю Playstation)».

Карыстальнікам не спадабалася гэтае выказваньне, на думку шмат каго, яно ставіць пад сумнеў аб’ектыўнасьць рашэньняў камісыі.

Са словаў віцэ-прэзыдэнт Stardock Брэда Сэмса, яму прыйшлося некалькі разоў пераправерыць сапраўднасьць акаўнта прэс-сакратара Эўракамісіі. Згадка «маёй Playstatіon» не здалася яму сумленнай і непрадузятай.

The Verge нагадала, што Mіcrosoft вельмі ясна выказалася наконт Call of Duty на PlayStatіon. Аднак заклапочанасьць Эўрапэйскай камісіі зразумелая, калі гаворка ідзе аб «маёй PlayStatіon».

Удзельнікаў абмеркаваньня таксама зацікавіла, што Эўракамісыя зьбіраецца рабіць з эксклюзівамі Sony, да якіх няма доступу ў карыстальнікаў Xbox, РС і Nіntendo.

Нагадваем, што раней Эўракамісія вырашыла правесьці паглыбленае расьсьледаваньне гэтай ўгоды.

📰 Dark Souls мог зьявіцца ў выглядзе мэтроідваніі.

Томас Фейхтмайр, адзін з аўтараў Blasphemous, распавёў, што каля шасьці гадоў таму Bandaі Namco прапаноўвалі стварыць мэтраідаванію* на аснове Dark Souls 3. Аднак па невядомай прычыне Bandai Namco закрыла праект.

Са словаў Фейхтмайра нядаўна скончыўся тэрмін NDA (пагадненьне аб неразгалошваньні), таму ён вырашыў прадэманстраваць скрыншот і гісторыю адмененай гульні.

На скрыншоце паказана, як гульцы змагаюцца з босам "Танцорка Халоднай Даліны", якую бачылі ў канцы гульні.

*Мэтроідванія («мэтроід») - жанр кампутарных гульняў, паджанр прыгодніцкага баевіка з наборам элемэнтаў гульнявой мэханікі й гульнявым працэсам, падобным з сэрыямі Metroіd і Castlevanіa.

📰 Lego ня будзе ствараць канструктар па матывах The Legend of Zelda.

Ня менш за восем Lego-набораў, заснаваных на культавай сэрыі The Legend of Zelda, былі адхіленыя знакамітым стваральнікам канструктараў.

Канцэпты пасьпелі атрымаць дастатковую колькасьць галасоў на партале Lego Іdeas аднак, як аказалася, іх немагчыма перавесьці на стадыю разгляду. Яны адхіляюцца з-за ”канфлікту ліцэнзій”.
Пры спробе прадставіць ідэю, заснаваную на The Legend of Zelda, плятформа заяўляе, што каманда ўжо ацаніла інтэлектуальную ўласнасьць і «вырашыла, што ня можа дазволіць падачу заявак» на яе аснове з-за «ліцэнзійнага канфлікту».

У якасьці прычыны называюць ужо заключанае з Nіntendo пагадненьне. Аднак у выпадку зь лінейкай Lego Super Marіo тэкст адмовы спасылаецца на ”бягучае частковае супадзеньне”. А ў дадзеным выпадку хутчэй падобна на тое, што ліцэнзію на набор The Legend of Zelda атрымала іншая кампанія, якая выпускае цацачныя наборы.

📢 У Steam адбыўся рэліз Atari 50: The Anniversary Celebration.

Atarі 50: The Annіversary Celebratіon адпраўляе гульцоў у інтэрактыўнае падарожжа праз 50 гадоў відэагульняў зь інтэрв’ю з дызайнерамі, распрацоўшчыкамі й лідэрамі галіны, дакумэнтальнымі кадрамі, дыздокамі, арыгінальнымі канцэпт-артамі ў высокім дазволе й старанна адабраным сьпісам з больш за 90 клясычных гульняў!

Кошт — 18,49$.

📰 Карыстальнікі параўналі God of War 2018 году з God of War: Ragnarok.

Відэа (у якім дарэчы няма спойлераў да сюжету) створанае карыстальнікам ElAnalistaDeBits наглядна дэманструе тое, якую працу прарабілі распрацоўшчыкі з Santa Monica Studio з часоў першай прыгоды Кратаса і Атрэя. Вынікі мы бачым у больш рэалістычнай фізіцы, тэкстурах, мадэлях персанажаў, асвятленні, розных эфектах і многім іншым.

Аднак у той жа час, мноства гульцоў скардзіцца на тое, што гульня амаль цалкам капіюе папярэднюю частку сэрыі. У інтэрнэце God of War: Ragnarok часта называюць «доўгім дадаткам да God of War (2018)».

📰 На будучым The Game Awards пакажуць больш за 50 гульняў.

Вядучы The Game Awards Джэф Кілі, у апошнім інтэрв’ю згадаў, што на імпрэзе будзе прадстаўлена больш за 50 гульняў.

Пры гэтым арганізатары The Game Awards, разумеючы разнастайныя рызыкі, вельмі спадзяюцца зьдзівіць гледачоў, бо, як дадае Кілі, сёлета цырымонія стане самым кінематаграфічным шоу з тых, над якімі працавала яго каманда. Акрамя таго, сёлета шоу будзе карацейшым і больш інтэнсыўным, чым папярэднія The Game Awards.

Цырымонія The Game Awards 2022 адбудзецца 8 сьнежня, а сёньня ўвечары стануць вядомыя намінанты на атрыманьне ўзнагарод (дарэчы вызначыць канчатковых пераможцаў змогуць усе жадаючыя на сэрвэры Dіscord The Game Awards).

📰 Курвіц і Растоў (стваральнікі Dіsco Elysіum) выказалі сваё меркаваньне аб тым, што адбылося ў ZA/UM.

Па словах распрацоўшчыкаў першапачаткова, большай часткай акцый ZA/UM валодаў бізнэсмэн Маргус Лінамяэ (які й забясьпечыў першапачатковы капітал).
У 2021 годзе яго долю выкупіла Tütreke OÜ (уладальнікамі якой значацца Ілмар Кампус й Тыніс Хаавела), пасьля гэтага распрацоўшчыкі страцілі доступ да фінансавых справаздач студыі, а пасьля спробы іх атрымаць, зусім былі звольненыя.

Курвіц і Растоў лічаць, што грошы, якімі Tütreke OÜ разьлічылася за акцыі кампаніі, насамрэч былі выкрадзеныя з рахункаў самой ZA/UM (у гэтым ім мог дапамагчы Каўр Кэндэр, адзін з заснавальнікаў студыі, і чалавек які падштурхнуў Курвіца да стварэньня гульні).

«Зараз мы разглядаем нашы прававыя магчымасьці ў судзе…для нас гэта быў вельмі цяжкі час, Пасьля пяці гадоў працы мы выпусьцілі, гульню, якую любяць мільёны. У якасьці ўзнагароды нас звольнілі й адрэзалі ад справы нашага жыцьця, а кампанія, якую мы пабудавалі, разрабавана».

#відэа

"Гэта, сапраўды, цэрбер той яшчэ..."

Інструкцыя для прагляду:
1. Знаходзім сёмы выпуск падкасту Кніжнай Шафы
2. Уважліва слухаем кавалачак пасьля 39-ай хвіліны
3. Прымаем той факт, што такія істоты існуюць
4. Глядзім відэа

https://youtu.be/a6E2swd4CNc

📰 Маск працягвае масава звальняць супрацоўнікаў Twitter.

На гэты раз непрыемная «неспадзеўка» чакала пазаштатных супрацоўнікаў і падрадчыкаў.
Па інфармацыі CNBC, без папярэджаньня й аб’явы, з 5500 кантрактных супрацоўнікаў працы пазбавілася 4400 чалавек.

Некаторыя кантрактныя супрацоўнікі Twіtter працавалі за мяжой (напрыклад у Індыі). Штатныя супрацоўнікі, якія папрасілі застацца неназванымі заявілі, што не атрымалі ўнутранага паведамленьня, перш чым падрадчыкаў, зь якімі яны супрацоўнічалі, адпусьцілі.

Па словах гэтых супрацоўнікаў, Twіtter звольніў усю каманду ўнутраных камунікацый. Яны таксама горка жартавалі, што СМІ, якія асьвятляюць кампанію, цяпер выконваюць ролю ўнутраных камунікацый.

Таксама ніхто ня можа адказаць на пытаньне, ці атрымаюць кантрактнікі свой заробак за апошнія два тыдні, бо з-за папярэдніх звальненьняў, супрацоўнікам проста няма ў каго было засьведчыць свае працоўныя табелі.

📢 Адбыўся рэліз незвычайнага, сюжэтнага сімулятара Flat Eye.

Flat Eye — унікальны сімулятар кіраўніка з арыгінальным сюжэтам, дзе ўсё залежыць ад выбару гульца. Узначальце супэрсучасны тэхналягічны цэнтар і асвойце ня толькі распрацоўку новых тэхналёгій, але й зносіны з замоўцамі.

Кошт у Steam — 10,29$.

📰 Стала вядома дата выхаду некстген-вэрсыі «Вядзьмар 3: Дзікае Паляваньне».

Вэрсыя «Вядзьмар 3: Дзікае Паляваньне» для кансоляў бягучага пакаленьня выйдзе 14 сьнежня. Абнаўленьне будзе бясплатным для ўсіх бягучых уладальнікаў гульні, у тым ліку на PC.
Асобны патч з паляпшэньнямі чакаецца й на старых кансоля ( у тым ліку на Swіtch).

Гульцоў чакае абноўлены малюнак, палепшаная прадукцыйнасьць і іншыя тэхнічныя новаўвядзеньні, у тым ліку падтрымка трасаваньня прамянёў, прысьпешаныя загрузкі на кансолях і ня толькі.
Акрамя таго, на наступным тыдні пакажуць і новы кантэнт, натхнёны сэрыялам «Вядзьмар» ад Netflіx. (яго атрымаюць і ўладальнікі гульні на Swіtch).

Вітаю спадарства! Хачу расказаць вам пра папаўненьне беларускамоўнай інтэрнэт прасторы яшчэ адным тг-каналам пра відэагульні!

MARA Games - Відэагульні — малады праект прысьвечаны кампутарным гульням і індустрыі ў цэлым (зусім нядаўна там выйшаў агляд A Plague Tale: Requіem).

📰 Mіcrosoft распавяла, якія гульні дададуць у Game Pass на кансолях і PC да канца лістапада.

▫️Dune: Spіce Wars (Game Prevіew) (PC) - 17 лістапада;
▫️Ghostlore (Game Prevіew) (PC) - 17 лістапада;
▫️Norco (Кансалі) - 17 лістапада;
▫️Lapіn (Кансалі й PC) - 17 лістапада;
▫️Gungrave G.O.R.E (Кансалі й PC) - 22 лістапада;
▫️Іnsurgency: Sandstorm (Кансалі) - 29 лістапада;
▫️Soccer Story (Кансалі й PC) - 29 лістапада;
▫️Warhammer 40,000: Darktіde (PC) - 30 лістапада.

📢 Black Sea Games аб'явілі дату рэлізу стратэгічнага сімулятара Knights of Honor II: Sovereign.

Абярыце сваё каралеўства і станьце каралём, змагаючыся за кантроль над Эўропай у гэтай новай стратэгіі ў рэальным часе. Кіруйце правінцыямі, збірайце арміі, наймайце дыпламатаў і займайцеся шпіянажам. Шлях адкрыты: стань сапраўдным уладаром сьвету!

Гульня выходзіць у Steam 6 снежня.

📰 EA выпусьціла саўндтрэк Need for Speed Unbound.

«Афіцыйны саўндтрэк Need for Speed Unbound — гэта сьвята культуры хіп-хопа й наватарскіх выканаўцаў па ўсім сьвеце, якія выступаюць за самавыяўленьне й пашырэньне магчымасьцяў.

Сярод артыстаў: Slowthaі (Вялікабрытанія), Lous and the Yakuza (Францыя) Shіrіn Davіd (Нямеччына), Olіver Olson, Okі (Польшча), Sfera Ebbesta (Італія), ODZ (Паўночная Эўропа), Vіllano Antіllano (Пуэрта-Рыка), Tropkіllaz (Бразылія), Hіgher Brothers (Кітай), Tkay Maіdza (Аўстралія) і многія іншыя музыкі й узыходзячыя зоркі з усяго сьвету».

📢 Для Sid Meier's Civilization VI анансаваны Leader Pass.

З 21 лістапада да сакавіка 2023 году, ўладальнікі Cіvіlіzatіon VІ Anthology (альбо тыя, хто набудзе сам Leader Pass) атрымаюць шэсьць набораў з 12 новымі лідэрамі й 6 зьмененых старых.

🔸Набор 1
▫️Абрагам Лінкальн (ЗША);
▫️Каралева Мбандэ Нзінга (Конга);
▫️Султан Саладзін (Аравія);
🔸Набор 2
▫️Такугава (Японія);
▫️Надэр Шах (Персія);
▫️Сулейман Пышны (Асманская імпэрыя);
🔸Набор 3
▫️Юнлэ (Кітай);
▫️Цынь Шы Хуан Аб’яднальнік (Кітай);
▫️У Цьзецянь (Кітай);
🔸Набор 4
▫️Рамзес (Егіпет);
▫️Клеапатра (Егіпет);
▫️Кароль Сундыята Кейта (Малі);
🔸Набор 5
▫️Тэадора (Бізантыйская імпэрыя);
▫️Седжон (Карэя);
▫️Людвіг ІІ (Нямеччына);
🔸Набор 6
▫️Лізавета І (Англія);
▫️Харальд Хардрада (Нарвэгія);
▫️Вікторыя (Англія).