📌Бөгөн кискеһен "Киләсәккә ҡарап" документаль фильмын ҡарағыҙ!

🎬Уны VI Бөтә донъя башҡорттары ҡоролтайы алдынан БСТ каналы төшөргән.

🎬Фильмда республиканың билдәле шәхестәре ҡоролтайҙың башҡорт халҡының артабанғы үҫеш юлында, рухи ҡиммәттәрен һаҡлауҙа, быуындар бәйләнешен нығытыуҙа тотҡан роле тураһында фекер алыша.

🎬Экран әҫәрендә БСТ телеканалы архивында тупланған бай видеоматериал файҙаланылған.

🎬Фильмдың сценарий авторы - Гөлдәриә Йосопова, ҡуйыусы режиссеры - Светлана Громова, операторы - Илшат Дәүләтбирҙин.

🌐"Бөтә донъя башҡорттары, берләшегеҙ!"

Махсус хәрби операция яугиры, Башҡортостандың халыҡ артисы Радик Динәхмәтов VI Бөтә донъя башҡорттары ҡоролтайы уңайынан халҡыбыҙға мөрәжәғәт итеп, Башҡортостандың халыҡ шағиры Рауил Бикбаевтың шиғри оранын еткерә.

📌"Befree" магазиндарында Башҡортостан символдары төшөрөлгән футболкалар һатыуға сығарылған.

✨Был - "КОД:Мәҙәни" конкурсы һөҙөмтәһе. Унда илдең төрлө төбәктәренән дизайнерҙар ҡатнашҡан һәм тыуған төйәктәренән илһам алып ижад иткән эштәрен ебәргән.

✨Еңеүсе 12 ҡала араһында Өфө лә бар: дизайнер Мария Чинёнованың эшен юғары баһаланған.
Ул футболкаға ҡурай тажы, Торатау, һыуһар, сулпылар һәм орнамент төшөргән.

Ҡыҙыҡлы башҡорт теле. Рөстәм Абдразаҡов "ҡуҙғалаҡ" һүҙенең килеп сығышы хаҡында.

Яңы йыл кәйефегеҙ юҡмы? Башҡорт дәүләт филармонияһына барығыҙ! Ә әлегә коллектив төшөргән видеоны ҡарай тороғоҙ 😉🎄🎄🎄

ЯТА ЛА ЯТА

Баймаҡтар һәр бер һөйләмгә
Һүҙ өҫтәргә ярата.
Кеше атлап барһа, әйтә,
Ул атлап бара ята.

Ауырыған ҡайһы берәү
Балнисҡа инеп ята.
Күрер өсөн ауылдашы
Алдан уҡ килеп ята.

Телевизор ҡарап ятам,
Бесәй эргәлә ята.
Тәҙрәгә күҙемде һалһам –
Балалар йөрөп ята.

Беҙҙең сыбар тауыҡ көн дә
Күкәй һалырға ята.
Ә күршенең өлкән улы
Кәләш алырға ята.

Күрше инде әйтеп һалды,
Балам ауырып ята,
Әлегә уҡыуға бармай,
Тик өйҙә йөрөп ята.

Танышым осрап, һораны:
Йә, дуҫ, ни хәлдә ятаң?
Мин әйттем: Хоҙайға шөкөр,
Әлегә һәйбәт ятам.

Килә ята, бара ята,
Ятмаһа ла гел ята.
Бындай һүҙҙәр әйтелә бит
Баймаҡтарға ҡарата.

“Ята”, тигән һүҙ, күрәһең,
Берәй шөғөл аңлата.
Баймаҡ халҡы тора-ята
Шулай көн итеп ята.

Борис ХӘЙРЕТДИНОВ.

Һүрәт: интернеттан, ҡыҙыҡ өсөн үҙгәртелде😉

Рәсәй Банкының рәсми сайтында 1000 һумлыҡ ҡағыҙ аҡсаға төшөрөләсәк символды һайлау дауам итә.

Әлеге ваҡытта:
✅1 урында “Метеор” тиҙ йөрөшлө пассажирҙар теплоходы ( 108 299 тауыш)

✅2 урында Өфөләге Салауат Юлаев һәйкәле (88 719 тауыш)

✅3 урында Волга йылғаһы аша Һарытау күпере (31 172 тауыш)

Үҙегеҙ теләгән символ өсөн тауыш биреүҙең иң ҡулай ысулы – электрон почтаны файҙаланыу.

📌Тауыш биреү тамамланырға 2 көн генә бар, өлгөрөп ҡалығыҙ!

📌Иртәгә "Шаян-лига ижади кластеры" проекты сиктәрендә БР Башлығы гранты ярҙамында Нефтекама ҡалаһында Шаян-лиганың төньяҡ-көнбайыш фестивале үтәсәк.

✅Фестивалдә 7 команда сығыш яһаясаҡ: Нефтекаманан - 3, Тәтешле районынан - 2, Өфө һәм Ағиҙел ҡалаларынан 1-әр.

✅Быға тиклем Урал аръяғы, Коняк һәм Төньяҡ-көнсығыш лигалар уйындары үткәрелгәйне.

✅Фестивалдә республиканың төрлө район-ҡалаһы мәктәп һәм колледждарынан бөтәһе 30-ҙан ашыу команда ҡатнашты.

✅Сара Башҡорт теле көнөнә арнала.

Кисәге «Башҡорт аты» китабының исем туйы үтте.

Сара Шишмә районындағы "Турахан" Күсмә цивилизацияларҙың Евразия музейы визит-үҙәгендә ойошторолдо.

Яңы китаптың авторы Дондағы Ростов ҡалаһында йәшәүсе милләттәшебеҙ Мәхмүт Сәлимов.

Сарала шулай уҡ эштәре китапҡа ингән рәссамдарҙың ижади күргәҙмәһе лә ойошторолдо.

Тулыраҡ: БСТ каналының сюжетында.

Ҡоролтайға яугир мөрәжәғәте

Махсус хәрби операция яугиры, Салауат Юлаев ордены кавалеры Марат Зөлҡәрнәев VI Бөтә донъя башҡорттары ҡоролтайы уңайынан халҡыбыҙға мөрәжәғәт итеп, съездың һөҙөмтәле үтеүен теләне, МХО-ға ярҙам өсөн ватандаштарыбыҙға рәхмәт белдерҙе.

📌"HAZINA" этно-проекты етәксеһе Земфира Рәшитова Башкортостан Башлығының ҡатыны Каринэ Хәбирова менән һоҡланыуын белдергән.

"Ғүмеремдә яратҡан эшем булыуы менән бәхетлемен. Милли уйын ҡоралы ҡурайҙа уйнау һәм уның сихри моңон донъяға ишеттереү. Беҙҙең башҡорт мәҙәниәтен һаҡлау һәм билдәлерәк итеү.

Миңә педагог булараҡ ышыныс белдереүе һәм ҡурайҙа, ошо ябай булмаған уйын ҡоралында уйнарға өйрәтеү мөмкинлеге биргәне өсөн Каринэ Владимировнаға рәхмәтемде белдерәм. Дәрестәр үткәргән саҡта мин үҙем дә күп нәмәгә өйрәндем һәм өйрәнәм - был тормош иптәшеңә тулыһынса ышаныу һәм күтәрмәләү. Бөтә кешеләргә лә яҡшылыҡ эшләү, күңел йылыһын өләшеү.

Беҙҙең мәҙәниәткә һәм башҡорт халҡының символы - ҡурайға ҡарата ихтирамығыҙ өсөн баш эйәм һәм сикһеҙ һоҡланыуымды белдерәм",

- тип яҙған Земфира Рәшитова.

Хәтерегеҙгә төшөрәбеҙ, Каринэ Владимировна башҡорт халыҡ милли уйын ҡоралы ҡурайҙа уйнарға өйрәнеп, ғаилә байрамында көй башҡарғайны.

📌📌📌Был аҙнаның ғына түгел, артта ҡалған һәм алдағы биш йыллыҡтың мөһим ваҡиғаһы 13 декабргә билдәләнгән. Башҡортостан, Өфө VI Бөтә донъя башҡорттары ҡоролтайы делегаттарын ҡаршы ала.

Үткәндәргә байҡау яһағанда, 2010 йылғы Ҡоролтай башҡорттар өсөн һынылыш осоро булып иҫтә ҡалды. Әйткәндәй, IV Бөтә донъя башҡорттары ҡоролтайы Азамат Ғалин әҙерлегендә үтте. Һөҙөмтәлә, ҙур ҡор тамамланыуға теүәл бер ай тигәндә республика етәксеһе алышынды. Йәнә бер-нисә айҙан башҡарма комитет ағзалары ышанысһыҙлыҡ белдереү сәбәпле Азамат Ғалин да был вазифанан китте. Унан һуң Башҡарма комитет рәйесе итеп һайланған Ильгиз Солтанморатов, Әмир Ишемғоловтың эшмәкәрлеге һүҙ һөйләүҙән артыҡ китмәне. Данир Ғәйнуллин үҙен идеологтан да бигерәк, хужасыл, тынғыһыҙ етәксе итеп күрһәтте. Яңғылышмаһаҡ, тап шул осорҙа Ҡоролтай йортло булып ҡалды.

Ә былай, Р. Хәмитов республика етәксеһе булараҡ, донъя буйлап сәселгән башҡорттарҙы ҡорға йыйыуҙы кәрәк тип тапманы ла шикелле тиһәк, һүҙебеҙ хаҡ булһын өсөн билдәләйек, 2015 тә ҡоролтай үткән икән. Уныһы иҫтә лә ҡалмаған. Ә бына республика етәксеһенең башҡорт йәмәғәтселегенә булған мөнәсәбәтенән бер нисә әйбер иҫтә ҡалған.

Республикабыҙҙа төп йәмәғәт ойошмаһының һуңғы осор тарихына һәм киләсәгенә ҡағылышлы "Халыҡ арбаһы" телеграм-каналы авторҙары фекерен АРТАБАН ҮТЕП УҠЫҒЫҘ.