📌 Ғафури районы Ерек ауылында ихаталарҙы һыу баҫҡан. Әбйәлил районында ла тубыҡтан һыу кисеп йөрөйҙәр ине.

📍 Һеҙҙең яҡтарҙа нисек? Яҙығыҙ.

Оксана Мөхәмәтйәнова, Ноғман Мусин исемендәге 48-се Башҡорт лицейы, "Заман" медиафорумы, кейеҙ панно.

Матур бит? 💕

🌊Гөрләүектәрҙә ағас кәмәләр, шешә ҡапҡастары йөҙҙөрә торғайнығыҙмы һеҙ ҙә?

Һәр миҙгелдең шундай матур бер осоро, иҫтәлеге бар бит ул.

Видео: Вилдан Яманғолов.

Ауҙарыш буйынса донъя чемпионы, Әбйәлил районының "Ылаҡ" командаһы капитаны Ғәлим Яуынбаев командалашы Батыр Әбүбәкиров менән бергә Ҡарағат ҡушаматлы айғырҙы өйрәтә. ❤️‍🔥

Видео: Лена Толпар.

Еләкташта аҡ томан... Ошо матур миҙгелгә күп тә ҡалманы, тәбиғәт уяна, тояһығыҙмы?

Дәрт-дарман теләп ҡалабыҙ яңы эш аҙнаһында! ❤️

Фотола: Белорет районындағы Еләкташ тауы.

БАШҠОРТ ҠЫҘЫ

Башҡорт ҡыҙы — һинең йөрәгеңдә
Заман моңо, заман ялҡыны.
Милләтемдең борондарҙан килгән
Яҡты рухлы зирәк аҡылы.

Минең йөрәктә лә балҡый
Илһөйәрлек тойғоһо.
Мин дә йәшәү усағына
Ҡуҙ өҫтәр башҡорт ҡыҙы.

Кәрәк саҡта тыуған ерен ҡурсып
Яуға сапҡан башҡорт ҡыҙҙары.
Баш эйәләр ихлас тоғролоҡҡа
Ысыҡтай саф хыял-уйҙары.

Башҡорт ҡыҙы һаман ғәмле бөгөн,
Ил яҙмышы уның ҡанында.
Киләсәкте ҡурсып, һаҡлап тора
Халҡым сәңгелдәге янында.

Гөлфиә ЮНЫСОВА.

Видео: Гөлиә Мостафина.

Кесе Инйәр йылғаһында боҙ киткән.

Видеоны төшөрөүсе бөгөн, ти.
Бына ниндәй ҡурҡыныс күренеш.

Ә бөгөн генә Өфө эргәһендә Ағиҙелдә 3 үҫмер боҙ буйлап йөрөүен төшөрөп һалалар ине. Һаҡ булығыҙ!

Белорет районы Асы ауылында ла боҙ киткән.

Видео аша ла баш әйләнеп китте, әй!

Бәлә-ҡазаларһыҙ ғына үтһен был осор. 🤲

Бөгөн Белорет районындағы яҙғы ташҡын темаһы булғас, булһын әйҙә 😁

✅ Ноҡат ауылына ҡарай юл был.

Башҡа яҡтарҙа нисек икән? Хәбәр итегеҙ!

💌"Сәңгелдәк"тең ошо сығарылыштарын йотлоғоп ҡараған бәләкәстәрҙең береһе хәтерләйме икән был кадрҙарҙы?

Шундай татлы телле ҡыҙ баланы танынығыҙмы?

Видеола билдәле йырсы Зөлхизә Илбәкова.

Киске аштарығыҙ тәмле булһын!

Видео: Гөлдәр Фәхретдинова.

Хәйерле көн! ☀️

📍 Был матурлыҡ Өфө фән һәм технологиялар университетының инженер факультеты бинаһында урынлашҡан.

Мозаикала башҡорт милли кейемендәге Учалы районы һылыуы һүрәтләнгән. 20-се быуат.

Фото: Гөлнара Вәхитова.

"Аҡ тирмәләр ҡороп йәшәйҙәр, бер кемдән дә рәнйетелмәйҙәр, күршеләренә, мосафирҙарға мәрхәмәтлеләр, улар изге йәндәрҙән һанала, хатта ҡоралдары ла юҡ",

- тип яҙып ҡалдырған беҙҙең эраға тиклем V быуатта йәшәгән Геродот.

Видео: Дилә Йәһүҙина.

Нөгөш йылғаһында ла боҙ киткән.

Быны йылғаның үрге ағымында урынлашҡан Ғәлиәкбәр ауылы эргәһендә (Бөрйән районы) төшөрөп алғандар.

Алдағы йылдарға ҡарағанда 2-3 аҙнаға алда ҡуҙғалды,

тип яҙа "Башҡортостан" милли паркы хеҙмәткәрҙәре.