🟨 Այս գիշեր Կիևի ռեժիմը Ղրիմի կամրջի վրա ահաբեկչության նոր փորձ է ձեռնարկել։

▫️Սև ծովում ոչնչացվել է Ուկրաինայի ռազմածովային ուժերի երրորդ անօդաչու թռչող սարքը:

ՌԴ ՊՆ

🟨 Ադրբեջանի ՊԲ-ն տարածել է նոր ստահոդ հաղորդագրություն, թե իբրև ՊԲ համապատասխան ստորաբաժանումները սեպտեմբերի 1-ին ժամը 11։15-11։36 և 13։30-13։58 ժամանակահատվածում ճնշել են Արցախի օդային տարածքով Փարիզ-Պեկին և Թել-Ավիվ-Բաքու երթուղիներով թռիչք կատարող քաղաքացիական օդանավերի GPS տեղորոշման համակարգը։

Արցախի ՊԲ

🟧 Չինաստանում մոլեգնում է Սաոլա թայֆունը։

🟨 Արցախի ժողովրդի դեմ տարվող ցեղասպանական քաղաքականության կանխման կարևոր երաշխիքներից մեկը կարող է դառնալ Արցախի Հանրապետության միջազգային ճանաչումը:

Արցախի ԱԳՆ

ՄԱՆՐԱՄԱՍՆԵՐ

🟨 Ադրբեջանի ՊՆ հաղորդագրությունը, թե իբր ՀՀ ԶՈՒ-ն սեպտեմբերի 2-ին` ժամը 11:00-ի սահմաններում, ականանետից կրակ է բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, ապատեղեկատվություն է:

ՀՀ ՊՆ

🟨 Ժամը 12:30-ի դրությամբ իրադրությունն առաջնագծում հարաբերականորեն կայուն է:

Շրջանառվող տեղեկություններն այն մասին, թե իբր ժամը 12:00-ի սահմաններում Սոթքի հատվածում հայկական դիրքերը ենթարկվել են ականանետային հարվածների, չեն համապատասխանում իրականությանը:

ՀՀ ՊՆ

🟨 ՀՀ վարչապետի խոսքերը լրջորեն վնասում են խաղաղ կարգավորման գործընթացին` ապացուցելով Ադրբեջանի ինքնիշխանության և տարածքային ամբողջականության նկատմամբ ոտնձգությունների պահպանումը և Ղարաբաղում անջատողականության խրախուսումը:

Ադրբեջանի ԱԳՆ-ն պատասխանել է Նիկոլ Փաշինյանի ուղերձին:

🟨 Սուրեն Պապիկյանն այցելել է ՊՆ կենտրոնական կլինիկական զինվորական հոսպիտալ, տեսակցել սեպտեմբերի 1-ին ադրբեջանական սադրանքի հետևանքով վիրավորում ստացած 2 զինծառայողներին:

ՀՀ ՊՆ

🟨 Նարեկ Պողոսյանը տեղափոխվել է Կենտրոնական հոսպիտալ, ենթարկվել վիրահատական բարդ միջամտության, վիրահատությունը հաջող է անցել, վիճակը դեռևս գնահատվում է ծայրահեղ ծանր:

Մյուս վիրավորի վիճակը գնահատվում է միջին ծանրության, այս պահին կյանքին վտանգ չի սպառնում:

Երկու վիրավորներն էլ հոսպիտալի բուժանձնակազմի հսկողության տակ են։

ՀՀ ՊՆ մամուլի քարտուղար /©️ Radar Armenia

🟨 Ադրբեջանի ՊՆ հաղորդագրությունը, թե իբր սեպտեմբերի 2-ին` ժամը 12։58-ի սահմաններում, ՀՀ ԶՈՒ-ն կրակ է բացել սահմանագոտու հարավարևմտյան հատվածում տեղակայված ադրբեջանական դիրքերի ուղղությամբ, ապատեղեկատվություն է։

ՀՀ ՊՆ

🟨 Ադրբեջանական ԶԼՄ-ներում շրջանառվող տեղեկություններն այն մասին, թե իբր Ադրբեջանի ԶՈՒ կիրառած ԱԹՍ հարվածի հետևանքով հայկական կողմն ունի զոհեր և վիրավորներ, չի համապատասխանում իրականությանը: Սեպտեմբերի 1-ին ադրբեջանական սադրանքի հետևանքով զոհվել են 3 և վիրավորվել 2 զինծառայողներ. այլ կորուստների կամ տուժածների  մասին տեղեկությունները կեղծիք են:

ՀՀ ՊՆ

🟨 Ադրբեջանում փոկը հարձակվել է Կասպից ծովում լողացողների վրա։

🟨 Ազատության հրապարակում ընթանում է ԼՂՀ հռչակման օրվա առթիվ ընդդիմության հրավիրած հանրահավաքը:

🟨 Պատմամշակութային շենքերի բոլոր մանսարդները ապամոնտաժվելու են։ Բոլորի հետ կապված իրավական պրոցես ենք սկսել։

Տիգրան Ավինյան

ՄԱՆՐԱՄԱՍՆԵՐ

🟧 Սեպտեմբերի 2-ին՝ ժամը 16:00-16:10-ն Ադրբեջանի ԶՈւ-ն հրաձգային զենքերից կրակ է բացել Նորաբակի հատվածում տեղակայված հայկական դիրքերի ուղղությամբ:

ՀՀ ՊՆ

🟨 Սերժ Սարգսյանը նույնպես ներկա է գտնվել այսօրվա հանրահավաքին։

ՄԱՆՐԱՄԱՍՆԵՐ

🟨 Ռոբերտ Քոչարյանը ևս մասնակցել է ընդդիմության հանրահավաքին։

🟨 Ռոբերտ Քոչարյանը ուրախացել է Արցախի նախագահ Արայիկ Հարությունյանի հրաժարականով։

🟨 2023թ. ավելի շատ աշխատանք է արվում, քան նախորդ 3-4 տարիներին միասին վերցրած։ Եվ այդ աշխատանքները կատարվում են, որովհետև ժողովուրդը մեզանից պահանջել է։ Մենք արդարացումներ չենք փնտրել, փնտրել ենք լուծումներ։

Տիգրան Ավինյան

ՄԱՆՐԱՄԱՍՆԵՐ

🟨 Ըստ էության, այո՛, ստացվում է, որ ՌԴ խաղաղապահ ուժերը չեն կատարում եռակողմ հայտարարության իրենց ստանձնած առաքելությունը, և սա լուրջ մտահոգության առիթ է։

▫️Նրանց՝ ԼՂ-ում ներկայության հիմնական նպատակներից էր քաղաքացիական հասարակության անվտանգությունը։ Տվյալ դեպքում անվտանգությունը, այդ թվում՝ ազատ տեղաշարժի իրավունքը, չի ապահովվում։

Նիկոլ Փաշինյանի հարցազրույցը La Repubblica-ին

🟨 Եթե Հայաստանը և Ադրբեջանը փոխադարձաբար չճանաչեն միմյանց տարածքային ամբողջականությունը, դա նշանակում է՝ խաղաղություն երբեք չի լինի։ Եթե խաղաղության պայմանագրի մեջ չլինեն ԼՂ հայության իրավունքների ու անվտանգության մասին երաշխիքներ, այդ պայմանագիրն անիմաստ կլինի։

Նիկոլ Փաշինյան