Ստանլով Ադրբեջանից հայտնի 5 սկզբունքները ի՞նչ կաներ ՀՀ իշխանությունը, եթե լիներ հայկական:

Առնվազն՝

1) չէր շտապի համաձայնություն տալ այդ հայակործան առաջարկներին և կառաջադրեր պայման, որ տարածքային ամբողջականության ճանաչման հարցը կարող է քննարկվել բացառապես այն պայմաններում, եթե զուգահեռ կքննարկվի Արցախի կարգավիճակի հարցը:

2) Առաջադրված 5 սկզբունքների շուրջ կսկսենք բանակցություններն այն պահից, երբ կատարված կլինեն նոյեմբերի 9-ի համաձայնագրով հաստատված գերիների վերադարձի իմպերատիվ պահանջը: Նկատեմ, որ հայկական կողմը վերադարձրել է ադրբեջանցի գերիներին:

3) Կսկսենք բանակցությունները այն պահից, երբ ադրբեջանական զինված ուժերը դուրս կգան Հայաստանի Հանրապետության սուվերեն տարածքից:

Այս կետերը բազմաթիվ են, որոնց մասին դեռ կխոսեմ:

Ալիևն ու նիկոլյան իշխանությունը հավասարապես հայերիս վախեցնում են պատերազմով: Նրանք բանակը չեն վերականգնում, որ հետո մեզ ասեն, թե չենք կարող պայքարել:

Նիկոլի ու Ալիևի իշխանությունները մեզ հետ խոսում են նույն լեզվով և նույն պահանջներով:

Առաջարկում եմ դիտել Հանրային քննարկումը, մանրամասնությամբ ներկայացրել եմ այս վիճակից դուրս գալու ճանապարհները:

https://youtu.be/9qDV9lH-Ts0

Լուսնից իջածը: Այս մարդուն տեղեկացրեք, որ ինքը վաղուց Նիկոլի հետ միասին Արցախը հանձնել են Ադրբեջանին: Երեկ Բրյուսելում երկուսիդ ազգադավ որոշմանը պաշտոնական տեսք տրվեց:

24News.am-ի տաղավարում Կարպիս Փաշոյանի հետ արդեն ավանդական դարձած հարցազրույցում քննարկել ենք ներքաղաքական ներկայիս իրավիճակը, Արցախի խնդիրները, իշխանության կողմից կեղծ խաղաղության քաղաքականությունը, ՀՀ մարզերի գյուղերն Ադրբեջանին հանձնելու այս իշխանության պայմանավորվածությունը և բազմաթիվ կարևոր խնդիրեն, որոնք հրատապ լուծումներ է պահանջում։

https://youtu.be/cAhBNM276_8

Քննչական կոմիտեի քննիչն այս պահին խուզարկում է ընդդիմադիր ակտիվիստ Արսեն Նիկողոսյանի բնակարանը:

Իշխանությունն ընդդիմության նկատմամբ ճնշումներին նոր թափ է հաղորդում:

Լրացուցիչ տեղեկություն կհաղորդեմ քիչ ուշ:

Քննչական կոմիտեի քննիչները «Հայրենիք» կուսակցության անդամ Արսեն Նիկողոսյանի բնակարանում փնտրում են թմրանյութ:

Թուրքական իշխանության հայաստանյան ներկայացուցչության հրահանգով իրականացվող այս քաղաքական հետապնդումն ունի մեկ նպատակ, վախեցնելով կանխել սպասվող իշխանափոխությունը:

Արսենին վախեցնել չեք կարող և դա դուք հրաշալի գիտեք:

Արսեն Նիկողոսյանի բնակարանի խուզարկությունն ավարտվեց:

Հայտնաբերել են վճռականություն, ուժեղ ոգի և մեծ հայրենասիրություն:

Լսել են՝ առանց թուրքի և նիկոլի Հայաստան

Քաղաքացիները շարունակում են փակ պահել նախարարությունների մուտքերը:

Հայկ Մամիջանյանն այսօրվա ակցիայից հետաքրքիր դրվագ է պատմել: Կարդացի ու հիշեցի երկու օր առաջ ինձ հետ պատահածը:

Հայկը ֆեյսբուքում պատմում է.

Առավոտյան հրմշտոցի ընթացքում ոստիկաններից մեկը միայնակ հայտնվել էր ցուցարարների մեջ: Քանի որ առաջ էի գնում «կենդանի պատ» կազմելու՝ իրեն հարցրի.
-Ուզու՞մ ես քեզ ցուցարարների միջով ուղեկցեմ ձերոնց մոտ:
-Ես ՄԵՐՈՆՑ մեջ եմ, պարոն Մամիջանյան:

Մի քանի օր առաջ, երբ Պուշկին փողոցից ոստիկանական զորքերը վայրագությամբ մեզ ձերբակալեցն և ավտոբուս տեղափոխեցին, ավտոբուսում մենք շուրջ 40 քաղաքացի էինք և ընդամենը 1 ոստիկան: Նրան նայեցի ու ասեցի՝

- նկատե՞լ ես, որ դու մենակ ես, իսկ մենք 40 հոգի:
- Ես մենակ չեմ, պարոն Բաբայան, ՄԵՆՔ 40 հոգի ենք:

Դատախազության բողոքով և դատարանի որոշմամբ այսօր 1 ամսով կալանավորվել է իմ ընկեր Միկա Բադալյանը:

Այս իշխանությունը Միկայի նկատմամբ տևական ժամանակ է սկսել է քաղաքական հետապնդումներ: Մի քանի փորձը ձախողվելուց հետո իշխանությունը կարողացավ գտնել այն դատավորին, որին ստիպեց բանտարկել ընդդիմադիր ակտիվիստին:

Սա ևս մեկ ապացույց է, որ #նիկոլ_մահաբերը սարսափների մեջ է:

Տևական ժամանակ է ամեն օրը բացվելիս առաջին գործը, որ մտովի անում եմ՝ սուրճ խմելուն զուգահեռ զանգերի սպասելն է:

Սպասում եմ իմ ընկերների, թիմակիցների զանգերին, որ կասեն՝ նիկոլի իրավապահ մարմինը մտավ մեր տուն խուզարկության, նիկոլը ձերբակալեց մեր ընկերոջը կամ թիմակցին և այդօրինակ ամենատարբեր քաղաքական ճնշումները:

Մենք դրան միշտ պատրաստ ենք, դարձել է մեր պայքարի ամեն օրվա անբաժանելի մասը: Բայց ծիծաղելի են նրանք, ովքեր կարծում են, թե կարող են այդպես մեզ վախեցնել: Մենք կորցնում ենք ամենակարևորը, մեր Հայրենիքն ու Պետությունը: Այս պայմաններում ամենաանկարևորը մեր ազատությունն է ու մեր կյանքը: Այդ ինչո՞վ պիտի մեզ վախեցնեք:

Բարի լույս, սիրելի հայեր... Հանուն մեր Մեծ Հայրենիքի, հանուն մեր պետականության պայքարը շարունակվում է:

Ժամը 08:00-ին հանդիպում ենք Ֆրանսիայի հրապարակում:

Հոգնել չկա... նահանջի տեղ չկա

Քաղաքացիները շրջափակեցին նախագահական նստավայրի բոլոր մուտքերը: Որևէ մեկը հնարավորություն չունի մտնել նախագահի նստավայր:

Նախագահական նստավայր, Բաղրամյան պողոտա

Ակցիաների ընթացքում հասցրեցինք մի փոքր ժամանակ գտնել և զրուցել: Բազմթիվ մտքերով եմ կիսվել

https://youtu.be/XsgMv0a9KzM

Իշխանական պատգամավոր Անդրանիկ Քոչարյանը ոստիկանությանը հորդորել էր, որ խաղաղ ակցիաներից ոստիկանության բաժիններ բերման ենթարկված մասնակիցների տվյալները ոստիկանությունը փոխանցի պաշտպանության նախարարությանը, որպեսզի նրանց «բանակ տանեն»: Ցուցարարներին վախեցնելու այս փորձը իշխանական պատգամավորը ձևակերպել էր, թե իբր կարող են լինել մարդիկ, որոնք խուսափել են զինվորական ծառայությունից կամ ԶՈւ եռամսյա հավաքներից:

Օրեր առաջ ոստիկանությանը պաշտոնական հարցում էի ուղարկել պարզելու, թե արդյո՞ք ոստիկանությունն ընթացք է տվել պատգամավորական այդ անհեթեթ հանձնարարականին: Պարզվեց, որ ոստիկանությունում, ի պատիվ իրենց, արհամարհել են Քոչարյանի այդ անհեթեթ հորդորը և որևէ տվյալ չեն փոխանցել պաշտպանության նախարարությանը:

Իրականում շատ անբնական կլիներ, եթե ոստիկանությունը չարհամարհեր պետական համակարգից հազարավոր կիլոմետրեր հեռու գտնվող Անդրանիկ Քոչարյանի այդպիսի խայտառակ «հանձնարարականը»:

Սիրելի հայրենակիցներ, #նիկոլ_մահաբերի հրահանգով ֆեյքերի ֆաբրիկան հարձակվել է այս ալիքիս վրա, որի պատճառով անջատում եմ քննարկումների հնարավորությունները:

Բոլոր այդ ֆեյքերի տվյալներն արդեն ուսումնասիրում են հատուկ մասնագետները և շուտով կունենանք ամեն մեկի կոնկրետ տեղորոշումն ու անհատականացնող առանձին տվյալները: