🟨 Հայաստանը լինելու է ազատ, ինքնիշխան, ժողովրդավարական պետությու՞ն, թե՞ վախվորած ծայրագավառ. արդեն բաց և թափանցիկ այս ընտրությունն է դրվում Հայաստանի ներքաղաքական դաշտում:

Նիկոլ Փաշինյան

🟨 Ամեն քաղաքացի պետք է ընտրություն կատարի՝ ինքն անկախության պաշտպանության շարժման մասնակից է, թե ծայրագավառային հնազանդության:

Նիկոլ Փաշինյան

🟨 Հռոմի ստատուտի վավերացման որոշումը որևէ կերպ ուղղված չէ ՀԱՊԿ-ի կամ ՌԴ-ի դեմ, դա բխում է մեր արտաքին անվտանգության շահերից և նման որոշում կայացնելը մեր սուվերեն իրավունքն է:

Նիկոլ Փաշինյան

🟨 Ես ՀՀ վարչապետն եմ, հետևաբար առաջնորդում եմ անկախության պաշտպանության շարժումը, եթե չլինեի վարչապետ որպես քաղաքացի կգնայի Հայաստանի անկախության պաշտպանության շարժումն առաջնորդող վարչապետի հետևից՝ իմանալով, որ հեշտ չի լինելու, բայց լինելու է:

Նիկոլ Փաշինյան

🟨 Քաղաքացիներից ստացված ահազանգերից (ջրից դիզվառելիքին հատուկ հոտ զգալու մասին) անմիջապես հետո Ստեփանակերտի «Ջրմուղ-կոյուղի» ՓԲԸ-ն բնակչությանը մատակարարվող խմելու ջրից նմուշառումներ է կատարել և ենթարկել լաբորատոր ստուգման:

▫️Լաբորատոր ստուգումներն ընթացքում են, բայց մինչև այս պահը որևէ վտանգավոր նյութ չի հայտնաբերվել:

Արցախի տեղեկատվական շտաբ

🟨 Արցախից Հայաստան վիրավորներ տեղափոխող Երևանի շտապօգնության մեքենաները՝ Ստեփանակերտի հիվանդանոցի մոտ:

Տեսանյութը՝ արցախցի լրագրող Մարութ Վանյանի

🟧 Կիրականացվի վերջին ռազմական գործողությունների հետևանքով անօթևան մնացած և հանրապետությունից դուրս գալու ցանկություն հայտնած ընտանիքների տեղափոխում ՀՀ՝ ռուս խաղաղապահների ուղեկցությամբ:

▫️Բնակչության մյուս խմբերի տեղափոխման մասին կառավարությունը առաջիկայում հանդես կգա տեղեկատվությամբ:

Արցախի կառավարություն

🟨 Կրկին տեղեկացնում ենք, որ սեպտեմբերի 20-ի հրադադարի մասին բոլոր որոշումները կայացվել են Լեռնային Ղարաբաղի կողմից:

▫️ՀՀ-ն որոշումների կայացման գործում ներգրավված չի եղել: ՀՀ-ն ընդհանուր առմամբ տեղյակ է եղել, որ գործընթաց է տեղի ունենում, կոնկրետ ինֆորմացիա չունենալով նրբությունների մասին:

Վարչապետի մամուլի քարտուղար Նազելի Բաղդասարյան

ՄԱՆՐԱՄԱՍՆԵՐ

🟥 ԱԱԾ-ն բացահայտել և կանխել է իշխանությունը յուրացնելու դեպք:

▫️«Խաչակիրներ ռազամահայրենասիրական» ՀԿ անդամները պայմանավորվածություններ են ձեռք բերել իրենց մոտ պահվող զենք-զինամթերքը որպես հանցագործության գործիք  օգտագործելու միջոցով կյանքի կամ առողջության համար վտանգավոր բռնություն գործադրելու եղանակով և դրա սպառնալիքով զավթելու իշխանությունը:

UPD: Այս գործի շրջանակներում է ձերբակալվել նաև Ալբերտ Բազեյանը։

🟨 Ռեջեփ Էրդողանը Իլհամ Ալիևի հրավերով սեպտեմբերի 25-ին կայցելի Նախիջևան:

ՄԱՆՐԱՄԱՍՆԵՐ

🟧 Ադրբեջանի ՆԳՆ-ն հայտնել է, որ սեպտեմբերի 20-ին ձեռք բերված պայմանավորվածությամբ ավտոբուսներով ու անձնական տրանսպորտային միջոցներով կապահովվի զինաթափված և զորացրված զինված ուժերի անձնակազմի ելքը Ղարաբաղից՝ Լաչինով։

🟨 Լեռնային Ղարաբաղից առաջին փախստականները ժամանել են հայկական Կոռնիձոր գյուղ:

RT-ի ռազմական թղթակից Իլյա Վասյունի

🟨 Իրավիճակը Կոռնիձոր գյուղի մուտքի մոտ, ուր Լեռնային Ղարաբաղից առաջին փախստականներն են ժամանում։

▫️Տեղում նկատվել են նաև շտապ օգնություն և ԵՄ դիտորդների մեքենա։

RT

🟨 Ըստ խաղաղապահների տելեգրամ ալիքի հրապարակման, Ստեփանակերտում կյանքը շարունակում է ընթանալ խաղաղ հունով և խաղաղ բնակչության նկատմամբ ադրբեջանցիների կողմից ոչ մի բռնաճնշում չի նկատվում:

🟨 Սեպտեմբերի 24-ին Ադրբեջանի ներքին գործերի նախարարության հաղորդագրության մեջ, ինչպես նաև Ադրբեջանի պաշտոնական այլ հաղորդագրություններում, շարունակում է շրջանառվել ԼՂ-ում ՀՀ ԶՈՒ-ի առկայության մասին կեղծ պնդումը:

▫️ՊՆ-ն ևս մեկ անգամ հայտարարում է, որ ՀՀ ԶՈՒ-եր ԼՂ-ում չկան:

ՀՀ ՊՆ

🟨 Վերջին ռազմական գործողությունների ժամանակ Շուշիի շրջանի Եղցահող համայնքի բնակիչները տարհանվել են, փաստացի մնացել անօթևան և ցանկություն հայտնել տեղափոխվելու ՀՀ-ում գտնվող իրենց հարազատների մոտ։

▫️Համաձայն ձեռք բերված պայմանավորվածության՝ ռուս խաղաղապահների ուղեկցությամբ նրանք արդեն հասել են Կոռնիձոր։

Արցախի տեղեկատվական շտաբ

🟨 ԿԸՀ-ն ամփոփեց Երևանի ավագանու ընտրությունների վերջնական արդյունքները։
Այսպիսով, անցողիկ շեմը հաղթահարել են հետևյալ ուժերը՝

▫️«Քաղաքացիական պայմանագիր» կուսակցություն- 24 մանդատ
▫️«Ազգային առաջընթաց» կուսակցություն- 14 մանդատ
▫️ «Մայր Հայաստան» կուսակցությունների դաշինք- 12 մանդատ
▫️«Հանրապետություն» կուսակցություն- 8 մանդատ
▫️«Հանրային ձայն» կուսակցություն- 7 մանդատ:

🟧 ԱԽ քարտուղար Արմեն Գրիգորյանը կմեկնի Բրյուսել։

▫️ Սեպտեմբերի 26-ին նախատեսվում է հանդիպում Ֆրանսիայի նախագահ Մակրոնի, Գերմանիայի կանցլեր Շոլցի, ԵՄ խորհրդի նախագահ Միշելի խորհրդականների և Ադրբեջանի նախագահի օգնական Հաջիևի հետ՝ նախապատրաստելու հոկտեմբերի 5-ին Գրանադայում նախատեսված առաջնորդների հանդիպումը:

🟨 Երևանում զանգվածային հավաքների մասնակիցների կողմից առերևույթ հանցագործություններ կատարելու մեղադրանքերով կալանավորվել է 26 անձ:

Քննչական կոմիտե

ՄԱՆՐԱՄԱՍՆԵՐ

🟨 Լեռնային Ղարաբաղից տեղափոխվող մեր 23 հայրենակիցները հենց նոր մուտք գործեցին Հայաստան` Կարմիր Խաչի ուղեկցությամբ։

ՀՀ ԱՆ

🟨 Կարիքների առաջնային գնահատում իրականացնելուց հետո օթևանի խնդիր ունեցող մեր հայրենակիցները տեղափոխվում են Գորիսում ստեղծված կոորդինացիոն կենտրոն, որտեղից արդեն կազմակերպվում է անձանց կեցության և այլ առաջնային խնդիրների լուծումը։

▫️ԼՂ-ից տեղահանվածների կեցության կազմակերպումը Հայաստանում չի սահմանափակվելու միայն Սյունիքի մարզով։

ԼՂ-ում հումանիտար ճգնաժամի կառավարման աշխատանքային խումբ