በሀረሪ ለክልሉ ከፍተኛ እና መካከለኛ አመራሮች ሲሰጥ የነበረው ስልጠና ተጠናቀቀ
**************
(ኢ.ፕ.ድ)

በሀረሪ ክልል "የወል እውነቶችን የማፅናት ቀጣይ የትግል ምዕራፋ"በሚል ርዕስ ለክልሉ ከፍተኛ እና መካከለኛ አመራሮች ሲሰጥ የነበረው ስልጠና ተጠናቀቀ።

በመርሀ ግብሩ ላይ የቤኒሻንጉል ጉሙዝ ክልል ርዕሰ መስተዳድር እና የብልጽግና ፓርቲ ሥራ አስፈጻሚ ኮሚቴ አባል አቶ አሻድሊ ሀሰን ፣ በአዲስ አበባ ከተማ አስተዳድር በምክትል ከንቲባ ማዕረግ የፐብሊክ ሰርቪስና የሰው ሀብት ልማት ቢሮ ሀላፊ እና የብልፅግና ፓርቲ ማዕከላዊ ኮሚቴ አባል ወ/ሮ ሂክማ ኬይረዲን እና የአዲስ አበባ ባህል ፤ ኪነጥበብና ቱሪዝም ቢሮ ሀላፊ እና የብልጽግና ፓርቲ ማዕከላዊ ኮሚቴ አባል ዶ/ር ሂሩት ካሳው ጨምሮ ከፍተኛ አመራሮች በተገኙበት ተጠናቋል ሲል የክልሉ ኮምንኬሽን ቢሮ ዘግቧል።

ህጋዊ የንግድ ፍቃድን ሽፋን በማድረግ የተሰረቁ ንብረቶችን የሚሸጡ 4 ግለሰቦቸውን መያዙ ፖሊስ አስታወቀ
**************************
(ኢ ፕ ድ)

በተለያዩ ጊዜ የተሰረቁ ግምታቸው ከ1ሚለዮን ብር በላይ የሚያወጡ ንብረቶችን መያዙን ፖሊስ አስታወቀ፡፡ ህጋዊ የንግድ ፍቃድን ሽፋን በማድረግ የተሰረቁ ንብረቶችን እየገዙ በቅናሽ የሚሸጡ 4 ግለሰቦቸው ተይዘው ምርመራ መቀጠሉ ታውቋል፡፡

ለወንጀል መስፋፋት ልዩ ልዩ ምክንያቶችን ማንሳት ይቻላል፡፡ ተቀባይ ከሌለ ሌባ አይኖርም እንደሚባለው የአዲስ አበባ ፖሊስ የተሰረቁ እቃዎች በሚገዙ ግለሰቦች ላይ እያደረገ ያለውን ክትትል አጠናክሮ ቀጥሏል፡፡

የአዲስ ከተማ ክፍለ ከተማ ፖሊስ መምሪያ ሰኔ 8 ቀን 2015 ዓ/ም ወረዳ 8 ይርጋ ሀይሌ ህንፃ ውስጥ የተሰረቁ እቃዎችን እየገዙ በሚሸጡ ግለሰቦች ላይ ባደረገው ክትትል ከልዩ ልዩ ስፍራዎች የተሰረቁ ግምታቸው 1ሚሊዮን 210 ሺ ብር የሚያወጡ 42 ላፕቶ ፣ 12 የዴስክ ቶፕ ሞኒተሮችንና አንድ ኪቦርድ በኤግዚቢትነት ይዟል፡፡ ህጋዊ የንግድ ፈቃድን ሽፋን በማድረግ የተሰረቁ እቃዎች በመግዛት በርካሽ ዋጋ የሚሸጡ አራት ግለሰቦችም ተይዘው ምርመራው ቀጥሏል፡፡

ህጋዊ የንግድ ፍቃድን ሽፋን በማድግ የተሰረቁ እቃዎችን ገዝተው በቅናሽ ዋጋ የሚሸጡ ግለሰቦች ህጋዊ መንገድን ተከትለው በሚሰሩ ነጋዴዎች ላይ ከሚያሳድሩት ጫና ባሸገር ለወንጀል መስፋፋት ምክንያት በመሆናቸው ህገወጥ ድርጊታቸውን ለመከላከል በሚሰሩ ስራዎች ህጋዊ ነጋዴዎች ጥቆማ በመስጠት በኩል አስፈላጊውን ትብብር ሊያደርጉ እንደሚገባ ፖሊስ መልእክቱን አስተላልፏል፡፡

ከዚህ ቀደም ላፕቶፕና የዴስክ ቶፕ ኮፒውተር ሞኒተር የጠፋባቸው ግለሰቦች አዲስ ከተማ ክፍለ ከተማ ፖሊስ መምሪያ በመቅረብ ንብረቶቻቸውን መለየት እንደሚችሉ ፖሊስ ተገልጿል፡፡

የሰኔ 10 ቀን 2015 ዓ.ም የሰራ ማስታወቂያ‼️

በክልሉ እየተከናወኑ የሚገኙ የሌማት ትሩፉት ሥራዎች ተስፋ ሰጪ ናችው" -አቶ ሙስጠፌ ሙሐመድ
*******************
(ኢ ፕ ድ)

በሲዳማ ክልል በሀዋሳ ከተማ አስተዳደር በቤተሰብ ደረጃና በማህበራት ተደራጅተው የተሰሩ የሌማት ትሩፋት አብነቶችን ጉብኝት ተካሂዷል።

በጉብኝቱ የመንግስት ዋና ተጠሪ ሚኒስትር አቶ ተስፋዬ በልጅጌ፣ የሶማሌ ክልል ርዕሰ መስተዳድር አቶ ሙስጠፌ ሙሐመድ ፣ የአማራ ክልል ምክትል ርዕሰ መስተዳደር ዶ/ር ጌታቸው ጀንበር እና የሲዳማ ክልል እንስሳት ሀብት ልማት ቢሮ ኃላፊ አቶ ተክሌ ጆንባ ጨምሮ የሀዋሳ ከተማ ከንቲባ ረ/ፕ ፀጋዬ ቱኬ እና ከፍተኛ አመራሮች ተገኝተዋል።

ርዕሰ መስተዳድር አቶ ሙስጠፌ ሙሐመድ እንደገለጹት በክልሉ እየተከናወኑ የሚገኙ የሌማት ትሩፉት ሥራዎች ተስፋ ሰጪ ናቸው በማለት የተጀመሩ ሥራዎችን በማስፋት የቤተሰብ ብልጽግናን ለማረጋገጥ እያደረጋችሁ ያላችሁት እጅግ አበረታች ነው በማለት ተናግረዋል ።

በጉብኝቱም ወቅት በቤተሰብ ደረጃ እየተከናወኑ የሚገኙ የሌማት ትሩፋት አብነቶች በዶሮ ፣ በወተት ላሞች እና ሱፐር ኦቫ አግሮ ቴክ የተጎበኙ ሲሆን በከተማዋ በልዩ ትኩረት ተሰጥቶ እየተሠራ እንደሚገኝ የተገለጸ ሲሆን የክልሉ መንግሥት የቤተሰብ ብልጽግና ለማረጋገጥ እየተሠሩ የሚገኙ ሥራዎችን መመልከታቸው አስደሳች መሆኑን ከሲዳማ ክልል የብልፅግና ፓርቲ ቅ/ጽ/ቤት ያገኘነው መረጃ ያመለክታል።