- 10 kishidan iborat kichik guruhlar
- Zamonaviy o'qitish metodlari
- Professional o'qituvchi
- Qulay 20:00-22:00 dars vaqti
- Birinchi kundanoq ingliz tilida gapirish imkoniyati!

Kirish darsi 4-fevral kuni! Qolib ketmang, quyidagi guruhga qo'shilib oling.

👉 Boshlang'ich darajadagilar uchun guruh

Tushkunlikda bo'lsangiz til o'rganing - chalg'iysiz.
Zerikkan bo'lsangiz til o'rganing - vaqtni mazmunli o'tkazasiz.
O'zgarmoqchi bo'lsangiz til o'rganing - yangiliklar kashf qilasiz.
Ko'p pul topmoqchi bo'lsangiz til o'rganing - hamkasblaringizdan kuchliroq bo'lasiz.
Farzandlaringiz uchun yaxshilik qilmoqchi bo'lsangiz til o'rganing - ularga ham o'rgatasiz.
Rivojlanishni istasangiz til o'rganing - yangi tanishuvlar, kengroq ma'lumotlar eshigi ochiladi.

Umuman olganda, o'zingizni eng yaxshi versiyangiz bo'lishni istasangiz - albatta til o'rganing. Qaysi tilni o'rganishga kelganda esa, siz va oilangiz uchun manfaatli bo'ladigan tilni tanlang.

@edutopian - Marjona Teaches...

4-fevraldan boshlanadigan boshlang'ich darajadagi darslarimga qabul davom etyapti.

Online dastur haqida qisqacha:

1. Darslarni shaxsan o'zim o'taman. Men haqimda ma'lumot ushbu linkda.
2. Guruhda maksimal o'quvchi soni 10 ta, undan oshmaydi.
3. Flipped-classroom, student-centered learning, audio-lingual metod kabi zamonaviy yondashuvlarda dars olib boraman.
4. Dars vaqti qulay, 20:00-22:00 yoki 16:00-18:00. O'zingizga ma'qulini tanlaysiz.
5. Darslar jonli, har bir o'quvchi bilan individual shug'ullanaman. Uyga vazifa tekshirib, feedback beraman.
6. O'quvchilarim birinchi kundanoq ingliz tilida gapira boshlaydi.

👉 Guruhga qo'shilish uchun ushbu linkdan foydalaning.

Shaxsiy hayotidan ortib shu kabi izoh yozadigan o'quvchilarga rahmat, aslida. Tabiiy, jonli va kerakli. Mehnatingiz va harakatlaringiz kim uchundir foydali ekanligini his qilish sizga ilhom beradi.

Sarflagan vaqtingiz va samimiy fikrlaringiz uchun rahmat, Ms Sharifa 🤍

Nega ba'zi o'quvchilar tilni juda tez o'rganadi, ammo ba'zilar yillab harakat qilsa ham natija kutilgandek bo'lmaydi?

Fanda buni "Affective Filter" ya'ni "Hissiy Filtr" deb ataydi.

Bu nima degani? Tasavvur qiling, miyangizda bir "filtr" bor. Agar bu filtr yupqa bo‘lsa, bilim miyaga oson kiradi. Agar filtr qalin bo‘lsa, u bilim yo‘liga to‘siq (blok) bo‘ladi.

Filtrning qatlamlarini esa quyidagi hissiyotlar tashkil qiladi:
Xavotir - "Xato qilsam-chi?", "Ustimdan kulishsa-chi?" degan qo‘rquv.
O'ziga bo'lgan ishonch pastligi - "Men baribir o‘rgana olmayman" deb o‘ylash.
Inhibition & Introversion - Tortinchoqlik va o‘zini haddan tashqari nazorat qilish.
Ishtiyoqsizlik - Til o‘rganishdan maqsad aniq emasligi.

Bu filtr qalinlashib, "mental block"ni tashkil qiladi, natijada til o'zlashtirish jarayoni sustlashadi, samarasizdek tuyiladi. Shu sabali ham ingliz tili darslarida do'stona muhit, ustoz-shogird sog'lom munosabatlari va positiv o'qituvchi juda muhimdir. Shu bilan, o'quvchilardan ham

- Yuqori ishtiyoq
- O'ziga bo'lgan baland ishonch
- Xato qilishdan qo'rqmaslik
- Xotirjamlik va ijobiy kayfiyat

talab qilinadi. Til o‘rganish - bu ichki qo‘rquvlarni yengishdir. Shu sababli ham qaysidir tilni uddalab o'rgangach, odamlar ijobiy tomonga o'zgarib qolishadi.

@edutopian - Marjona Teaches...

Ag'darilgan dars qanday ishlaydi?

Ha, men ag'darilgan uslubda ingliz tilini o'rgataman. Bu an'anaviy ta'lim tizimiga mutlaqo zid. An'anaviy tizim - darsga kirasiz, ustoz yangi grammatikani tushuntiradi, mashq bajarasiz, uyga mustahkamlash uchun qo'shimcha mashg'ulotlar beradi. Agar sizni boshingiz og'riyotgan bo'lsa, kayfiyatingiz yo'q yoki charchagan bo'lsangiz o'sha mavzuni o'zlashtira olmay qolasiz. Bunday holat bir necha bor takrorlansa, qoloq o'quvchiga aylanasiz.

Menda esa teskarisi - darsdan oldin yangi grammatik mavzuni tushuntirib 10-15 daqiqalik video tarzida yozib yuboraman. O'quvchi hushyor va tetik payti mavzuni ko'rib, berilgan mashqlarni bajaradi. Darsga esa bugun o'tiladigan mavzuni allaqachon bilib kiradi. Endi 2 soat davomida nima qilamiz? Faqat gapiramiz, mashg'ulot qilib, nazariy bilimni amaliyda sinaymiz. Birga yangi so'z o'rganamiz. Grammatik mavzu, yangi so'z va ma'noli kontentni birlashtirib ajoyib mashg'ulotlar bajaramiz.

Natijada nima bo'ladi:
1. Darsdagi 2 soat vaqtni "qutqarib" qolamiz.
2. Siz o'zingizga qulay vaqtda grammatik videoni ko'rsangiz yaxshi o'zlashtirsiz.
3. Darsda ko'p-ko'p speaking qilamiz. Bu "mental block"ni yupqalashtiradi.
4. Dars qizg'in, nazariyalarsiz, hammani qamrab olgan tarzda o'tadi.

PS: Aytgancha - "ag'darilgan dars" fanda "Flipped-classroom" deyiladi.
Quyida o'quvchilarimni fikrini o'qing.

@edutopian - Marjona Teaches...

Ustoz falsafasi

“Teaching philosophy” iborasi bor - uni “o‘qitish falsafasi” yoki “ustoz falsafasi” deb tarjima qilish mumkin. Buni oddiy qilib aytganda, o‘qituvchining qadriyatlari deb tushunsak bo‘ladi. Men o‘z qadriyatlarimni aniq belgilab olganman: dars jarayonida ham, ustoz-shogird munosabatida ham men uchun nimalar muhimligini yaxshi bilaman. Hatto shu mavzu bo‘yicha inshomni yozib, Professor Thomas’dan “A” baho olganman. Professorim haqida yana alohida gapirib beraman. Hozir esa o‘z ustozlik falsafamni yozmoqchiman.

Quyida bullet pointlarda - o‘qishga yengil va tushunarli shaklda bayon qilaman:

1. O‘quvchi shaxsiyatini va qobiliyatini hurmat qilish

Kim bo‘lishidan qat’i nazar, mening sinfxonamga kirgan har bir kishi - bir xil qadriyatlarga ega, til o‘rganayotgan talaba. Millat, e’tiqod, ijtimoiy maqom - men uchun farqi yo‘q. Eng muhimi, har bir insonda til o‘rganish qobiliyati borligiga chin dildan ishonaman. Til o‘rgatish “qilib bo‘lmaydigan ish” emas - to‘g‘ri yondashuv bilan barchada natija bo‘ladi.

2. Do‘stona va qo‘llab-quvvatlovchi muhit yaratish

Til - bu muloqot. Muloqot esa - munosabat. Shuning uchun sinfdagi atmosfera erkinlik, ijobiylik va do‘stlik asosida qurilishi kerak. O‘quvchilar o‘zaro, hamda o‘quvchi–o‘qituvchi orasidagi iliq munosabatlar til o‘rganish jarayonini tezlashtiradi.

3. Mustaqil ishlashga o‘rgatish

Hamma narsani ustoz aytib turishi shart emas. Ustozsiz bajarish mumkin bo‘lgan vazifalar, mustaqil mashqlar, izlanishlar bo‘lishi kerak. Chunki haqiqiy o‘zlashtirish shunda boshlanadi - o‘quvchi o‘z uslubini topadi, o‘zi izlanadi va o‘zi natija chiqaradi.

4. Faqat tilni emas, til orqali yangi bilimlarni o‘rgatish

Ingliz tili menga yoqishining asosiy sababi - har qanday mavzu orqali dars o‘tish mumkin: sog‘lom turmush tarzi, moda, psixologiya, geografiya, tarix, san’at va boshqalar. Eng qiziq tomoni - men ham o‘quvchilarimdan o‘rganaman. Bu jarayon bir vaqtning o‘zida ham til ko‘nikmalarini, ham dunyoqarashni kengaytiradi.

Mening qadriyatlarimni o‘quvchilarim ham qadrlashadi. Kattalarga dars berishda faqat bilim berishning o‘zi yetmaydi - ularning ishtiyoqini saqlab qolish, sharoitdan kelib chiqib to‘g‘ri ruhlantira olish juda muhim. Quyida darslardan vaqtinchalik tanaffus olgan o‘quvchimning xatini o‘qing va mening “teaching philosophy”imni aynan shogirdlarimning so‘zlarida ko‘ring.

@edutopian - Marjona Teaches...