የልጅነት ልምሻን በዘላቂነት ለመከላከል የክትባቱን ተደራሽነት ማስፋት ይገባል
****************************
(ኢ ፕ ድ)

የልጅነት ልምሻን በዘላቂነት ለመከላከል የፖሊዮ ቫይረስ ክትባትን ተደራሽነት ለማስፋት እንደሚሰራ የጤና ሚኒስቴር አስታወቀ።

የአዲስ አበባ ዩኒቨርሲቲ ለአምስት ዓመታት በኢትዮጵያ የፖሊዮ ቫይረስ በሚከሰትባቸው አካባቢዎች ላይ ያከናወነውን ጥናትና የተገኙ ውጤቶችን ለባለድርሻ አካላት በትናንትናው ዕለት አቅርቧል።

በሀገሪቱ የሚከናወኑ የልጅነት ልምሻ ቫይረስ ዳሰሳ ጥናት መቀዛቀዝ፣ በቆላማ አካባቢዎች ያለው የድንበር ወሰን ሰፊ ከመሆኑ ጋር ተያይዞ ወደ ሀገሪቱ የሚገቡ ሰዎች ቁጥር በርካታ መሆኑ፣ ሰው ሰራሽና ተፈጥሯዊ ችግሮች መከሰት በጤናው ዘርፍ ላይ ተግዳሮት እንደሚሆኑ በጥናቱ ተገልጿል።

ጥናቱ በቀረበበት ወቅት የጤና ሚኒስቴር የእናቶች ህፃናትና ወጣቶች ዘርፍ መሪ ዶክተር መሰረት ዘላለም እንደተናገሩት፤ በሽታው ....

ሙሉውን ለማንበብ ሊንኩን ይጫኑ https://www.press.et/?p=100987

አገልግሎቱ ለእጀባ፣ ለበረራ ደኅንነት መኮንኖችና አመራሮች ሲሰጥ የነበረውን ስልጠና ያጠናቀቁ ሰልጣኞችን አስመረቀ
*************************
(ኢ ፕ ድ)
የብሔራዊ መረጃና ደኅንነት አገልግሎት ለሪፐብሊካን ጋርድና ለአገልግሎት መስሪያ ቤቱ እጀባ ፣ለበረራ ደኅንነት መኮንኖችና አመራሮች ሲሰጥ የነበረውን ስልጠና ያጠናቀቁ ሰልጣኞችን አስመርቋል።
የብሔራዊ መረጃና ደኅንነት አገልግሎት ለኢፕድ በላከው መረጃ እንዳመለከተው፥ በትብብርና በአጋርነት አብረውት ከሚሰሩ የውጭ መረጃና ደኅንነት ተቋማት ጋር በመተባበር ያዘጋጀው ስልጠና በዋናነት በቪ አይ ፒ ደኅንነት ጥበቃ፣ በፈንጂ ምህንድስና ፣ በድሮን አጠቃቀም ቅየሳና የአደጋ ምላሽ አሰጣጥ ላይ ያተኮሩ ናቸው፡፡
የብሔራዊ መረጃና ደኅንነት አገልግሎት ምክትል ዳይሬክተር ጀነራል አቶ ሲሳይ ቶላ በምረቃ ስነስርዓቱ ላይ እንደገለጹት፥ አደጋ መቼና እንዴት እንደሚከሰት በእርገጠኝነት መናገር ባይቻልም በማያቋርጥ ስልጠናና ልምምድ ብቁና ሁልጊዜም ዝግጁ ሆኖ መገኘት አስፈላጊ በመሆኑ አገልግሎት መስሪያ ቤቱ ይህ አይነቱን ስልጠና አዘጋጅቷል።
በመሆኑም አገልግሎት መስሪያ ቤቱ የሀገር መሪዎችን ፣ቁልፍ መሰረተ ልማቶችን ከአደጋ የመጠበቅ እንዲሁም የበረራ ደኅንነትን የማረጋገጥ ተልዕኮዎችን ለመፈጸም የሰው ኃይሉን በተከታታይ ስልጠና እንደሚያጠናክር ተናግረዋል።
ሰልጣኞችም በስልጠና ወቅት በንድፈ ሃሳብ፡ በተግባርና በቴክኖሎጂ የተደገፈ ስልጠና ማግኘታቸው ለተቋማዊ ተልዕኮ ስኬታማ አፈፃፀም ወሳኝ መሆኑን ነው የተናገሩት።
የብሔራዊ መረጃና ደኅንነት ዩኒቨርሲቲ ኮሌጅ ፕሬዚዳንት አቶ ወንድወሰን ካሳ በበኩላቸው የቪ አይ ፒ ደኅንነት ጥበቃ መኮንኖች ከፍተኛ ደኅንነታዊ አንድምታ ያላቸውን ግለሰቦች ደኅንነት ለመጠበቅ ተገቢውን ዕውቀት፣ ክህሎት፣ አስተሳሰብ እና ስነምግባር ሊጨብጡ ይገባል ብለዋል።
እያንዳንዱ የቪ አይ ፒ ደኅንነት ጥበቃ ስምሪት ሊያጋጥሙ ከሚችሉ እንዲሁም ከሚገመቱና ካልተጠበቁ ስጋቶች እና ጥቃቶች የሀገር መሪዎችን፣ ቁልፍ የመሰረት ልማት ተቋማትን በብቃት ለመከላከል የሚያስችል የተሟላ ዕቅድ አዘጋጅቶ የመሰማራት ባህልን ማዳበር እንደሚገባም ገልፀዋል።
በብሔራዊ የመረጃና ደኅንነት ዩኒቨርሲቲ ኮሌጅ በንደፈ-ሃሳብና በተግባር የተሰጠውን ስልጠና የተከታተሉ ሰልጣኞችም በስልጠና ያገኟቸውን ዕውቀትና ክህሎቶች በተግባር ልምምድ ማሳየታቸውን የብሔራዊ መረጃና ደኅንነት አገልግሎት ለመገናኛ ብዙሃን በላከው መረጃ አመላክቷል።