የኢፕድ የስራ ማስታወቂያዎች፤ መልካም ዕድል ‼️

የመንግሥት ተጠሪ ሚኒስትር በዛላ ወረዳ በኩታ ገጠም እየለማ የሚገኘውን የበቆሎ እርሻን ጎበኙ
************
(ኢ.ፕ.ድ)
በኢፌዴሪ ሕዝብ ተወካዮች ምክር ቤት የመንግሥት ተጠሪ ሚኒስትር አቶ ተስፋዬ በልጂጌ በዛላ ወረዳ በኩታ ገጠም እየለማ የሚገኘውን የበቆሎ እርሻ ማሳን ጎበኙ።
በጉብኝቱ ወቅት አቶ ተስፋዬ እንደገለፁት አከባቢው ለተከታታይ አመታት በእርጥበት እጥረት ለድርቅ የተጋለጠ ቢሆንም የጠንካራ የስራ ባህል ባለቤት የሆነው የዞኑ አርሶ አደር ተስፋ ሰጪ የበቆሎ እርሻ አሳይቶናል ብለዋል።
በጉብኝቱም የፌደራል እና የክልል ከፍተኛ አመራሮች ተገኝተዋል ሲል ምክር ቤቱ ዘግቧል።

የበጀት ዓመቱ የዘጠኝ ወራት የተቋማት አፈጻጸም ግምገማ ሚኒስትር ዴኤታዎችና የምክር ቤት አባላት በተገኙበት እየተካሄደ ነው
******************
(ኢ ፕ ድ)
የ2015 በጀት ዓመት የዘጠኝ ወራት የተቋማት አፈጻጸም ግምገማ ሚኒስትር ዴኤታዎች፣ የህዝብ ተወካዮችና የፌዴሬሽን ምክር ቤቶች አባላት በተገኙበት እየተካሄደ ነው።
ጠቅላይ ሚኒስትር ዶክተር ዐቢይ አሕመድ በተገኙበት ባለፈው ሳምንት የሚኒስትሮች የሩብ ዓመት የሥራ አፈጻጸም መገምገሙ ይታወቃል።
በመድረኩ የዘጠኝ ወር የማክሮ ኢኮኖሚውን እና የሴክተሮች ልዩ አፈጻጸም ተገምግሟል።
የሚኒስትሮች የሩብ ዓመት የሥራ አፈጻጸም ግምገማ ሁለተኛው የሀገር በቀል የኢኮኖሚ ማሻሻያ አጀንዳ ላይ በመወያየት አቅጣጫ ማስቀመጡም ይታወቃል።
በዛሬው ዕለት ደግሞ የሚኒስትር ዴኤታዎችና የተቋማት የዘርፍ አፈጻጸም እየተገመገመ ይገኛል።
የፕላንና ልማት ሚኒስትር ዶክተር ፍጹም አሰፋ፤ ባቀረቡት የዘጠኝ ወራት አፈጻጸም ሪፖርት የማኮሮ ኢኮኖሚው አፈጻጸም የተሻለ መሆኑን ገልጸዋል።
በዚህም በየዘርፎቹ በበጀት ዓመቱ 7 ነጥብ 5 በመቶ ኢኮኖሚያዊ ዕድገት ለማስመዝገብ የተያዘውን ዕቅድ ማሳካት የሚያስችል አመላካች ውጤት መኖሩን ተናግረዋል።
በዚህ መድረክ በስድስት ወራት ግምገማ ወቅት የተቀመጡ አፈጻጸሞች ግምገማ የተቀመጡ አቅጣጫዎች አፈጻጸም እንደሚገመገም፤ የጠቅላይ ሚኒስትር ፅሕፈት ቤት ኃላፊና የካቢኔ ጉዳዮች ሚኒስትር ዓለም ፀሐይ ጳውሎስ ተናግረዋል።
እንደ ኢዜአ ዘገባ፤ በመድረኩ ሚኒስትር ዴኤታዎች፣ የህዝብ ተወካዮች እና የፌዴሬሽን ምክርቤት አባላትና ቋሚ የኮሚቴ ሰብሳቢዎች፣ የተቋማት ኃላፊዎች እየተሳተፉ ይገኛሉ።
መድረኩ ነገም የሚቀጥል ሲሆን በሁለተኛው የሀገር በቀል የኢኮኖሚ ማሻሻያ አጀንዳ ላይ የሚመክር ይሆናል።

የጠቅላይ ሚኒስትር ዐቢይ አሕመድ መልዕክት‼️
ኢትዮጵያን ለመለወጥ መፍትሔ ተኮር መሆን የግድ ነው። የተለያየ ብቃት እና ችሎታ ያላቸው ወጣቶች የፈጠራ ሥራዎቻቸውን ያቀረቡበት ሀገር አቀፍ የክህሎት ውድድር ዛሬ ተጀምሯል። እንበርታ ፣ እንፍጠር ፣ ፈተናን ለማለፍ መፍትሔ ላይ እናተኩር።