በከተማዋ ከ150 ሺ በላይ ተማሪዎች ለስድስተኛ እና ለስምንተኛ ክፍል ፈተና ተመዝግበዋል
***********
(ኢ.ፕ.ድ)

በአዲስ አበባ ከተማ ከ150 ሺ በላይ ተማሪዎች የስድስተኛ እና ስምንተኛ ክፍል ፈተና ለመውሰድ ምዝገባ ማካሄዳቸውን የከተማው ትምህርት ቢሮ አስታወቀ፡፡

የአዲስ አበባ ትምህርት ቢሮ የፈተና ዝግጅት ዳይሬክተር አቶ ዲናኦል ጫላ ለኢትዮጽያ ፕሬስ ድርጅት እንደገለጹት፤ በ2015 የትምህርት ዘመን ከተማ አቀፍ የ8ተኛ ክፍል ....

ሙሉውን ለማንበብ ሊንኩን ይጫኑ
https://press.et/?p=103932

(ፎቶ ፋይል)

በአዲስ አበባ በተወሰኑ አካባቢዎች በኤሌክትሪክ መቆራረጥ መቸገራቸውን ነዋሪዎች ገለጹ
************
(ኢ.ፕ.ድ)

👉 አገልግሎቱ ችግሩን ለመቅረፍ ያረጁ የመብራት ምሶሶዎችን በኮንክሪት እየለወጠ መሆኑን አስታውቋል

በአዲስ አበባ ከተማ የተወሰኑ አካባቢ ነዋሪዎች በኤሌክትሪክ መቆራረጥ ምክንያት ለችግር ተዳርገናል ሲሉ ቅሬታ አቀረቡ።

የአዲስ አበባ ከተማ ኤሌክትሪክ አገልግሎት በበኩሉ መቆራረጡ የተፈጠረው የመካከለኛ ኃይል ተሸካሚ ....
ሙሉውን ለማንበብ ሊንኩን ይጫኑ

https://press.et/?p=103936

በዋና ዋና ሃገራዊ ጉዳዮች ላይ መግባባትን ለመፍጠር የሚዲያ እና ኮሙኒኬሽን ሥራዎች የተናበቡ ሊሆኑ ይገባል ተባለ
*****
(ኢ.ፕ.ድ)

የኢትዮጵያን ኢኮኖሚ በአስተማማኝ መሰረት ላይ ለመገንባትና በዋና ዋና ሃገራዊ ጉዳዮች ላይ መግባባትን ለመፍጠር የሚዲያ እና ኮሙኒኬሽን ሥራዎች የተናበቡ ሊሆኑ እንደሚገባ የመንግስት ኮሙኒኬሽን ሚኒስትር ዲኤታ ተናገሩ፡፡

ሚኒስትር ዲኤታው አቶ ከበደ ደሲሳ ለሁለት ቀናት በአዳማ ሲካሄድ የነበረው የፌዴራል እና የክልል ሚዲያና ኮሙኒኬሽን ዓመታዊ የጋራ መድረክ ማጠቃለያ ላይ እንደተናሩት የሚዲያ እና የኮሙኒኬሽን ሥራዎች ከመቼውም ጊዜ በላይ በቅንጅት፣ በመናነብና በመደማመጥ ሙያዊ ስነ ምግባርን በጠበቀ መልኩ ሊሰሩ ይገባል፡፡

የመንግስት ኮሙኒኬሸን አገልግሎት በፌዴራልና በክልል ያሉ የኮሙኒኬሽን ተቋማት አደረጃጀቶችና የአሰራር ችግሮችን ለመቅረፍ ከሚመለከታቸው አካላት ጋር ተቀራርቦ እንደሚሰራ የተገሩት ሚኒስትር ዲኤታው፤ ባለሙያውም የመዋቅርና አሰራር ጉድለቶች እንኳን ቢኖሩ ለሕብረተሰቡ ተገቢውን መረጃ በመስጠት ሃገራዊ ኃላፊነቱን በአግባቡ ሊወጣ እንደሚገባ አንስተዋል፡፡

በቀጣይ ሊከናወኑ በሚገባቸው ጉዳዮች ላይ ትኩረት አድርገው የተናገሩት የአገልግሎቱ ሚኒስትር ዲኤታ ሰላማዊት ካሳ በበኩላቸው በቀጣይ ሁሉም የፌዴራል እና የክልል ኮሙኒኬሽን መዋቅሮች በሁነት ካላንደር ሥራዎቻቸውን ሊመሩ እንደሚገባ አሳስበዋል፡፡

የኮሙኒኬሽን መዋቅሮች ስትራቴጂክ እቅድ ከፌዴራል እቅድ እና ከሃገሪቱ የአስር ዓመት እቅድ ጋር መናበብ እንዳለበት ሚኒስትር ዴኤታዋ አንስተው የፌዴራል ተቋማት ከተጠሪ ተቋማት፣ ከክልሎች፣ ከዞንና ወረዳዎች ጋር የተናበበ እቅድ እና የሪፖርት ስርአት ሊኖራቸው ይገባልም ብለዋል፡፡

በክልሎች እንዲሁም በፌዴራል ተቋማት መካከል የልምድ ልውውጦች እንደሚኖሩ ሚኒስትር ዲኤታዋ ጠቅሰው የኮሙኒኬሽን አመራጮች በርካታ በመሆናቸው ሁሉንም አማራጮች በመጠቀም በተለይም ተቋማዊ የኮሙኒኬሽን ተግባቦትን ማጠናከር ይገባል ብለዋል፡፡

ሁለተኛው ሃገር በቀል የኢኮኖሚ ማሻሻያ እቅድ ትግበራ በሚዲያ እና ኮሙኒኬሽን ሥራ ሊታገዝ እንዲገባም በመድረኩ ተነስቷል፡፡

ለሁለት ቀናት የተካሄደው የጋራ ጉባኤ የአገልግሎቱን የ2015 ዓ.ም የሥራ አፈጻጸም ሪፖርት እንዲሁም የፌዴራል እና የክልል የመንግስት ኮሙኒኬሽን ሥራዎች በምን ደረጃ ላይ እንዳሉ በመገምገምና ቀጣይ አቅጣጫን በማስቀመጥ ተጠናቋል፡፡

"የትምህርት ቤቶችን ደረጃ ለማሻሻል የሚደረገው ንቅናቄ ተወዳዳሪ አገር የመገንባት ሂደት በመሆኑ ሁሉም ዜጋ ሊሳተፍ ይገባል"
-ጠቅላይ ሚኒስትር ዶክተር ዐቢይ አሕመድ
**
(ኢ.ፕ.ድ)

የትምህርት ቤቶችን ደረጃ ለማሻሻል የሚደረገው ንቅናቄ ተወዳዳሪ አገር የመገንባት ሂደት በመሆኑ ሁሉም ዜጋ ሊሳተፍ ይገባል ሲሉ ጠቅላይ ሚኒስትር ዶክተር ዐቢይ አሕመድ ተናገሩ።

ጠቅላይ ሚኒስትሩ አገር አቀፉን የትምህርት ቤቶች ማሻሻያ ንቅናቄ መርሃ-ግብር በዛሬው እለት በይፋ አስጀምረዋል።

በመርሃ ግብሩ ማስጀመሪያ ላይ ባደረጉት ንግግርም የትምህርት ቤቶችን ደረጃ ለማሻሻል የሚደረገው ንቅናቄ በዋነኝነት ህብረተሰቡንና የቀድሞ ተማሪዎችን የሚያሳትፍ መሆኑን ገልጸዋል።

የትምህርት ቤቶችን ደረጃ ለማሻሻል የሚደረገው ንቅናቄ ተወዳዳሪ አገር የመገንባት ሂደት በመሆኑ የዜጎችን ጠንካራ ትብብርና ተሳትፎ የሚጠይቅ ነው ብለዋል።

በንቅናቄው በመላ ኢትዮጵያ ያሉ ከ50 ሺህ በላይ ትምህርት ቤቶችን ደረጃ ለማሻሻል የሚሰራ መሆኑን የትምህርት ሚኒስቴር መግለጹ ይታወቃል፡፡

እንደ ኢዜአ ዘገባ፤ በዛሬው እለትም ንቅናቄውን ጠቅላይ ሚኒስትር ዶክተር ዐቢይ አሕመድ በይፋ አስጀምረዋል፡፡

በንቅናቄው የኀብረተሰቡን ዕውቀት፣ ሀብትና ጉልበት በማሰባሰብ ትምህርት ቤቶችን ደረጃቸውን የጠበቁ ለማድረግ የሚሰራ ይሆናል።
ሰኔ 25 ቀን 2015 ዓ.ም