በቤኒሻንጉል ጉሙዝ ክልል ባለፉት አስራ አንድ ወራት ከሶስት ነጥብ ሁለት ቢሊዮን ብር በላይ ገቢ ተሰበሰበ
****************
(ኢ.ፕ.ድ)

ባለፉት አስራ አንድ ወራት ከ ሶስት ነጥብ ሁለት ቢሊዮን ብር በላይ ገቢ መሰብሰቡን የቤኒሻንጉል ጉሙዝ ክልል ገቢዎች ባለስልጣን አስታወቀ።

የቤኒሻንጉል ጉሙዝ ክልል ገቢዎች ባለስልጣን በ2015 በጀት ዓመት አስራ አንድ ወራት ሁለት ነጥብ ሁለት ቢሊዮን ብር ገቢ ለመሰበሰብ አቅዶ ባከናወናቸው ስራዎች ከሶስት ነጥብ ሁለት ቢሊዮን ብር በላይ መሰብሰቡን የባለስልጣኑ ዋና ዳይሬክተር አቶ መለሰ ኪዊ ገልፀዋል።

ባለስልጣን መ/ቤቱ ከቀጥተኛ ታክስ ሁለት ነጥብ ሁለት ቢሊዮን፣ ቀጥተኛ ካልሆኑ የታክስ አይነቶች 726 ሚሊዮን፣ ታክስ ካልሆኑ 161 ሚሊዮን እንዲሁም ከማዘጋጃ ቤታዊ ገቢ 170 ሚሊዮን ብር ገቢ መሰብሰቡንም አቶ መለሰ አስታውቀዋል።

የተሰበሰበው ገቢ ካለፈው ዓመት ተመሳሳይ ወቅት ጋር ሲነጻጸር በ942 ሚሊዮን ብር ብልጫ እንዳለውም ዋና ዳይሬክተሩ ተናግረዋል።

ለተመዘገበው የአፈጻጸም መሻሻል አስተዋጽዖ ያበረከቱ በየደረጃው የሚገኙ ግብር ከፋዮችን እንድሁም ግብር ሰብሳቢ ተቋማትና ባለሙያዎችን ዋና ዳይሬክተሩ አቶ መለሰ ኪዊ አመስግነዋል።

በቀጣዩ የ2016 በጀት ዓመት የተሻለ ገቢ ለመሰበሰብ ከወዲሁ የቅድመ ዝግጅት ስራዎች እየተሰሩ መሆኑን የጠቆሙት ዋና ዳይሬክተሩ፣ ያለደረሰኝ የሚከናወኑ ክፍያዎችንና በዘርፉ የሚስተዋሉ ብልሹ አሰራሮችን ለማስወገድ ባለስጣን መ/ቤቱ ትኩረት ሰጥቶ ይሰራል ብለዋል።

የግብር አሰባሰብ ሂደቱን ዘመናዊ ለማድረግ ቴሌብርን እና ሌሎች የዲጅታል አገልግሎቶችን ለማስፋፋት እንሰራለን ሲሉ ዋና ዳይሬክተሩ ማስታወቃቸውን ኢቢሲ ዘግቧል።

አምባሳደር ምስጋኑ አርጋ ከ ዩኒዶ ተወካይ ጋር ተወያዩ
***************
(ኢ.ፕ.ድ)

የውጭ ጉዳይ ሚኒስትር ዴኤታ አምባሳደር ምስጋኑ አርጋ በዛሬው ዕለት ከተባበሩት መንግስታት የኢንዱስትሪ ልማት ድርጅት(ዩኒዶ) ተወካይ ኦሬሊያ ካላብሮን ጋር ተወያይተዋል፡፡

የሁለቱ ወገኖች ውይይት በኢትዮጵያ እና በተባበሩት መንግስታት ድርጅት የኢንዱስትሪ ልማት ድርጅት (ዩኒዶ) መካከል ያለውን አጋርነት ለማጠናከር በሚቻልበት ሁኔታ ላይ መሆኑ ታውቋል።

አምባሳደር ምስጋኑ በዚህ ወቅት ፥ ኢትዮጵያ ከዩኒዶ ጋር በአግሮ ፕሮሰሲንግ ኢንዱስትሪዎች፣ በጨርቃ ጨርቅ፣ በቆዳና ቆዳ ውጤቶችና በፋርማሲዩቲካል ምርቶች ላይ አጋርነቷን ለማሳደግ ዝግጁ መሆኗን አረጋግጠዋል።

ተወካይ ኃላፊዋ ኦሬሊያ ካላብሮን በበኩላቸው÷ የኢትዮጵያ መንግስት እየወሰደ ያለውን የማሻሻያ እርምጃዎች አድንቀዋል፡፡

በተጨማሪም የተባበሩት መንግስታት ድርጅት ኢንዱስትሪ ልማት ድርጅት በኢትዮጵያ ለማከናወን ስላቀዳቸው ተግባራት ተወያይተዋል።

ጠቅላይ ሚኒስትር ዐቢይ አሕመድ በሀገር አቀፍ የጤና ዐውደ ርእይ መክፈቻ ላይ ያደረጉት ንግግር።

በዘንድሮው ክረምት ሁለት ሚሊዮን በጎ ፍቃደኞች ይሳተፋሉ
*************
(ኢ.ፕ.ድ)

በአዲስ አበባ ከተማ ለአምስት ወራት በሚቆየው በዘንድሮው የክረምት በጎ ፍቃድ አገልግሎት መርሀ ግብር ሁለት ሚሊዮን በጎ ፍቃደኞች እንደሚሳተፉና በዚህም ከመንግሥት ወጪ ይደረግ የነበረ ሶስት ነጥብ አምስት ቢሊዮን ብር እንደሚድን በአዲስ አበባ ከተማ አስተዳደር የህብረተሰብ ተሳትፎና በጎ አደራጎት ማስተባበሪያ ኮሚሽን አስታወቀ።

በአዲስ አበባ ከተማ አስተዳደር የህብረተሰብ ተሳትፎና በጎ አደራጎት ማስተባበሪያ ኮሚሽን የበጎ ፍቃድ ...

ሙሉውን ለማንበብ ሊንኩን ይጫኑ

https://press.et/?p=103055