የሁለተኛ ደረጃ መምህራን እና የትምህርት ቤት አመራሮች ልዩ የክረምት ስለጠና የምዘና ውጤት በቀጣይ ቀናት በበይነ መረብ ይለቀቃል፡፡ - ትምህርት ሚኒስቴር

ላለፉት 25 ቀናት ለሁለተኛ ደረጃ መምህራን እና የትምህርት ቤት አመራሮች ሲሰጥ የቆየው የክረምት ልዩ የአቅም ማጎልበቻ ስልጠና ተጠናቋል፡፡

መምህራኑ በሚያስተምሩበት የትምህርት ዓይነት ይዘት፣ በቴክኖሎጂ እና በማስተማር ዘዴ (ፔዳጎጂ) አቅም የገነቡበት እንደነበር በትምህርት ሚኒስቴር የመምህራንና የትምህርት አመራር ልማት መሪ ስራ አስፈጻሚ ሙሉቀን ንጋቱ (ዶ/ር) ገልፀዋል፡፡

ከሐምሌ 28 እስከ ነሐሴ 22/2017 ዓ.ም በሦስት ተከፍሎ በተሰጠው ስልጠና፤ 64,900 መምህራን እና የትምህርት ቤት አመራሮች ከ60 እስከ 120 ሰዓት የቆየ ስልጠና መውሰዳቸውን በሚኒስቴሩ የመምህራንና የትምህርት አመራር ልማትና አስተዳደር ዴስክ ኃላፊ አሰገደች መሬሳ ተናግረዋል፡፡

በስልጠናው ከ2,400 በላይ አሰልጣኖች መሳተፋቸውንና 184 ሺህ የስልጠና ሞጁሎች ተዘጋጅተው መሰራጨታቸውን ኃላፊዋ አስረድተዋል፡፡

ሰልጣኞቹ የድህረ ስልጠና ምዘና ፈተና በበይነ መረብ የወሰዱ ሲሆን፤ በቀጣይ ቀናት የይለፍ ቃል (Password) እና የመጠቀሚያ ስማቸውን (User Name) በመጠቀም ውጤታቸውን ማየት ይችላሉ ብለዋል፡፡

70 በመቶ እና ከዚያ በላይ ውጤት ያመጡ ሰልጣኞች የምስክር ወረቀታቸውን አውርደው መውሰድ እንደሚችሉ ኃላፊዋ ጠቁመዋል፡፡

@TEMARI_NET1

#ጥቆማ

ትምህርት ሚኒስቴር በፌዴራል ደረጃ ባቋቋማቸው ልዩ አዳሪ ሁለተኛ ደረጃ ትምህርት ቤቶች ለማስተማር ቅድመ ዝግጅት እያደረገ ይገኛል፡፡

እነዚህን ሁለተኛ ደረጃ አዳሪ ትምህርት ቤቶች የሚመሩ #ዳይሬክተሮችን ከመላ ሀገሪቱ አወዳድሮ መቅጠር ይፈልጋል፡፡

በመሆኑም የሚከተሉትን መስፈርቶች የምታሟሉና በልዩ አዳሪ ሁለተኛ ደረጃ ትምህርት ቤቶች ዳይሬክተር መሆን የምትፈልጉ የሁለተኛ ደረጃ ትምህርት ቤት አመራሮች ተከታዩን ሊንክ በመጠቀም መመዝገብ የምትችሉ መሆኑ ተገልጿል።

ይመዝገቡ 👇
http://sbs.moe.gov.et/directors/apply

የቅጥር ሁኔታ 👉 በቋሚነት

ደመወዝ 👉 የልዩ አዳሪ 2ኛ ደረጃ ትምህርት ቤትን ለማስተዳደር በሚወሰነው የደመወዝ ስኬል መሰረት

መስፈርቶች፦

አካዳሚያዊ ብቃት / የትምህርት ዝግጅት
➫ በሁለተኛ ደረጃ ትምህርት ቤት አመራርነት 10 ዓመትና በላይ ልምድ ያላው/ያላት፣
➫ በት/ት ቤት አመራርነት ሙያ 2ኛ ዲግሪ እና በላይ የትምህርት ዝግጅት ያላው/ያላት፣
➫ በት/ት ቤት አመራርነነት የሙያ ፍቃድ አሰጣጥ እና እድሳት ሰርትፍኬት ያለው/ያላት፣
➫ በክረምት ልዩ የመምህራን እና ት/ት ቤት አመራሮች አቅም ግንባታ ስልጠና ሰርትፍኬት ያለው/ያላት፣
➫ የአንድ ዓመት የሁለተኛ ደረጃ ት/ት ቤት አመራሮች የስራ ላይ ስልጠና የምስክር ወረቀት ያለው/ያላት፣
➫ መሰረታዊ የቴክኖሎጂ አጠቃቀም ዕውቀትና ክህሎት ያለው/ያላት።

የምዝገባ ጊዜ 👇
ከነሐሴ 27/2017 ዓ.ም ጀምሮ ባሉ 10 ተከታታይ ቀናት

(ሙሉ የተቋሙ ማስታወቂያ ከላይ ተያይዟል።)

@TEMARI_Net1

ለሴት ተማሪዎች የትምህርት ውጤታማነት ትኩረት ተሰጥቶ እየተሠራ መሆኑን ክብርት ወ/ሮ አየለች እሸቴ ገለፁ።

---------------------------------------

(ጳጉሜ 02/2017 ዓ.ም) የጳጉሜን 2 የህብር ቀንን ምክንያት በማድረግ ለዳግማዊ ሚኒሊክ እና ለቴጌ መነን የሴቶች አዳሪ ትምህርት ቤቶች የሴት ተማሪዎች ንፅህና መጠበቂያ ቁሳቁስ ድጋፍ ተደርጓል።

በዚሁ ወቅት የትምህርት ሚኒስቴር ሚኒስትር ዴኤታ ክብርት ወ/ሮ አየለች እሸቴ የተደረገው ንጽህና መጠበቂያ ድጋፍ ለሴት ተማሪዎች ትምህርት ውጤታማነት የላቀ ትርጉም ያለው መሆኑን ተናግረው መሠል ስራዎች ተጠናክረው ይቀጥላሉ ብለዋል

አክለውም በቅርቡ የጸደቀው የአጠቃላይ ትምህርት አዋጅ ውስጥ ከተካተቱ ጉዳዮች አንዱ ሴት ተማሪዎችን በትምህርት ውጤታማ የማድረግ ጉዳይ መሆኑን ጠቅሰው ትምህርት ቤቶች ሴቶች በትምህርት ቤት ውስጥ ከሚያሰፈልጓቸው ነገሮች አንዱ የሆነውን የንጽህና መጠበቂያ ማቅረብ እንዳለባቸው የሚደነግግ መሆኑን አስረድተዋል፡፡

አዋጁ በቅርቡ የጸደቀ መሆኑን የጠቀሱት ክብርት ሚኒስትር ዴኤታዋ ለአዋጁ መተግበር በትምህርት ዙሪያ የሚሰሩ ሁሉም ባለድርሻ አካላት በትብብር፣ በመተጋገዝና በመደጋገፍ መስራት እንዳለባቸው አስገንዝበዋል፡፡

የሴቶችና ማህበራዊ ጉዳይ ሚኒስትር ክብርት ኤርጎጌ ተስፋዬ(ዶ/ር) በበኩላቸው አገር የሚገነባው በእያንዳንዱ ዜጋ አስተዋጽኦ በመሆኑ በህብር በመቆም በአንድነት በመሆን ኢትዮጵያን ከፍ ማድረግና የመደጋገፍና የመረዳዳት እሴቶቻችንን ማጎልበት እንደሚገባቸው ተናግረዋል፡፡ ሙሉ መረጃውን ለማግኘት ይህንን ሊንክ ይጫኑ፤
https://www.facebook.com/share/p/19NojjS3hB/

#ቀይ_ጨረቃ የሙሉ ጨረቃ ግርዶች በኢትዮጵያ ሰማይ እየታየ ነው።

ጨረቃ በመሬት ሙሉ ጥላ ውስጥ ስታልፍ ደማቅ ቀይ ቀለም ስለምትይዝ " ቀይ ጨረቃ " (Blood Moon) በመባል ይታወቃል።

@TEMARI_Net1