Матур ялдар теләйбеҙ! 🧡

Йәйҙең хозурлығын тойоп ҡалырға ашығығыҙ 😉

ЯҢЫ КӨН☀️

Яңы көнгә яңы өмөт биреп
Балҡып килеп сыҡты ҡояшым,
“Аллаға шөкөр!”- тип көн башлайым –
Булып торһон көнөм, эш, ашым.

Ниндәй зәңгәр күктәр! Үлән йәшел!
Һандуғастар һайрай ярышып…
Ҡаймаҡ кеүек һауа! Донъя гүзәл!
Эх, йәшәргә әле ҡарышып!

Сиргә, ғәйбәттәргә, көнсөллөккә
Итеп тормам инде иғтибар,
Ана ниндәй матур көнөм тыуҙы,
Яңы көнгә яңы өмөт бар!

Эй, Хоҙайым, рәхмәт, миңә тағын
Бүләк иттең яңы бер көндө,
Шөкөр итеп тамамларға яҙһын,
Тарихыма яҙып бөгөндө.

Фирүзә АБДУЛЛИНА.

Бала саҡтың иң тәмле ризығы 😍

📌 Кисәге Әбйәлил районында йәштәр үҙ теләктәре менән ритайым ойошторған.

Сара район үҙәге - Асҡар ауылында, "Ҡурай" паркында үткән. Дәртле-моңло башҡорт көйҙәренә баҫырға теләүселәр бик йыйылған.

"Быйылғы йәйҙең иң ҙур һәм күңелгә ятышлы күренеше булды был. Ойоштороусыларға һәм ҡатнашыусыларға ҙур рәхмәт. Һеҙ традицияларыбыҙ йәштәр йөрәгендә йәшәүен раҫланығыҙ",

- тип яҙған сараны баһалап, район хакимиәте башлығының беренсе урынбаҫары Руслан Хәлилов.

Үҙебеҙҙең һылыуҙарға милли кейемдең шул тиклем килешеүе! 😍

Видео: Гөлназ Максименко.

📌"ЕЛ АША" БАШҠОРТ УЙЫНЫ

Азалия Хәмитова үҙенең "Ел аша" ("Сквозь ветер"-Among the wind) тигән яңы уйыны прототибын халыҡ иғтибарына тәҡдим иткән. 🌬️

🌬️Ҡыҙ баштан алып аҙағына тиклем барыһын да үҙе уйлап тапҡан: идея, уйындың сценарийы, һүрәттәр, программа коды - барыһын да үҙе эшләгән.

🌬️Проект уйынсыны Башҡортостан легендалары һәм мифтары донъяһына сумдыра. Унда башҡорт милли кейемдәре, көнкүреш япраҡтары, биҙәктәре урын алған.

🌬️Уйындың төп горойы - Суфия исемле ҡыҙ, ул ел рухына бәләкәй бетеү тапшырыу өсөн тауҙарға сәйәхәткә сыға.

❇️Азалия был пикселле уйын үҙе яратҡан мәҙәниәт тураһында кешеләргә һөйләү ысулы, тип иҫәпләй.

📌AY YOLA төркөмө яңы йырын яҙҙыра башлаған!

Руслан Шәйхетдинов студияла төркөмдөң яңы йыр яҙҙыра башлауы һәм бының өсөн ҡумыҙ кәрәк булыуы тураһында әйткән.

Шулай уҡ AY YOLA дүртенсе клибын әҙерләй. Был хаҡта режиссер Баяр Барадиев үҙенең сәхифәһендә яҙған.


Көтәбеҙ, уңыштар! ❤️‍🔥

📌 «Буранбай» — башҡорт халҡының киң билдәле тарихи йырҙарының береһе.

Йырҙың һүҙҙәрен беренсе тапҡыр 1894 йылда этнографы, фольклорсы Сергей Рыбаков Ырымбур губернаһы Орск өйәҙе Этҡол ауылында (хәҙерге Баймаҡ районы 2-се Этҡол ауылы) Толомғужа Ғөбәйҙуллиндан яҙып ала.

Был йырҙың башҡа варианттары ла төрлө кешеләр тарафынан яҙып алынған.

Видео: Арыҫлан Оморҙаҡов.

📌Ҡыҙыл түшәк нимә ул һәм уны нисек һуҡҡандар?

Милли кейем һәм башҡорт халҡының боронғо көнкүреш әйберҙәре менән ҡыҙыҡһынған йәш кеше Иҙел Хәкимовтың инәһе Хөсниямал был турала һөйләй. Уларҙың ғаиләһендә быуындан-быуынға тапшырыла килгән ҡаралдылар һаҡланған.

"Әсәйем яғынан олатайымдың бер туған һеңлеһе Хөсниямал инәйем оло өләсәһе Гөләйфә, өләсәһе Бибәғәйшә һәм әсәһе Ғазъямалдың балаҫтарын миңә тапшырҙы",

- ти егет.

Бына шулай, Әбйәлил районында күҙ ҡараһындай ҡәҙерләп һаҡланған боронғо әйберҙәр бар.

📌 Өфөлә Армия мәҙәниәте көндәре дауам итә. Был хаҡта Башҡортостан Республикаһы Башлығы Радий Хәбиров хәбәр иткән.

"Был ялдарҙа Өфөләге Совет майҙанында бына ошондай мөхит хөкөм һөрә. "Көҙ романтикаһы" фестивале һәм Армия мәҙәниәте көндәре дауам итә. Барыһын да саҡырам!"

- тип яҙған сәхифәһендә Радий Фәрит улы.

Тулыраҡ - видеола.

ҠЫҘ БАЛАМ

Күбәләктәй леп-леп кенә
Эй, ҡыҙ балам!
Осорорға ҙур донъяға
Эй ҡыҙғанам.

 
Ҡанаттарың нәфис, наҙлы
Ҡупшы селтәр,
Тотоп алырға теләрҙәр
Һине күптәр.

Шатлыҡ-бәхеттең эҙләрһең
Ап-аҡтарын,
Көйөп кенә ҡуймаһындар
Ҡанаттарың.

Өҙөп-йолҡоп ырғытмаһын
Әсе елдәр,
Юлдаш булһын һиңә бер үк
Изге йәндәр.
 
Күбәләктәй леп-леп кенә
Эй ҡыҙ балам...
Бар ғаләмдән, һәр әҙәмдән
Эй ҡыҙғанам...

Фирүзә АБДУЛЛИНА.

Хәйерле көн!☀

Нур 😍

Видео: Миләүшә Абайҙуллина.

❗Ҡыр хайуандарының балаларына тейергә ярамай ❗

Ошо көндәрҙә "Юлдаш" радиоһы төркөмөндә уртаҡлаштылар был видео менән.

🔰Мәсетле районының Яңы Яуыш ауылынан Әлфиә Теләмова социаль селтәрҙәргә һалған, унда әсәһен юғалтҡан ҡоралай балаһына ниҙер ашатырға, шаярып кәртәгә индерергә тырышыу күрһәтелгән.

❗Белгестәр бындай ҡылыҡты хупламай.

🔹Инә болан балаһын ҡалдырып тороп, күпмелер ваҡыттан шул урынға кире килеп, имеҙеп китеүе ихтимал. Ә сит еҫ аңҡыған балаһын кире алмауы бар. Быны ауылдағы һәр кем белә, хатта һарыҡ-кәзә лә яңы тыуған бәрәсенән кеше еҫе килһә, имеҙеүҙән туҡтарға мөмкин.

🔹Икенсе сәбәп - ҡыр хайуандарында ҡотороу ауырыуы булыуы ихтимал.

✅ Имгәнгән йәнлекте осратһағыҙ, түбәндәге телефон һандарының береһенә шылтыратып, хәбәр итергә кәрәк:

🔹 Берҙәм диспетчер хеҙмәте 112;

🔹Росприроднадзорҙың Көньяҡ Урал төбәк-ара идаралығы 8 961 900-88-88;

🔹Башҡортостандың Тәбиғәттән файҙаланыу һәм экология министрлығы 8 (347) 218-04-30.