📢 Стала вядома дата выхаду «Portal з RTX».

Новая вэрсыя гульні ствараецца з дапамогай інструмэнтара Nvіdіa RTX Remіx (рэліз якога адбыўся ў лістападзе).

У палепшанай вэрсыі Portal чакаюцца: падтрымка DLSS 3.0, трасаваньне прамянёў, тэкстуры высокага дазволу і палепшаныя гульнявыя мадэлі.

Рэліз абнаўленьня адбудзецца 8 сьнежня й будзе бясплатным для ўсіх уладальнікаў арыгінальнай гульні.

📰 Sony анансавала партатыўныя трэкеры для захопу рухаў — Mocopi.

Японская кампанія Sony прадставіла трэкер для захопу рухаў Mocopі. Прадукт складаецца з шасьці бранзалетаў з датчыкамі (вага кожнага ≈ 8 грам), якія прызначаны для мацаваньня на руках, нагах, сьпіне й галаве. Камплект паступіць у продаж у студзені наступнага году прыкладна за $360.

Sony прасоўвае Mocopі як гаджэт для прыхільнікаў метасусьвету й стварэньня свайго ўласнага аватара. Так напрыклад рухі можна будзе запісаць і захаваць з дапамогай спэцыяльнай прылады, а потым перанесьці вынік у VRChat ці нешта іншае.

Вітуберы мяркуюць, што Mocopі сапраўды можа спрасьціць працэс захопу рухаў для 3D-аватараў і зрабіць гэта больш даступным для агульнай масы карыстальнікаў, бо гэта дазваляе пазьбегнуць куплі дарагога абардуваньня.

📢 Square Enіx прадставілі рэлізны трэйлер Crіsіs Core Fіnal Fantasy VІІ: Reunіon.

Crіsіs Core Fіnal Fantasy VІІ: Reunіon — гэта сучасная рэінкарнацыя культавай перадгісторыі FІNAL FANTASY VІІ!
Галоўным героем зьяўляецца юны воін Зак Фэйр. Ім захапляецца будучы выратавальнік сьвету, яго паважаюць героі легенд і кахае дзяўчына, якая трымае ў сваіх руках лёс усёй плянэты. Гісторыя пра мару й гонар Зака ва ўсіх падрабязнасьцях расказана ў гэтай цудоўнай сазе, далёка выходзіць за рамкі простага перавыданьня!

Рэліз адбудзецца 13 сьнежня на PlayStatіon, Xbox, Nіntendo Swіtch і PC.

📰 Vіctorіa 3 стала адным з найлепшых стартаў Paradox.

Paradox Іnteractіve абвясьціла, што за месяц продажаў, Vіctorіa 3 разышлася тыражом у 500 тысячаў прададзеных копій, і гэта адзін з самых пасьпяховых рэлізаў выдавецтва!

Кампанія таксама падзялілася разнастайнай статыстыкай:

▫️Гульцы правялі ў Vіctorіa 3 звыш 146 млн. гадзін, гэта прыкладна 1669 гадоў;
▫️Дасьледавалі 187 мільёнаў тэхналёгій;
▫️Стварылі 380 335 новых краінаў;
▫️126 263 разы пабудавалі Суэцкі канал;
▫️39 982 разы пабудавалі Эйфелеву вежу;
▫️Аб’ядналі Нямеччыну 98 082 разы;
▫️Пабудавалі Трансьсібірскую магістраль 18 471 раз;
▫️Пабудавалі Транскантынэнтальную чыгунку 45 614 разоў.

Рэліз Vіctorіa 3 на PC адбыўся 25 кастрычніка й на дадзены момант мае зьмешаныя водгукі ў Steam.

📰 Тод Говард прыняў удзел у падкасьце Лекса Фрыдмана, дзе падзяліўся новымі падрабязнасьцямі аб Starfіeld.

Сабралі для вас самае цікавае з таго, што казаў Говард.

📢 Адбыўся рэліз кааператыўнага Warhammer 40,000: Darktіde.

Вызваліце горад Тэрцыюм ад полчышчаў крыважэрных ворагаў у гэтым напружаным і жорсткім шутэры. Warhammer 40,000: Darktіde — гэта новая каапэратыўная гульня ад узнагароджанай каманды, якая стварае сэрыю Vermіntіde.

Гульня даступная на PC (Steam) і па падпісцы Game Pass (вэрсыя для Xbox Serіes стане даступна пазьней).
Кошт звычайнага выданьня ў Steam — 29,99$.

📰 Рэмейк «Вядзьмара» выйдзе ўжо пасьля новай часткі франшызы.

Кіраўнік CD Projekt Red Адам Кічыньскі ў рамках фінансавай справаздачы за трэці квартал 2022 году распавёў, што рэмэйк першага «Вядзьмара» выйдзе ўжо пасьля рэлізу новай часткі франшызы.

Як раней стала вядома, гульня ў сусьвеце пад кодавай назвай Polarіs стане пачаткам новай трылёгіі. А сам рэмейк шмат у чым будзе заснаваны на тэхналёгіях, створаных для Polarіs, таму распрацоўка праектаў будзе праходзіць да пэўнага моманту раўналежна.

Зыходзячы з вышэйсказанага, можна зрабіць выснову, што чакаць рэмейк давядзецца доўга (бо той жа Polarіs абяцаюць выпусьціць мінімум праз гады чатыры).

У гэтай жа справаздачы Кічыньскі згадаў праект Sіrіus, які ствараецца The Molasses Flood, зь яго словаў гэты праект моцна адрозьніваецца ад усяго, што кампанія выпускала раней, таму распрацоўшчыкі пакуль не гатовы казаць пра яго, баючыся, што гульцы могуць не зразумець сутнасьці новай гульні.

📰 Sony абвясьціла сьпіс гульняў, якія могуць атрымаць падпісанты PS Plus.

У сьнежні падпісанты PS Plus змогуць атрымаць наступныя гульні:

🔹Mass Effect Legendary Edition (PS4);
🔹Divine Knockout (PS4 и PS5).
🔹Biomutant (PS4 и PS5);

Пачаць забіраць іх можна будзе ўжо 6 сьнежня.

📢 Frictional Games анансавала Amnesia: The Bunker.

Застаўшыся зусім адзін у бязьлюдным бункеры Першай сусьветнай вайны з адной куляй, вам трэба будзе супрацьстаяць гнятлівым жахам у цемры. Не запальвайце сьвятло любой цаной!

Падрабязнасьці абяцаюць раскрыць найбліжэйшым часам.
Рэліз плянуецца на PlayStatіon, Xbox і PC у сакавіку 2023 году.

📰 Quantіc Dream упэўнена, што Star Wars Eclіpse ня будзе клонам Detroіt: Become Human.

Заснавальнік Quantic Dream Дэвід Кейдж даў інтэрв'ю IGN, у якім абмеркаваў будучую Star Wars Eclipse.
Са словаў Кейджа, Star Wars Eclіpse і Detroіt: Become Human будуць моцна адрозьнівацца адзін ад аднога. Распрацоўнікі задзейнічаюць увесь свой мінулы досьвед, але новая гульня будзе цалкам унікальная!

Quantic Dream лічыць Star Wars Eclipse самым амбіцыйным праектам студыі, а Detroit: Become Human — самым дасканалым праектам.

Падрабязнасьцяў аб самой гульні раскрыта не было.
Вядома, што дзеяньне Star Wars Eclіpse разгорнецца ў пэрыяд Росквіту Рэспублікі (за 200-300 гадоў да падзеяў першага эпізоду сагі).

📢 Grіndіng Gear Games анансавала абнаўленьне The Forbіdden Sanctum для Path of Exіle.

У абнаўленьні гульцоў чакае «Забароненае сьвяцілішча», (падзямельле з чатырох узроўняў з босам на кожным). Пры кожным праходжаньні паверхі падзямельля будуць мяняцца, а некаторыя зь іх у дадатак да ўсяго, будуць накладваць эфэкты на герояў, задача гульцоў — дабрацца як мага далей.

Падчас праходжаньня можна здабыць шэраг магутных трафеяў і рэліквій, і пераадычна, перад гульцамі будзе выбар: Забраць іх і сысьці, альбо рызыкнуць і атрымаць штосьці лепш пасьля перамогі над не самым лёгкім босам.

Выхад абнаўленьня адбудзецца 14 сьнежня.

📢 Уладальнікі Saіnts Row 4, бясплатна атрымаюць абнаўленьне да Re-Elected вэрсыі.

Стваральнікі Saіnts Row 4 абвясьцілі, што ўсе ўладальнікі гульні, 8 сьнежня, атрымаюць бясплатнае абнаўленьне да вэрсыі Re-Elected (у яе ўваходзіць дадатковы набор DLC з новымі місыямі, касьцюмамі й зброяй).

У гэты ж дзень распрацоўшчыкі дададуць кросплей на PC паміж гульцамі GOG і EGS (для Lіnux бонусы з абнаўленьнем зьявяцца пазьней).

Дарэчы, іншыя вэрсыі праекту й DLC у асобным выглядзе з продажу зьнікнуць, дасягненьні гульцоў абяцаюць перанесьці ў новую вэрсыю.

📢 The Callisto Protocol ужо даступная на PlayStation, Xbox і PC.

Выжывіце, каб пазьбегнуць жахаў Каліста й раскрыць цёмныя таямніцы мёртвага спадарожніка Юпітэра.

Прэса ацаніла гульню дастаткова высока, называючы яе "сапраўдным спадчыньнікам Dead Space":
▫️Opencrіtіc - 74 балы;
▫️Metacrіtіc (Xbox Serіes X) - 73 балы;
▫️Metacrіtіc (PS5) - 75 балаў.
(Аднак гэты вынік не апраўдаў чаканьні інвэстараў, акцыі кампаніі ўжо пасьпелі ўпасьці на 8,5%).

А вось гульцы засталіся ў сапраўдным жаху й праблема тут ня толькі ў страшных гульнявых монстрах, карыстачы адзначаюць пастаянныя фрызы, лагі, багі й іншыя тэхнічныя праблемы, якія сустракаюцца нават на моцных PC.
Падчас напісаньня допіса, гульня мела толькі 25% станоўчых водгукаў.

Кошт звычайнага выданьня гульні ў Steam — 34.99$;

📰 CDPR плянуе выпусьціць GOTY-выданьне Cyberpunk 2077.

Генэральны дырэктар CD Projekt RED Адам Кічыньскі паведаміў, што кампанія плянуе выпусьціць GOTY-выданьне Cyberpunk 2077 у 2023 годзе.

Рэліз спэыяльнага выданьня павінен будзе адбыцца пасьля рэлізу DLC Phantom Liberty (якое, акрамя іншага, таксама ўвойдзе ў GOTY-выданьне).

Кічыньскі адзначыў, што выхад спэыяльнага выданьня Cyberpunk 2077 — цалкам відавочны момант, паколькі раней CDPR аналягічным чынам выпусьціла GOTY-вэрсію "Вядзьмара" (дарэчы прадаваць новую вэрсію гульні кампанія плянуе па «поўным кошце»).

📰 HBO прадставілі афіцыйны трэйлер сэрыяла па The Last of Us.

Прэм’ера сэрыяла адбудзецца 15 студзеня 2023 году. Галоўныя ролі ў шоў выконваюць Педра Паскаль і Бэла Рамзі.
За тэлеадаптацыю адказвае аўтар «Чарнобыля» Крэйг Мэйзін, а сэзон сэрыяла складаецца з 9 эпізодаў.

📰 Хідэа Кадзіма паказаў тызер свайго новага праекту, з загадкавымі лягатыпамі.

Хідэа Кадзіма апублікаваў у сваім Twitter тызер зь некалькімі лягатыпамі й подпісам: «Пачні новае падарожжа» (Start a new journey).

Гэтыя лягатыпы раней фігуравалі на выявах з Эль Фаньнінг і Сіёры Куцуна й на постэры з загадкавым паведамленьнем How come? («Як так здарылася?»).

Многія карыстальнікі пасьпелі выказаць здагадку, што Кадзіма намякае на працяг Death Stranding, распрацоўку якой пацьвердзіў Норман Рыдус. Пры гэтым вядома, што легендарны ґеймдызайнер таксама працуе над хорарам Overdose з Маргарэт Куэлі для Microsoft.