📅 1 верасня 1913 года нарадзіўся Майсей Сяднёў — беларускі паэт, празаік, перакладчык.

Арыштаваны ў 1936 годзе, абвінавачаны ў нацдэмаўшчыне, высланы на Калыму. У чэрвені 1941 года прывезены ў Мінск на перагляд справы, з набліжэннем нямецкай арміі канвой кінуў яго каля Чэрвеня 🤯

Перажытае ў турмах і лагерах, успаміны пра свабоду і няволю, тугу па радзіме выкладаў у шматлікіх вершах, раманах і іншых творах 😢

На беларускую мову пераклаў санеты Мікеланджэла, некаторыя творы І. В. Гётэ, Г. Гейнэ, Р. М. Рыльке ды шмат іншых 📚

📅 3 верасня 1927 года нарадзіўся Алесь Адамовіч - пісьменнік, кінематаграфіст і грамадскі дзеяч

У творах асэнсоўваў паводзіны чалавека ў экстрэмальных сітуацыях ваеннага часу, захавання духоўнай спадчыны беларусаў. Сваёй дзейнасцю Алесь Адамовіч сцвярджаў прыярытэт агульначалавечых каштоўнасцей, захавання суверэнітэту, духоўна-культурнага адраджэння беларусаў ❤️

Пасля Чарнобыльскай трагедыі напісаў ліст Гарбачову каб данесці да яго і сусветнай грамадскасці сапраўдныя маштабы бедства, аднак трапіў пад абструкцыю 😔

Як перамагчы ў барацьбе з невядомым жахам, калі гуляеш па яго правілах?... 🤔
Начная Газета: сучасны хорар ад іспанскага пісьменніка на роднай мове - толькі ў нас! 👻

13 частка ўжо на нашым Ютубе:
https://www.youtube.com/watch?v=rkPfaGYVp2E

📖 Усю кнігу можна ўжо пачытаць на нашым Патрыёне

📅 4 верасня 1981 года нарадзіўся Максім Знак - юрыст, адвакат і палітык, сябра прэзідыума Каардынацыйнай рады. Палітычны зняволены, вязень сумлення

❤️ Лаўрэат прэміі імя Францішка Аляхновіча (2021) за цыкл турэмных вершаў.
❤️ У 2022 выйшла кніга «Зекамерон» на рускай, беларускай і нямецкай мовах. У 2023 годзе выйшла на англійскай і шведскай мовах.
❤️ Лаўрэат English PEN Translates award 2023.

На жаль, пра лёс Максіма мы нічога не ведаем ужо амаль 940 дзён... 😔

📚 Андрэй Хадановіч з новымі вершамі і песнямі выступіць у Торуні

📆 Прыходзьце 6 верасня да касцёла св. Юзэфа, каб паслухаць вершы, пагутарыць і пачуць песні пад гітару.
Уваход вольны, але ёсць магчымасць набыць кнігі і падтрымаць творчасць аўтара ✍️
📌 Пачатак а 16:00

❤️ Слова і вобраз: Юля Цімафеева выдае новую кнігу

📖 У кнізе «Рэжу гісторыю сабой» паэтка Юля Цімафеева з дапамогай калажаў і вершаў асэнсоўвае свой досвед эміграцыі, а таксама разважае пра пошук новай ідэнтычнасці
📚30 вершаў і 31 калаж пад цвёрдай вокладкай — выдатны падарунак для ўсіх, хто любіць сучасную беларускую літаратуру

Кніга ўжо даступна для замовы на kulturkaufhaus.de 📖

📖 Іронія і сарказм на IT-востраве: выйшаў раман «Эйфарыя» ад Марыі Пархімчык. Двое герояў прыязджаюць на IT-востраў, каб рэалізаваць свае планы, але трапляюць у вір прыгод, якімі хтосьці кіруе.
🗺 Разгадайце загадкі разам з імі!
📌Кнігу, напоўненую нечаканымі паваротамі і сатырай ужо можна замовіць на Knihauka.com

📅 6 верасня 1903 нарадзіўся Мікола Дварэцкі — рэлігійны дзеяч, паэт, публіцыст.

Прымаў удзел у заходнебеларускім грамадска-палітычным, культурным і рэлігійным жыцці.
1️⃣ За прапаганду беларускіх кніг і газет арыштаваны польскімі ўладамі.
2️⃣ У 1942 адпраўлены немцамі на прымусовыя работы ва Усходнюю Прусію.
3️⃣ У лютым 1945 прымусова высланы на цягніку ў ЗССР на расстрэл, але яму ўдалося ўцячы ❤️

У 1920—1930-я друкаваўся ў беларускай прэсе як паэт і празаік. З 1956 году друкаваў вершы і аповеды ў беластоцкай «Ніве» 📚

📅 7 верасня 1885 нарадзілася Палута Бадунова — намесніца старшыні Рады БНР, першая жанчына пісьменніца БНР

У 1921 годзе арыштаваная бальшавікамі за сувязь з падпольнымі нацыянальнымі беларускімі арганізацыямі ў Віцебскай, Смаленскай і Гомельскай губернях, а таксама з арганізацыямі па іншы бок савецка-польскага фронту 🤯
У 1937 годзе абвінавачаная ў антысавецкай дзейнасці і арыштаваная. У 1938 — прыгавораная да расстрэлу 🥲

Пакінула пасля сябе добрую літаратурную спадчыну: «Смерць мачыхі», «Смяюцца ...над сабою» і «Думкі парабка», "Цётка", вершы, казкі, палітычныя артыкулы 📚

«Silva rerum»: Кніга стагоддзя ў Літве — цяпер на беларускай!

📚 Выдавецтва «Вясна» прадставіла беларускі пераклад рамана «Silva rerum» Крысціны Сабаляўскайце.
📖 Гэты твор — сапраўдны «лес рэчаў», дзе кожная старонка адкрывае таямніцы жыцця ў часы ВКЛ. Кніга прайшла праз мноства выданняў і атрымала ўвагу ў розных краінах. Цяпер і ў беларусаў ёсць магчымасць пагрузіцца ў гэтую захапляльную гісторыю!

📌 Замовіць можна на Knihauka.com

📖 Філасофская спадчына: выйшла кніга Фларыяна Бохвіца

📚 У выдавецтве Рамана Цымберава ў межах серыі «Галерэя чалавечай думкі» выйшла кніга «Асновы думак і пачуццяў маіх» Фларыяна Бохвіца.
✍️ Гэта праца філосафа, які жыў у XVIII–XIX стагоддзях і зрабіў значны ўнёсак у развіццё гуманістычнай думкі на беларускіх землях

📌 Замовіць можна на Kniger.by

🔥 Нязломная: жыццё і творчасць Ларысы Геніюш — лекцыя, якую вы не забудзеце

📆 16 верасня ва Уроцлаве пройдзе пятая лекцыя цыкла «Доўгая дарога дадому» ад паэта Андрэя Хадановіча - пра жыццё і творчасць Ларысы Геніюш.
Гэта не проста гісторыя, а размова пра лёс, дысідэнцтва і праўду, якую хавалі спецслужбы.

📌 Уваход вольны, будзе пераклад на польскую. Далучайцеся анлайн ці прыходзьце асабіста!

❗️Зміцер Бартосік з песнямі і кнігамі ва Ўроцлаве!

📆 10 верасня ва Уроцлаве адбудзецца творчы вечар барда і пісьменніка Змітра Бартосіка
👉 У праграме — прэзентацыя дзвюх новых кніг, песні пад гітару і жыццёвыя анекдоты ад аўтара
📍 Адрас: Świdnicka 43/45. Запрашаем!

🎉 Дэбют: Магдалена Лаеўская з кнігай «Цыбульныя косы»

📚 Выйшаў зборнік «Цыбульныя косы» паэткі Магдалены Лаеўскай. Аўтарка — этнічная полька, якая піша вершы па-беларуску.
📖 У гэтай кнізе яна дзякуе за жыццё, за словы, за сваю мову. Гэта не проста вершы, а кранальная споведзь, якая нікога не пакіне абыякавым.
Шукайце кнігу ў выдавецтве Рамана Цымберава!

Проста нагадваем, што год назад мы змясцілі на нашым Патрыёне апрацаваныя з дапамогай ШІ малюнкі Напалеона Орды... 🤗
👇👇👇

Малюнкі Напалеона Орды ў колеры 🔥

Адноўленыя і расфарбаваныя з дапамогай ШІ палацы, замкі, касцёлы Беларусі (і нават Дубай!) з выяў Напалеона Орды ужо дасяжны на Патрыёне 😎

✍️ Выйшаў зборнік твораў Міколы Арахоўскага

📖 У кнігу «Злавіць матылька» ўвайшлі яго п’есы, аповесці, артыкулы і лісты
💎 Гэта не проста кніга, а сапраўдны каштоўны скарб з рукапісаў, якія цяпер даступныя кожнаму. Выданне прымеркавана да 75-годдзя пісьменніка.
📌 Шукайце кнігу на сайце Kniger.by.