ዛሬ ደግሞ በከባዱ ታምሜ በተኛሁበት ለጥምቀት የታዘብኳቸውን አንዳንድ ነገሮች ልበል (በዛው ይማርህ እያላቹ)

1, የኮሪደር ልማት፦
በፊት በፊት መንገድ ዳር የነበሩ ቤቶች ለምዕመናኑ ውሀ እየቀዱ ያቀርባሉ፣ በረከት/ዝክር ያስይዛሉ፣ የታመመ ሠንበት ተማሪ/አገልጋይ ሲኖር ቤታቸው አስገብተው ያሳርፋሉ፣ የታቦት ማረፊያ ድንኳን ጥለው ይጠብቁ እና ሠፈራቸውን በመዝሙር እና በታቦቱ ያስባርካሉ፣ በተለይ ደግሞ ድንኳን ውስጥ የሚዘመረው መዝሙር ድባብ❤️ ... አለ አይደል ስለለመድኩት ይሁን ባላውቅም ግን እሱ ድባቡ ደስ ይል ነበር።

2, ዣንጥላ የምትይዙ አጫጭር ሴቶች😭
No offense መያዛችሁ ትክክል ነው፣ ችግሩ ያለው ግፊያ መሀል መግባታቹ ነው። ሠው የናንተን ጥላ ይጠንቀቅ ወይስ ይዘምር? እንደ ሀሳብ፦ ወይ ከግርግሩ/ግፊያ ወጣ በሉ፣ ወይ ለረጅም ሠው ስጡ፣ ካልሆነ በቃ አትዘርጉ ሲጀመር አጭር አደላቹ የረጅም ሠው ጥላ ይከልላችኋል እኮ።

የመጨረሻው ሌላውን ሳይሆን ራሴን ነው የታዘብኩት😭

ሐይማኖት የቀየርኩ እስኪመስለኝ ድረስ ሠው የሚዘምረውን መዝሙር አንድ ነገር አላውቅም💔 እኔ የሐይማኖት ሠው ባልሆንም ድሮ በልጅነቴ ሠንበት ትምህርት ተምሬያለሁ እና የዛኔ የነበሩት መዝሙሮች የት ገቡ😭 ሲቀጥል መዝሙሮቹን የማውቃቸው ቢመስሉኝ ራሱ አብዛኛዎቹን Instagram story ላይ አንድ አዝማች ምናምን ነው የማቀው።

የመጨረሻው የሚገርሙኝ፣ የታክሲ ተራ አስተባባሪዎች፣ ረዳቶች፣ ሹፌሮች ምናምን የማያቁት መዝሙር የለም😭 እና ምስጢሩን ጠይቁልን 🙏