Nega ba'zi o'quvchilar tilni juda tez o'rganadi, ammo ba'zilar yillab harakat qilsa ham natija kutilgandek bo'lmaydi?

Fanda buni "Affective Filter" ya'ni "Hissiy Filtr" deb ataydi.

Bu nima degani? Tasavvur qiling, miyangizda bir "filtr" bor. Agar bu filtr yupqa bo‘lsa, bilim miyaga oson kiradi. Agar filtr qalin bo‘lsa, u bilim yo‘liga to‘siq (blok) bo‘ladi.

Filtrning qatlamlarini esa quyidagi hissiyotlar tashkil qiladi:
Xavotir - "Xato qilsam-chi?", "Ustimdan kulishsa-chi?" degan qo‘rquv.
O'ziga bo'lgan ishonch pastligi - "Men baribir o‘rgana olmayman" deb o‘ylash.
Inhibition & Introversion - Tortinchoqlik va o‘zini haddan tashqari nazorat qilish.
Ishtiyoqsizlik - Til o‘rganishdan maqsad aniq emasligi.

Bu filtr qalinlashib, "mental block"ni tashkil qiladi, natijada til o'zlashtirish jarayoni sustlashadi, samarasizdek tuyiladi. Shu sabali ham ingliz tili darslarida do'stona muhit, ustoz-shogird sog'lom munosabatlari va positiv o'qituvchi juda muhimdir. Shu bilan, o'quvchilardan ham

- Yuqori ishtiyoq
- O'ziga bo'lgan baland ishonch
- Xato qilishdan qo'rqmaslik
- Xotirjamlik va ijobiy kayfiyat

talab qilinadi. Til o‘rganish - bu ichki qo‘rquvlarni yengishdir. Shu sababli ham qaysidir tilni uddalab o'rgangach, odamlar ijobiy tomonga o'zgarib qolishadi.

@edutopian - Marjona Teaches...

Ag'darilgan dars qanday ishlaydi?

Ha, men ag'darilgan uslubda ingliz tilini o'rgataman. Bu an'anaviy ta'lim tizimiga mutlaqo zid. An'anaviy tizim - darsga kirasiz, ustoz yangi grammatikani tushuntiradi, mashq bajarasiz, uyga mustahkamlash uchun qo'shimcha mashg'ulotlar beradi. Agar sizni boshingiz og'riyotgan bo'lsa, kayfiyatingiz yo'q yoki charchagan bo'lsangiz o'sha mavzuni o'zlashtira olmay qolasiz. Bunday holat bir necha bor takrorlansa, qoloq o'quvchiga aylanasiz.

Menda esa teskarisi - darsdan oldin yangi grammatik mavzuni tushuntirib 10-15 daqiqalik video tarzida yozib yuboraman. O'quvchi hushyor va tetik payti mavzuni ko'rib, berilgan mashqlarni bajaradi. Darsga esa bugun o'tiladigan mavzuni allaqachon bilib kiradi. Endi 2 soat davomida nima qilamiz? Faqat gapiramiz, mashg'ulot qilib, nazariy bilimni amaliyda sinaymiz. Birga yangi so'z o'rganamiz. Grammatik mavzu, yangi so'z va ma'noli kontentni birlashtirib ajoyib mashg'ulotlar bajaramiz.

Natijada nima bo'ladi:
1. Darsdagi 2 soat vaqtni "qutqarib" qolamiz.
2. Siz o'zingizga qulay vaqtda grammatik videoni ko'rsangiz yaxshi o'zlashtirsiz.
3. Darsda ko'p-ko'p speaking qilamiz. Bu "mental block"ni yupqalashtiradi.
4. Dars qizg'in, nazariyalarsiz, hammani qamrab olgan tarzda o'tadi.

Mana shunday "stilny" darslar o'taman men. Qo'shilish uchun imkon bor.

- Haftasiga 3 kun jonli dars
- Darsdan oldin grammar mavzuni videosi
- Talaffuz, speakingga katta diqqat
- Har bir o'quvchiga individual yondashuv

Shunday keng qamrovli dasturning ishtirokchisi bo'lishni istasangiz, shu guruhga qo'shiling. 4-fevralda birinchi dars!

PS: Aytgancha - "ag'darilgan dars" fanda "Flipped-classroom" deyiladi.
Quyida o'quvchilarimni fikrini o'qing.

@edutopian - Marjona Teaches...

Elementary'lar ham marhamat!

Agar bir o'qib, bir tashlab yurgan bo'lsangiz - aniq darajangiz elementary. Sizni ham ertangi darsga taklif qilaman chunki Beginner va Elementary guruhlarga bo'laman.

Guruh: https://news.1rj.ru/str/+n1ImhJVS8LQwZmU1

Ustoz falsafasi

“Teaching philosophy” iborasi bor - uni “o‘qitish falsafasi” yoki “ustoz falsafasi” deb tarjima qilish mumkin. Buni oddiy qilib aytganda, o‘qituvchining qadriyatlari deb tushunsak bo‘ladi. Men o‘z qadriyatlarimni aniq belgilab olganman: dars jarayonida ham, ustoz-shogird munosabatida ham men uchun nimalar muhimligini yaxshi bilaman. Hatto shu mavzu bo‘yicha inshomni yozib, Professor Thomas’dan “A” baho olganman. Professorim haqida yana alohida gapirib beraman. Hozir esa o‘z ustozlik falsafamni yozmoqchiman.

Quyida bullet pointlarda - o‘qishga yengil va tushunarli shaklda bayon qilaman:

1. O‘quvchi shaxsiyatini va qobiliyatini hurmat qilish

Kim bo‘lishidan qat’i nazar, mening sinfxonamga kirgan har bir kishi - bir xil qadriyatlarga ega, til o‘rganayotgan talaba. Millat, e’tiqod, ijtimoiy maqom - men uchun farqi yo‘q. Eng muhimi, har bir insonda til o‘rganish qobiliyati borligiga chin dildan ishonaman. Til o‘rgatish “qilib bo‘lmaydigan ish” emas - to‘g‘ri yondashuv bilan barchada natija bo‘ladi.

2. Do‘stona va qo‘llab-quvvatlovchi muhit yaratish

Til - bu muloqot. Muloqot esa - munosabat. Shuning uchun sinfdagi atmosfera erkinlik, ijobiylik va do‘stlik asosida qurilishi kerak. O‘quvchilar o‘zaro, hamda o‘quvchi–o‘qituvchi orasidagi iliq munosabatlar til o‘rganish jarayonini tezlashtiradi.

3. Mustaqil ishlashga o‘rgatish

Hamma narsani ustoz aytib turishi shart emas. Ustozsiz bajarish mumkin bo‘lgan vazifalar, mustaqil mashqlar, izlanishlar bo‘lishi kerak. Chunki haqiqiy o‘zlashtirish shunda boshlanadi - o‘quvchi o‘z uslubini topadi, o‘zi izlanadi va o‘zi natija chiqaradi.

4. Faqat tilni emas, til orqali yangi bilimlarni o‘rgatish

Ingliz tili menga yoqishining asosiy sababi - har qanday mavzu orqali dars o‘tish mumkin: sog‘lom turmush tarzi, moda, psixologiya, geografiya, tarix, san’at va boshqalar. Eng qiziq tomoni - men ham o‘quvchilarimdan o‘rganaman. Bu jarayon bir vaqtning o‘zida ham til ko‘nikmalarini, ham dunyoqarashni kengaytiradi.

Mening qadriyatlarimni o‘quvchilarim ham qadrlashadi. Kattalarga dars berishda faqat bilim berishning o‘zi yetmaydi - ularning ishtiyoqini saqlab qolish, sharoitdan kelib chiqib to‘g‘ri ruhlantira olish juda muhim. Quyida darslardan vaqtinchalik tanaffus olgan o‘quvchimning xatini o‘qing va mening “teaching philosophy”imni aynan shogirdlarimning so‘zlarida ko‘ring.

@edutopian - Marjona Teaches...

So’nggi eslatma!

Bugün ikki imkonning ham oxirgi kuni: mendan dars olish va hozirgi narxda dars olish.

İzoh:

1. Mening bo’sh vaqtlarim uchun barcha guruhlar bugün shakllanadi. Va kim bilsin keyin qachon o’zim uchun guruh ochaman yana.


Tanishuv darsi bugün 20:00da shu guruhda bo’ladi: https://news.1rj.ru/str/+n1ImhJVS8LQwZmU1

2. Guruhda o’quvchi soni chegaralangani uchun kelasi patoklardan dars narxlarini oshirishni reja qilganmiz. Barcha darajalar uchun to’lov 400 ming so’m bo’lganida qo’shilib oling va bu narx sizga butun umrga amal qiladi.