ՀԱ՛Մ ՆԱԼԻՆ, ՀԱ՛Մ ՄԵԽԻՆ

Հենց դա է անում Նազարյան Գեղամը։

Նա վառ օրինակն է նրա, որ ասում եմ՝ շարժումը պիտի ֆիլտրվի։

Դե, պատկերացրեք իրավիճակ։ Բագրատ Սրբազանի ղեկավարած շարժումը Երևան հասնելու 4-րդ օրը իշխանությունից զրկում է վարչապետի պաշտոնը զբաղեցնողին։ Ի՞նչ էր տեղի ունենալու։ Առանձնապես ոչինչ. նոր, թեկուզ՝ ժամանակավոր, իշխանության կազմ էին նեդթափանցելու տարբեր գեղամնազարյաններ (վստահեցնում եմ, նա միակը չի, ում համար «Նիկոլն ընկեր է, ում ինքը ներել է, բայց հանուն պետության՝ նրա դեմ պայքարում է)։

Դուք համաձա՞յն եք նման զարգացումների։ Դա՞ է վարչապետի պաշտոնը դեռևս զբաղեցնողի դեմ պայքարողների նպատակը՝ «էական չէ, թե ով կլինի, կարևորը Նիկոլը չլինի»։

Ես դեժավյու ունեմ։ Լավ եմ հիշում, ասում էին.
— Սերժը չլինի, ով ուզում է լինի։ Նիկոլն էլ լինի, լավը չլինի՝ դուրս կգանք էլի փողոց (այս ասողներն, ի դեպ, այսօր հարմար տեղավորվել են «քաղաքականությամբ չզբաղվողների» շարքերում):

Դա՞ է մեր ուզածը…

🤩 Ալբերտիչ | հեղինակային ալիք
@albertich_notes

Տեսնո՞ւմ եք, թե ինչ պատրաստություն է տեսնում իշխանությունը՝ ոստիկանական ուժերի մոբիլիզացմամբ։

Մարող/Մարած շարժման դեմ այդպես կնախապատրաստվե՞ն։

Կարծեմ, պատասխանն ակնհայտ է՝ ո՛չ։

🤩 Ալբերտիչ | հեղինակային ալիք
@albertich_notes

Համենայն դեպս կրկնեմ հաճախակի գրածս միտքը.

Պայքարը դեռ առջևում է։ Այն տևական ու ծանր է լինելու։

Պայքարը չի ավարտվելու միայն վարչապետի պաշտոնը դեռևս զբաղեցնողի հեռացմամբ՝ ինչ ճանապարհով էլ հեռանա։

Պետք է լինել համբերատար, հավատով և վճռական։

🤩 Ալբերտիչ | հեղինակային ալիք
@albertich_notes

⚡️Ի վերջո պաշտոնապես հայտարարվեց, որ Հայաստանը դուրս է գալու ՀԱՊԿ կազմից։

Պարզ ասած՝ մեզ տանում են Ուկրաինայի ճակատագրով։

Կփորձեմ մոտ օրերս ծավալուն անդրադառնալ այս օրերին տեղի ունեցող իրադարձությունների հետևանքներին, որոնք ամենայն հավանականությամբ տեղի կունենան առաջիկա մեկ տարվա ընթացքում։

🤩 Ալբերտիչ | հեղինակային ալիք
@albertich_notes

Նիկոլը 2008-ից այս կողմ մի բան է արել՝ հայի արյուն է խմել։

Մարտի 1-ը։

2020-ի 44-օրյան։

2023-ի սեպտեմբերը։

Ձեզ թվում է, թե նա դրանով բավարարվո՞ղ է։

ՈՉ։

Նա շարունակելու է խմել։ Տավուշում։ Գեղարքունիքում։ Սյունիքում։ Հասցնի՝ նաև Երևանում։

🤩 Ալբերտիչ | հեղինակային ալիք
@albertich_notes

Նիկոլը չի գնալո՞ւ։

Գնալու է։ Ինքնակամ չի գնալու։ Իր ոտքով չի գնալու։

Տանելու են։

Նրա գնալը ցավոտ է լինելու ոչ միայն նրա համար։ Նա բոլորին կցավեցնի։

Բայց սուտն ու չարիքը մեզանից կմաքրվեն։ Դրա այլընտրանքը բացակայում է։

🤩 Ալբերտիչ | հեղինակային ալիք
@albertich_notes

ԱԺ-ից փախուստի դիմած իշխանական խունտան օրվա վերջում ակտիվացել է և ուղիղ հարվածում է Վեհափառին, թե՝ «նա է այս ամենի պատասխանատուն»։

Սրանց այս ցինիկ զավեշտը շուտով կապելու է ՀԱԵ-ն ռուսներին։

Շատ պրիմիտիվ են խաղում նրանք, ովքեր նույն սցենարով խառնել էին Ուկրաինան։

Ամեն դեպքում, հարկ է արձանագրել, որ արդեն բաց առճակատման են գնում։

Սա իրենց վերջին կռիվն է։

🤩 Ալբերտիչ | հեղինակային ալիք
@albertich_notes

⚡️Բելառուսում ՀՀ դեսպան Ռազմիկ Խումարյանը կանչվել է Երևան՝ խորհրդակցությունների․
ԱԳՆ խոսնակ

Բելառուսի նախագահ Լուկաշենկոն, իհարկե, շատ բացահայտ ադրբեջանամետ է։

Սա էլ բացատրություն ունի՝ նեղ անձնական շահեր, Ադրբեջանից ստացած մի քանի հարյուր միլիոն դոլարի վարկ ևն։

Եթե Հայաստանում ունենայինք ազգային իշխանություն։ Լուկաշենկոն խիստ զուսպ կպահեր իրեն։ Հազիվ թե նաև առիթ կունենար Շուշի այցելելու։

Իսկ ներկայիս իշխանության վարքագիծը ոչ մի կապ չունի պետական շահերի հետ։ Այն ուղղված է բացառապես Ռուսաստանի հետ հարաբերությունները փչացնելուն՝ վերածելով Հայաստանը ռազմադաշտի։

🤩 Ալբերտիչ | հեղինակային ալիք
@albertich_notes

🇺🇸📣 Ի վերջո ԱՄՆ-ի դեսպանատունն էլ է անդրադարձել Սրբազան շարժմանը։

Երկու մեջբերում.

Խրախուսում ենք իրավապահներին հասարակական կարգի պահպանումն իրականացնել քաղաքացիների խոսքի և հանրահավաքների ազատության իրավունքի ապահովմամբ։

Մենք ցուցարարներին հորդորում ենք հավաքների ազատության իրենց իրավունքն իրացնել պատասխանատու կերպով՝ զերծ մնալով բռնություն դրսևորելուց։ Քաղաքական տարաձայնությունների լուծումն ապահովվում է ժողովրդավարական գործընթացների միջոցով։

Աղբյուրը՝ դեսպանության ֆեյսբուքյան պաշտոնական էջ

Դիվանագիտական լեզվից թարգմանած. «ոստիկաններն ինչ անում են՝ լավ են անում, իսկ ցուցարարներին հորդորում ենք աշխարհաքաղաքական պլանները չխառնել»։

🤩 Ալբերտիչ | հեղինակային ալիք
@albertich_notes

ՉԱՐՅԱՑ ԴԻԼԵՄՄԱ

Հայաստանը կանգնած է դաշինքների ընտրության առջև։

Մի կողմից, Հայաստանը և հայաստանաբնակներին որպես մսաղացացու Ռուսաստանի Դաշնության դեմ օգտագործելու նպատակ ունեցող Արևմուտքն է։

Մյուս կողմից, միակ տրամաբանական ընտրությունը՝ Ռուսաստանը, որի հետ դաշինքը չի երաշխավորում անկորուստ և խաղաղ կյանք, քանի որ ռազմական գերտերությունը ցանկացած պահի կարող է իր շահերից բխող այնպիսի քայլ անել, որը ձեռնտու է մեր հանդեպ թշնամական Թուրքիային ու Ադրբեջանին և հակառակը՝ մեզ համար։

Այսինքն՝ երկու ընտրությունն էլ ենթադրում են զիջումներ։

Մի դեպքում՝ դրանք միակողմանի և պարտվողական են, այն է՝ Արևմուտքի հետ դաշինքը, որը երաշխավորում է մարդկային և տարածքների նոր կորուստներ, քանդված տնտեսություն, ավերակային պետություն՝ հանուն երևակայական «ժողովրդավարական արժեքների»։

Մյուս դեպքում՝ զիջումները և դրանց չափերը կախված են դիվանագիտական մանևրների ունակությունից, ինչը Հայաստանի համար ներկա քաղաքական կառուցվածքում բացառելի է։

Ակնհայտ է, որ պետք է ընտրել չարյաց փոքրագույնը, առանց նայելու այս կամ այն ուժի քաղցր առաջարկներին։

Իսկ ռացիոնալ ընտրության հնարավորության համար, նախ, պետք է ազատագրվել իռացիոնալ և հակազգային էլեմենտներից։

🤩 Ալբերտիչ | հեղինակային ալիք
@albertich_notes

Քանի դեռ Բագրատ Սրբազանը վերաիմաստավորում է իր առաջնորդած շարժումը, մի կարևոր արձանագրում.

Բոլոր պնդումներն առ այն, թե այս շարժումն էլ է մարած/մարելու, սխալ են։ Մի պարզ պատճառով։

Այն կարճաժամկետում զուտ հանրահավաքային մեթոդով միանշանակ չէր կարող և չի հաջողելու, բայց այս շարժումը ձևավորել է մարդկանց կորիզ, որոնք, միևնույն է, ընդվզելու են իշխանությունների դեմ, չեն հոգնելու ամեն անգամ դուրս գալու փողոց։ Այդ կորիզը տատանվում է 50.000-100.000-ի սահմաններում:

Այս թիվն էլ հավանաբար դեռ կմաղվի։

Եվ երբ որոշ ժամանակ անց հայաստանաբնակները 1-1.5 տարում կվերապրեն այն, ինչի միջով անցել են արցախցիները, Հայաստանում և Արցախի կրկին վերադարձրած տարածքներում մոխրացած ավերակների վրա իսկական արժեհամակարգով երկիրը հառնելու գործը կստանձնեն վերը նշածս մարդիկ։

🤩 Ալբերտիչ | հեղինակային ալիք
@albertich_notes

Երբ անդրադառնում էի Հայաստանում բիզնեսների արձագանքին տեղի ունեցող իրավիճակի շուրջ, պետք է նշեմ, որ gg-ի հիմնադիր Խաչատուր Գրիգորյանը եզակիներից է, ով ոչ միայն բարձրաձայնում էր իր կարծիքը, այլև ներկա էր գտնվում հավաքներին։

Մի առիթով մոտ մեկ ամիս առաջ ընկերներիցս մեկին ասել էի, որ զարմացած եմ, թե ինչպես է ստացվել, որ մինչ օրս Խաչատուրին չեն հետապնդում։

Փաստորեն, այդ օրն էլ հասավ։

Ինչ ասեմ։ Բոլոր այն գործարար-բիզնեսմենները, որոնք սուսուփուս նստած են, պետք է իմանան, որ իրենց էլ է հասնելու հերթը։ Էական չէ՝ նրանք կմիանան Բագրատ Սրբազանին, թե ոչ։ Վարչապետի պաշտոնը զբաղեցնողի տեսակն է այդպիսին։ Նա տեսակով քանդող է, կործանիչ։ Ժպտացեք նրա դեմքին և վաղը ձեզ բանտ կնետի։

Այդ հերթը կհասնի հայաստանյան գործարարներից շատերին, որովհետև վախկոտ են և փողից այն կողմ շահ չունեն։

🤩 Ալբերտիչ | հեղինակային ալիք
@albertich_notes

Եթե դու փոքր երկիր ես, ապա, նույնիսկ ակամայից, կանգնած ես դաշինքների միջև երկընտրանքի առջև։ [Չշփոթել ինքնիշխանությունն ու դաշինքի ընտրությունը]:

Բայց ընտրությունը պետք է լինի հավասարակշռված և զերծ նեղ անձնական շահերից։

Օրինակ, ինձ համար ակներև է, որ Փաշինյանն ու իր շքախումբը դրածո են։ Հենց ԴՐԱԾՈ։

Հայաստանում դրածոներին երբեք էլ չեն սիրել։ Ավելին՝ I դարում նրանց բացարձակ մեծամասնությունը երկար կյանք չունեցավ և միայն Զենոն-Արտաշեսին փոքրիշատե հանդուրժեցին։

Դրածոն չի կարող ելնել զուտ ազգային շահերից, որովհետև հենց դրա համար է դրվել՝ որպեսզի հենվի լրիվ այլ շահերի վրա։

Ինքս, թեև չհիմնավորված, բայց համոզմունք ունեմ, որ Հայաստանի ներկայիս իշխանությունների ներկայացուցիչների զգալի մասը՝ ամենավերին օղակից սկսած, 2018-ից առաջ ինչ-որ պահից հավաքագրված են տարբեր երկրների հատուկ ծառայությունների կողմից։ Բոլոր կադրերը՝ ներառյալ վարչապետի պաշտոնը զբաղեցնողը, կարծես հատուկ ընտրված հիմարներ են (ի դեպ, եթե ինչ՝ «հիմար» և «մանիպուլյատոր» բառերը որևէ կերպ իրար չեն հակասում). անհայրենիք, հայատյաց, փողասեր և փառամոլ։

Եվ հիմա, Հայաստանի առջև ծառացած աշխարհաքաղաքական ընտրությունն ինձանում ամուր կերպով ասոցացվում է ժամանակին Հռոմի և Պարթևստանի միջև աշխարհակալական հակամարտության պայմաններում գլխատված և դրածո թագավորներից էլ ավելի ճկվող Հայաստանի առջև ծառացած ընտրության հետ։

Կա՛մ ընտրելու ենք մենք, կա՛մ մեր փոխարեն ընտրելու են։ Երկրորդի պարագայում Հայաստանը կվերածվի տարբեր երկրներից կախյալ վիճակում գտնվող տարածքի, որտեղ իշխելու են դրածո տեղապահները։

🤩 Ալբերտիչ | հեղինակային ալիք
@albertich_notes

Ռուսական այս քարոզչական հոլովակը դիտելիս, որում ծնունդով հայ գնդապետը ՌԴ նախագահ Պուտինին ասում է, թե վերջինիս ելույթը իր մեջ առաջացնում է ռուս սպայի զգացողություն։

Ժամանակին մի «բայկա» գիտեի՝ իբր թե Ցարի գեներալներից Մադաթովը թե Բեհբութովը դառնում են Ռուս ուղղափառ եկեղեցու հետևորդ, ինչին ի պատասխան՝ ցարն ասում է.

«Դու իմ լավագույն հայ զորավարն էիր, հիմա դարձար հերթական ռուս զորավարներիցս մեկը»։


🤩 Ալբերտիչ | հեղինակային ալիք
@albertich_notes

Թուրքիան Հայաստանի հետ հարաբերությունների կարգավորման գործընթացում մշտապես երկու նախապայման է ունեցել՝ 1) Հայաստանը պետք է հրաժարվի Ցեղասպանության պահանջատիրությունից, 2) Հայաստանը պետք է «վերադարձնի» Արցախը։

Եվ հիմա «առանց նախապայմանների» կարգավորումը, փաստացի, ոչ այլ ինչ է, եթե ոչ Թուրքիայի նախապայմաններին ընդառաջ գնալ։

Ասել եմ, և կրկնվեմ՝ վերջին 6 տարիներին Հայաստանի միջազգային կարգավիճակը նույնն է, ինչ վարչապետի պաշտոնը դեռևս զբաղեցնողի հայտնի նկարը՝ վիզը ծռած։

Մեր երկրում շատերն են մոլորված կամ թշնամու մանիպուլացիաների զոհ դարձած, բայց այս ամենն էլ, Սողոման Իմաստունի բառերով ասած, կանցնի։

🤩 Ալբերտիչ | հեղինակային ալիք
@albertich_notes

Ռուսաստանի Դաշնությունն ակնկալում է առաջիկայում գլխավոր հյուպատոսություն բացել Կապանում։

ՌԴ ԱԳ փոխնախարար Եվգենի Իվանով

Սյունիքում հյուպատոսություն բացելու նպատակի մասին վերջին 2-3 տարում հայտարարել են Ռուսաստանը, Իրանն ու Ֆրանսիան։

Որևէ մեկի համար հասկանալի չէ՞, որ 3 երկրների դեպքում էլ քաղաքացիների խնդիրներով զբաղվելու առաջնային և հիմնական նպատակ ունեցող հյուպատոսություններն իրականում ծառայելու են ռազմական-հետախուզական նպատակներով։

Այլ կերպ ասած՝ դրանք պաշտոնական խողովակներն են։ Դե, պատկերացրեք, թե որքան ոչ պաշտոնական օտարերկրյա հետախուզական խողովակներ կան Հայաստանում, որոնք ծառայում են`

🇮🇱 Իսրայելին,

🇬🇧🇹🇷 Բրիտանիային (Թուրքիային),

🇺🇸🇫🇷 ԱՄՆ-ին (Ֆրանսիային),

🇷🇺 Ռուսաստանին,

🇮🇷 Իրանին:

Երբեմն էլ՝ միաժամանակ երկուսին կամ մի քանիսին, և դա՝ սկսած ներկա իշխանության ներկայացուցիչներից (բառացիորեն բոլոր օղակներում)։

🤩 Ալբերտիչ | հեղինակային ալիք
@albertich_notes

Հայտնվել է նա, ում փնտրում էին

Աղավնոյի հաշվին բուռն քաղաքական կարիերա սկսած Սուրեն Պետրոսյանը որոշել է, որ իր կորելու վերաբերյալ մարդկանց հարցերին պետք է պատասխանել «Շարժումը մարել է, բայց ես չեմ մեղավոր՝ նախկիններն են իրենք են մեղավոր» ոճի մեջ։

Իմ համոզմամբ, եթե մարդն ի սկզբանե իրապես ազնվորեն եղել է պայքարի մեջ, նա չէր կարող հենց այդ շեշտադրմամբ արդարանալ։

Տեսնենք, ինչ ասուլիս կտա։ Թեև ինձ համար հստակ է և այդ մասին կրկին պիտի հիշեցնեմ․

Եթե այս շարժումը դիտարկում ենք զուտ քաղաքական շրջանակում, ապա այն հենց սկզբից դատապարտված էր պարտության։ Բայց խնդիրն այն է, որ այն ամենևին քաղաքական չէ։

Ի վերջո, պետք է հասկանալ, որ չկա «նիկոլ-ըննդիմություն-իշխանափոխություն» հարց։ Չկան անձեր։ Սա ամբողջովին «Հայաստան-հակաՀայաստան» էքզսիտենցիալ պայքարի հարց է։

🤩 Ալբերտիչ | հեղինակային ալիք
@albertich_notes

ԶՏՄԱՆ ԿԱՐԵՎՈՐՈՒԹՅԱՆ ՄԱՍԻՆ

Այս օրերին հայալեզու թելեգրամյան ալիքներում աչքովս ընկել են մի քանի դերասան-երգիչների կարծիքները Հայաստանում տեղի ունեցող իրադարձությունների և վարչապետի պաշտոնը զբաղեցնողի մասին։

Բնականաբար ինձ մոտ նրանցից և ոչ մեկի խոսքը չեմ տարածելու, քանի որ ալիքս զտված է տարատեսակ տխմարների ուղիղ խոսքից։

Միշտ ունեցել եմ թյուր կարծիք, թե ստեղծագործական ոլորտի մարդիկ պետք է որ նաև ինտելեկտի բարձր մակարդակ ունենան։

Գիտակցում եմ, որ կարծիքս ռոմանտիզացված է։

Մյուս կողմից, համոզմունք ունեմ առ այն, որ քաղաքական դաշտում հայտնվելը, ոլորտի մասին կարծիք արտահայտելը պետք է ունենա հստակ մերիտոկրատական չափանիշներ։

Մինչդեռ 2018-ին ակտիվ քաղաքական դիրքորոշում հայտնելը, որից հետո, փոխարենը՝ սեփական սխալի պատասխանատվությունն ընդունելու, հաստակողաբար պնդել սխալդ և հայտարարել, թե քաղաքականությունը քոնը չէ… բանական հռչակված մարդ արարածին իջեցնում է Invertebrata-ների, նույնն է՝ անողնաշարավորների մակարդակի…

Մարդը՝ իր բնույթով, ստեղծարար է, բայց երբ բարենպաստ են միջավայրի պայմանները։ Իսկ երբ դու քո համար ապրում ես որոշակի պայմաններով և կողքից գալիս՝ քեզ ասում են, թե՝ «նայի, այ էնտեղ ավելի լավ պայմաններ են ևն ևն», դու դառնում ես նախանձ և ստամոքսակենտրոն։

Սրա համար ակներև է, որ նիկոլականության հիմնական հարուցիչ դարձած մեկից Հայաստանն ազատելուց հետո հաջորդ կարևոր քայլը մետաստազներից մաքրվելն է։

Զտումն ամենևին չի նշանակում, որ այդուհետ Հայաստանում հիմարներ, տգետներ չեն լինելու։ Նշանակում է, որ պարզապես խոսքի և գործի ազատությունն է նախապայմաններ ունենալու։

Իհարկե, նախ, Նիկոլից հետո Հայաստանում պետք է որ հաստատվի (զինվորական) բռնապետություն։ Միայն այդպես է մաքրազտվելու մեր միջավայրը։

Այս ամենը օրինաչափ պրոցես է, որն անցնում են դեպի զարգացում գնացող ազգերը։

🤩 Ալբերտիչ | հեղինակային ալիք
@albertich_notes

Փրկություն չկա, սակայն, ստրուկից,
որը մեր գլխին արքա է կարգվում։

Հիմար է՝ գործում կառուցողական
և կործանիչ է ամեն կառույցի:
Չի լսում ձայնը բանականության.
իր գոռգոռոցն է վերջը զրույցի։

Իշխում է միայն իշխելու համար,
ուժով է ճնշում ոգին իմաստուն
Եվ իմաստուն է հռչակում նրան,
ով որ քծնում է՝ «Միակ ճիշտն ես դու»։

Ստրուկ է եղել, ուրեմն՝ սովոր,
որ դժբախտության պահին սոսկալի
Իր գործած ամեն արարքի համար
իր տերն է միայն պատասխան տալիս:

ՈՒ երբ որ արդեն երկիրն ամենայն
դժոխք է դարձնում վարքով տմարդի,
Մեղավորի է որոնում միայն,
որ նրա վրա մեղքերը բարդի:

Այս տողերը կարդալիս հաստատապես առաջինը ձեր մտքին կգա Հայաստանի վարչապետի պաշտոնը դեռևս զբաղեցնողը։

Մինչդեռ այս տողերը անգլիացի հայտնի գրող Ռեդյարդ Քիփլինգի «Ստրուկը, որ դառնում է արքա» բանաստեղծությունից են։ Քիփլինգն ապրել է 19-րդ դարի երկրորդ ու 20-րդ դարի առաջին կեսերին, այսինքն՝ ստեղծագործել է 100-150 տարի առաջ։

Այլ բառերով, Հայաստանում 2018-ին արտաքին ուժերի գործուն աջակցությամբ տեղի էր ունեցել միջակների (կուզեք՝ տգետների, կուզեք՝ հիմարների, կուզեք՝ ստրուկների) ապստամբություն։

Ցանկացածը, ով վերջին 6 տարում արդարացրել է, կամ, առնվազն, դեմ չի արտահայտվել տեղի ունեցածին, նշածս շարքերում է։

Ասածս մեղադրանք չէ։ Դադարել եմ դրանով զբաղվել 2020-2021-ից սկսած։

Սա մեր իրականությունն է, որը պետք է ընդունել։ Անիմաստ է նման մարդկանց հետ կռիվ անելը՝ նրանց փոխելու հույսով։

Ոչ էլ իմաստ եմ տեսել/տեսնում նախկիններին մեղքերի ցեխով պատելու։

Փոխարենը՝ երբ պահը գա, լիահույս եմ, որ իշխանություն ստացած մարդիկ նկատի կառնեն այն սխալները, որոնք բերել էին ստրուկների և ինտելեկտուալ հիմարների համատեղ ապստամբությանը։

Սա շատ կարևոր է լինելու երկիրը բարոյա-հոգեբանական նորոգման մեկնարկային փուլում։

🤩 Ալբերտիչ | հեղինակային ալիք
@albertich_notes

Խաղաղությունը շատ արագ քայլերով գալիս է։ Այնքան արագ, որ Ադրբեջանը պարբերաբար սադրանք նախապատրաստող հայտարարություններ է տարածում։

[ 🕊 SI VIS BELLUM, PARA PACEM - պատերա՞զմ ես ցանկանում, պատրաստվի՛ր խաղաղության ]

Այնպիսի խաղաղություն է լինելու, այնպիսի՜ խաղաղություն, որ մարդկանց աչքերը երջանկությունից կուրանալու են։ Չուզողների (դե, նրանց, որ տարիներով սողացող աղետի մասին աղաղակում են) աչքերն էլ այրվեն դժոխքի ամենաբարձր ջերմաստիճանով կաթսայում։

- - - - - - - - -

Խաղաղությո՜ւն, դուրս թռավ
Նրա հիստերիկ բերանից։

- - - - - - - - -

🤩 Ալբերտիչ | հեղինակային ալիք
@albertich_notes