في الاول نجهز عجينة القشرة
عبارة عن 60 غرام زبده ، 50 غرام سكر ، 60 غرام دقيق.
نعجنهم ونفردهم علي علي ورق زبده ونحطهم في التلاجة

الكلير :
130مل ماء ، 50 غزام زبده ، رشة ملح ، 70غرام دقيق
نحط الماء والملح و الزبده علي نار اول متغلي نضيف الدقيق لين تتماسك تبدا عندي زي العصيده
نخليها تبرد ونضيف عليها بيضتان ونخلط بـ الخلاط الكهربائي
ونحطهم في كيس تبع التزيين ومبدا ندير دوائر متوسطات وناخد قمع او طاسه او اي شي دائري ونجيب القشره ونحط فوق الكلير وعلي كوشه بدرجة حراره 199 لمدة 25 دقيقه💜

الحشوه كريم بستري:
نص كوب كريم شانتي ونص كوب كريم خفق نضربهم ونحطهم علي جنب.
في طنجره نحط كوب حليب واربعه ملاعق سكر وملعقتين نشأ وتلاته ملاعق دقيق وفانيليا وصفار بيضتان ، نخلطهم علي البارد ونحطهم فوق النار لين تبدا عندك عجينه زي العصيده نطلعها
ونبدا نحط الكريم مع البستري ونخلطهم بي الخلاط الكهربائي
وهكي تكون جاهزة للحشوا💜
وبلهنا يعمري نا

باستا تشبع جوع الليل😫🤤 طبعا اني من عشاق الباستا بـ جميع انواعها نحب نطيبها نحب صنتها ونحب طعمها بشكل رهيب💜 خل نعطيكم الطريقه:
في طنجرة نحط اميه ورشة ملح ونوع مكرونه انتم تحبوه اني استخدمت الايطاليا بـ دقيق الشعير صحيه اكثر.
وفي طنجرة تانيه نحط ثوم مهروس ومعاه معجون طماطم ، وشوية زيت زيتون ، ونحرك واللي حاب يضيف دجاج تجي احلى او فطر"فقاع" ، ونحركهم شوية ونحط كريمة طبخ "بديل كريم طبخ : صوص البشاميل" لما نحطها نحط البهارات : فلفل احمر واسود ببركا و ثوم وبصل بودره وبزار و وملح واني حطيت دبس الرمان اختياري ومعاهم عصرة ليم ونحطلها جبنه مبشوره او شرائح وشوية كسبر اخضر ونوطي عليها النار ونخليها دقايق 💜
بعدين حطيها في صونيه واهم شي نص اليمه🤣🤤

طبعا درت معاها عصير اللي قلبوا بيه الفيس🤣
عباره عن مكعبات ثلج و عصير رمان ومشروب سفنب و عصرة ليم ونعناع وقطع ليم واني ضفتله توت بري💜

صباحكم حلوو 💕طريقتي لي بان كيك 🥞 حلو هلبا وخفييف
كوب حليب وكوب دقيق بيضه فانيليا و بيكنج باودر
2 ملاعق سكر و2 ملاعق زيت ورشة ملح وصحتين وعافية 💕🤤