Бөгөн Башҡортостанға рәсми сәфәр менән Беларусь Премьер-министры Роман Головченко килде

"Өфө" аэропортында уны Радий Хәбиров ҡаршы алды. Бөгөн иген эшкәртеү буйынса "АМКОДОР-Ағиҙел" заводын асыу ҡаралған. Бынан тыш Роман Головченконың Өфө трамвай-троллейбус заводында булыуы планлаштырылған. Башҡортостан муниципалитеттарына коммуналь техника тапшырыла. Иртәгә Беларусь Премьер-министры Республика көнө уңайынан тантаналарҙа ҡатнаша.

Стәрлетамаҡтан өс ҡатын махсус хәрби операцияға юлланды

Шәфҡәт туташы булып хеҙмәт итәсәк ханымдар яу биләмәһенә барырға теләген күптән белдергән. Әммә быға тиклем военкоматтан рөхсәт булмаған. Ирекмән ҡатындар үҙ дәүләтенең мәнфәғәтен яҡлауҙы маҡсат итеп ҡуя. Стәрлетамаҡтың ҡыйыу гүзәл заттары махсус хәрби операцияға шулай уҡ үҙ ирке юлланған ир- егеттәр менән бергә юлға сыҡты.

Өфөлә хәрби техника менән идара итеү буйынса уҡыуҙар башланды

Рәсәй ДОСААФЫ автомәктәптәрендә барған дәрестәрҙә әрме хеҙмәтен үтергә бурыслы егеттәр ҡатнаша. Уҡыуҙар башланыу уңайынан ойошторолған сарала быға тиклем үткән дәрестәрҙә юғары һөҙөмтә күрһәтеүселәр бүләкләнде, яңы курсанттарҙы сәләмләү тантанаһы үтте. Быйыл автомәктәптә 4 төркөм уҡыясаҡ, был яҡынса йөҙ кеше. Бөтә курсанттар ҙа С - йөк ташыу автомобиле водителе категорияһын аласаҡ.

Рәсәй һәм Беларусь Башҡортостанда яңы предприятие булдырҙы

Бөгөн Өфө районында Республика Башлығы Радий Хәбиров, Рәсәй хөкүмәте рәйесе урынбаҫары Алексанр Новак һәм Беларусь премьер-министры Роман Головченко Белоруссияның "АМКОДОР" холдингы майҙансығында булды. Бында иген эшкәртеү ҡорамалдары етештереү заводы асылды. Вице-премьер Александр Новак Рәсәй һәм Беларусь араһында бәйләнештәрҙе нығытыу мөмкинлеген юғары баһаланы. - Рәсәй һәм Беларусь төбәктәре үҫешенә юл асҡан халыҡ-ара хеҙмәттәшеклектең аныҡ өлгөһө, - тине ул. Радий Хәбиров Беларусь һәм Рәсәй хөкүмәттәренә проектҡа булышлыҡ иткәндәре өсөн рәхмәт белдерҙе. - Иген таҙартыу комплекстарына Рәсәйҙә ихтыяж ҙур. Беҙҙең республикаға ғына алдағы йылдарҙа 120 иген киптереү комплексы һәм 500 иген таҙартыу машинаһы кәрәк, - тине Башҡортостан Башлығы.

Республика көнө алдынан Шәйехзада Бабич исемендәге йәштәр премияһы лауреаттары тәбрикләнде

2021 һәм 2022 йылдарҙа әҙәбиәт, сәнғәт һәм архитектура өлкәһендәге ижади ҡаҙаныштары өсөн Кристина Андрианова, Резеда Таһирова менән Лиана Мкртчяндың ижади коллективы һәм Илнур Хәйруллин бүләкләнде. Тантана Башҡортостан башлығы хакимиәте етәксеһе Максим Забелин рәйеслегендә уҙҙы.

Большой телемарафон на канале БСТ ко Дню Республики Башкортостан.

В День республики на БСТ – трансляция главных праздничных мероприятий, а также презентация нового телевизионного сезона, обновленные студии и премьерные выпуски телепроектов.

Не пропустите большой телемарафон ко Дню Республики Башкортостан 11 октября на канале БСТ.

Республикала шәкәр сөгөлдөрө баҫыуҙарының 61 процентында эш теүәлләнгән

Ауыл хужалығы министрлығынан хәбәр итеүҙәренсә, быйыл был культура 19 районда үҫтерелгән. Архангел, Илеш һәм Ҡырмыҫҡалы райондарында уңыш тулыһынса йыйып алынған. Башҡортостанда үҫтерелгән “татлы тамыр” үҙебеҙҙәге заводтарға оҙатыла. Раевка һәм Шишмәлә көн һайын 5 мең тоннаға яҡын сөгөлдөр эшкәртелә.

Башҡортостанда иген киптереү комплекстары етештерелә

Бөгөн Өфө районында Беларусь Премьер-министры Роман Головченко, Рәсәй хөкүмәте рәйесе урынбаҫары Александр Новак, Республика Башлығы Радий Хәбиров иген эшкәртеү ҡорамалдары етештереү заводында булды. - Заманса предприятиелар ошондай булырға тейеш. Бында 25 мең квадрат метр. Станоктарҙың күбеһе Рәсәйҙә етештерелгән. Бында сығарылған иген киптереү комплекстары Волга буйы округы өсөн үтә кәрәкле продукция. Иген йыйып алынғас, дөрөҫ итеп эшкәртелергә тейеш. Ҙур уңыш алабыҙ, ҡайһы берҙә һаҡларға урын юҡ, - тине Радий Хәбиров. "Амкодор" холдингы директорҙар осветы рәйесе Александр Шакутин белдереүенсә, предприятиеның үҙ фәнни-техник үҙәге бар. Рәсәй һәм Беларусь сәнәғәттең һәр төрлө өлкәһендә яңы технологиялар өйрәнә һәм берлектәге предприятиелар төҙөй ала, - тине ул.

"Өфө" индустриаль паркы йылдам үҫешә

Беларусь премьер-министры Роман Головченко, Рәсәй хөкүмәте рәйесе урынбаҫары Александр Новак, Республика Башлығы Радий Хәбиров "Өфө" индустриаль паркын ҡараны. Уның майҙаны 300 гектарға яҡын. Бында 18 резидент бар. Уларҙың 8-е сәнәғәт продукцияһы етештереүҙе яйға һалған. Паркты булдырыу өсөн 3 миллиард 600 миллион һум тотонолған. Резиденттар 37 миллиард һум инвестиция һалған. Башҡортостан индустриаль парктар һаны буйынса ил төбәктәре араһында 4-се урында.

Махсус хәрби операция геройының исеме мәңгеләштерелде

Ҡалтасы районы Бабай ауылында яугир Иван Изиметовҡа һәйкәл асылды. Район хакимиәте башлығы Зәбир Ғабдуллин ошо турала белдерә. “Иван Изиметов контракт буйынса хеҙмәт итә. Ул танылған Таман дивизияһының танк батальонында танк командиры була. Былтыр февралдә алғы һыҙыҡҡа ебәрелә. 19 мартта Харьков өлкәһе Изюм ҡалаһы янында хәрби бурысын үтәгәндә ғүмере ҡыйыла. Иван үлгәндән һуң, Ҡаһарманлыҡ һәм генерал Шайморатов ордендарына күрһәтелә. “Яугирҙең ата-әсәһе Евгений Алексеевич һәм Светлана Ивановна алдында баш эйәбеҙ. Уларға ҡыйыу һәм батыр ул үҫтергәндәре өсөн рәхмәт әйтәбеҙ”, тип яҙған Зәбир Ғабдуллин.

Мәләүез районында яңы фельдшер-акушер пункты асылды

Һарыш ауылында йәшәүселәр хәҙер заманса йыһазландырылған учреждениела тәүге медицина ярҙамы ала. Ул 350-гә яҡын кешене хеҙмәтләндерә. Программа “Һаулыҡ һаҡлау” милли проектына ярашлы тормошҡа ашырыла. Рәмзиә Ғабдуллина Һарыш ауылында 30 йылдан ашыу фельдшер булып эшләй. Бөгөн уға “Башҡортостандың Һаулыҡ һаҡлау алдынғыһы” билдәһе тапшырылды.

Ағиҙел – “Ғаилә һәм балаларға дуҫтарса мөнәсәбәттәге ҡала”

Башҡортостан Хөкүмәтендә ҡала хакимиәте башлығы Денис Ирназаровҡа ошондай награда тапшырылды. Ағиҙел дуҫлыҡ индексы буйынса республикала лидер булды. Иң яҡшы ҡала 6 күрһәткес – һаулыҡ һаҡлау, балалар хәүефһеҙлеге, балалыҡты яҡлау, белем биреү, ял, мәҙәниәт һәм ҡала мөхите буйынса баһалана. Конкурсты Ғаилә, хеҙмәт һәм халыҡты социаль яҡлау министрлығы ойоштора.

Өфөгә рәсми эш сәфәре менән Рәсәй Хөкүмәте рәйесе урынбаҫары Александр Новак килде

Вице-премьер менән осрашыуҙа Радий Хәбиров республиканың үҫеш юлында, иҡтисадтың бөтә күрһәткестәре лә юғары кимәлдә булыуын билдәләне. Былтырғы менән сағыштарғанда, ауыл хужалығы ғына бер аҙ ҡалыша. Сөнки былтыр 5 миллион тонна уңыш йыйып алынһа, быйыл ул кәмерәк булыр тип көтөлә. Рәсәй Хөкүмәте рәйесе урынбаҫары Башҡортостандың Белоруссия менән берлектәге проектын юғары баһаланы. Был яңы инвестициялар, технологик суверенитет, импортты алмаштырыу һәм продукцияға сит төбәктәрҙә лә ихтыяж буласаҡ, тине Александр Новак

Республика көнө алдынан Башҡортостанда «Амкодор-Ағиҙел» предприятиеһы асылды

Завод Белоруссияның «Амкодор» холдингының инвестиция проекты. Предприятие игенде урып-йыйғандан һуң эшкәртеү өсөн ҡорамалдар, шулай уҡ ҡатнаш аҙыҡ һәм асфальт бетон заводтары өсөн метал конструкциялар етештерәсәк. Башҡортостандың өҫтөнлөклө инвестиция проекттары исемлегенә индерелгән заводты асыу тантанаһында Башҡортостан башлығы Радий Хәбиров, Рәсәй Хөкүмәте Рәйесе урынбаҫары Александр Новак, Белоруссияның премьер-министры Роман Головченко ҡатнашты.

Башҡортостандан Красный Луч ҡалаһына сираттағы гуманитар оҙатылды

Башҡортостан яугирҙары менән Луганск халыҡ республикаһының шефлыҡҡа алынған Красный Луч ҡалаһы сираттағы гуманитар ярҙам алды. Өфөнән Донбассҡа 23 йөк машинаһы һәм бер автотралл килде. Башҡортостан оҙатҡан 96-сы гуманитар ылауҙы беҙҙең хәбәрселәр ҙә ҡаршыланы.

Республика төбәктәренә 61 берәмек коммуналь техника һатып алынды

Асҡыстарҙы тапшырыу тантанаһында Радий Хәбиров һәм Беларусь республикаһы премьер - министры Роман Головченко ҡатнашты. Улар торлаҡ-коммуналь хужалыҡта кәрәкле техниканың бөтә арсеналы, атап әйткәндә, 34 МАЗ, 12 тейәгес, 15 МТЗ тракторы. Машиналар Белоруссияла етештерелгән. Быйыл лизинг килешеүҙәре буйынса 208 берәмек техника һатып алыу ҡарала.

Мәләүез районы Һарыш ауылында заманса модулле фельдшер-акушерлыҡ пункты асылды

«Сәләмәтлек» милли проекты сиктәрендә төҙөлгән медицина учреждениеһы ауыл халҡы өсөн көтөп алынған бүләк. Тулыраҡ видеояҙмала.

Стәрлебаш районы Ибраҡай ауылында капиталь ремонттан һуң мәҙәниәт йорто асылды

Урындағы халыҡ түҙемһеҙләнеп көтөп алған объект Башҡортостан башлығы Радий Хәбиров ҡарары буйынса тәртипкә килтерелде. Яңыртылған мәҙәниәт йорто бинаһында фельдшер-акушерлыҡ пункты, китапхана ла урынлашасаҡ.

Өфөләге Балалар онкологияһы үҙәге ваҡытынан алда төҙөлөп бөтә

Объект киләһе йылда файҙаланыуға тапшырылырға тейеш ине. Төҙөүселәр иһә эштәрҙе декабрҙә теүәлләй. Башҡортостан Һаулыҡ һаҡлау министры Айрат Рәхмәтуллин белдереүенсә, үҙәк 100-гә яҡын урынға иҫәпләнә. Балалар онкологияһы үҙәге Республика балалар клиник дауаханаһы биләмәһендә урынлашҡан. Төҙөлөш 4 миллиард һумға баһалана.

Стәрлетамаҡ ҡатын-ҡыҙҙары доброволец булып махсус хәрби операцияға юлланды

Айгөл, Гөлназ һәм Роза "Башҡортостан сода компанияһы"нда эшләгән. “Балаларыбыҙҙың киләсәге өсөн, яугирҙәргә ярҙам маҡсатында шундай ҡарар ҡабул иттек,“ тиҙәр улар. Контракт буйынса хәрби хеҙмәткә ҡағылышлы барлыҡ һорауҙарға 177 – берҙәм белешмә һандары буйынса яуап алырға мөмкин. Ситуация үҙәге белгестәренә 122 йәки 8 (347) 218-19-19 телефоны буйынса йәки “Минең документтарым” күп функциялы үҙәгенең яҡындағы офисына ла мөрәжәғәт итергә мөмкин.

Башҡортостанда орлоҡсолоҡ тураһында закон ҡабул ителә

Республикала селекционерҙарға ярҙам мөмкинлеге ҡарала. Парламентта ошондай проект әҙерләнгән. Депутаттар ауыл хужалығы үҫеше тураһында законға төҙәтмәләр тәҡдим итә. Беренсе сиратта Селекция, яңы сорттар сығарыу менән шөғөлләнеүселәргә дәүләт ярҙамын күрһәтеү башланғысы күтәрелә. - Орлоҡ сифаты туранан-тура уңышҡа йоғонто яһай. Был аҙыҡ-түлек сифатында һәм хаҡтарҙа сағыла. Элек орлоҡ ситтән индерелде, хәҙер санкция шарттарында хәл ҡатмарлашты, - тине парламент рәйесе Константин Толкачев.