🟨 ԿԽՄԿ ներկայացուցիչները տեսակցել են Ադրբեջանում պահվող հայերին: Յուրաքանչյուրին տրվել է հնարավորություն կապ հաստատել ընտանիքի անդամների հետ:

ԿԽՄԿ-Հայաստան /©Radar Armenia

🟨 Երևանի ավագանու ընտրությունների նախընտրական բանավեճեր Հանրային հեռուստաընկերության ուղիղ եթերում.

▫️Սեպտեմբերի 12 (22:00)
2-6 համարների մասնակցությամբ։

▫️ Սեպտեմբերի 14 (22:00)
1-ին համարների մասնակցությամբ։

🟧 Տեղի է ունեցել Նիկոլ Փաշինյանի և Ռեջեփ Թայիփ Էրդողանի հեռախոսազրույցը:

▫️ 2 երկրների ղեկավարներն ընդգծել են, որ տարածաշրջանում երկարատև խաղաղության և կայունության ձեռքբերումը կնպաստի տարածաշրջանի բոլոր երկրների զարգացմանն ու բարգավաճմանը:

🇦🇲 Հայաստան 0։1 Խորվաթիա 🇵🇾

🟨 Տարածաշրջանային տրանսպորտային ենթակառուցվածքների ապաշրջափակման համատեքստում բացակայում է որևէ միջանցքային տրամաբանություն:

ՀՀ ԱԳՆ խոսնակ

ՄԱՆՐԱՄԱՍՆԵՐ

🟨 Սեպտեմբերի 11-ին ազդարարվել է «Արծիվ գործընկեր-2023» հայ-ամերիկյան զորավարժության մեկնարկը։

▫️Նպատակն է բարձրացնել հայկական ստորաբաժանման պատրաստվածությունը՝ ՆԱՏՕ/ԳՀԽ «Օպերատիվ կարողությունների հայեցակարգ»-ի գնահատման համար։

ՀՀ ՊՆ

ՄԱՆՐԱՄԱՍՆԵՐ

🟨 Հայաստան-Խորվաթիա հանդիպման ընթացքում ծեծկռտուք է տեղի ունեցել հայ և խորվաթ երկրպագուների միջև։

🟨 Սերժ Սարգսյանը շնորհավորել է Սամվել Շահրամանյանին՝ Արցախի նախագահ ընտրվելու կապակցությամբ։

🇦🇲 Հայաստան 0։1 Խորվաթիա 🇵🇾

▫️Հանդիպումն ավարտված է։

ՄԱՆՐԱՄԱՍՆԵՐ

🟨Ադրբեջանի ՊՆ հաղորդագրությունն այն մասին, թե սեպտեմբերի 11-ին` ժամը 20։40-ի սահմաններում, ՀՀ ԶՈւ ստորաբաժանումներն կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը:

ՀՀ ՊՆ

🟨 Իրավիճակը Հայաստան-Ադրբեջան, ԼՂ-Ադրբեջան սահմանին լարված է, որովհետև Ադրբեջանը զորքերի կուտակում ունի։

Նիկոլ Փաշինյան

🟨 Իրականում՝ հենց առաջին զանգը ՌԴ նախագահին է եղել։ Վլադիմիր Պուտինը վստահաբար այս իրավիճակի մասին տեղեկացված է։

▫️Բոլոր հեռախոսազանգերի նպատակն ու իմաստն այն էր, որ գործընկերներիս, ովքեր որոշ նրբությունների մասին տեղեկացված չէին, փոխանցել այդ տեղեկությունները։

Նիկոլ Փաշինյան

🟨 Ամենևին առաջին անգամ չեն նման զորավարժություններ Հայաստանում։

▫️Ինչ վերաբերում է Հռոմի ստատուտի վավերականացմանը, այդ գործընթացը մեկնարկել է 2022թ․ դեկտեմբերին, ցավոք, այն վատ համընկնումներ ունեցավ ՌԴ և Հաագայի դատարանի հարաբերությունների համատեքստում։

▫️Այդ գործընթացն ամենևին կապված չէ ՀՀ-ՌԴ հարաբերությունների հետ, այլ սահմանային լարվածության իրադրության։ Մենք չենք կարող մեր հարաբերությունները սառեցնել մյուս գործընկերների հետ։

Նիկոլ Փաշինյան

🟨 2020-ին ո՛չ այցելում էինք Ուկրաինա, ո՛չ Հռոմի ստատուտ էինք վավերացնում, ո՛չ ԱՄՆ-ի հետ զորավարժություններ էինք անում, բայց դա չխանգարեց, որ սահմանին ունենանք պատերազմ։

▫️ՀԱՊԿ-ը պարզապես չի կատարել ՀՀ-ի նկատմամբ իր պարտավորությունները։ Մենք պետք է անվտանգության լրացուցիչ, այդ թվում` միջազգային գործիքներ ձեռք բերենք։

Նիկոլ Փաշինյան

🟨 Ի հեճուկս բոլոր բանակցությունների, Ադրբեջանը, ըստ էության, ի ցույց է դրել հարցերն ուժային ճանապարհով լուծելու իր մոտեցումը, և մենք փորձ ենք անում ինչ-որ կերպ կառավարել այդ ուժային սցենարները։

Նիկոլ Փաշինյան

🟨 Արայիկ Հարությունյանի հրաժարականի համար ափսոսում եմ։ Մեր միջև եղել է փոխըմբռնում և աշխատանքային լավ մթնոլորտ։

▫️ԼՂ նոր առաջնորդին՝ Սամվել Շահրամանյանին չեմ շնորհավորել, որովհետև շնորհավորելու շատ բան չկա, ծանր պարտականություն է դրված նրա վրա։

Նիկոլ Փաշինյան

🟨 Կան ուժեր, որոնք ակնհայտորեն հույս ունեն Երևանի ավագանու ընտրությունների համատեքստում Հայաստանում անկայունություն կամ ճգնաժամ մտցնել։ Ցավոք, դա երևում է ընտրություններին մասնակցող մի շարք ուժերի շեշտադրումներից և նպատակադրումներից։

Նիկոլ Փաշինյան

🟨 Էրդողանի հետ խոսակցությունը խիստ պաշտոնական էր։ Կարող եմ ասել՝ բովանդակային էր և օգտակար։ Կան մի շարք նրբություններ, կարևոր է, որ այդ նրբությունների վերաբերյալ, դիրքորոշումների գնահատականների վերաբերյալ լինի մշտական հաղորդակցություն։

Նիկոլ Փաշինյան

🟨 Այն ժամանակ ես լիարժեք վստահությամբ էի վերաբերվում Հայկ Մարությանի` մոտիկ լինելու ցանկությանը։ Ի հեճուկս մեր բազմաթիվ թիմակիցների, որ ասում էին՝ նա գալիս է որպես «գաստրալյոր» և իրադրության փոփոխության դեպքում հին սցենարը մի կողմ է թողնելու։ Այդ ընկերությունը լավ ժամանակների ընկերություն էր։

Նիկոլ Փաշինյան

🟨 Մարությանն իր բեմական կարիերայում առաջին անգամն է, որ քաղաքական ժանրի հումոր է անում և բովանդակությունը չի համաձայնեցնում այդ հումորի հերոսների հետ։ Դա վկայում է, որ Հայաստանը հեղափոխական ճիշտ ճանապարհից չի շեղվել։

Նիկոլ Փաշինյան

🟨 Մենք որոշել ենք, որ մեր թեկնածուն Տիգրան Ավինյանն է, այդ իսկ պահից աջակցել ենք նրան։ Ինքս էլ կողմ եմ քվեարկել նրա թեկնածությանը։

▫️ Ես տեսել եմ նրա աշխատանքը որպես ՀՀ փոխվարչապետ և վստահ եմ, որ նա կարող է տրամաբանական ավարտին հասցնել այն ծրագրերը, որոնք ՔՊ-ն առաջարկում է Երևանի բնակիչներին։

Նիկոլ Փաշինյան