The first day totally failed, the second is about to fail.

Birinchi kunning vazifasi bajarilmadi, ikkinchi kunniki ham chala. Kecha qizimning injiqligi, tunda o'zimning deyarli allergik shok bo'lib qolayozganim, bugun esa yana kutilmagan hodisalar study planimning dastlabki ikki kunini ham barbod qildi.

Buni nimaga yozyapman? Axir men sizning ingliz tili ustozingizman va sizga mukammal, hamma narsani vaqtida bajaradigan bo'lib ko'rinishim kerak emasmi?

Yo'q. Biz barchamiz odamlarmiz va hayot doim bizning rejamiz asosida ketmaydi. Biz doim bir urinishda nimanidir uddalay olmaymiz.

Yuqorida diplomlarimni yuborgan edim. Bularning barchasini o'z tarixi, o'sha tarixda qancha mashaqqat, uyqusizlik, ba'zan ko'z yosh bor. Men bir urinishdayoq nimanidir uddalab bo'lmasligiga odatlanganman va bu vaziyatni tushunaman. Ammo study planimni uloqtirmayman. Ertaga mo'ljallangan vazifani bajarishga urinaman. Agar bajara olmasam, undan keyingi kunnikini bajarishga harakat qilaman. Shunday qilib, sekin odatlanaman, fursat va imkon topishni o'rganaman.

O'quvchim, hayot g'alabadan emas, harakatdan iborat.

Bilaman, orangizda ko'pchiligingiz bir necha muddat ingliz tilini o'rgangansiz, va o'zingizga ma'lum sabablar bilan na biror darajaga yetmasdan, sertifikat olmasdan, to'xtatib qo'ygansiz. Bir gap bor edi, agar ortga qaytmoqchi bo'lsang, nima uchun yo'lga chiqganingni esla, degan. Sizga ingliz tili juda kerak va shuning uchun shu postni o'qiyapsiz. Qo'lingizda butun dunyo ilmi - internet bor. Instagram emas, ChatGPT bilan ko'proq vaqt o'tkazing. YouTube shorts emas, ingliz tili ko'rsatuv va kinolar ko'ring. Va albatta, kursga qatnashing. Mana shu gapdan keyin kursimni reklamasi bo'lishi kerak edi. Ammo afsuski, o'rinlar to'ldi va endi qachon yangi guruh ochishim noma'lum. Ammo sizlarga self-study qilishga doim yordam berib boraman. Mana shu post 👉 https://news.1rj.ru/str/edutopian/75 100 ta 🔥 yig'sa, til o’rganish uslubingizni umuman o’zgartirib yuboradigan dars o'tib beraman.

Ertadan boshlanadigan intensiv guruhimdagilarga meni motivatsiya berishim😅

Bajarganingiz uchun sizga hech kim rahmat aytmaydigan yumushlarni qilib bo’lgan bo’lsangiz, endi o’tirib kelajagingiz uchun dars qiling.

Darsdan taassurotlar🔥

Dars rejasi judayam yoqdi menga. Umid qilamanki, 1 oy ichida juda qiziqarli dars boladi

The lesson was just wonderful. 1 month plan is another theme 😍. I think it is very useful. Thanks teacher ⚡️

To‘g‘risini aytsam ustoz tanlashda juda injiqman.Lekin, birinchi darsingizni ko‘rganimdayoq ichimdan ʼʼshu insonʼʼ degan ovoz kelgan... Berayotga bilimingiz, samimiyligingiz, tarbiyangiz va insoniyligingiz uchun rahmat! Faqatgina moddiyat uchungina dars beradigan ustozlarni ko‘rganman, lekin natija uchun, haqiqiy ilm o‘rgatish uchun, chin dildan o‘z sohasini sevib dars beradigan o‘qituvchilar juda kam. Noyobligingizga ko‘z tegmasin Mrs Marjona. Sizni samimiy yaxshi ko‘raman.... Kasb bayramingiz muborak bo‘lsin! 🥹🥹💋
@Marjona_Kh

bugun shunday ajoyib tabriklarni 30ga yaqin o'quvchilarimdan qabul qildim. Bunga munosib qilganiga shukur.

Bir xatoni takror-takror qilasiz, xatoligini bilsangiz ham.

Olaylik, biror so'z siz uni talaffuz qilayotganingizdek aytilmasligini bilasiz, qanday to'g'ri aytilishini ham bilasiz, lekin gapirganingizda doim uning o'zingiz odatlanib qolgan noto'g'ri shaklidan foydalanasiz. Yoki bror grammatik struktura, to'g'risini bilasiz, ammo o'zingiz odatlanib qolgan notog'risida gap tuzasiz.

Bunday xatolarning nomi til o'zlashtirish naariyasida "Fossilized mistakes", ya'ni "qotib qolgan xatolar" dir.

Kelishib chiqish sabablar:
- Dastlab bu xatolarni qilib boshlaganingizda hech kim to'g'irlamagan sizni, siz bu xatoni 100 martalab takrorlagansiz, natijada sizga tug'ishganingizdek yaqin bo'lib ketgan bu xatolar)
- Siz tilni, xususan ingliz tilini, ona tilingizga taqqoslab o'rganasiz va foydalanasiz. O'zbek va ingliz tili tuzilishi keskin farq qilgani uchun, taqqoslash natijada xatolarni takrorlayverasiz.
- Ingliz tilida yetarlicha input qabul qilmaysiz.
- Tilda yetarlicha amaliyot qilmaysiz. Grammatik qoidalardir sizning bilganingiz bu tilda faqat.

"Fossilized mistakes" surunkali xastalikka o'xshyadi. Xushxabar, ularni yo'qotish mumkin.

- Aniqlab olish kerak, sizdagi xatolar nima. Nimadan xato foydalanyapsiz.
- Xatoning tuzatilgan shakli qanday bo'ladi?
- Va maxsus muolaja - professional o'qituvchi tomonidan berilgan ko'rstamalarni bajarib, sekin bu xatolarni kamaytirish mumkin.

Bunday xatolarni tuzatish bir qancha vaqt oladi. Balki shunday xatolargina sizni o'zingiz xohlagan natijaga chqishingizda halal berayotgandir. Hamma xato qiladi, ammo tilni jonkuyar ustoz bilan o'rganish va xatolaringizga to'g'ri yondashish sizni tezroq va aniqroq darajaga olib chiqadi.

Darajangiz beginner ammo ingliz tili kitob o'qishni xohlaysiz. Shu kitobni o'qib ko'ring. Maza qilsangiz, boshqalarga ham tavsiya qiling.

@edutopian

🎓 Flipped Classroom — Nega bizda dars boshqacha ishlaydi?

An'anaviy o'qitish tizimida o‘qituvchi darsda yangi mavzuni tushuntiradi,
talabalar esa uyda mashq qilishga urinadi.

Bizda esa aksincha: siz darsdan oldin mavzuni video ko'rish orqali o‘rganasiz, dars vaqtida esa o‘sha bilimni ishlatasiz — gapirasiz, yozasiz, xatolaringizni to‘g‘rilaysiz.

💡 Bu nima beradi?

Siz darsda faol qatnashasiz, tomoshabin emassiz.

O‘rganilgan grammatikani darhol amaliyotda qo‘llaysiz.

Bu tizimda har bir daqiqa natija uchun ishlaydi.

Flipped classroom — bu “tinglovchi”dan “so‘zlovchi”ga aylanish usuli.
Shu sababli bizning darslarda siz grammatika o‘rganmaysiz — siz grammatikada yashaysiz.

Flipped Classroom atmosferasini o'zingizda sinab ko'rish uchun ertaga mana shu kanalda bo'ladigan ochiq darsda qatnashing.

Faqat avval quyida Mr Otabek tomonidan Present Simple mavzusida yozilgan videoni ko'rib, mashqlarini bajarib video ostidagi izohlar bo'limiga yuborib qo'ying.

1. Videoni ko'ring.
2. Mashqlarni bajaring.
3. Ertangi darsda flipped classroom muhitini his qiling.

Biz bilan bo'lish yangiliklarni sinab ko'rishdir!

Ushbu mashqlarni bajaring: https://test-english.com/grammar-points/a1/present-simple/

https://test-english.com/grammar-points/a1/present-simple/2/

https://test-english.com/grammar-points/a1/present-simple/3/

https://test-english.com/grammar-points/a1/present-simple/4/


@edutopian

Videoni ko’rib, vazifani bajaring.

Bugun sizga Flipped Classroomni his qildirtiramiz🌟

Dars shu yerda, @edutopian’da, 20:00 da!

Ertaga bo'ladigan darsimizgacha ushbu videoni ham diqqat bilan ko'ring.

Sizni til o'rganish ishtiyoqi yetaklab keldi bizning Edutopia'ga!

Modomiki siz shu xabarni o'qiyotgan ekansiz, demak sizga ingliz tili kerak. To'lov sharti bilan o'qitiladigan darslarda hamma ham qatnasha olmasligi, yoki kimlardir shunchaki hobbi sifatida ingliz tilini o'rganib yurgan bo'lishi mumkin.

Shuning uchun biz kanalda tez-tez ochiq darslar o'tib turamiz. Sifatli darslar uchun esa qulay sinfxona kerak. ZOOM sizning qulay sinfxonangizdir, barcha jihozlar mavjud bo'lgan.

Ertangi Mr Otabek tomonidan o'tkaziladigan dars ham "Zoom" da davom etadi, iltimos telefoningizga ZOOM platformasini o'rnatib oling va bizni kuzatishda davom eting.

Sizning Edutopian.

Ushbu quiz ham foydadan holi emas: https://wordwall.net/resource/70686569

Bir soat sarfladim

5:30'da boshlagan edim mana shu videodagi speakerni gapini dictation qilishni. Yozib olib, tekshirib chiqishga bir soat ketdi. Video 5 daqiqa.

Orada to'xtatsammi, bo'ldi, buncha tushunarsiz bu degan hayollar ko'p o'tdi. Lekin to'xtamadim. O'zim o'quvchilarimga berayotgan vazifalarim yodimga tushdi. Ularning sabr bilan bajarayotganligi meni ham boshlagan ishimni tugatib qo'yishimga turtki bo'ldi.

Men o'quvchilarimdan ko'p narsani o'rganaman. Ularga faqatgina til borasida bilim bera olishim mumkin, ammo boshqa sohalarda ular men uchun na'muna.

Chuqur suhbat qursam, o'quvchilarimning orasida eng bekorchisi men bo'lib chiqaman. Chunki mening ustozim yo'q menga 3 yoki 4 soat vaqt ketadigan vazifalar beradigan.

Ularni iloj va vaqt topib, til o'rganishayotganini ko'rib men ilhomlanaman. Men ham yana-da o'sishga harakat qilaman.

Hayot "circular"dir. Doira ichida aylanadi. Biz bir birimizdan ko'rib o'rganamiz, xulosa chiqaramiz.