ከ11 ሚሊየን ብር በላይ የሚገመቱ የተለያዩ የኮንትሮባንድ ዕቃዎች ተያዙ
*****************
(ኢ.ፕ.ድ)
ከ11 ሚሊየን ብር በላይ የሚገመቱ የተለያዩ የኮንትሮባንድ ዕቃዎች ከእነተሽከርካሪዎቹ መያዛቸውን የኢትዮጵያ ፌደራል ፖሊስ ገለፀ።
የተለያዩ አልባሳት ቦንዳ፣ ሺሻ ማስጨሻ ዕቃዎች፣ የተለያዩ ዓይነት ሲጋራዎች እና ህገ-ወጥ መድሀኒቶችን የጫኑ ተሽከርካሪዎች መነሻቸውን ከጂቡቲ አድርገው አዲስ አበባ ከተማ ሊገቡ ሲሉ የኢትዮጵያ ፌዴራል ፖሊስ ወንጀል ምርመራ ጠቅላይ መምሪያ እና የብሄራዊ መረጃና ደህንነት አገልግሎት ከኅብረተሰቡ የደረሳቸውን ጥቆማ መሠረት በማድረግ ኃይሌ ጋርመንት አካባቢ በጋራ ባደረጉት ጠንካራ ፍተሻ የኮንትሮባንድ ዕቃዎቹ ከነ-ተሽከርካሪዎቹ መያዛቸው ታውቋል።
በወንጀሉ የተሳተፋ ሁለት ተጠርጣሪዎችም በቁጥጥር ሥር ውለው ምርመራ እየተጣራ እንደሆነ ተገልጿል።
የተያዙት የኮንትሮባንድ ዕቃዎች ለኢ.ፌ.ዲ.ሪ ጉምሩክ ኮሚሽን በደረሰኝ ገቢ መደረጋቸው ተጠቅሷል።
የፀጥታ ተቋማቱ በኮንትሮባንድ ላይ እያደረጉ ያሉትን የተቀናጀ ኦፕሬሽንና ክትትል አጠናክረው መቀጠላቸውን እየገለጹ ኅብረተሰቡ እስከአሁን ላደረገው ትብብር ምስጋና አቅርበው የኮንትሮባንድ እንቅስቃሴን ለመግታት በሚደረገው ጥረት ውስጥ እያደረገ ያለውን ተሳትፎ የበለጠ አጠናክሮ እንዲቀጥል ጥሪ አቅርበዋል።

የጠቅላይ ሚኒስትር ዐቢይ አሕመድ መልዕክት‼️

ሀገር አቀፍ የጤና ዐውደ ርእይ" ዛሬ በሳይንስ ሙዚየም አስጀምረናል። በዐውደ ርእዩ የመንግሥት እና የግል ተቋማት ፣ በጤና ቴክኖሎጂ ዘርፍ የተሠማሩ ድርጅቶች እንዲሁም የምርምር ተቋማት ይሳተፋሉ።

"በመንገዱ መጓተት ምክንያት ለእንግልት ተዳርገናል”
የጎንደር አዘዞ ነዋሪዎች

"ግንባታው የዘገየው በኮንትራክተሩ የአፈጻጸም ማነስ ነው”
የኢትዮጵያ መንገዶች አስተዳደር
*****************
(ኢ.ፕ.ድ)

በጎንደር አዘዞ መንገድ ሥራ መጓተት ምክንያት ተጉላልተናል ሲሉ የአዘዞ ከተማ ነዋሪዎች ገለጹ። የኢትዮጵያ መንገዶች አስተዳደር የጎንደር ኮንስትራክሽን ፕሮጀክቶች ማኔጅመንት ፅህፈት ቤት በበኩሉ መንገዱን የሚሰራው ኮንትራክተር የአፈፃፀም ማነስ ነው ብሏል።

የጎንደር አዘዞ ነዋሪው ሙሉቀን አካልነህ ለኢትዮጵያ ፕሬስ ድርጅት እንደገለጹት፤ መንገዱ ለዓመታት ....

ሙሉውን ለማንበብ ሊንኩን ይጫኑ

https://press.et/?p=103048

(ፎቶ ፋይል)

የከንቲባ አዳነች አቤቤ መልዕክት‼️

ሕጻናት- የነገ ተስፋ ለአዲስ አበባ!

የሀገራችንን ሁለንተናዊ ለውጥ በዘላቂነት ለማረጋገጥ ጉልህ ሚና የሚኖረው የቀዳማይ ልጅነት ልማት ፕሮግራም የቅድመ ዝግጅት ስራዎችን አጠናቅቀን ትግበራውን ወደ ላቀ ደረጃ ለማሸጋገር የሚያስችል የአንድ ሳምንት ከተማ አቀፍ ንቅናቄ በዛሬው ዕለት አስጀምረናል።

ከፅንስ ጀምሮ እስከ ስድስት ዓመት የዕድሜ ክልል ባሉ ጨቅላ ሕፃናት ላይ ትኩረት አድርጎ በሚሰራው በዚህ የቀዳማይ ልጅነት ልማት ፕሮግራም እንደ ሀገር በትውልድ መካካል ያጋጠመንን ስብራት ክምንጩ ለመፈወስ በዚህ የዕድሜ ክልል ላይ አበክረን መስራት እንዳለብን ተረድተናል።

ለዚህም እንዲያመች በዛሬው ዕለት የቅድመ አንደኛ ደረጃ ትምህርታችንን ለማሸጋገር የሚያስችል በጥናት እና ምርምር ላይ የተደገፈ ስራ ለመስራት ከአንጋፋው አዲስ አበባ ዩኒቨርስቲ ጋር በጋራ መስራት የሚያስችለንን የመግባቢያ ስምምነት ተፈራርመናል።

የቀዳማይ ልጅነት ልማት እና እንክብካቤ የሚካሄድበት የዕድሜ ክልል ብዙም ትኩረት ያልተሰጠው፣ ነገር ግን በሰው ልጅ ሕይወት ወሳኙ የሁለንተናዊ ዕድገት መሠረት የሚጣልበት የዕድሜ ክልል በመሆኑ እንደ ከተማ አስተዳደር ለዚህ ዘርፍ ልዩ ትኩረት ሰጥተን “ሕጻናት - የነገ የአዲስ አበባ ተስፋ’’ የሚል ፕሮግራም ቀርጸን ወደ ትግበራ ገብተናል።

ነጋችንን ዛሬ ላይ እንሰራለን!
አዲስ አበባን ሕጻናት ለማሳደግ ምርጥ የአፍሪካ ከተማ ለማድረግ ራዕይ ሰንቀናል!