🤩 Shaxsiy post

Juda ko'pchilik qanday qilib tug'ruqdan keyin juda tez tiklanganim haqida so'rashadi. Qizim hali 3 oyligidayoq dars o'tib, yangi loyihalar ustida ishlay boshladim. Qanday kuch edi bu?

Moddiyatga emas, rivojlanishga bo'lgan kuchli xohish edi bu. Men maishiy hayotdagi mayda-chuydalik, mentalitet kabi g'ovlarni olib tashlashim kerak edi. Bilmingiz va jamg'armangiz bo'lsa, hayot ancha yengillashadi. Ikkisidan birini tanlash kerak bo'lsa, bilim bo'laqolsin shu biri. Bilim rivojlanishning asosiy unsuridir. Shu sababli dars tayyorlashim, shu bilan birga moliyaviy mustaqil bo'lishim kerak degan qaror qabul qildim.

Ayol uchun hayotining eng sinovli qismi bu farzandini dunyoga keltirgach boshlanar ekan. Tana va ruhning yangi hayot tarziga moslashishi, balki boshqalarning ham sening bu hayot tarzingga moslashishiga vaqt kerak. Ayolning do'st va yaqinlarning yordamiga eng ko'p ehtiyojmand davri ham tug'ruqdan keyingi davr ekan. Mening tiklanishimga turmush o'rtog'imning mehr va g'amxo'rligi, masofadan turib bo'lsada qo'llab-quvvatlash va tushunishi juda katta yordam berdi.

Qaynona onamning hamda ayamning yordami tufayli to'yib uxlagan tunlarim bo'ldi. Ayniqsa ular hamon mendan katta yutuqlar kutishi, meni ruhlantirishlari o'zimga bo'lgan bahomni oshiradi.

O'quvchilarim esa menga qattiq ishongan, ammo barcha mas'uliyat o'z zimmasida ekanligini bilashadi. Barchasi ilmli, madaniyatli va juda zehnli.

Negadir men rivojlanishga qaror qildim va hayotim ijobiylikka - positivlikka burkandi. Balki men dunyoning faqat yaxshi tomonini ko'rishga qaror qilganim uchundir. Chunki aslida juda ko'p muammolar sizning miyangizda bo'ladi, reallikda emas.

Bugun bu xabarni sizga ham foydali bo'lishi mumkin deb yozdim.

- Rivojlaning.
- Bilim oling.
- Jamg'armangiz bo'lsin.
- Yordam so'rang.
- Ijobiy fikrlang.

Siz chiroyli hayotda yashashga munosibsiz. 🌺

💓GRANT natijalari...

Maroqli, shu bilan qiyin vaziyat bo'ldi GRANT egasini tanlash. Ishtirokchilarning barchasini inshosini o'qir ekanman, GRANT shu insonniki bo'lishi kerak degan xayol o'tardi ichimda. Ammo bir kishiga berilishi kerak. Shartmi, shart. Ayniqsa, suhbat bosqichidan keyin miyamda savollar, va hali pishiq bo'lmagan xulosalar ko'paydi. Lekin qaror qilish kerak, yakuniy xulosaga kelinishi kerak.

Ishtirokchilarning barchasi o'ziga xos - qobilyatli, ishtiyoqi baland. Ammo ularning oralaridan Ms Kimyo Qayumova'ni shu safargi GRANTimizga eng ko'p munosib deb topdim. Ms Kimyoning til o'rganishga bo'lgan ishtiyoq va qobilyati hatto o'zimni ruhlantirib yubordi. Ms Kimyoni ingliz tilini o'rganishdagi ushbu kichik g'alabasi bilan tabriklaymiz, hali IELTS'dan 8-9 ballarni olganlarida ham mana shu kanalda tabriklash nasib qilsin.

Qolgan barcha qatnashchilarga ham katta rahmat. 🤍